Hot.com (已結業)

次次經過呢到都想食 但都冇食到 次次行過呢到都飽😅 呢到成條街都係野食 好吸引😍😍 今次終於有機會比我食到啦。我單叫左薯條 佢地可揀兩種汁既 選擇都多👍🏻👍🏻可以比你mix and match 。我就揀左車打芝士同黑椒肉醬。啲醬夠多 唔會食到最後唔夠醬😋 薯條方面係外脆內林既 同埋係粗薯黎 本身好鐘意😋😋 另外見佢有賣章魚燒 比岀面口味多 見佢有咖哩味果啲 好似幾特別🤔下次要試下

年三十晚同親戚食完團年飯唔夠飽，即落旺角再食宵夜。去左登打士街一帶掃下街，行行下見到呢間好似幾多人排，就去左買黎試下。$35 脆薯配炸燒賣，揀左蜜糖芥末同韓式蛋黃醬，薯條新鮮炸幾脆，但份量少左啲。不過佢餐牌仲有其他配搭同小丸子，下次可以試下。

年三十晚，打算食完個晚飯去行花墟，點知個晚餐食得太少，頂唔順要食個宵夜醫醫肚。行去登打士街睇下有咩舖頭未收，見到有薯條食，唔理佢熱唔熱氣肥唔肥，立即狗衝！嗌咗個炸薯條拼炸燒賣，可以揀兩款醬，我揀咗蜜糖芥末同韓式蛋黃醬。等咗唔洗5分鐘就有得食啦，薯條熱辣辣，外層脆卜卜入面嘅薯蓉軟綿綿，唔油膩。蜜糖芥末醬偏甜，芥末味較少，唔會攻鼻，對我依個芥末控嚟講係唔夠濃，而且甜咗少少。而蛋黃醬係溝咗啲韓式辣醬係入面，係好輕微嘅辣度，我覺得同薯條幾夾。炸燒賣正正常常，外脆內軟，單食較好我覺得同醬汁一齊食唔太夾。好鍾意食依到嘅薯條，唔單止好味，仲可以配搭好多唔同小食，有芝士條、花枝丸、薯角等等，款式好多。行過旺角口痕可以買嚟食下。

好耐無響旺角掃街，帶住兩個小朋友好難掃街。今日同阿仔去柏裕學野，阿仔遠遠望到個芒果冰招牌就嗌要食。要佢食完正餐晚飯先去食。嘩！好多芒果，又多汁，成兜冰黃色架好好味，抵食！其實去旺角食冰最怕小朋友肚痛，好彩無事，衞生應該ok。食緊個芒果冰時見到個蝦片好吸引。無諗過咁大塊，即叫即烘，熱辣辣，卜卜脆，仲有兩隻蝦添！兩個仔見到咁大塊🦐片搶住食，搶食一輪先影到相。呢啲脆片應該食完好口乾，但食完成個鐘都ok wor, 可能食左芒果冰。下次要試埋燒魷魚先得！章魚燒粉多就梗架啦，不過都有料的。個蟹籽醬勁多蟹籽好好味，阿仔食到LAM LAM 脷。因為食左飯，啲仔話下次要食埋薯條

琴日突然間好想食垃圾 所以返工前就去咗旺角揾食呢間鋪頭好似喺旺角開咗好耐 不過我都係琴日先第一次去食佢哋主要都係賣薯條 仲有章魚燒銅雪糕首先有好多唔同薯條配搭比你揀 或者淨嗌同加嗌小食都得 之後再揀醬汁淋上去我比較保守咁揀咗類似fish and chips（ 其實真係薯條同魚😂）嘅東東啲醬汁有勁多選擇 好多都好吸引我有選擇困難 所以叫佢幫我揀埋醬😂😂有個唔好處就係拎上手覺得好熱 好有新鮮炸出嚟嘅感覺$38 咁嘅價錢嚟講都算好足料 熱辣辣嘅薯條同薯條之間好少空心 仲有成三四嚿魚柳d醬唔會話去到爆灑出來但都唔少 足夠每條粗薯條點到汁 呢個應該係肉醬來 再加埋車打芝士夠曬rich總結嚟講 好味

其實我真係好鐘意掃街，不過唔知點解d野好似越黎越難食，定我要求高左?呢間小食店需然唔係特別出眾，不過勝在穩定，薯條外邊脆裏面軟，有薯仔味，我通常會食炸魚，有小小腥味，不過得魚我係喜歡吃，所以用汁蓋住，唔多覺，有好多汁揀，我一般會揀芝士，因為其他味我都唔鐘意，不過呢間鋪主打重有小丸子，我唔建議大家買，因為一唔𠱓，二非常多粉，完全食唔到裹面既野，正係食到外面的汁同好大舊粉，其他食物例如熱狗都係正常，如果唔夠飽可以試下既，不過唔會係要食第二次的

喺日本見就見得多咁嘅食物造型招牌，估唔到依家旺角都有喎 🤗 咁肯定要黎打下卡啦。聽個fd試過章魚燒話麻麻哋，所以好明智揀咗薯條 😎 點解薯條都可以咁多款搭配㗎？點解個醬又咁多款㗎？好難揀lor ... - 脆皮薯條脆雞寶（$32）鍾意粗粗哋嘅薯條，脆卜卜熱辣辣，蘸埋啲芝士醬食，正！雞寶其實就係炸雞粒，開頭以為係雞中寶，炸到好脆，不過好似唔咪嚿嚿都係雞粒，有幾嚿 唔知咩黎嘅，好似海鮮卷啲餡咁，淋pat pat咁，呃人嘅。

有好久好久沒有掃街了哈哈。來到這條掃街街依舊人山人海，不過食店已經不同以往，沒有多少家能屹立至今，其中hot.com也算是較長壽的一家。這兒賣醬汁薯條出名，現在也跟著熱潮賣熱狗，還有一邊是賣章魚燒。看店員不停反轉大大粒的章魚燒，也真的吸引我買了一份，醬汁就選了鮮茄肉醬。$28/6大粒還真的很便宜，性價比高。原來較粉的章魚燒，加上大量海鮮味濃的木魚碎，沒跟鮮茄肉醬很搭，可能配本來黑色的章魚燒醬更配。而且鮮茄肉醬比較稠身，所以丸子沒能蘸上足夠的醬，這令較粉的丸子顯得有點乾。丸子雖大粒，有手指公和食指圈起來的大小，但只有尾指一節長短的章魚腳，所以基本上全都是粉漿。不過幸好外皮有稍稍燒香得微啡，內裡也算林和鬆軟，所以不會太膩。我想下次如要點章魚燒，會選蟹籽之類較鮮味的配搭，或是點熱狗和薯條之類較不會錯的味道哈哈。

年三十要去食團年飯會經過旺角轉車就諗住去買下野食太多野食都唔知食咩好...最後就揀左好耐無食既薯條以前係旺角補習既時候成日都去買黎食好有以前既感覺去到見到好多人......同埋佢出左好多新野例如炸芝士條、炸雞塊、花枝丸、章魚燒等等(可能其實一啲都唔新，只係我有幾年無去)我就淨係叫左個薯條輕輕醫肚而醬汁方面可以揀2款我就淨係揀左香濃車打芝士排完一輪隊同等左一陣個薯條就到手好熱好香芝士味不過食落個薯條炸得硬左少少同埋個汁食落其實無乜芝士味不過佢就算凍左食都幾好食唔會好難食加上佢都幾多芝士汁唔洗慳住點啲汁

小人從來都是章魚燒迷，不論身在日本或是香港，看見總忍不住會買來吃。蟹籽章魚燒不要想著皮脆內軟；現實是丸子由內至外腍得糊口，章魚極細粒，還加上沙律醬，糊上加糊，有蟹籽亦無補於事。一客6顆，小人吃了一顆之後，其餘的只吃了中間的章魚，粉糊通通放棄。切記以後莫再如此衝動……

近期小丸子勁多人鐘意食，仲越開越多款式以前係hot.com都係食開炸薯條個d，見佢依家出左小丸子所以一試，我揀左蟹子味，唔洗等好耐就有得食啦。d蟹子同醬都幾足，我本身鐘意食比較軟既小丸子，所以會幾鐘意呢間。但我同行既朋友就覺得佢太軟身，冇外脆內軟，唔太鐘意。不話蟹子係令成個小太子有加分既

好日都唔寫食評, 而且都唔想比所有食肆都賺下錢...但真係好難食, 叫左個章魚燒(小丸子), 入面粉漿勁糊又有陣唔知咩味仲有啲八爪魚粒又得尾指甲咁大, 我知生意難做但都唔係咁做生意,完全係對食物唔專重

以前食過幾好味，今日行過就諗住買黎過吓口癮。結果$28蚊買咗十幾條薯條，同佢講佢仲串串貢話係計重量兜兜都一樣，明眀見住佢是是但但咁裝薯條下次唔會再買，當比人搵咗次笨！

這店已開了很多年在旺角區，看見店主不斷改善，加設了不同款式，有炸薯條有小丸子有飲品有Yogurt等等。今日路過突然停下來，看見鋪面有一個立體薯條和魷魚公仔在頂上面非常吸引我，令我想起在日本大板一樣。想一讚的是他們有不同款式的炸薯條和配料，令我眼花撩亂，最後我選擇了一款蜜糖芝士炸薯條和炸魷魚圈，味道配搭合適，讚！👍🏻

記得”愛爾蘭瘋薯"曾經風靡一時那時候在旺角總是要等上十幾分鐘小妹最愛便是她的招牌芝士，薯條加芝士無得彈但好可惜人總是貪新忘舊的熱潮一過之後好多店就挨不住了瘋薯也不例外經過旺角薯條癮起見到哩間小食店有賣薯條一於就試下啦可以選擇兩個醬汁小妹選左芝士同埋蜂蜜芥末薯條量唔算好多,但勝在熱辣辣蜂蜜芥末味道不錯甜中帶辣芝士亦不算太多但是百分百真芝士薯條是略嫌有啲鹹總括而言，薯條癮發作時還是可以頂一頂癮