Hot Pot 熱‧海鮮火鍋私房菜 (已結業)

入到門口就已經有靚靚打卡位，仲有得打機….同埋有間K房，一邊唱K一邊打邊爐都幾爽🤣環境都舒適，唔會好迫，每個卡位都好靚💖另外都想提啲有serve我哋嘅侍應都好Nice☺️最抵食就梗係二人餐！唔係固定嘅食物，有得俾你揀，唔夠食，仲可以加配。佢有488同788嘅二人餐，我哋就揀咗$488。打得邊爐，當然係多蒜加蔥加芫荽🤭套餐包飲品，所以就揀咗兩杯沙冰（益力多同芒果）上得好快，又真係估唔到佢杯沙冰大冰到走都未飲得晒😂推薦芒果沙冰！並唔係好假好甜嗰隻芒果味，好飲！蕃茄薯仔湯底都幾濃郁，酸酸甜甜幾開胃！套餐嘅食物，我哋就自選咗：手切安格斯牛小排、炸魚皮、薯粉、兩款丸同餃類、蔬菜拼盤、另外加配咗兩隻蟶子。原本都諗住可能再加其他嘢食，但原來最尾都夠兩個人飽住走🤣安格斯牛小排高質睇圖都望到有幾高質，肉質嫩滑，濃郁嘅牛味🥹有水準。另外都不得不提個蟶子，真係超大隻！長過隻湯匙，將圖只係show到半隻🥹真係超級鮮甜極滿足！真係要加配！！！

日前喺佐敦新寶廣場五樓呢間「Hot Pot熱」打邊爐，整體用餐體驗好好，值得推薦。餐廳喺地鐵站A出口旁邊，非常方便。裝修喺火鍋店黎講算係頗有特色，加上佔地面積大，所以坐得好舒服。呢度咁啱有個$488二人火鍋餐，咁抵食就一於試下！湯底選擇頗多，我選左店員推薦嘅「沙爹豬骨濃湯鍋」，平時單點都要$208！果然好濃好香，仲有啲菇喺湯底，正！作為牛魔王，梗係要食牛啦。除左套餐可以選嘅牛小排之外，我地再加$99要埋新鮮牛肉。兩款牛都賣相一流，肉味十足，配合埋沙爹湯底真係好正！丸類我選擇食手打蝦丸同墨魚丸，食落去就知道真係手打，口感同味道都好好！蔬菜拼盤好新鮮，特別一讚係擺得幾精緻！飲品包左兩杯，我同朋友都叫左沙冰，調味唔錯，最啱消暑呀！

食得太多任食火鍋，朋友話想試下啲精緻火鍋，作為老友梗係要陪佢去啦！佐敦反工既佢，叫我去啲間係佐敦地鐵站一出附近就係既火鍋店！真係好易搵，好方便！2個人可以坐卡座，位置舒服如果人多，都有大枱，仲有VIP房仲可以有電視睇，岩曬我😂😂而且環境唔嘈，同朋友傾計一流！睇左餐牌，我地選擇左🔆2人火鍋套餐揀左皮蛋芫茜湯底、手切安格斯牛小排、手打蝦丸+鮮蝦水餃、烏冬、蔬菜拼盤益力多沙冰 + 提子沙冰先黎調味料，選擇都不少雖然2人餐份量都唔小，但都想再追加🔆新鮮牛肉🔆原條沙巴䠢（細）全部食材都真係好新鮮！牛肉質素高，有牛味又新鮮！條魚全條超肉切片，啖啖肉，好正！ 仲有個蔬菜拼盆，好多份量！好健康👍🏻👍🏻2杯沙冰超大杯飲足成晚都未飲曬，傾極計都仲有得飲，岩曬我地！

超有人情味既餐廳 叫左熱鍋 2 人火鍋套餐首先,湯底是番茄薯仔鍋,味道酸甜適中,非常開胃。搭配的食材也很豐富,有手切安格斯牛小排、炸響鈴、手打蝦丸、烏冬以及新鮮蔬菜拼盤等，已經可以食到好滿足。牛小排質地鮮嫩,入口即化,搭配鍋中的蔬菜非常適合。炸響鈴酥脆可口,蝦丸彈牙鮮甜,烏冬Q彈有嚼勁,令人胃口大開。另外,追加的新鮮牛肉和三文魚刺身也非常值得一試。牛肉超入味,三文魚刺身鮮嫩，可謂是前菜佳選。仲叫左杯芒果沙杯飲落清爽可口！超級爽爆。總的來說,這是一道物超所值的火鍋套餐,不論是食材的新鮮程度、款式的多樣性,還是份量的充足程度,都堪稱一流。仲好有人情味 職員會同你傾下計，如果你喜歡火鍋,不妨來試試這個套餐,我相信你一定會流連忘返。

第一次評論俾到呢間火鍋🍲店，原來裡面仲有包房可以唱歌🎤⋯值得推薦。價格非常友好，兩人餐400幾，再加其他，埋單800幾。重點食材新鮮，高性價比🏅，龍蝦🦞鍋好味😋，墨丸蝦丸唔係凍品熟食個啲，新鮮手工做嘅，非常好😌，套餐裡面嘅免費飲品，芒果沙冰🍧好大一杯，好味😋⋯

見到呢間樓上私房菜嘅二人火鍋套餐幾抵食，就同朋友嚟試吓🍻餐廳好近佐敦站A出口，行一兩分鐘就到。個裝修有啲宮庭feel，座位闊落；有麻雀檯又有可以唱k嘅vip房，一大班人嚟開party都幾開心。叫咗個$488二人火鍋套餐，套餐本身已經包曬打邊爐必點嘅牛肉、丸餃、蔬菜、粉麵同飲品等，嗜牛嘅我哋再另外追加咗一份$99新鮮牛肉😏揀咗沙嗲豬骨湯底，先夾咗啲湯底本身有嘅菇菇嚟食吓，沙嗲香濃惹味，唔使點醬油都好夠味。🥢手切安格斯牛小排睇啲雪花都知靚，切得都算厚，入口油脂豐富，肉質軟腍，推薦😍🥢新鮮牛肉肥瘦均勻，幾有咬口，而且牛味濃郁，食得出嘅新鮮😋🥢韭菜豬肉餃、手打墨丸、炸響鈴炸響鈴脆口得嚟又索曬啲沙嗲味，正👍🏻韭菜豬肉餃個皮係綠色嘅，又幾得意😆手打墨丸彈牙大粒，有墨魚嘅鮮味。🥢紅薯粉🥢蔬菜拼盤都幾大份，有娃娃菜、冬菇、栗米同車厘茄等。🥢零系可樂、加多寶

同朋友仔約左一齊食麻辣底的火鍋，返工壓力大，系要靠辣野緩解下壓力嘅啦。咁巧有二人火鍋套餐，488包埋鍋底同6樣菜同兩杯野飲，好抵。我哋嗌左個麻辣鍋底，鍋底上得很快，表面鋪滿桂圓，好有藥膳feel。牛小排好新鮮，肉色粉嫩，份量足，切成大大的薄片，滾個10秒就食得，又嫩又香。炸響鈴跟麻辣鍋底是絕配，索滿晒湯汁，又香又辣。墨魚丸同蝦丸都幾新鮮，QQ彈彈，雖然份量每樣只有兩粒，都食得好開心。紅薯粉系個麻辣鍋裡越煮越入味，又軟又滑又辣，當主食食好過癮。蔬菜拼盤種類好多，有生菜娃娃菜香菇油麥菜同皇帝菜，仲有兩粒番茄仔點綴，份量足。除左套餐，我哋加點了黑毛肚和獅頭鵝腸。黑毛肚都幾脆。獅頭鵝腸抵讚，洗得好乾淨，又保留左腸入面的脂肪，滾個半分鐘就可以食，脆口，咬落仲有汁水feel，值得encore。兩杯野飲我哋點左生啤同芒果冰沙。兩杯野飲都同今晚的火鍋好配。總體食物質素同服務都好，值得再來。

火鍋熱私房菜顧名思義除咗打邊爐，仲可以點小菜。今次主要係點左一個火鍋二人餐，餐廳有好多vip房，想包場或者同朋友做生日等等非常適合。二人餐一份安格斯牛小排，牛味幾香濃，烚一烚即起肉質嫩滑，入口即溶，吸收咗蕃茄薯仔湯底嘅味道更加開胃醒神。一餐好味嘅邊爐，選料都相當重要，而火鍋熱嘅食材都唔錯，蝦丸墨丸口感彈牙，蝦丸亦都放入原隻蝦肉更加鮮味更有層次。魚皮脆卜卜炸得好香口，酥化得嚟又唔唔會感覺太油。薯粉都好有嚼勁，尤其是吸收晒成煲湯嘅精華，煙靭爽口。最後，杯芒果沙冰都好抵飲，超大杯多芒肉，夠晒凍甜甜地打邊爐一流。整體而言，火鍋熱私房菜食物好味，環境寬敞闊落，地點都方便，最緊要係抵食，唔使下下返內地消費，近近哋嚟整個二人餐性價比相當高😋

啱啱喺佐敦做完嘢，就見到地下有一間打邊爐舖頭有唔同嘅餐選擇，最後我哋就諗住上去試一試熱鍋二人火鍋套餐。上面嘅裝修都唔錯，有打卡位，而且坐得都好舒服卡位十分之大。等咗唔使10分鐘完成就開始嚟到。湯底要咗胡椒酸菜白肉鍋，當初覺得淡咗少少，但係之後越煲越濃郁，而且加咗湯之後都唔會特別變得淡。酸菜份量都唔少，配白肉不錯。牛肉要了小牛排，油脂剛好，而且牛肉味都幾濃。炸魚皮，我同朋友都覺得好好食，炸得好香脆，而且食落不會有油益味。手打墨丸都幾大牙，水餃冇諗過都幾大隻。烏冬和蔬菜拼盤，烏冬都幾滑身，菜份量十足飲品可以選擇兩杯無酒精，其中一個就要咗益力多沙冰，益力多味好濃郁甜度我覺得都OK所以整杯好解暑，而且打邊爐一齊飲好啱。

.‼️❤️ 記得CLICK我PROFILE關注我呀 ❤️‼️.🥘 G̾r̾e̾a̾t̾ ̾V̾a̾l̾u̾e̾ ̾H̾o̾t̾p̾o̾t̾ ̾S̾e̾t̾ ̾f̾o̾r̾ ̾T̾w̾o̾ ̾ @ 🌟 Hot Pot 熱·海鮮火鍋私房菜 🌟.💁‍♀️ 圖片展示美食為：二人火鍋套餐 HKD 488蒙古羊肉片 HKD 128蜂巢豆腐 HKD 38.😎 不分任何季節都最愛打邊爐，今次就跟朋友仔帶路黎試下呢間火鍋店主打嘅二人火鍋套餐。有卡位，冷氣足，食得舒服。.🥘 今次就揀「喇沙豬骨鍋」，比較少見有喇沙做湯底呢，味道都幾濃郁。.🥩 呢個套餐好方便，唔洗自己諗，基本上一次過滿足所有願望，有齊手切安格斯牛小排、手打蝦丸、手打墨丸、蔬菜拼盤、炸響鈴、QQ粉，仲送嘢飲，好抵食！.🍖 另外再額外加配「蒙古羊肉片」同「蜂巢豆腐」，好滿足。.🌟 呢個超值嘅套餐，用料唔錯，價錢相宜，以後又多個吹水打邊爐嘅選擇。.📍 佐敦佐敦道23號新寶廣場5樓☎️ +(852)8790-6336.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.

Hot Pot 位於佐敦，距離地鐵站之後幾分鐘步行距離，好易揾。呢間樓上火鍋私房菜好大，餐廳大部份都係大枱，空間感十足，仲有水吧區，啱晒一大班朋友過嚟聚會。如果想有啲私隱度，餐廳都有房可以安排。除咗火鍋套餐之外，仲有好多款小菜推介，價錢都係私房菜價錢，水準都幾高。🍽️ 蜜椒薯仔牛柳粒份量都唔少，上枱嗰陣仲有煙出，薯仔炒到好乾身好腍，牛柳粒切成薄粒，好爽口，索唒啲黑椒汁，辣辣地特別入味。🍽️ 麻婆豆腐海參煲升級版嘅麻婆豆腐，豆腐口感順滑，海參彈牙，兩種口感好夾。用濃湯煨到入味嘅紅參，加埋秘制豆辦醬去煲，好入味。Hot Pot 熱‧海鮮火鍋私房菜 📍佐敦佐敦道23號新寶廣場5樓

嗌咗個海鮮火鍋二人套餐，先黎刺身，三文魚，味道鮮甜，新鮮！湯底叫做胡椒老壇酸菜白肉鍋，酸酸地配埋胡椒幾醒胃。海鮮拼盤好搶眼，海鮮味道鮮甜彈牙，好大件，大大隻鮑魚、鮮甜帶子、聖子、大大隻虎蝦、生蠔。手切安格斯牛小排，雪花分布均勻，牛味濃郁。手打蝦丸、手打墨丸，蝦丸、墨魚丸都好Q彈，鮮味！蔬菜拼盤，蔬菜鮮甜，有好多唔同種類嘅蔬菜，有香菇、粟米、蕃茄、油麥菜同菠菜。紅薯粉粗幼適中，唔建議烚太耐，比較Q彈。益力多同提子沙冰，超大杯，飲到最後都飲唔晒。

對香港人而言，無論天氣幾熱都可以打邊爐，「Hot Pot 熱」位於佐敦新寶廣場5樓，地點方便，開得在樓上鋪，吸引的都是熟客，那麼當然是有實力啦！今日和朋友來一試，果然湯底出色，服務殷勤，食材也絕對新鮮。熱鍋2人火鍋套餐$488，超值抵食，足夠2個人食到飽飽。《龍蝦鍋》加$150這湯底有足足一隻龍蝦，性價比高，龍蝦肉質鮮甜美味，自己去街市都買不到咁平又新鮮的龍蝦。湯底非常鮮甜，還有很多粉絲。套餐款式多元化，肉類、菜類、丸類，粉麵都有，還有飲品呢！超大杯的沙冰，夠涼快，配火鍋一熱一凍，爽死了。

之前save落呢間餐廳，一直覺得唔就腳未去，今次去完尖沙咀行過嚟，發現其實好方便，而且好好食！首先，硬件上：環境乾淨（連廁所都乾淨又光猛）、寛闊，枱與枱之間有一定距離。話說我同朋友去完買啲體積大件嘅嘢，好彩呢度有足夠空間！二人枱放大袋都仲好好坐見到仲有幾間私人房軟件上：即係食物方面，我哋兩個女仔食得唔多，叫佢個2人套餐非常之好，無論係份量定種類，啱晒我哋菜都至少四種：油麥菜苗、菠菜、茼蒿、芫荽（因為我哋叫咗個芫荽皮蛋湯底），仲有車厘茄、粟米同冬菇！好健康呢，一邊打一邊飲佢個湯，唔肥，就算落咗牛都只係少少油。QQ粉真係好Q彈，透明滑溜。手打墨丸、鮮蝦水餃🥟都唔錯仲附送無酒精飲品內部裝修充滿香港特色，又有打卡位員工態度都好好，食完坐耐啲都唔會趕我哋走。最鍾意都係個湯底平時打邊爐好少飲湯嘅我都飲咗碗食完呢度，又開發我嘅飲食地圖：原來唔只油尖旺多好嘢食，佐敦都有！

今天去了佐敦一間火鍋店叫Hot Pot 熱海鮮火鍋，環境寬敞，燈光昏暗，設有卡位😃我地揀選2人火鍋套餐🥘 $488芫莤皮蛋鍋🥘芫荽皮蛋鍋具有鮮美的口味。皮蛋本身帶有鹹味，而芫荽則帶有清新的香氣😋手切安格斯牛小排🥩肉質鲜嫩爽口，薄切為主，牛味香濃🙂手打蝦丸🍡新鮮的蝦肉丸好彈牙和有口感😋手打墨丸🍡墨丸的口感細緻且容易入口，十分鮮美😚烏冬🍜烏冬的感彈牙😝蔬菜拼盤🥬有菜，粟米🌽，菇，十分豐富🙂炸午餐肉 $38午餐肉片炸至金黄酥脆, 十分美味😁手工丸拼 $128賣相精緻，手打丸拼包括各種手工製作的丸子，麻辣牛丸，芝士芯牛丸，豬肉丸，蝦滑丸，墨魚丸，蛋黄肉丸，口感豐富😍整體得分: 5/5味道: 5/5環境: 5/5🎇Hot Pot 熱‧海鮮火鍋私房菜🎈佐敦佐敦道23號新寶廣場5樓@MAPHK2021