House 317 Cafe (已結業)

我係第一次去依間餐廳,記得係朋友帶我去,佢地話收工唔想去咁遠,不如近近地帶我去一間嘢剧扒,我即刻覺得,乜官塘都有得剧扒好食咩,一路行一路擔心,行左十分鐘終於到,入到去見到D裝潢唔算靚但幾有氣氛,有4-5枱客人~~一坐低我就叫左個西冷扒5成熟配飯,羅宋湯同凍奶茶,個湯好濃,好味,仲有多士,等左十分鐘到個主菜出場啦,個賣相普普通通,但係食落又幾好味,又好食過D花園餐廳WOR~~~~唔錯唔錯~~D待應D SERVICE 都幾好原來除左有飯食,佢晚上仲係一間酒吧,侍應SALE左個PLAN比我地,佢話有任飲,159一位,有啤酒,雞尾酒同威士忌綠荸都係任飲,於是我地就JOIN左個任飲PLAN,原來晚上10:00-3:30都係任飲時間,嗰晚飲到醉左LU大家去試下,冇介紹錯

咸蛋蒸肉餅意粉...咁都得..d樓面話跟著菜都得...(唔知跟沙津得唔得) 真係好騎呢(我見第日有京都骨意粉)d意粉好林..都係跟食扒跟飯服務:午市例牌,未飲嘢就埋你單

很明顯係一間酒吧，主攻夜晚睇波客，是關全店周圍都有電視機。午市都有做，套餐都係啲大路嘢，味道算係過得去，但環境就真係逼咗啲，實在冇乜嘢令人返轉頭再幫襯嘅賣點。

我同女朋友行街, 見佢係一間似bar的餐廰咪諗住特別d 入去食晚飯, 附近d 店無乜人, 入去都好少人, 談心就一流.佢仲有好多電視, 坐邊都睇到電視.叫個雞排飯同蒜蓉焗菜, 其實味道都不過不失.不過佢個環境我非常唔仲意, 佢間野開紫外光燈, 我女朋友件衫變營光佢就覺得好得意. 不過我知如果對得紫外光太耐唔好, 所以一食完我都好想走人.而且我覺得佢d 太迫, 旁邊d 人走出走入一定撞到我地張, 使唔使咁迫呀.

食o左幾日日本定食係時候轉下口味，係鳴門隔離有間港式西餐廳，價錢唔貴，叫o左個黑椒西冷牛扒餐，可以跟飯或意粉或者薯條菜，我就要o左薯條菜，首先有餐湯同牛油多士，兩樣都普普通通，然後主菜西冷扒，老實講其實都只係同大家樂果d差唔多水準，係菜同薯條份量幾多而且都幾好味，個餐跟野飲，正常地熱飲唔駛加錢凍飲加兩蚊但唔知點解要汽水就要加八蚊，所以都係要杯凍檸茶算，埋單三十八蚊，真係無乜特別，亦都無乜意欲會再黎。

我在2007年平安夜晚在此餐廳進食晚餐, 全場只有一個女侍應, 而那女侍應整晚只在望鏡, 對客人全不理會, 不論是叫餐飲和埋單時她也是當各客人透明

系附近返工阿妹約食tea~附近無咩特別食店聽同事講呢間d野食都唔錯就入去一試時間未到下午4點店內只有兩桌客人我點了吉列魚柳拼薯條，妹妹就點了星洲少米因為價錢唔貴的關係，份量亦相對的細份阿妹亦唔小心脫口而講左句"好運來抵食好多"不過食物水準好好喔~環境又幾好我同阿妹都覺我呢間小店值得再去

地址: 觀塘牛頭角道317號立成大廈地下電話: 2668-3108菜式: 西式名稱: House 317 Café上星期六,我和朋友到觀塘317想睇波兼食飯,我們入去問個侍應生有無睇直播曼成對曼聯,,她問那個類似老板的人“那老板示意有”我們便坐下叫了東西食等開波,但是差不多開波時, 我們仍未睇到曼成對曼聯那台,我問侍應為什麼無得睇她沒有答,過了一陳那個類似老板的人回應現在泰星壞了要維修,不知何時維修好。真是不知所為, 如泰星壞了便告知我們吧!等我叫了野食就話無得睇,成程沒有說對不起,個樣愛理不理的,好明顯間野沒得睇場波又話有,分明欺騙,無良食店又多一間了。

自從跟太太搬嚟呢頭，近排就不斷响附近覓食...太太唔想週圍行，誤打誤撞就走咗入嚟呢度...好典型嘅bar cafe，店仔細細。睇格局對D嘢食冇乜信心。就求其叫碟榨菜蒸排骨飯套餐...果然...飯硬、排骨冇嚟味道，水準以下...太太叫嘅香草雞扒跟薯菜就完全唔同晒--- 薯條用嘅係有坑嗰款，係小弟嘅摯愛，又係新鮮現炸，食到唔停得口；雞扒雖然份量不多，但煎得D皮脆啪啪，肉又比想像中嫩，亦有香草味。太太吃完亦不禁大讚...加番分...

午飯時間入到去, 以為入咗間茶餐廰, 枱與枱之間實在太迫太窄啦, 仲好嘈添呀, 根本無預你坐得耐。食物水準好唔掂, 簡直連茶餐廳都不如, (花園大廈嗰間蘭香園茶餐廳嘅食物仲好味過佢, 尤其是焗飯), 千祈咪俾佢門口外表欺騙。

其實佢同其他茶餐廳無咩分別﹐只係佢o既外表攪到好似好有情調咁﹐但實際o吾係。不果佢D野食都o吾係好差o者﹐如果普通食餐飯o既話﹐都無咩問題﹐因為佢都算係抵lor.

金玉其外......入到去感覺唔多好，地方窄且暗，食物味道不大好，同cheap cheap 快餐店一樣，個主菜汁濃到爆，根本想借個汁來掩飾D 主菜唔多新鮮，都唔知點解早陣子有報紙雜誌話依間鋪係酒店水準，分明係鱔稿！其實依間鋪係酒吧，飲下野就得，食野？去第二間啦！

d o野食麻麻, 冇想像中咁好睇佢門面以為會幾好氣氛, 點知一入到去先發覺入面成個墟咁, 俾佢門面呃o左tim, 可能個時係食飯時間啦~ 但o係入面有2 部電視, 播緊肥姐個節目, 你話係一般茶餐廳冇咩所謂, 但係一間看似頗有情調o既餐廳就係格格不入lor...o野食唔太好, 我叫o左set dinner, 有雞肉, 薯菜和烚豆, 全部都冇味~! 好淡~ 可能我食慣濃味野啦~!服務方面唔多好, 湯o黎o左唔問佢都唔拎o的包o黎(都坐o左成十分鐘ga la...), 餐飲我叫凍茶就俾凍啡我d waiter 行行企企就係唔幫你執碟, 真係有少少氣結呀~