I Cafe (已結業)

星期三的下午，我一個人去了蝴蝶邨的蝴蝶街巿買東西，這個商場的街巿，比起我屋企樓下的街巿乾淨企理得多了，而且又有冷氣，所以偶爾我會專誠搭輕鐵過來買東西。走到街巿裡的一角，發現這裡有間小小的cafe，咁岩我又開始肚餓，於是便進去吃個下午茶了。這間小小的 cafe，空間雖然狹小，但光線明亮，裝修簡潔不花巧，加上咖啡機等的擺設，給予一種很骨子而不侷促的感覺。店內的食物選擇都很多，而這裡的 All Day Set 價錢比巿區便宜得多了，我選了很大份的至尊 All Day Breakfast，只需加 $8 便可轉特飲，所以感覺相當抵食。I-Cafe 至尊全日早餐，賣相給予很豐盛的感覺。有黑松露炒蛋、豬肉腸、牛油多士、芝士薯角、扒茄、沙律菜、煙肉及茄汁焗豆等，份量相當豐富。尤其上碟的時候，已經聞到撲鼻的黑松露的香味，因為濕潤的炒蛋裡混和了黑松露，濕濕軟軟帶蛋香的味道，在平民街巿中是難得的享受。烤多士亦都很金黃香脆，塗了滿滿的牛油味道都很香滑。炸薯角亦炸得相當香脆，外脆內軟帶有薯仔的粉糯，沾上蛋黃沙律醬都格外滋味。而沙律菜淋上酸甜的黑醋汁，讓整碟全日早餐感到豐盈之中都 refresh 一下。提拉米蘇咖

街市翻新之後光鮮咗好多仲有幾間賣熟食嘅小店呢度應該係主打熱狗同咖啡不過我純粹想買個外賣食平啲 😂所以揀咗 lunch set 嘅【芝士雞柳漢堡】$24 有埋嘢飲，好抵！（外賣加 $1）跟餐有特飲或者咖啡我揀咗特飲，個紙杯好得意！😍是日特飲我問完但唔忘得咗個名 😭係熱嘅花茶之類，好清甜同埋真係好多花 🌸個漢堡都幾大個，賣相都算唔賣外賣個盒幾的骰，方便拎不過如果有張紙包住個包就更好成個包都好多菜，啲菜好新鮮爽口啲雞肉都舖得好平均，但係略嫌薄得濟整體對得住個價錢，$24 咋！（😂）杯嘢飲都好好飲

近來有好多街市都翻新，屯門蝴蝶商場嘅街市都唔例外。由於男朋友住附近，所以星期六去身就諗住去食個Tea。Cafe面積小，大約只可以坐到６—８個人，而且叫外賣嘅人都幾多。餐牌有好多選擇，有熱狗、漢堡、三文治、全日早餐，意粉同焗飯。我見有All Day Breakfast，就快快手揀左至尊全日早餐，而男朋友就比黯然銷魂漢堡個名吸引住。黯然銷魂漢堡(HK$46)Cafe選用黑芝麻包，所以食時有少少芝麻香;。份量岩岩足夠一個人食，而中間有煎蛋同厚厚嘅免治牛肉，牛肉腍身，配上黑椒汁份外野味！但整體有少少膩，如果可以加上蕃茄同菜會更加好。至尊全日早餐(HK$58)送到上黎，真係嘩左一聲。因為有好野食，而且＄５８就可以食到一個咁豐富嘅全日早餐有黑松露炒蛋、豬肉豬、多士、薯角、煙肉、沙侓菜同茄汁豆。沙侓菜新鮮，如果可以多少少醋就好喇！而薯角熱辣辣，脆卜卜，點芝士醬食，真係好好味黑松露炒蛋係我嘅至愛，但係略為油左少少。叫左２個set，佢會送上２杯熱飲，而當日係美式即磨咖啡同茉莉花蜜。即磨咖啡普普通通，同一般嘅無咩分別。反而茉莉花蜜好清甜，飲完有令人心情舒暢嘅感覺。Cafe食物款式多，價錢又經濟，唯一真係面

哩排番左去屯門屋企，可以去試下屋村入面既餐廳，屋村餐廳都有幾間，但竟然有cafe真係幾特別今日中午一於試下，因為鋪位唔算大所以坐位唔會好多，得7個左右，我地中午時段未算多人，所以可以坐低食期間見到都主要做外賣生意！今日見到午餐/晚餐都幾抵波由於比較肚餓，我地叫左3個餐，2個午餐1個散叫（全部都送指定飲品）飲品叫左洛神花茶最後叫多客薯角（原價$18）叫餐可以平D加$12超級至尊漢堡（$25跟午餐）內有生菜絲煙肉煎蛋漢堡扒，煎蛋一咬就流蛋汁好juice甜甜地，個包都有煎過下所以咬落去脆脆地自家手打牛肉磨菇芝牛堡（$36）個包幾好味，牛肉咸左少少，磨菇味唔覺有，不過有生菜絲中和下都ok茄汁雞柳螺絲粉（$25跟午餐）另可選意粉，茄汁唔會係太酸但又好醒胃味道，如果鍾意食乾身雞柳哩間會好岩大家薯角一般個醬唔太夾，可以不試最後覺得值得飲係洛神花茶幾好飲唔會太甜哩間cafe款色好多選擇，下次會試下佢地既熱狗先

掙紮好耐食肉醬熱狗定係食手打牛堡！ 最後揀左手打牛堡，自家diy手打牛， 好似抵食過熱狗腸 手打牛功夫都多啲啦……哈！個包係香草味嘅包，烘烤過，邊脆脆地，好好食！ 手打牛堡都幾厚身 蘑菇醬係有一片片蘑菇， 全部都係真材實料！ 啲包餐係跟是日飲品， 不過想飲咖啡， 加錢叫咗個 薄荷咖啡！ 薄荷+咖啡都係一個絕配，怕甜嘅朋友最好要少甜，我都叫咗小甜,啱啱好呢間小店鋪佈置特別， 老闆應該有心做好食物質素。 價錢大眾化，廿幾三十蚊一個餐有埋嘢飲！ 講真如果去麥當勞食埋啲唔知咩肉嘅牛漢堡， 不如過嚟呢間小店食個真材實料嘅漢堡啦！仲有店裏面個哥哥仔好搞笑， 好認真咁問我好唔好咁有心！畀個like你！ 用心經營既小店已經買少見少，希望你哋長做長有啦！

朋友在屯門上班，放工後相約在附近午餐。朋友說之前聽同事講有一間挺不錯的Cafe，於是我們來這小店中吃午餐。餐牌選擇挺多的，有意粉、漢堡、三文治、熱狗、全日早餐等等。我點了碎蛋沙律吉列腸熱狗，再以半價（$12）加配飲品。首先送上的是白蝴蝶，其實是雲尼拿味牛奶飲品。白蝴蝶顏色漂亮吸睛。分兩層顏色的，上層為粉藍色，下層為奶白色。飲品中的粉藍色是由藍色的碟豆花與白色的牛奶混合而成。我急不及待喝了一口，濃郁雲尼拿味即刻充滿味蕾，冰涼甜滑，就像吃著雲尼拿雪糕。之後把飲品攪拌後，整杯變成粉藍色的了，特別之餘又很有少女味道。大約5分鐘後，碎蛋沙律吉列腸熱狗熱騰騰上枱。司華力腸沾滿吉列粉，炸至金黃色。入口首先吃到的是香軟的麵包，之後再吃到司華力腸十分酥脆但又不油膩的質感，沙律醬的酸甜開胃，最後有切成細粒的蛋白、粟米粒和椰菜絲，酸甜濕潤，口感豐富。個人覺得可以加多些椰菜絲，這就會更健康。想不到在小店中，可以食到讓人驚喜的食物！

漢堡, 是一個體積細小, 味道多元化, 而且又能飽肚子的東西. 現今的漢堡店, 吃一個漢堡都差不多一百元, 就連大眾化的麥記漢堡餐也接近四十元了, 價格之貴, 但味道也是大同小異, 來這個街市, 就能發現味道跟一百元的漢堡差不多, 但價格便宜一半。我點了一個暗然銷魂漢堡, 漢堡的芝麻味包皮, 十分濃郁的芝麻味, 包皮鬆化, 中層夾著一個愛心煎蛋及免治牛肉, 份量足夠一個人吃; 牛肉汁豐富, 美中不足的是如果加上蕃茄及青瓜會更加醒胃;漢堡配以一杯冰凍的白蝴蝶, 白蝴蝶是以雲呢拿奶配以梳打汽水調配成, 香濃可口;一個包一杯飲料, 簡單美味, 物超所值。

某大型商業機構轄下的街市, 陸續翻新; 位於蝴蝶商場的, 也不例外。居在這裏的我, 自從街市翻新後, 就第一次來這邊找吃的。這裏有麵店 小吃店, CAFÉ店等. 於是我跟姐2人就找了這家CAFÉ店。這店面雖小, 位置不多, 好多人都叫外賣, 我們就坐一下, 吃一個熱呼呼的漢堡。這裏有之前報紙上所熱賣的黯然銷魂漢堡, 是同一款? 也有不同的熱狗。就叫一個黯然銷魂漢堡及芝士肉醬熱狗。黯然銷魂漢堡, 雖然不知其名字的典故. 總之包是有點兒特色的。黑芝麻包皮, 甜甜的, 香濃芝麻味; 而中間夾著一個心形煎蛋和一片厚免治牛肉; 牛肉鬆化多汁, 一個人份量剛好;而芝士肉醬熱狗, 粗大的肉腸, 富有彈性, 肉汁豐富, 面包皮鬆軟, 肉醬及芝士佈滿肉腸表面, 本人較喜歡加上青瓜醬及芥末醬塗於面更惹味;黯然銷魂漢堡配以一杯綠蝴蝶,綠蝴蝶是一杯青蘋果味的梳打汽水; 青蘋果味的清香隱約散發, 但飲品味道較甜;以優惠價格, 吃到一個美味的漢堡, 可謂十分超值。

知道有間不錯熱狗店在我附近，於是今日係下午茶時間就去試一下，店鋪裝修餐車款式，單人坐位一排，餐牌食物價錢都很經濟，所點食物可以半價再叫飲品，食物種類有熱狗，漢堡，意粉，牛角飽，都係$32左右。店內有wifi提供， 如果店可以再大些會更好，因為鋪頭不是很大，我覺得外賣都是不錯選擇。 貓貓標誌很可愛，店主是愛貓之人， 我點了夏威夷千島醬熱狗$32， 熱狗腸皮脆口感好正，配上一片大大菠蘿，火腿絲，生菜絲，酸酸甜甜的千島醬，軟綿綿熱辣辣熱狗飽，一咬傾心，味道好開胃好豐富，隻熱狗好大隻，男士都食得飽，配上店主推介俾我的綠蝴蝶，現在最hit碗豆花飲品，青蘋果味好飲，真的好健康又顏色漂亮。另外朋友叫了法式雞扒漢堡$32 個醬汁味道有點像磨菇白汁，雞扒煎很香口，肉厚，配上生菜，同像鬆餅的飽，好特別另外試了白蝴蝶，雲尼拿味鮮奶打起，香滑甜甜地，感覺像乖乖女飲品，雲尼拿味好香。店鋪收得好密，因為在蝴蝶商場街市內，我想很多年輕人未必知道，希望可以多些人知道街市內，有間有水準的快餐店，所以才寫此食評。

  一直尋找在屯門有質素可以hea的咖啡店, 不過目前還未找到一間滿意驀然回首, 屋企附近的街市裡出現美食角落 遠看是一輛美食車, 簡約的店內裝潢, 為成個街市帶點小清新感覺。   店內只有七、八張高腳凳 及一張長型高架桌, 看似唔係可以讓人坐下來hea很久的咖啡店, 所以一般到來的客人以外賣為多; 但店內都備有插座, 有需要可為電話充充電, 算是一個讓你停下來稍作休息的小角落。  店員都比較主動熱情, 雖然店鋪比較新, 已經有一班熟客仔, 畢竟係屯門碼頭真係好缺乏呢類型的咖啡店。 店內主打麵包三文治 熱狗, 也有意粉等食品;  試咗店內推薦之一的蕃茄雞扒包, 即叫即做, 麵包略微乾身咗, 雞肉有點兒鞋口, 有肉汁分離的感覺, 加上個醬汁味道太濃, 搶晒蕃茄的香甜, 做唔到中和的效果；  另外, 意粉方面係組合形式, 可自選醬汁 意粉類型同配搭肉類, 試咗蕃茄汁雞扒蝴蝶粉, 上菜時見到個蕃茄汁顏色比較深, 看似紫薯汁 食落味道偏酸, 唔係一般現買的蕃茄汁味道, 問咗老闆係自家制出品；  蝴蝶粉煮得剛好, 唔會太硬太乾; 雞肉今次肉質適中, 配合濃酸的蕃茄汁, 開胃惹味  仲有點咗最近新

知道呢間店開左一段時間 今日終於抽空試到最後千挑萬選揀左芝牛堡($36) + 樂加杏仁糖鮮奶咖啡(跟包半價$12) 外賣行大約10分鐘回家 個包一打開 仲出緊煙 有驚喜 包係意大利香草包 鬆脆唔硬芝牛堡嘅醬滿瀉 蘑菇都有7至8片牛肉食得出係自家製同手打 因為有根同埋麵粉落得多得濟 過份黏 不過牛肉以36蚊同埋屋邨黎講 好抵 食得過由於係香草包 食到一半就飽左香草包配肉食 真係太full 可以有其他包揀更好樂加杏仁糖鮮奶咖啡 我想太多 諗住會勁甜 但我又敵不過樂加杏仁糖結果 咖啡有d淡 估計只係加左杏仁油 而不是樂加杏仁糖 有d失望不過會再試 下次會試原味咖啡 就知咖啡豆靚唔靚 同埋會試下牛角包BTW 屋邨黎講 真係食得過 支持小店 要加油!!

冇几耐之前已經來過一次，今次陪老公入屯門打波，順便入來食早餐～ 其實係想飲呢度d咖啡～ 因為上次飲過Mocha之後好鐘意呢間d咖啡，同老闆吹水，先知佢地係用半自動咖啡機沖成的。而家喺香港其實好少地方用半自動咖啡機，通常都係用全自動咖啡機，包括各大連鎖咖啡店。所以，如果要用半自動咖啡機沖一杯好味既咖啡，可以話好講師傅仔手勢了～而呢度既咖啡，你真係飲過就知道了，非常香濃可口！我本身都鐘意飲咖啡，而且係每日都要飲一杯先醒神既…有時飲左一杯難飲既會覺得果日個人好呆滯⋯⋯哈哈，所以放假有時間就會去d有好味咖啡既餐廳食早餐，飲完個人都醒神d…所以呢間cafe既咖啡，已經係我其中一個首選了，推薦～推薦～另外我叫左＄3X一個大大件自家手打牛肉蘑菇芝士香草漢堡，牛肉有牛味好嚼口，夾香草包，幾特別而且味道不錯（我最愛仍然係佢地既芝士肉醬熱狗～！半價加一杯香濃咖啡，抵！老公就叫左大件夾抵食既all day breakfast，＄48一份，有咁多野食，超值～總括來說，下次會再來的，因為要飲咖啡

抱住一個會中伏既心去試點知喜出望外芝蘑漢堡外表就真係一般，一大pat蘑菇係包旁邊，但食落係有驚喜，個包有別於其他漢堡包有啲脆，但唔硬牛肉熱狗冇睇清楚餐牌，誤會係熱狗腸加牛肉原來只係牛肉，不過都好食熱狗包焗得小脆香口抹茶鮮奶好似食緊抹茶雪糕咁，比較甜如果甘啲會更好另外外賣港式熱狗走左芥末醬，23蚊有咁大份，真係十分經濟腸底有生菜絲白汁雞扒蝴蝶粉雞扒好食，不過白汁蝴蝶粉普通

9號當日放假，落街食野，見到以美食車嘅裝修同自己嘅好奇，決定去呢間開左都一排嘅Cafe餐牌上面，除左意粉同小食，其他都係包，熱狗、漢堡、牛角包…自己見到有麥當勞之前都有過嘅芝牛蘑菇漢堡(雖然宜家都有，但係要去旺角…)，就決定去試下其實價錢同去旺角麥當勞差唔多，呢度36蚊，旺角麥當勞都要30蚊。再加一個綠茶忌廉沙冰，半價14蚊，岩岩好50蚊等左一陣就黎，真心一開，見到個包好足料，一攞起，啲汁不停漏。(仲搞到枱都係，對唔住老闆…)不過個包真係好硬，攞刀都切唔開杯沙冰亦都好正，上面嘅朱古力醬同沙冰十分配合，不過對唔係成日飲甜野可能甜左少少。係蝴蝶邨有一間咁嘅Cafe確實唔錯，可惜限制於街市…只係開8am~7pm

屯門蝴蝶邨街市 竟然有間咖啡店好驚喜，一見到以車為主題已吸引左眼球，入到得6個位，應該外賣為主吧，餐牌都吾少選擇以輕食為主，所以今日試佢牛角包和咖啡... 開左幾日炸，朝早0800-1900……今次試左碎蛋沙律牛角包 croissant $22 加 海鹽焦糖瑪奇朵 $24 半價 $12咖啡以半自動沖出黎，味道意外吾錯，一入口都濃海鹽香而咖啡味保持到，口感厚身但泡打得偏薄。咖啡味吾酸勁易入口，這價錢好過maccafe啦。牛角包偏淋身，碎蛋沙律份量正常味道有少少醆度都幾醒胃，但整體普通不過不失吧。