i CREMERiA (已結業)

第一次喺度食堂食，叫咗一件咖啡味草莓蛋糕同抺茶芭菲。首先cashier哥哥仔好似夢遊咁，你同佢落單佢完全心不在焉，又無清楚講你知個雪糕係自己聽到叫號出去拎，但件cake就係佢拎比你。其次就係成個場好多客人，但完全唔夠人做野，得一個好禮貌帶眼鏡後生女安排入坐同執野，其他員工溝通同協調好差。呢間野來自日本啲野係好食但好可惜比佢哋啲staff搞到以後都唔會嚟。

特別喜歡食雪糕pancake， 這次來了這個餐廳是朱古力雪糕士多啤梨pan cake。 這家餐廳最出名嫩滑雪糕， 濃濃的朱古力味不算太甜，非常啱口味。另外這個伯爵茶蛋糕，有淡淡的茶味， 再配上上面的cream和士多啤梨 ，口感特別。餐廳裝修非常高級，環境寬敞又清潔。

喺東薈城已經食到冇嘢好食...咁岩經過呢間餐廳, 見到佢個lunch set好平, 好多野都係68至到88蚊, 又可以坐得舒舒服服, 就決定入去坐低食啦!主食加$10就會有湯或者沙律, 我就叫左一個湯一個沙律, 加$20就會有飲品, 不過我就冇叫到喇...本身我嗰個係咖喱雞扒飯, 但係佢話冇雞扒轉雞肉丸, 咁冇所謂啦....黎到嘅時候發現個份量都好多, 有好多粒雞肉丸, 同埋個咖喱都唔錯幾好食, 本身諗住呢間只係買甜品嘅餐廳, 主食都應該好普通, 但都ok wor! 最誇張係個意式香腸意粉...超級多香腸...d香腸就嚟多過啲意粉咁誇張😑食完呢兩碟野之後勁飽...本身諗住係輕食😅

平時成日經過都好想買, 但一望到個價錢要68蚊就卻步左😅...今日決定獎勵自己, 所以要去買番件試下!!!職員話2件起先會有盒, 1件就得個袋, 我心諗無所謂啦, 我都返屋企咯, 點知原來個袋都靚過人😅(本身諗住得個膠袋.....)叫左件朱古力, 佢既朱古力唔太甜, 好香濃, d cream又香又滑, 海綿蛋糕就可以再軟熟少少既(因為要68蚊所以對佢要苟刻d哈哈), 但d朱古力太香喇, 完全compensate到😋食完好滿足呀!!!

時不時都會經過這間店，但一直都覺得價格略高，所以想試又不敢試。昨日再次經過時看見剛好在做買一送一優惠，便買來試試看。抹茶雪糕的確很有抹茶味，不會太甜，而牛奶雪糕在抹茶雪糕的對比下就感覺略甜，但很有奶味。個人認為味道挺不錯，在買一送一的價格下會願意光顧。

Dinner time同朋友想食something light就試吓呢間，門口見到右邊安心QR code，左邊阿cashier隔離有form俾人填資料, 明明就行緊去cashier時，喺counter入面職員大聲叫出嚟叫我地掃安心，真係好大聲唔好受我出去cashier落單叫個salmon caesar salad + earl grey, 朋友叫tomato pasta + $10可以有mini salad, mini salad sold out, 問我加唔加第二樣，因為要問朋友，後面條隊又有人，我問可唔可以後加，佢話唔得要收正價😰唯有問完朋友返來再排隊lor🙄朋友決定唔加，staff 話「真係浄係一個意粉？唔加嘢？之後正價架啦喎」我再confirm係（我個感覺係唔良好）然後佢大聲嗌俾backend staff 知叫佢地整乜嘢食(我個感覺係 去咗茶餐廳咁🤔)仲有個$68 salmon caesar salad 頹到呢😅

放假去東涌行山，上山前比i CREMERiA既簡潔裝修同埋佢d蛋糕吸引左入來，輕食一個午餐先。如果叫lunch set，佢選擇不多，但可以加錢追加甜品餐飲咁。我地輕食就要左個意式香腸意大利麵同羅勒青醬鮮蝦長通粉意式香腸意大利麵，佢個隻香腸有咸香加埋蕃茄酸酸地好開胃意粉係偏少少硬個隻，岩我個人口味！另外個羅勒青醬鮮蝦長通粉，估唔到有咁多隻蝦，口味比較清新又唔會話好膩。兩份意粉擺碟都好靚！食慾大增！追加左兩杯咖啡，latte同cappacinno都好香！慢慢嘆完已經唔係好想熱住行山了⋯

I-Cremeria我平時成日去食😋蛋糕Parfait蛋糕有少少貴但賣相真係靚❤️今日有d餓所以試下個Lunch Set先😋叫左個73蚊既意式香腸意大利麵非常足料味道亦ok😋比想像中好得多😜番紅花😱同香腸好似吾使錢甘塞滿哂成個碟🤣🤣加左15蚊要Iced Cappuccino再加20蚊要埋Classico Crema抹茶雪糕埋單108蚊好滿足😜最滿足係🤣🤣疫情最嚴重時I-Cremeria以七折(70蚊)賣100蚊現金券我個friend買左再讓幾張俾我😜結果呢餐。。我用78蚊填飽左我個肚🤣🤣

又係返工前午餐，東薈城很多餐廳都未試，其實限聚令要3人行搵食都唔容易，呢間甜品店我食過其他分店，東薈城呢間有埋熱食（其他分店只有甜品）店面大，一貫雲石瑰麗風格，座位不多，店員安排我們坐高腳椅嘅位置（因為3人有隔板，隔開距離無咁闊）午餐選擇都幾多，要去櫃檯落單，跟餐甜品可以後取！食物做好店員跟號碼牌上菜芝士火雞火腿三文治（$88）用縷花銀盤上菜很華麗，三文治白餐盤邊都有縷花，不過三文治切半，兩份平放效果唔靚，若斜疊起會立體感靚啲，麵包烘過香脆鬆軟，芝士火腿放得不太多，蔬菜份量都略少，食落味道不錯，但並不豐盛！（$88一份來講有肉痛嘅感覺）即磨咖啡（跟餐+$15）與餐盤同款縷花白瓷杯，咖啡夠濃，微甘不帶酸，飯後解膩不錯抹茶軟雪糕（跟餐+$20）雖是膠杯，有銀邊增加高級感，主角軟雪糕很軟滑，有抹茶味，與牛奶味平衡得幾好！又不過甜，好味同事食：豚肉柚子飯（$78）餐湯（+$10）黑松露珍珠帶子意大利麵（$83）伯爵茶（跟餐+$15）熱食ok，價錢略貴，份量略細，女仔都唔夠飽，講真熱食唔會再試，甜品一貫好味！（若不太肚餓又想食佢嘅甜品可以一試）店員很nice，因為第一次幫襯，店員詳細講解，食完又

去左兩次 一次去食雪糕 一次買左蛋糕 兩樣都唔錯！✅ 聖誕士多啤梨慕絲蛋糕 (大) ($390)雖然d 裝飾其實都唔食得 但外型超靚 好聖誕！好多cream 好rich 士多啤梨除左係頂 入面都有 好新鮮～至於個餡有海棉蛋糕 有慕絲同cream 都幾好味！同屋企人6個share 份量岩岩好。另外蛋糕冇得寫字 淨係可以加張生日紙牌 送埋蠟燭都唔洗另外加錢～➡️ 柚子抹茶餡蜜芭菲 ($58)雪糕好滑 抹茶味好濃！加埋柚子中和左雪糕既甜味底下有脆脆同埋有煙韌既菓子 令成個雪糕好有層次！🦁 i CREMERiA東涌達東路20號東薈城名店倉2樓263號舖旺角亞皆老街8號朗豪坊4樓13號舖尖沙咀廣東道3-27號海港城海運大廈地下OT-G03A號舖銅鑼灣記利佐治街11-19號Fashion Walk1樓F-9號舖

雖然無view, 不過環境是所有分店中最舒適的。雪糕最出名又好味，不過蛋糕🍰就唔得喇，成$70一件重要乾爭爭。Crepe 好味，咸點（意粉、麵包），咖啡也有驚喜，值得一試，不過唔需要加餐湯（一pat pat 好難飲）。

普通一杯咖啡都沖得咁難飲、真係好失望，拉花都無，又酸又難飲，又熱、熱到根本飲唔落，仲衰過McDonald ,仲要比咁既價錢、$42 一杯咖啡、比小小誠意啦、真心唔會再幫襯！

多次去東薈城, 都想試這間, 今日終於成事, 點了日本和三盆糖蜜蜜瓜海绵卷和泡沫咖啡. 共$93-蜜瓜海绵卷好一般 蛋糕不綿, 蜜瓜沒有味不甜, 如單食蛋糕要$78-, 真的不值, 幸好咖啡合格很有咖啡香

主打牛奶和抹茶雪糕的I Cremeria又推出了買一送一優惠了😍這次在全線I Cremeria分店都可以享有此優惠🙈趁着重開堂食，不妨試用優惠享受雪糕🍦#高知縣沢渡茶大福芭菲 $58長期人氣NO.1的大福芭菲💕抹茶雪糕作為基底，甜中帶些微甘，十分軟滑的口感，配合紅豆蓉這個宇治金時組合，絕對是加成😋再來就就大福，外層有攪碎的茶葉碎，內裏是綠豆蓉和茶葉，不過茶香味偏淡，綠豆蓉的味道更為突出🧐底部仍然是綠茶醬和透明啫喱，偏甜的組合🤣味道小評分：😋😋😋😋/5💕優惠期至30/8💕全線分店適用，雪糕餐牌買一送一～整體味道指數：👍🏻👍🏻👍🏻👍🏻/5性價比：💰💰💰/5環境：💕💕💕💕/5打卡指數：📸📸📸/5

第一次來，未吃已經一肚火。🔥🔥🔥首先，我要堂食，拿咗飛，然後個微胖馬尾waitess叫我係旁邊等下。我拿的是一人位，無人聽number，所以我好乖，一直係個waitess前面等（兩手仲拿住好大袋耶）。等咗10分鐘，終於到，然後個微胖馬尾👱🏻‍♀️waitess話，你要係旁邊排隊落單先可以入去吃。我當時真是火都來！🤬又唔一早提醒我排隊落單？我一路係佢眼前大袋細袋咁企係度！然後，只有4個人的落單隊足足排咗12分鐘！點解咁耐？因為個白shirt微胖waiter（可能是店長）落單超級無敵慢！人地已經講得好清楚，佢都反復讀完又讀，repeat幾次，好似失憶咁！真是衰過D茶餐廳落單快狠準的阿叔。但是，有果句講果句，雪糕是好好味，好香好滑，有質量。只是間公司請人不力。