i CREMERiA (已結業)

夏日炎炎當然係食雪糕嘅好時候聽朋友講過好多次呢間雪糕店但係都未食過不過仲有留意佢又出唔同類型嘅雪糕而且啲味道好特別有金箔而家仲出咗薰衣草門面好靚好有古典味出邊會有幾張座位俾你坐都幾多款式揀對於有選擇困難症嘅我都揀咗幾耐但係結果都係試咗佢哋嘅王牌本來想試果半個蜜瓜不過冇貨唯有退而求其次食有蜜瓜嘅雪糕啦唔好講笑啲蜜瓜超鮮甜！高級蜜瓜係唔同D嘅食落去有種回甘食真啲真係會有少少酒味配搭買雪糕真係一絕依個雪糕好香奶味食到中層仲有啲脆脆同埋底下仲有幾粒蜜瓜雪糕加蜜瓜呢個配搭太邪惡啦因為食落去同一時間有兩種唔同嘅甜味好特別

今晚約左閏蜜去街, 甜品簡左呢間,見好多人排左10分鐘,好多選舉, 簡都簡左10分鐘,最後簡左呢杯"晴王牛奶芭菲"雙手接過呢杯鋪滿日本岡山縣麝香晴王青提嘅芭菲！襯佢溶之前,快快手相機食先！開動啦！一口食落去軟滑香濃嘅牛奶雪糕,再加一啖香甜多汁嘅青提！日本既青提真係特別甜!原來香濃嘅牛奶味同青提係咁正架喺咁炎熱嘅天氣食杯涼透心嘅雪糕，成個人充滿左幸福感呀！再一羹,雪糕入面有啲脆米,同埋芒果鋪底,口感非常滿足！食完一杯已經好飽, 下次再試下其他口味先!

有一次同friend去銅鑼灣食午飯,經過一個fashion walk 呢個商場,見到人山人海排哂隊咁！非常八卦的我就去睇睇究竟發生咩事，原來有間新開叫I-CREMERiA嘅貴價雪糕店剛推出新產品(純金北海道牛奶雪糕)遠睇真係好似座金山咁，原來用咗食用手工純金金箔在面，再加埋本身足料嘅北海道牛奶雪糕，價錢賣98蚊，我覺得一人世物人一世都要試下,賣相好ok,食落去味道又好重牛奶味，都唔錯,大家經開這裡都可以去去呢度朝聖！

每次行log-on 都會經過呢間雪糕店，今次見hsbc信用卡做半價優惠，一於同朋友過黎試試係咪咁好食。我地分別叫左三款唔同嘅雪糕:由於menu寫住no  mix，所以揀左牛奶味柚子芭菲，牛奶雪糕好香好滑，重牛奶味，配搭柚子醬令雪糕食落無咁漏比較清新，重有幾粒丸子，脆米同布甸，口感豐富。相反，期待已久嘅綠茶雪糕無想像中咁好食，茶味偏苦，而且好快溶，綠茶大福比雪糕好食，口感qq，附贈嘅紅豆同綠茶啫哩則味道普通。店內鎮店之寶原整半個蜜瓜芭菲sold out，於是叫左只有幾粒嘅蜜瓜芭菲一試，蜜瓜清甜，同牛奶雪糕ok夾，可以一試，但如果要原價食就嘛嘛地。

喺辛苦壓力嘅時，我成日同我心愛嘅人講，食小小甜野減減壓啦！雖然佢每次對住我嘅態度都真係10分惡劣，唉。算啦！呢兩日又到左我頭暈身㷫嘅時間，今個月係一個難關。我行吓銅鑼灣，覺得自己又真係需要食一口甜野。上次食過K11嘅疏附你班cake，能夠讓我快樂一個星期，Pancake以外，要吃雪糕，最主要嘅原因就係因為細個呢真係無錢食雪糕嘅。哈哈。點解我會話要多謝匯豐銀行呀。就係呢佢做半價！真心講呢個金箔雪糕想食咗好耐好耐好耐。對於我呢啲慳到爆的人，如果叫我＄100食一杯雪糕你不如殺左我啦。然後俾我發現咗依家可以做半價，一杯＄50都唔使，我當然機不可失啦！當然佢哋有好多唔同嘅雪糕都好吸引，但唯始終我都係好想試呢一個金箔雪糕。雖然金萡本身係冇乜味，不過呢一間嘅雪糕真係幾滑，牛奶味又夠香，入口即溶嘅感覺，同香滑嘅牛奶雪糕融合為一，美味可口。十分之奢侈。想食咗咁耐嘅雪糕終於有機會，你話我唔多謝匯豐銀行多謝邊個啊，哈哈，半價喎！我呢啲小資女終於有機會食我見到佢哋蜜瓜配雪糕都好吸引，唯有等下次再有機會試吓。Ps: 憑匯豐銀行信用卡買雪糕半價，呢個唔係廣告，係真係有咁筍所以同大家介紹，做到幾時我都唔知因為我已經

中午食完晏，同同事行一陣先番公司，經過呢間日式雪糕店，見到佢主打抹茶雪糕，就試下。呢期有限定富良野薰衣草雪糕，淺紫色好fantasy ☺️但自己不太喜歡花味雪糕，最後揀了No.1 既大福芭菲杯好濃郁既抹茶味軟雪糕，配上紅豆、一個抹茶大福及底部啫喱好食！但價錢$56 （等同我一餐午餐價錢啊🙊）不過我呢個雪糕控，又點會忍到口唔食雪糕呢😊 抹茶雪糕，我覺得京林屋既都好食😊下次要去其他地方食🍦😄

今日真係好熱，行一行出街都已經成身汗，真係好想食雪糕，再加上用匯豐信用卡呢幾日喺呢度買雪糕可以有半價，真係冇藉口唔俾自己唔買雪糕食啦可能係半價嘅關係，好多雪糕款式到晩上8點就已經無晒啦，d雪糕整體來講都算OK啦，都幾滑幾香濃。唔知係唔係天氣炎熱嘅關係，d雪糕好快就溶，所以要快啲食！

前幾日收到電郵通知匯豐信用卡有半價優惠，再見到FB洗版式宣傳，已經好有興趣想試下！今日係開始優惠第2日，朋友已經上載相片旺角店排長龍，咁岩夜晚食飯我響銅鑼灣等位期間，試下過fashion walk逛一逛睇下有冇人排隊，當時8點半左右，竟然冇人排隊但事實上都好多人響店內店外食緊店外仲有一個area供食客坐響度慢慢嘆。但由於太多人已滿座，都唔會慢慢嘆唔洗諗拿拿林去試下，門外已有餐牌架貼左某些產品已賣完，結果我地揀左2杯唔同味道既雪糕初頭仲諗五十幾蚊杯雪糕半價左只係廿幾蚊，咁都可以碌卡？原來真係咁玩法！2杯雪糕埋單$57抵到爛，要用匯豐信用卡付款。柚子抹茶餡蜜芭菲 $58 (半價$29)皆因太搶手既關係，mix款只可以揀一種味道，衣款本身抹茶同牛奶味我地揀左牛奶味。衣杯味道幾好，柚子唔會酸，加埋牛奶配搭不過雪糕口感比較軟身，個人中意食d挺身d，感覺唔會好似就黎溶晒咁！高知縣沢渡茶大福芭菲杯 $56 (半價$28)茶味比較濃，加上紅豆就中和返！同樣口感較軟身，食到咁上下，下層有少少脆脆同綠色既啫喱！比較下，我地都比較中意柚子果杯，清清甜甜食左一半突然人龍又出現返，咁抵都一定要黎試下不過平時五十

食完午飯好，行下街，突然想食甜品，經過銅鑼灣名店坊1樓，見到好多款式雪糕推介，好想食啊～忘記減肥，吸引入去:迎接夏日天氣，當然要搵些冰凍的東西降降溫，涼火涼火好香濃抹茶，混入牛奶雪糕，好滑好好味，搽茶够甜不苦，非常清香，食到底層系可可脆片，融入上層雪糕，冰涼可口，值得一讚它是新出品雪糕，淡淡薰衣草混合牛奶雪糕，又滑又滋味，薰衣草的香味由口腔直通鼻蕾，好似帶人入到花花世界似的，底層系可可脆片，超級好味下次要試其他款式雪糕

話說呢，日本雪糕係好食D天時暑熱去行街點可能唔食番杯靚雪糕呢????講到底，香港人都係識貨既~~~~~~~~~~~~~日本水果甜入心係真既！日本雪糕滑入口都係真既！！呢款：「日本直送Deluxe蜜瓜芭菲」就認真二合一！！！蜜瓜由日本直送，出名甜靚正！想食佢好耐啦，今日好好彩，限量供應都搵到！蜜瓜肉多汁超甜，配埋個勁香奶味又幼滑~~~~~~~~~~~~~水果的新鮮加上雪糕的香滑，食唔停口就係呢種！另一款花香味既都幾特別來自日本富良野的花田，紫色的浪漫顏色終於唔再只係代表芋頭！！！！！係薰衣草味架！有花香，咁先夾家嘛！而且香氣逼人，啖啖都是100%的花香同奶滑底層仲有好多有機玄米，脆卜卜，好夾雪糕未食之前，冇諗過佢係咁迷人架！~~~~~~~~~~~~~食左之後，你會心思思又想再食！相關價格：日本直送Deluxe蜜瓜芭菲  $220富良野薰衣草有機玄米杯裝  $48

每個女生都有隻顏色自己特別喜愛我自己就較喜歡粉紅色朋友仔就較喜歡紫色知道這裡推出薰衣草味道的雪糕特意和愛紫色的她飯後來吃我自己就點了白玉餡蜜芭菲 $58自己之前都吃過所以今次再來再點來吃我點選我愛的抹茶味道雪糕配上紅豆，兩者味道很夾上面還有原粒栗子及軟身白玉吃的時候多重口感富良野薰衣草雪糕 $48賣相好靚，仲付在真既薰衣草點綴著雪糕有陣陣薰衣草香味聽聞聞左會易入睡唔知食左又會唔會呢愛紫色的朋友仔表示很喜愛

同朋友夜晚食完燒肉放題，大家見口淡淡，便計劃吃個甜品才回家。可是在銅鑼灣附近，中式的糖水相距比較遠，所以我們最後選了去吃雪糕。其實一直也很想食icreameia的雪糕好耐，但一直也沒有機會。難得今次可以一行四人，終於可以試佢個蜜瓜味雪糕。大半個蜜瓜上面，載着厚厚的雪糕，雪糕可以揀牛奶或綠茶味。我們選了綠茶味，因為是最穩陣的味道。蜜瓜十分香甜，不知道是否日本產，可是那甜美的滋味，令人愉快無比。雪糕質地質地幼滑，入口是滿口的綠茶香。我們大快朵頤，吃個不停。適逢今日來到，新推出了薰衣草味道的雪糕，當然也要一試。淡紫色的顏色， 搶眼迷人。雪糕creamy好易入口，味道亦同薰衣草很似，然而我不太喜歡薰衣草的味道，所以覺得一般，但朋友就十分喜愛。這裏的雪糕一向標榜幼滑，今天終於有機會一嘗，算是滿足了心愿，雖然價錢有點貴，但是絕對值得一試。

近排係Instagram見到好多人都推廣薰衣草雪糕. 市面上好少有花味既雪糕推出。今次 i CREAMERIA 推出限定版既薰衣草雪糕，實在難得，要去一試。店內既裝潢依舊係西式風格。裡面有種舒適，浪漫既氣氛。吸引我目光的何止係裝潢仲有嗰餐牌。抹茶雪糕口感比以往更細膩,質感更順滑.杯內有抹茶啫喱,粒粒嘅紅豆,仲有抹茶大福口感煙韌,十分喜愛.一嘗薰衣草雪糕後，十分驚訝。薰衣草嘅味格外濃郁。咬落去嘅第一啖，薰衣草的香氣係口中散開。即使食雪糕後，你仍然會記得哪種薰衣草既獨特香味。

夏天就係吃雪糕既季節吧！😎經過icremeria 俾雪糕吸引左，當然要食喇！同朋友都係抹茶粉絲，order了一杯白玉餡蜜芭菲宇治抹茶一齊share...大大杯兩個人分享就最岩！！見到已經覺得好清涼解暑喇❄️❄️❄️抹茶味香濃回甘，係我既至愛呀❤️配上白玉，煙靭有嚼勁，底層仲有Q彈jelly，整杯雪糕豐富又有口感，冇得彈呀！💯🈵🈵🈵黃色既係粟子...紅豆圓潤...兩者味道都帶甜，正好中和茶味既甘！唔會覺得苦唷！🤤🤤🤤

同朋友係銅鑼灣行街...行到攰攰地之際見到icremeria，又燃起了吃貨既食慾了！餐牌上既富良野薰衣草雪糕係期間限定...期間限定幾隻字真係會令人著魔，唔理咁多order 左先算😂😂😂淡淡既紫色很高雅迷人，成功俘虜了女生的心唷！雪糕旁邊仲插左枝薰衣草鮮花，仲嗅到淡淡清幽既薰衣草味唷！雪糕口感軟滑，入口即溶，好快薰衣草既花香味散播整個口腔！薰衣草既味道唔會似沖涼液，味道一點都唔奇怪，很值得一讚呀！北海道牛奶雪糕配朱古力affogato味道很濃郁！雪糕奶香味濃，配上熱騰騰既朱古力醬形成冷熱對比，口感一流呀！