I Love You Dessert Bar (已結業)

天氣漸熱，需要降暑，所以逛完街就去吃甜品。這家米芝蓮推介的甜品店，基本上整條街都有不少人氣甜品店，競爭相當激烈。這家店的優點在於價錢相宜，由於輪候的人不少，那天等了半小時。⭐️拿破崙士多啤梨$43 是一份很可愛的小圓餅，頂層和底層是一塊酥脆的拿破崙餅，夾層是一塊煙韌的班戟和士多啤梨，口感很豐富，外脆內Q軟。⭐️朱古力雪花冰$59炎熱天氣最適合吃冰，雪花冰入口冰爽綿密，加上朱古力脆脆和焦糖脆脆增加口感，吃起來不單調有變化。⭐️鮮芒果梳乎厘班戟$48期待已久的梳乎厘班戟出場！看似平平無奇的班戟，嚐一口，很濕潤，軟綿綿的，一入口便融化在口腔。偏向蓬鬆的空氣感，非常討人喜歡，忍不住一口接一口，配上芒果和雪糕口感更豐富，正常的確抵食！▫️班戟令我印象很深刻，有機會會再吃！

最近去食呢間拎左米芝蓮推介的小食，抹茶控既我地, 當然唔少得點了抹茶忌廉芝士梳乎厘班戟, 一黎到就見到梳乎厘好鬆軟甘震下震下XD 面頭佈滿大量抹茶mix忌廉芝士, 梳乎厘質感幾鬆軟，蛋味好濃, 影左一大輪都冇塌下, 依然企身, 質量不錯~ 不過因為本身抹茶係偏苦, 同有少甜的梳乎厘可能唔太夾~原來除左梳乎厘仲有破拿崙，點左一個拿破崙士多啤梨吉士班戟, 比想像中好食，一咬好見，層次分明👍🏻👍🏻 加埋吉士同士多啤梨好夾！

見到呢間連續兩年拎左米芝蓮推介街頭小吃, 我地一於黎食下~ 去到發現甘岩做緊一個期間限定的🍓拿破崙士多啤梨吉士班戟, 愛食士多啤梨既我地即刻order, 分量比想像中大, 大過平時食開的拿破崙蛋糕幾倍~本來一心來食梳乎厘, 估唔到呢個都幾有驚喜, 一咬落去好香脆, 一層層的拿破崙係口中碎開! 士多啤梨雖然過左當造時間, 但都幾甜, 加埋中間夾住的班戟同大量吉士醬好夾, 成個口感超豐富!我地仲點了蘋果肉桂梳乎厘班戟, 面頭佈置蘋果肉, 加肉桂粉係底, 梳乎厘幾鬆軟, 有空氣感入口即溶, 蛋味香濃,配埋雲呢拿雪糕, 係呢個甘熱的天氣, 加埋雪糕一齊食, 真係透心涼, 一凍一熱加埋食好特別!P.S: 店內外賣為主, 坐位一眼睇晒, 甜品係即叫即整, 大家想食就要企係到等陣啦, 梳乎厘班戟製作時間最少要10分鐘, 最好先黎叫定再附近行下, 唔想等既話拿破崙差唔多5分鐘內有~ ❗️更多美食分享, Follow Instagram: Foodmarker.hk , 可以比個like我地, 大家的支持好重要😚➡️ https://www.instagram.com/foodmarker.hk/

這間在2018與2019連續兩年成為米芝蓮指南推介街頭小吃甜品店的小店，相比起鄰近幾間甜品店，地方的確極小，唯一可供堂食的地方就只得店外面向店子牆身的兩個坐得其實一點不舒服的高身座位。光顧的客人如果在看過店面張貼的多張印有店舖各式甜品樣子和名稱的彩色海報後，就可撥開厚厚的透明塑膠簾入去小小的室內空間下單，或是等待店舖員工出來才落單。這一天，我與老婆仔幸運地來到不多久，坐在室外座位的兩個女生便起身離座，讓我倆幾乎可以立刻坐下堂食，實在讓我感到十分幸運。這米芝蓮推介小店，售賣的無非是數款甜品，「梳乎厘班戟」是必吃的，特別的「吉士班戟拿破侖」也頗為吸引。此外，名字有趣的「食錢窩夫」與堪稱夏日妙品的「雪花冰」也是其他好選擇。這兒的招牌班戟是「忌廉芝士梳乎厘班戟」（$49），初次到訪的我怎能不試？這班戟只要另加 $8，便可加添一球雲尼拿、朱古力或豆腐味的雪糕，我覺得淡味的「豆腐雪糕」與這應該濃味的「忌廉芝士梳乎厘班戟」較為匹配，便選了它作為陪襯。這「忌廉芝士梳乎厘班戟」的確是好，班戟軟滑，充滿空氣感，忌廉甜、芝士鹹、豆腐雪糕清淡，還有少許木糠布甸必備的餅乾碎，混合一起，成為一道可喜的甜品，這美味

仔仔終於都考完試，我終於都鬆一口氣，今日放學一於同佢去學校附近榮獲米芝蓮推介嘅街頭小吃 I Love You Dessert「梳乎梳乎」。入到去鋪頭，問咗店員邊款梳乎厘班戟最好食。她的答案就是看看自己鍾意什麼生果，什麼雪糕。 其實實在太吸引，眼花繚亂，很難選擇。既然係咁，我哋就揀咗原味梳乎厘班戟加雲呢拿雪糕球，同埋香蕉朱古力梳乎厘班戟配朱古力雪糕。梳乎厘班戟需要時間製作，要耐心等待。 終於等到佢出嚟，簡直係驚為天人，因為原味嘅梳乎厘pancake係有兩個咁多。係震震震地出場， 可想而知係幾軟熟， 配加上雪糕一冷一熱，口感一流。另一款只有一個pancake，都係好軟熟。反而，我要讚佢個焦糖香蕉做得非常用心，很有水準。在等候梳乎厘班戟期間，為食的仔仔又話要食窩夫，見到有個食錢窩夫系列，追加了造型有一萬yen紙幣(米紙做的)的鮮芒果配雲呢拿雪糕窩夫。 芒果好新鮮，waffle外脆內軟，加埋雪糕簡直係一流。如果今日天氣涼一點，這個街頭小吃就更滋味了。

由佢地一開業就知道呢間小店成日都會大排長龍, 今日食完中午飯就好想食甜品, 同男朋友行經呢度, 就買黎試下~雖然係星期日, 不過今日好好彩唔算太多人, 每份pancake都係即叫即做,  製作需時所以都要等10-15分鐘等左10-15到就到手, 都算幾快!!!原味疏乎厘班戟 $33睇左咁多款, 都係原味疏乎厘班戟最抵食, $33 有2件疏乎厘班戟, 不過太熱關係再加左一份$8雪糕, 疏乎厘班戟口感綿密鬆軟, 入喉食到淡淡蛋香, 濕潤得黎但唔會覺得佢係唔熟, 甜度適中得宜, 味道配合得岩岩好!!!旁邊配上質感比較厚身既cream, 疏乎厘個質感好似仲比cream還要鬆軟~口感 & 質感認真一流, 有米芝蓮既獎真係當之無槐!芒果疏乎厘班戟配云呢拿雪糕 $48原味&芒果最大分別就係芒果疏乎厘只有一件, 令我食完好似有d唔夠喉咁, 芒果份量都幾多而且好鮮甜, 再配埋云呢拿雪糕一齊食有多重口感, 味道多元化~唔錯唔錯!因為小店關係, 所以都冇座位, 只有門口前放左2,3張高櫈, 而且夏天將至要食都要忍耐下"熱"

窮遊香港-米之蓮推介小食店👍🏻即刻like @hkfunfoodrecord 同follow先啦.今日講下米之蓮推介既小食店而最平原味梳乎厘都係$33姐咁質素係點呢？.⭐️香蕉朱古力梳乎厘班戟 配朱古力雪糕$42價錢比起同類店舖可以話好平梳乎厘 會震下震下 唔算好甜 帶有空氣感（‼️唔鐘意空氣感既朋友 注意‼️）賣相一流 配料都夠多cream 焦糖香蕉 雪糕 朱古力粉一個食哂都唔會濟.⭐️日本柚子抹茶吉士班戟拿破崙$34呢個係超高質 係我食過最好食既拿破崙酥皮夠脆 吉士唔會過甜味道方面柚子味 竟然比抹茶味重（諗住抹茶正常會重味d 睇個人喜好啦）（我鐘意柚子味重d既）高質還高質 但份量始終係1.5舊西餅量相對唔夠抵.⭐️士多啤梨藍莓雪花冰$59呢個都高質 係用牛奶雪花冰 唔甜但旁邊配料雪糕 果醬都有一定甜度綜合埋岩岩好既 如果唔夠甜底下仲有 士多啤梨醬呢個2人量 相對抵食.整體3樣都高質既價錢唔算貴 果然米之蓮係有d水準但美中不足係 小店冇得坐住食門口得2個座位同埋梳乎厘即做 店員話要等25分鐘（實際15分鐘就有）如果人多會更耐（是日keep住排3-4個人）.#ILoveYouDessertBar

今日同朋友行過白布街見到好多人係門口排隊，吸引左我地過去睇下食咩。原來係食梳乎厘😻💕好似又幾正咁，仲要係米芝連推薦既甜品🍮一於我地又食當係下午茶先🤣都有好多款，花多眼亂。我地就叫左三款唔同口味既，一齊開心share下先。由於即叫即整，都要啲時間先有得食，朋友建議係附近行多一陣先回來拎，唔洗企係度等😄大概4個字度番去就有得拎喇！芝士迷一定要叫既:忌廉芝士梳乎厘班戟🥞睇見都覺得邪惡呀！梳乎厘淋滿了滿滿既芝士忌廉醬，夠哂鹹香又濃郁。厚厚一層既梳乎厘 疊埋一齊，唔好以為會好大啖，原來係可以一啖放入口，因為梳乎厘係超鬆軟，好有空氣感。又真係好香滑🤭😋😋好快俾我地清左。再黎下一個甜品🍮蘋果肉桂梳乎厘🍎呢款口味無咁膩，蘋果肉桂仲帶點清香解膩添仲配埋個雲呢拿雪糕，正。另外仲叫左個芒果吉士班戟拿破侖芒果好甜清香😋加埋吉士醬一齊食，甜甜地。拿破侖食落幾鬆化，都唔錯。

這間小店得到米芝蓮的推介，所以之前夜晚黎呢頭食飯，都會見到呢間甜品店好多人係門口排隊，今次星期六5點幾6點黎到，唔係好多人等，於是就買黎食下。天氣都真係幾熱，但好在門口都有個大風扇吹住!這間小店舖入面便是廚房，客人只能夠入去落單便要在出面等候叫號碼。我跟朋友點了一款梳乎厘同埋一款刨冰!日式紅豆綠茶圓子黑芝麻忌廉梳乎厘pancake配豆腐雪糕($48)，我一向都唔太中意食空氣pancake，但係這裡的梳乎厘pancake有質感又唔會真係好似食空氣，食落好soft，黑芝麻忌廉味道好香，豆腐雪糕有淡淡的豆腐味，而pancake再配上紅豆和丸子一齊食，味道又幾夾!鮮芒果雪花冰($59)，這裡的雪花冰好綿，個質感真係好似雪咁，有淡淡的牛奶味!芒果唔酸，好甜，雪花冰加埋芒果醬同芒果一齊食特別好味，而且食完雪花冰真係透心涼!總括黎講，這裡的梳乎厘pancake暫時係我係香港最愛食的一款，另外這裡的雪花冰個口感都不錯，值得排隊再食!

嚟到旺角行街突然想食梳乎喱pancake，搵搵開飯睇吓附近有咩好野食，發現原來白布街有呢間I Love You，之前已經知道佢地幾出名，仲攞埋米芝蓮推介餐廳，所以冒住熱辣辣嘅氣溫行到呢度搵好野食😁行到嚟發現原來呢間小店真係得兩個門口位，好多客人都係企喺鋪頭食，但既然嚟到又熱辣辣，唯有買番上車食啦！落完單後大約等半個鐘左右就ready，等嘅時間去波鞋街行下嘆下冷氣，時間好快就過。樣樣都想食嘅我哋，兩個人三個cake😂 原味梳乎喱班戟首先ready好，將pancake遞俾honey後我繼續等其他，到我搞掂晒，行出鋪頭見到honey個驚為天人樣講「好好食呀！」我真係嚇一跳😂😂 即刻忍唔住食番啖，果然，有入口即溶嘅感覺，蛋味好濃又唔會太甜，撈埋木糠、忌廉一齊食仲可以食出唔同層次！另外加$8嘅豆腐雪糕都好好味！喺行緊番去車嘅途中已經食晒！🤤番左上車後就食芒果梳乎喱班戟配雲尼拿雪糕，芒果好甜，好似係熟到就爛嘅味道，不過我鍾意！pancake蛋味雖然依然濃郁，但有d被芒果蓋過，不過都好好味！最後仲有我哋最鍾意嘅抹茶，但呢個抹茶忌廉芝士梳乎喱pancake就有d失望，先Lam Lam 綠茶醬，苦的，少

雖然坊間有唔少小食店都跟上潮流供應梳乎厘pancake，但始終都係覺得始祖呢間最好食話哂拎過米芝連，一定有佢既優勝之處。記得最早期食果時都係得兩三隻口味，依家多左唔少新口味，仲加左鮮果口味更豐富。最愛芝士既我當然二話不說揀左cream cheese一拎上手已經聞到好香奶羶味，面頭火灸成焦香，睇見都流哂口水。Pancake一如既往咁鬆軟，好似綿花糖咁，但又幾厚實唔會好似陣風咁，配埋creamy既cream cheese鹹鹹地奶香十足新出既拿破崙系列更加出色面同底既拿破崙餅乾非常香甜鬆脆，夾住軟滑既吉士醬同新鮮芒果，又香又甜又好味身為Soufflé pancake專門店當然唔少得班戟～～呢個拿破崙中間夾左塊好似蛋糕咁軟綿綿既班戟，入口層次好豐富，一啖食到幾種唔同既口感，大推呀

講個秘密你地知我未飲過黑糖珍珠奶茶唔出奇MY BOSS都未食過梳乎厘🤣所以今次帶佢黎到米芝連推薦嘅I LOVE YOU DESSERT Bar 食下梳乎厘我地點左個香蕉朱古力梳乎厘班㦸 ($42)蛋味香濃又夠口感鬆軟 我個人好滿意佢嘅厚度入口即溶，空氣感極強👍🏻👍🏻另一個鮮芒果配雲呢拿雪糕食錢窩夫($53)芒果窩夫用原味窩夫配上新鮮芒果醬配料有芒果粒同雲呢拿味雪糕濃厚的芒果味及多重口感一次過滿足愛吃芒果嘅我地🥰_________________________裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂

5點5分落單，問清楚要兩分同三分時間是否一樣，員工答一樣都是廿五分鐘，點知等到廿分鐘就話你要等多round,我地唔知乜事，五分鐘後跟我地後面果兩個人都攞走左，問佢地，佢地又話頭先同你地講等多round,家下再等多廿分鐘，因一次做七件，你要三份要等下一round做，咁佢地講d唔講d,足足等左五十分鐘，我地之前係冇人等既，員工仲話你可以退錢，等左四十分鐘叫我退錢唔好等，算點？好食都唔係咁既。米芝蓮又如何？

今日與另一半到旺角逛逛街，中午的天氣真係又熱又焗，是落暴雨的前夕。在擠擁的旺角街頭上，行了不到5分鐘已經滿頭大汗。這時候，當然什麼都不想，只想吃冰冰的甜品。我倆既不想去一些經常去的甜品鋪，於是我們就上OpenRice 查一下旺角有什麼好的甜品食，結果竟然被我們發現到這間 I Love You Dessert Bar，一click 就見到是"米芝蓮指南推介街頭小吃"，正中我們下懷!I Love You Dessert Bar 就在麥花臣遊樂場隔離，其實從西洋菜街那邊行過去都非常近，絕對不成問題。我們到的時候，已經看到甜品店外有人在排隊，因為I Love You 是街頭小食的關係，所以沒有堂食位置供應，但有一個長桌的位置。言歸正傳，話明米芝蓮街頭小吃，我們就當作掃街這樣等，為了食好西，等一陣當然是冇問題啦! 於是，我們就邊等邊看看有什麼食吧。嘩，真係好夠街頭，夠晒貼地。價錢上絕對超值，相比起一些日本專食Pancake 的店鋪，幾乎便宜近$100! 由於天氣太熱的關係，我倆就分別點了一個雪花冰和一個最出名的梳乎厘。💓 1. 鮮芒果雪花冰, $59雖然I Love You Dessert Ba

附近有好幾間甜品店，稍稍研究過，呢間嘅種類最吸引，而且最抵食，就即管試試，結果真係性價比極高！店前都聚集左唔少客人，但並冇人龍，入去舖頭落order時，見到幾張米芝蓮獎狀，咁應該冇揀錯啦！點左最原始嘅原味梳乎厘班戟，因為其他甜品店多數都話梳乎厘班戟製作需時，要等10分鐘甚至半個鐘，所以點完好自然就轉身出返去，點知出到去都未企定，職員已經捧出我地份原味梳乎厘班戟了！效率咁高，難怪唔洗大排長龍！一份原味梳乎厘班戟有兩件，蛋香非常濃郁，質地又輕又棉，好似寫緊舊雲咁面頭微焦，口感味道一級棒！再加上奶味極香濃嘅cream同味道超夾嘅楓糖，好有層次，啖啖幸福感，好想食完再食！！！