I Love You Dessert Bar (已結業)

自從幾日前，我在尖沙咀商場的日本甜品餐廳裡面，想食「梳乎厘班㦸」卻不幸先後遇上「梳乎厘班㦸」售罄跟缺貨的間，因而無法如常地試食享用，我最愛的甜品的「梳乎厘班㦸」。結果幾日後，我回到我最熟悉的地方「旺角」，終於又找到可以食「梳乎厘班㦸」的甜品店，今次售賣「梳乎厘班㦸」的食店，又是位於旺角食街「白布街」裡面，「白布街」果然跟「黑布街」一樣，都是到處各大食店的美食區。而且這間售賣「梳乎厘班㦸」的旺角甜品小店，其實它的名稱與名氣一點也不小，店名叫做「I Love You Dessert Bar」。「I Love You Dessert Bar」這食店名稱改得頗為可圈可點。因為整間「I Love You Dessert Bar」食店主要樓面檯櫈，都是被安排了在食店面對街道的幾張吧枱而已。所以把食店名稱稱之為「Dessert Bar」，除了吧枱之外就沒有其他檯櫈，完全沒有誇張失實。「I Love You Dessert Bar」店內餐牌的內容，都是圍繞着日式梳乎厘班㦸而來，除了梳乎厘班㦸之外，「I Love You Dessert Bar」剩下售賣的居然都是，由「梳乎厘班㦸」演變出來的「日本柚子抹

其實經過呢間鋪頭幾次，已經比佢地既限定推介《日本蜜瓜口味》吸引住，可惜未有機會一試，到呢間鋪頭攞埋《米芝蓮》，更加係人山人海難上加難既一試，今次決定未食鹹，先食甜，早食早享受，今次終於冇咁多人排隊，但想試既口味已經停售了……可惜唯有試其他口味，Order咗一個芒果口味及紫薯口味，雖然少人，但還是需要等20分鐘，鋪頭地方較少，唯有在門外耐心等待…即叫即做既新鮮pancake梳芙厘出爐啦！熱辣辣，又香蛋味，又厚又鬆軟，值得一等再試

今晚同朋友仔食飽飯經過呢間pancake店，見到門口已經好多人拎住一盒盒，嘩！離遠望埋去都見到超厚，係震騰騰架一於整反個試下滿足下個胃！叫左份原味，一份忌廉芝士，同一份士多啤梨味！雖然都等左好耐，不過好在成班朋友仔一齊傾下計笑下咁時間過得好快！終於到手喇，嘩！真係好厚，而且係震騰騰，彈彈下架！第一時間都係相機食先，經我地咁多個一輪影完相之後，個pancake 仲係好厚，無縮水一輪鯨吞之後！好滿足啊！其實三份pancake 都係一樣味，只係加左士多啤梨醬同忌廉芝士醬！但係真係好香好有口感！個人最推介係原味，因為完全食到pancake 既蛋香，同埋最抵食！果然係米芝蓮！極推

米芝連小店出左個忌廉芝士新口味聽到個名都覺得邪惡🤤等左十分鐘有得食依度嘅梳乎厘班戟果然震騰騰好鬆軟忌廉芝士好軟滑，奶味比較重配埋一齊食好正!! 😋旁邊嘅忌廉都好香奶味，唔係普通忌廉梳乎厘班戟質素係handsup食過暫時最鬆軟最綿蛋香就Bove正啲，包括店員都係依度嘅店員臉口好黑，好無親切感😔拎個班戟時好似得罪左佢咁😥係咪拎左米芝連就零舍串啲🤔

已經係第4/5次幫襯, 咁既價錢咁既質素真係唔可以挑剔同埋比起其他大店$50UP既 個人認為呢間好味好多除左要等耐小小,其他方面都好好有蛋味同有空氣感 岩岩好 每次經過都忍唔住食

本身剩係知油麻地有間食梳乎厘出名，唔係閏蜜帶我黎都唔知，原來白布街呢頭都有間價錢都幾平，$29-48不等，視乎返揀咩味，因為第一次食，所以決定揀個原味試下～落完單前面仲有兩份等梗，結果等左差唔多20分鐘先有。賣相吸引，份量比k11好出名果間多，性價比高，feel到幾空氣感同軟熟，拎上手已經聞到幾香楓糖漿味。叉開係似布甸既質地，唔會散唔似有啲地方整到唔熟一pat pat咁。蛋香唔算重，但入口好滑，配埋甜甜地既輕忌廉同糖漿，食起黎好有滿足感呢個價錢唔趕時間既真心值得一試

其實上年已經好想好想試呢一間嘅pancake！ 但係每次經過都見到好多人排隊， 我呢啲懶人，梗係唔排喇 ！哈哈！ 今日好好彩 ，經過見到竟然冇乜人排隊呀 ，咁係立即衝上前買返一個，睇下係唔係真係咁好味買咗一個原味梳乎厘29蚊， 即買即整，從外觀嚟睇，好靚，簡直係好適合影相打卡！ 梳乎厘上面有忌廉，好香滑， 配上梳乎厘一齊食好正，而梳乎厘好濃嘅蛋味， 不過食落真係一陣空氣咁呀！哈哈 梳乎厘可以加錢加雪糕，不過我就冇加，等我下次試下先！

好好食，我會再去今晚8點幾去左排隊，見到都好多人排，甘我我都吾放過去排，好彩係等10分鐘就有得食，所以好快就有得食。有人話之前買要等1個鐘，所以我估可能係8點幾未係繁忙時間，所以吾洗等甘耐，仲要係好抵食，29蚊有原味pancake，抵過其他舖頭我叫左個原味鬆飯pancake ，面頭有好香嘅忌廉，吾好講笑，係超重奶香味，食落吾覺係香精整成，仲要又吾會太甜，如果舊忌廉再大舊啲就好，因為真心係好好食。個鬆餅pancake 係震架，係好軟棉棉，堅係入口即溶，仲要好香蛋味，同忌廉好夾，仲要吾會好甜好漏，所以可以一個人食晒。我見佢仲有抹茶、櫻花同朱古力等味，下次再試

旺角人流多自然野食都多☺️想食高質又抵食既甜品，今次等我黎會一會呢間傳說中抵食又高質既甜品舖啦👀話說呢間餐廳係17年都上過米芝蓮推介街頭小食，而佢最威既係梳乎厘班戟⭐️•梳乎厘班戟要整得好食其實係相當難，要整到好有空氣感真係唔容易，我今次揀左日本密瓜梳乎厘班㦸配密瓜雪糕，價錢唔貴，39蚊👍對比岀面d大brand，抵到爛💁🏻‍♀️等左15分鐘左右終於到手，外觀上完全唔失禮，密瓜叫不上新鮮，但好甜，可能係浸咗糖水～微暖既梳乎厘加埋凍冰冰既雪糕，其實唔要求高係絕對合枱既，雖然佢對比ap pм同ĸ11個間pancaĸe真係唔同level🤓但唔洗排長龍又平格就比個讚佢啦👍🏻

今日同屋企人食完飯後來到吃個甜品。來到這裹已經企了一班在等的人。其實之前已經吃過一次，當時沒有這麼多人。 這次我們等了半小時。其實我覺得差不多啦，因為佢即整，而且我是第二批。十點九左右已經售罄。就數有很多人來到買不到。來到才知道他們入選了2018 米之蓮。梳乎里上插了一個米之蓮人的牌，是可以吃的。吃下第一口軟綿綿的，帶著蛋香。面頭的皮有著楓糖的味道。令人一口接著一口。屋企人還點了魔鬼梳乎里，但我就沒有拍照，因為他們很快已經開動了。那個面頭有著濃濃的朱古力醬配上梳乎里，朱古力醬濃得蓋過了梳乎里的蛋香。喜歡朱古力的人應該會喜愛的，還配上了雪糕。真的的推薦這裹，如不介意站在街上吃。這裹是吃甜品的首選。

行到邊食到邊，經過呢間美芝蓮，又難得唔多人緊要試試佢落單後大約等15-20分鐘，因為即叫即做的由於岩食飽飯，點了個有抹茶既口味清淡啲$39 抹茶忌廉芝士梳乎厘班戟🍵🥞出場了！聞到抹茶香味，熱辣辣，輕輕搖晃重會動L，視覺好滿足呀班戟食落有蛋香，質地鬆軟，好味！不過個汁就淨係食到芝士味，無抹茶味...新鮮熱辣搭夠，整體都唔錯！份量十足，價錢合理既

忌廉芝士梳乎里班㦸，有兩件。濃濃的忌廉芝士舖滿在梳乎里班㦸上，濃郁而不膩口。加$10有一球雪糕，這$10省不了。沒了雪糕的點綴像畫了龍忘了點睛一樣。朕最愛豆腐口味。兩樣夾著來吃，一口接一口，忘不了。友人要了這個沖繩黑糖汁梳乎里班㦸，留意：只有一件！！配上櫻花雪糕及櫻花小丸子，淺嚐了一口，坦白說只有雪糕裡找到櫻花的蹤影，太甜了，不太喜歡。那串小丸子我都分不了三款味道上有什麼不同，抑或只是一團團麵粉。溫馨提示：不想排太久請於7點前享用

近期人氣甜品非疏乎厘pancake 莫屬，仲要係人氣日本品牌「十幾克」😝就黎登陸香港，一定又牽起一陣熱潮。諗到呢度我都等吾切，今日一於去另一間人氣熱店滿足下自己的胃先！ 今日去到旺角分店，好彩吾駛等好耐。 門口有三張高櫈，所以大家都係準備企係街頭等食。 職員好有禮貌的跟我們說要等幾多分鐘，你可以四圍行逛等食。 等了廿分鐘終於等到了，賣相真不錯！ 鬆鬆軟軟的疏乎厘pancake 很有空氣感， 軟綿綿，而且吾會好快塌落黎， 讚！ 味道方面， 我都係鐘意甜味既pancake. 魔鬼朱古力味真係好邪惡！ 面層的朱古力略帶榛子味，再加上焦糖爆谷和朱古力雪糕，食完好滿足！ 至於綠茶忌廉芝士味由於芝士的鹹味很濃，同soufflé pancake 吾係太夾。 我都係鐘意食朱古力那個多d ! 😋

話說尼間pancake剛出的時候係一陣熱潮，由於佢既pancake同waffle超抵食加上開係旺角區所以吸引好多人來而且價錢超吸引好似當時原味pancake$29，我同好姊妹也慕名而來的不過就排左個幾鐘但水準一流無令我地失望好鬆軟既pancake做到震騰騰既效果今次見佢出左好多新口味所以再來試試佢去到幾驚好多人，點知人流比想像中少Order左個抹茶口味pancake$39可加錢配雪糕但無加到等左大概十分鐘左右就整好有得拎啦因爲又係即整既關係熱辣辣震騰騰，保持住之前既水準抹茶既cream超多超濃郁好鬆化既pancake好快俾我食晒不過就略為甜左，可能真係超多醬既關係吧

今日朋友帶我去食甜點。佢話我食完之後一定會好滿意啊！ 去到店已經有人在排隊，我地叫了兩款-紫薯味和榴槤味。都要有耐性等，因為係即叫即整。等咗一陣，有了！ 嘩！ Presentation 好靚，馬上試食！ 正呵！ 好好味！ 冇介紹錯！ 米芝蓮推介冇錯！