985
62
26
| 餐廳: | INN - I’m Not Nothing (裕民坊YM²) |
|---|---|
| 優惠: | 國泰會員憑「國泰 - 亞洲萬里通」應用程式內會員二維碼，賺高達HKD4 = 2里。受有關條款約束。 |
|
條款及細則:
|
|
|
|
影片
開飯介紹
店舖以白色為主，並以大量花飾增添仙氣感覺，食物精緻，打卡一流。餐廳提供各种沙律、意粉和扒餐，適合朋友聚會。
繼續閱讀
營業時間
今日營業
12:00 - 22:00
星期一至日
12:00 - 22:00
*截單時間: 21:00
以上資料只供參考, 請與餐廳確認詳情
有關獎賞計劃
優惠
| 餐廳: | INN - I’m Not Nothing |
|---|---|
| 優惠: | 國泰會員憑「國泰 - 亞洲萬里通」應用程式內會員二維碼，賺高達HKD4 = 2里。受有關條款約束。 |
|
條款及細則:
|
|
|
|
相關文章
知道呢間餐廳二人餐都只係$498，好似好抵食，今晚就訂枱試吓先。脆炸芝士條有兩條，炸到外皮脆卜卜，入面的芝士味好濃郁，點埋個甜甜的醬食又幾夾。前菜3揀2是日餐湯南瓜湯，甜甜的好creamy入口好細滑。挪威煙三文魚沙律沙律醬汁酸酸地好開胃，估唔到佢嘅煙三文魚都充滿魚油香，幾肥美好食wo，有驚喜。香煎銀鱈魚蕃茄意大利飯銀鱈魚煎到魚皮好香脆，魚肉嫩滑，有少少長的魚骨，食的時候要小心啲。每一啖意大利飯都充滿蕃茄醬汁，調味做得幾好。燒美國豬肉眼扒邊邊位煎到好香脆，加上帶少少肥膏位，好香油脂味，肉眼唔乾身，都算多肉汁；配菜有煎薯仔、蕃茄同西蘭花。鮮果梳打冰茶，加$24好fresh，好多鮮果例如士多啤梨、西柚、橙、檸檬，加埋梳打水，夏天飲真係好解暑。熱情果芒果酸奶昔，加$29酸酸甜甜，奶味幾濃郁，又係一個好適合夏天飲的飲品。香蕉焦糖法式多士，加$38估唔到size幾大，面頭用焦糖煎香過，而多士入面係充滿蛋液，蛋香味夠，真正做到外脆內軟，加上香蕉同cream同一球雲呢拿雪糕，呢個French toast 真係好好食，令呢一餐畫上一個完美嘅句號。咁啱做梗陳慧琳Kelly的應援，好多打卡位，佢的環境都好舒服，有室外嘅位置，種左不同嘅花。
繼續閱讀
餐廳以歐陸式🏰 • 花花💐佈置，少女心 • 浪漫感都有💃🏻同另一半 / 閨蜜黎打卡都好岩📸除左環境佈置用心，野食都好同樣有花心思🫶🏻加左食用花🌸點綴 • 多種顏色🎨既食物配搭...最近仲有男歌手IAN🕺🏻生日應援🎂見到好多FANS去打卡。~•~•~•~•~•~•~•~•~•~•~•~•~•~•~•~•~•~•~• ☀️ Lunch Menu ☀️(加+$18 配餐湯 / 沙律 & 野飲)▪餐湯 : 蘑菇湯 🍄🟫 ，表面用左Cream點綴▪沙律 : 菜 • 蕃茄仔 • 青瓜片🥗.▪ 自選意粉揀左 : 手工捲粉(+$20) • 松子仁羅勒🌿 • 鯛魚柳🐟🍝煮得岩岩好，口感彈牙。Pesto Sauce醬濃濃羅勒香，捲粉攝到更多汁🤤鯛魚柳煎得香口，又大塊。 表面仲加左芝士片🧀.▪ 燒安格斯肉眼牛扒8oz伴香草牛油 揀左5成熟，肉質軟嫩，表面加左香草牛油🧈 • 少少黑椒🖤...都夠香，旁邊個汁我可以唔點都得。底有長柄西蘭花🥦 • 烤蕃茄🍅 • 薯仔粒🥔.▪Ice Cappuccino (升級)啡味偏Nutty🤎，表面奶泡夠綿密🫧.▪羽衣甘藍牛油果Smoothie (升級)好Green💚好健康。表面仲加左塊羽衣甘藍🥬裝飾，飲落牛油果味較重🥑.▪雜莓鮮果法式多士配雪糕即叫即整(*約15-20mins)。濃濃蛋奶香，吐司索滿蛋汁，再煎至金黃🧡外邊帶脆脆，包心軟軟綿綿🍞吐司熱熱地 配埋冰凍雪糕食好正😋揀左雜莓口味，睇落夠Colourful，酸酸甜甜同朋友仔好快清左碟🤭仲有幾款口味選擇 (開心果朱古力 • 肉桂蘋果 • 香蕉焦糖 • 原味).~•~•~•~•~•~•~•~•~•~•~•~•~•~•~•~•~•~•~• 🔺需加𝟏𝟎% 服務費 ~•~•~•~•~•~•~•~•~•~•~•~•~•~•~•~•~•~•~•
繼續閱讀
Lunch with 同事生日，失望。1. Waitress 唔熟，生手 2. 樓底矮，一有人講話就好嘈，吵耳. 3.全部都是Kelly Chan Decorations, 好大個頭望住食嘢 請顧及所有顧客未必喜歡的感受，提議：可以接受一角部分擺放。4.食物過咸或過熟，麻麻好味。不必太多食物花或其他點綴，過度攞碟，不如事注食物質素先。5.南瓜湯又咸又人工化，不夠好味，我們冇飲晒，但個待應仲問是否太多，我就唔好意思話：唔好味。5.羊柳有根又鞋口 6.本來祈待手工意粉會好，因為要加費，點知超硬而不是煙韌口感。好失望。7. Rosato飯及普通意粉又係硬咸 8. 最正常係All day breakfast 🤣🤣🤣因為係蕃茄腸煙肉麵包。9. 冷氣唔夠，要求開冷氣才好D。10. 用餐區跟收銀厨房同牆分隔咗，成日都見唔到待應，要等她們送餐才能夠叫她們處理要求，或者要客人走出去收銀柜台找她們。這不是個好的選擇。難有回頭客。😵💫
繼續閱讀
今日同男朋友7:30pm黎慶祝生日，食咗二人set dinner，感覺幾開心。坐低唔使等位，環境高質，光猛又企理，啲佈置都幾chill幾靚，好啱情侶或者三五知己聚餐。🥣 講下食物，頭盤加左蜆肉湯，飲落真係有鮮味，蜆肉唔會水腥，啖啖都有料。主菜方面，意大利飯酸酸地，魚扒煎得皮脆肉嫩，完全冇腥味，幾開胃。不過另一個主菜牛扒就略嫌唔夠Juicy，叫咗medium但偏熟，肉質實咗啲。如果牛扒可以再多汁啲就perfect啦！🍞 最驚喜係甜品french toast，真心推薦！麵包用牛奶雞蛋浸過，中間超軟熟，入口即溶，比一般港式西多士厚，但感覺反而輕盈得多，蛋香奶香勁突出，食多幾啖都唔覺滯。生日可以叫店員寫生日祝福字句，好貼心，呢個位加分！💰 價錢方面，二人餐以西餐嚟講相當抵食，食物質素同份量都唔錯，性價比高。🪑 環境乾淨企理，光線充足，裝修簡約溫馨，有啲小驚喜裝飾。無論打卡定真正食飯都岩晒。🤵 服務都唔錯，店員主動幫忙，上菜快手，又有禮貌。📅當日都唔算太多客，但都經openrice預約左，唔使排隊，即入。⭐ 食物質素：4/5 ⭐ 整體推薦：4/5 ⭐ 約會/聚會：4/5（無論拍拖定同朋友食飯都啱晒） ⭐ 回訪指數：3/5（法式多士實在太吸引，可能為咗佢會再嚟！）總結：氣氛溫馨，食物有驚喜，可作為朋友聚會和小情侶慶祝嘅選擇！
繼續閱讀
食物尚可，價錢不算吸到。職員態度一般，可能人手不足關係，亦趕住埋單，感覺令人不舒服。環境明顯用心佈置，但枱與枱之間好擠迫，周圍的人談話很大聲，十分嘈吵。本想找個靚靚地方同朋友high tea，但整體感覺不太舒服，沒有再去的衝動。
繼續閱讀