影片
港鐵觀塘站 B2 出口, 步行約5分鐘
繼續閱讀
電話號碼
26500028 (WhatsApp)
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
有關獎賞計劃
相關文章
朋友約到觀塘嘅Four o Five Coffee & Eatery，入到嚟環境舒服，坐得又寬敞，啱晒慢慢chill住食lunch午餐有lunch set $98起包餐湯 或 沙律同飲品洋蔥忌廉湯口感幼滑，帶有細細粒洋蔥甜味沙律菜新鮮加上陳醋調味，好清新山政小山園【槙之白】宇治抹茶除左咖啡仲有好多飲品選擇，小山園宇治抹茶都幾好飲澳洲殼飼肉眼扒配薯蓉·日式鰹魚汁牛扒剛好juicy肉質不會硬，配個薯蓉沾上旁邊日式鰹魚汁，十分美味法式油封鴨腿配蜜桃莎莎鴨腿非常嫩滑，配上蜜桃莎莎入口清新，好啱夏天棒棒鷄鎚鷄鎚炸得酥脆香口，沾上醬汁好惹味吉士焦糖梳乎厘午市套餐可加$68-$88就食到梳乎厘班戟！兩層厚厚梳乎厘，厚而鬆軟，蛋香濃郁，入口即溶又唔會太甜，配埋焦糖爆谷，加上香脆焦糖層次感十足，影相打卡一流！總括食物水準高份量足，價錢合理，服務都唔錯
繼續閱讀
藏身喺成業工業大廈地下，環境清新舒適，乾淨光猛，坐位寬敞，超推介畀鍾意食梳乎厘班戟嘅朋友！推介黎呢度下午茶，超抵，又有梳乎厘班戟食架！不過返工夾唔到時間，黎食午餐都好開心。午餐有lunch set,主要係西餐,包餐湯/沙律同飲品。幾鐘意呢度既沙律同餐湯，洋蔥忌廉湯幾好味，口感幼滑，每啖帶有細細粒洋蔥既自然甜味。🧅🥣沙律都大碗，意式醋調味，沙律菜新鮮。🥩 澳洲穀飼肉眼扒配黑松露燒肉汁ribeye order medium，配上黑松露燒肉汁。個薯蓉好食！🥓 🍍BBQ汁慢煮豬腩肉配燒菠蘿慢煮豬腩肉係有少少肥膩，係好邪惡既美食，好彩配左燒菠蘿，可以平衡返個油膩感，解膩。🥞 原味梳乎厘配楓糖漿 午市套餐可加$68-$88就食到梳乎厘班戟！叫左最basic既原味，感覺無咁甜咁肥，個pancake真係好好食❣️厚而鬆軟，蛋香濃郁，配楓糖漿甜度適中，食完好滿足🥞🥰
繼續閱讀
今日就嚟到成業工業大廈地下嘅Four O Five Coffee & Eatery，樓底幾高地方唔細，檯與檯之間相對密集。雖然唔似Cafe咁寧靜，但對於情侶約會或朋友聚會都好合適。特別係一大班人可以揀坐大房，叫做有獨立空間有返啲私隱度。估唔到晚市人氣都幾旺，9點都仲有客入座食甜品，氣氛熱鬧。🦐虎蝦帶子意粉 $138我個人好滿意呢個意粉，特別係個醬汁蕃茄汁底酸酸甜甜，非常開胃意粉煮得啱啱好，有小小煙韌嘅口感兩隻虎蝦超大隻有蝦膏，帶子軟淋入味🦀蒜香蟹肉意大利粉 $138巨量嘅蟹肉絕對係一大賣點裏面唔係碎蟹絲，而係完整一舊蟹肉配料有翠肉瓜、菇同大量蒜片增添層次同香氣雖然外觀看似清淡，但其實都幾濃味🍫香濃海鹽朱古力梳乎厘班戟 $138即叫即制嘅梳乎厘班戟好加分班戟鬆軟得嚟又軟綿綿，切開時仲聞到好濃嘅蛋香上面有超多OREO碎，仲有朱古力醬雙重嘅濃郁再加少少海鹽中和甜味，唔會覺得膩🍋鹹檸柚子沙冰 +$24呢個沙冰有種中西合璧嘅感覺鹹檸味道明顯突出，帶有淡淡柚子嘅清香，冰沙質地細膩，飲落清涼解渴🥭芒果菠蘿沙冰 +$24芒果同菠蘿嘅香甜完美融合，果味濃郁係大人小朋友都鍾意嘅味道冰沙滑溜又唔冰硬總結：餐廳食物質素唔錯，真係幾適合同朋友聚會。唯一小小缺點係晚市人多時要等位，等位出面有啲焗，建議早啲去。
繼續閱讀
【川味雞軟骨】💰68雞軟骨醃得入味，每粒都炸到卜卜脆而且帶有嚼勁，味道微辣【黑松露燴飯伴巴馬火腿配黑醋汁】💰148燴飯口味正宗，望落飯粒被忌廉同高湯完全覆蓋，食落依然保留半生熟嘅口感💕 配上黑醋汁做點綴，賣相滿分💯【韓式泡菜卡邦尼意粉配溫泉蛋】💰138醬汁濃稠，溫泉蛋白軟嫩、蛋黃濃郁👍🏻 加入韓式泡菜更顯創意👀 整體份量勁大份，建議女士們share都夠食👯♀️👯♀️【海鹽Kiri芝士奶蓋白桃/桂花烏龍茶】💰跟餐加20奶蓋味道鹹甜交織，質地綿密😋 兩款茶底都好清新，推薦🙌🏻【吉士焦糖梳乎厘班㦸】💰108所有梳乎厘都係即整，需要預留製作時間大約20-30分鐘🕣 梳乎厘十分動L，啱晒影boomerang打卡 📸 食落口感輕型，表層煎到微微金黃、中間充電空氣感，而且帶有濃烈蛋白香味👍🏻 吉士焦糖唔會太甜，焦糖用火槍燒到微脆，令成個甜品層次豐富，加上爆谷做裝飾令賣相更加吸睛👀
繼續閱讀
觀塘工廈收收埋埋有好多出色嘅Cafe ✨今次就同大家介紹～ @four0five_coffee ✨西班牙海鮮燴飯💛大隻青口、惹味鮮蝦、原隻軟嫩帶子，配上啖啖蜆肉燴飯，食到唔停口，擠埋檸檬汁就更開胃。香濃泰式奶茶梳乎厘班戟🧡軟綿又有空氣感嘅疏乎厘，鋪上一層濃香兼甜度適中泰奶醬，放埋薑餅碎上去，再咬下煙煙韌韌嘅小丸子，好過癮。趁期間限定，唔試會後悔。海鹽Kiri芝士奶蓋白桃烏龍🤍咪睇佢似杯啤酒，飲管浮面就飲到芝士奶蓋嘅濃滑牛奶味，飲管到底就飲到白桃烏龍茶嘅醇香，攪拌均勻就係一杯奶滑而不失茶香嘅奶茶，實在令人驚喜。粒粒柑橘鮮橙梳打🧡柑橘果肉加上鮮橙汁同梳打水，飲落透心涼，夏日消暑解渴一流!
繼續閱讀