I's Corner

營業中

休息中

收工行過見到個名，就諗到近期有套，日本戀愛漫畫拍左真人電視劇，而且隔離有花店，所以俾佢吸引左入店，係安靜的小區有間寧靜的cafe,係十分令人舒服放棄i's和牛漢堡配洋蔥、番茄見到用店名就一定招牌啦，而且我幾鍾意食漢堡，黎到都大大個，以為個包好厚，點知咬落十分鬆軟，洋蔥番茄都好新鮮，主角的和牛漢堡扒，都多汁鬆軟，無令人失望。香草烤紐西蘭羊架唔知係咪平時，做開任食，d薯菜好多，好似唔洗錢咁，在對比下羊架，就好似好細，但咬落有驚喜，肉汁標出黎，羊肉騷味唔錯，有之餘又唔太濃。黑醋蜜糖雞翼烤得剛剛好，我鍾意雞翼外皮少少脆的感覺，黑醋同蜜糖的香甜又相當配合鮮奶+朱古力咖啡鮮奶需要加8蚊，而所有茶、咖啡款式都唔需要加錢，杯朱古力咖啡真係好多朱古力，本身想叫朱古力布朗尼食，飲完依杯，d朱古力都夠哂

星期六放假仲要襯埋咁好天氣 所以想搵間cafe悠閒地過一日～男朋友搵左呢間寧靜既文青小店 值得讚下男朋友咁知我心！好開心可以坐窗口位 可以望住個藍天 仲有自然光射入黎暖暖地好舒服😌我地叫左份all day breakfast🥗同blueberry cheesecake🍰飲凍朱古力同熱薑蜜🍵有自然光襯托 望落真係好似好食左 當然味道都真係唔錯！特別係黑松露炒蛋🍳蛋夠滑同埋黑松露真係一啲都唔吝嗇 啖啖都係！朱古力唔太甜 岩晒怕肥又要飲朱古力既人士😆👍🏻藍莓芝士蛋糕 好好味！應該係自家新鮮製 因為芝士食落唔似出去買個啲好實既感覺 所以感覺唔會太膩 真係食多件都得😆🤤薑蜜既甜度同薑份量都控制得好 唔會太辣唔會太甜！飲完個人暖笠笠☺️食完再去埋附近既小店行下 其實何文田同紅磡都幾多野行～

紅磡呢邊屬於舊區，當中有呢間裝修舒服嘅悠閒角落～黑醋蜜糖雞翼$58雞翼焗得金黃香脆，個汁酸酸甜甜好開胃日本原隻帶子黑松露意大利麵$128除左有大大粒日本帶子同好香嘅黑松露之外，配料仲加左露筍雜菇呢d蔬菜，食落清爽唔油膩，意粉都軟硬適中芥末燒汁原條美國牛仔骨$88牛仔骨一般比較靭，好少會原條咁食，難得呢塊牛仔骨完全唔靭，肉質嫩滑之餘仲燒汁好入味！配埋脆脆薯條更加正！熱朱古力$32原來熱朱古力都有拉花，好靚！好香濃凍檸茶茶味濃，唔澀口

雖然係話198任食2小時，但有啲野食係冇機會食到 or 賣曬，同埋有時等得幾耐下。例如三款甜品都冇得食，最後用movenpick雪糕黎代替😐，真系有啲失望。如果訂位方面能安排得好啲就更好，confirm左會有位可以按預約時間到，黎到就話可能冇位，咁樣真系唔係幾好，大時大節周圍都full bking，臨時臨急好難walk in到。不過服務態度真的好好👍呢個冇得否認，環境都好舒適好relax，野食都唔錯。👍

餐店門口做得幾有特色, 吸引了不少文青在店內飲飲咖啡, CHILL 一CHILL今晚好肚餓, 價錢唔貴, 叫左飽肚野食凱撒沙拉, 爽脆的蘿蔓葉, 包圍著一朵朵玫瑰花狀既煙三文魚, 賣相吸引, 入口肉質較柔嫩， 有淡淡煙燻香味美國頂級IBP PRIME 西冷, 美國IBP 頂級安格斯PRIME西冷，獨特的養飼方式讓牛扒不太大件又有很靚的油花，油脂香滑、肉質幼嫩 , 估唔到價錢168就可似食得到, 仲要有11OZ, 真係超值! 當然要叫黎食呀, 肉味好濃, 好多汁, 有咬口, 不錯不錯! SIDE DISH 既薯條大大條, 炸得香脆! 

去轉角小店扮文青，自然會感性一番，呢間店有個黑板寫金句語錄，唔知大家寫完又會有咩體會呢?不過作為吃貨，最關心都係食物呢度無論咖啡定食物，賣相都唔錯豬扒沙律卡邦妮意粉肉醬意粉不過味道只屬正常，冇必驚喜。經過想搵個地方坐不妨一試，刻意來就不必了。

踏入新一年, 轉了新的工作環境, 工作地區也不同了, 當然要係工作附近覓食, 早前便相約友人去了紅磡的I’s Corner食晚飯. 這是一間café, 坐位唔算多, 最啱與友人一邊食嘢, 一邊傾計. 菜式選擇唔算太多, 我地同樣選了漢堡包. 我點了經典紐約漢堡. 也點了小食 – 黑醋蜜糖雞翼. 雞翼的醬汁甜甜酸酸, 幾開胃, 最適合作為小食. 雞肉肉質嫩滑. 經典紐約漢堡. 份量也不少, 配上我最愛的厚切薯條. 牛肉漢堡的質感尚算不錯, 若肉汁多一點會好味. 配料和醫汁稍為少了一點. 厚切薯條口感較佳, 薯味也相當較突出. 最後, 點了熱朱古力咖啡. 拉花幾靚. 入口有淡淡的咖啡味, 甜度適中.

呢日約咗人一早喺紅磡交收，不過我早到咗，落車嗰陣見到巴士站對面有間望落唔錯嘅cafe，仲要啱啱好十二點鐘佢剛開門，既然仲有半個鐘，入去食個早餐先。入面嘅裝修幾靚，型格水泥牆，配乾花同其他裝飾，木枱木櫈，感覺舒適。⭐️All Day Breakfast - English Breakfast SetSausage and Black Truffle Scrambled Egg 煎香腸及黑松露炒蛋 HKD$88沙律菜黑醋唔夠，蛋炒得嫩滑，入口好香黑松露，其他配料普普通通冇咩特別，咁嘅味道同份量，以88蚊嚟講我覺得有啲唔抵。⭐️熱Mocha 跟餐加8蚊奶泡比較厚，味道唔錯。📝另收加一服務費，呢個早餐承惠HKD$106。

唔講唔知 原來搭到何文田站 行多7分鐘到就有一間西式小店 雖然地方唔大但環境尚算優美舒適 可以靜靜地同朋友傾計食飯我同朋友二人叫咗個漢堡包同一個Risotto 平時食開和牛 今日就叫左深海魚柳漢堡 炸得非常香脆 肉質鮮嫩 熱辣辣好好食 仲配埋薯條 另外我地就叫左意式海鮮意大利飯 蝦都幾大隻 仲有兩隻青口 煙煙韌韌得黎幾有咬勁 最後我地大家個胃都仲有空間 所以就叫左個甜品食 一上枱就已經聞到個北海道牛乳窩夫嘅香氣 仲有個朱古力雪糕係上面 冰火交融

This cafe is located at the bottom of a new residence building. It is quite small but the food is not bad. Snack platter: It’s been a long time since I had fish finger, these were crispy and crunchy. Tartar sauce made them tasted even better. The potato wedges were yummy with a splash of spices. The scallop spaghetti smell so good. The truffle flavour was so strong. The spaghetti was cooked nicely and the cream sauce was tasty with the mushrooms. The scallop was soft and easy to chew. The urban

難得訓到自然醒，今日心情唔錯，所以同朋友搵左間CAFE 慢慢享受下個LUNCH~我地黎到I's corner，環境舒服，入面都裝修得幾靚。先一人一杯野飲，有cuppucinno 同hot chocolate. 之後就黎我個 英式 all day breakfast =]有黑松露炒蛋、焗豆、腸、牛油多士、煙肉、薯餅(+$10)，每樣都熱辣也辣也奉上，正～最中意係黑松露炒蛋，炒得勁香；而個薯餅都好正，脆都呢！！！～～～另外朋友點左澳洲和牛BURGER，有3款配料揀，我地揀左蘑菇、芝士！食落個包外脆內軟，而和牛咬落去非常juicy，配埋香濃既蘑菇芝士，真心唔會令人失望！最後我地叫多個拼盤，有脆薯塊同魚薯條，雖然有D 熱氣，但都好好食HAHA =]

平時都會支持下小店 難得今晚早收工 所以就同朋友去試吓呢間文青小店 呢間餐廳主要係以西式為主 有漢堡包意粉同飯 因為係夜晚先來食所以就冇得食全日早餐 唯有下次早啲嚟試吓啦 ***不過唔緊要 我同朋友就叫咗一個漢堡包同一個意粉 試咗個和牛漢堡配蘑菇芝士 有時食親嘅漢堡包皮都會好硬 但呢個麵包皮真係好鬆軟 我同朋友都好鍾意 塊和牛juicy黎又厚 仲可以轉配薯格👍🏻之後就叫咗個日本帶子黑松露意大利麵 黑松露味香濃 唔會太油 麵質軟硬適中 仲有兩杯餐茶飲 講到最愛一定係個炸芝士 勁香脆 條芝士仲可以拉到勁長 係必食小食

自從何文田港鐵站開通後，可以有更多機會去土瓜灣一帶搵食，今日經過街角呢間小 cafe，覺得感覺幾舒服，就即管入黎試下。餐廳面積唔大，大約只有廿個位，我地一行兩人七點左右黎到，好彩都唔係太多人，唔需要等位就可以入座。餐牌有多款漢堡包及意粉選擇，亦可以揀全日早餐。香辣蒜香海鮮炒扁意大利麵 :上檯時蒜香味濃郁，海鮮有蜆肉、魷魚圈及青口，相當豐富，意粉口感彈牙唔韌，入口時辣度十足，非常惹味。鐵板雞堡 :漢堡包都幾大個，鬆軟嘅麵包夾住煎雞肉、生菜及芝士，雞肉煎過後非常香口，同蜜糖芥末醬好夾，上菜時餐廳已經將漢堡包一分為二，令客人食得更方便。配菜有即炸厚薯條，熱辣辣相當好味，令我地都忍唔住要encore多一份薯條。黑醋蜜糖雞翼 :雞翼即叫即焗，雞翼皮香脆而肉質嫩滑，黑醋蜜糖味道酸酸甜甜，再加入少量黑椒，令雞翼更香口惹味。餐飲揀咗cappuccino，味道香濃，食飽飽慢慢飲返杯份外舒服。呢間小cafe雖然位置唔太就腳，但感覺寧靜舒適，同朋友黎傾下計就最適合不過。

較早前享用過晚餐幾出色，今次趁星期日lunch又來了。點了熱薑蜜，確真有一一薑片，辣味十足，可以驅寒，而蜜糖又滋潤。而後面白色泡泡的那杯是Cappuccino，咖啡味ok。黑醋蜜糖雞翼 $58黑醋加蜜糖味道更有層次，單是蜜糖會有點膩，而雞翼外皮仍是香脆，肉質嫩滑。I’s Burger $128用上澳洲和牛，有3款配料可選，我選了蘑菇、芝士。上次品嚐過超好味，今次當然要encore，果然沒有令我失望。麵包外脆內軟，和牛咬下去juicy鬆化，配埋香濃的蘑菇芝士，完美~!!香辣蒜香海鮮炒扁意粉 $78辣味屬於中辣，又辣又惹味，彈牙意粉配上蜆肉、魷魚圈、青口等整體不錯。

是日放假，約了我的好友一同共進午餐，好友推薦在他公司附近的一間小品餐廳，地點位於土瓜灣，其實附近也有地鐵站，就是何文田，距離大約十分鐘左右，還可接受。餐廳裝潢方面，走小清新，文青路線配合店長獨有的風格，環境還算不錯。 另外餐廳是半開放式廚房，這才是我最欣賞的， 乾淨不乾淨一目了然。我點了黑松露雜菇意大利飯， 味道方面黑松露醬味道濃厚， 餐廳供應的是真正的意大利飯， 口感煙韌，有咬口， 但最值得留意的是， 意大利飯份量十足， 性價比值高。飲品點了薑蜜， 簡單的飲品， 現在的天氣那麼凍，正好一杯熱薑蜜暖我心。好友介紹的真不錯 ，下次定啲與朋友再來。