Isaac Toast (朗豪坊) (已結業)

香脆薯餅吐司 (Potato Toast) 💰35蜜糖豬平時每次都係叫王牌火腿吐司，呢款真係第一次食😬 同樣係即叫即整，所以都要等一陣先有得品嚐～餡料都算多種類，有雞蛋、粟米、芝士同薯餅🧀🍳🌽！食得一讚嘅係吐司底面幾脆，帶有牛油香👌🏻一如既往，佢哋嘅雞蛋係正方形嘅煎蛋黎，都算係佢哋舖頭嘅特色。至於主角薯餅，因為係個多士入邊，會吸晒啲醬汁，所以偏淋。不過私心想薯餅可以keep到脆口！整體而言，我覺得都keep到韓國有嘅水準🇰🇷

韓國過江龍Isaac Toast係朗豪坊food court有分店, 今日行開旺角, 唔係好肚餓所以諗住輕食一下經典火腿芝士吐司 $29所有吐司即叫即整, 好新鮮熱辣, 要小心辣手!! 吐司入口有甜甜嘅蜜糖味, 但佢嘅吐司係腍身, 唔係脆的! 吐司入面包住火腿芝士同埋一層牛油, 口感豐富同好香口! 香脆薯餅吐司 $35薯餅吐司入面有薯餅一大塊, 炒蛋, 牛油同埋多一層蜜糖芥末醬! 薯餅好新鮮仲脆卜卜, 配埋軟滑煎蛋食, 有雙重口感! 個人認係個醬汁令到成件事昇華咗, 整個配搭都幾夾, 但食哂都幾甜下香腸年糕串 (原味 $18 /芝士 $22) 年糕唔錯, 好煙韌好好𡁻, 配上甜酸醬食好味至於腸仔就好一般, 好鞋而芝士份量有點過多, 食到有d滯整體成個餐點食到都係好”甜”嘅味道, 吐司甜, 小食都係甜, 有點吃不消, 甜到覺得太膩! 本來係諗住輕食, 點知份量十足, 最後食到好飽

1400黎試下個泡菜炒飯配芝士脆炸雞 $84 價錢唔平 可能星期日 就黎兩點幾都仲好多人 等嘅時間都比較耐睇下個實物先…唔錯喎 炸雞有5大粒 下面有芝士 個飯就比較細 不過芝士太多 好滯呀 飯充滿住泡菜嘅顏色 橙橙地 但食唔出有真泡菜喺入面 應該只係撈醬哇…芝士有拉絲架總分：7/10 抵食指數：👌🏻👌🏻(5個👌🏻為爆燈）Encore指數：😍😍(5個😍為爆燈）驚喜指數：😏😏😏(5個😏為爆燈）真材實料指數：👏🏻👏🏻👏🏻👏🏻(5個👏🏻為爆燈）

想食呢間吐司過江龍好耐啦，係近期去開朗豪坊終於有機會一試，平時少去沙田所以去旺角就把握機會啦！名氣都幾大，今次就試試佢質素高唔高先。旺角店係以food court形式經營，點餐後就搵位坐底等餐啦。Food court有唔同種類嘅食物，所以今次只點咗個吐司淺嚐吓。香脆薯餅吐司吐司有好多款式同口味，今次就試款比較少係其他國家吐司見到嘅薯餅口味。攞上手都好重手，分層好清楚，兩片厚度適中被蜜糖抹過嘅吐司，蛋同芝士都各一片，加埋香脆薯餅，簡單但能夠帶來滿足～吐司金黃色帶甜味，芝士半融狀態同薯餅融為一體，薯餅邊位脆身令吐司嘅口感提升咗！而中間位置正常都會變軟，薯肉部分唔會被芝士味蓋過，依然有存在感。工整嘅蛋層仲有粟米加咗入去，唔會太dry！內裡用嘅醬汁份量都頗多，帶mustard味幾過癮。整體嚟講一份吐司都相當大份同飽肚，用料實在，即叫即製夠熱燙，雖然叫價$30左右，但品嚐到異國滋味亦值得的！

ISAAC Toast ＆ Coffee大名鼎鼎的韓國過江龍，一向有國民早餐的美譽，之前Media係咁Sell已經一直好想試！今日咁岩去到唔算好多人排隊，所以就可以試下呢一間它是一間來自於韓國的連鎖早午餐多士店！MVP煙燻漢堡吐司又真係幾好食啵，因為全部吐司新鮮製造，吐司有甜甜的蜜糖味，外表烤得很乾身，食落很焦脆！而中間嘅漢堡扒加芝士實在係無懈可擊，芝士有輕輕拉絲，再淋上甜甜微辣滿溢的醬汁，好食！另外個個唔記得⋯⋯

 話說入住附近酒店,  第一晚打算買回酒店, 9:05pm, 看左餐單有1分鐘了, 開口同個女職員落單之際. 勁差態度話截左單啦, 我好肯定佢全望住我行過去, 我一路睇一路已搵緊銀包了.  唯有第2天一早再去, 本來唔睇好黎到hk會妹食, 叫左個最basic   經典款.  買走拎到返屋企都仲好食. 下次有機會幫襯下沙田先. 

💠經典火腿芝士吐司 🧀🥪$29𝙃𝙖𝙢 𝘾𝙝𝙚𝙚𝙨𝙚 𝙏𝙤𝙖𝙨𝙩好一般時多士， 以為是咸食，但偏甜🌝不好食😕💠芝士牛肉紫菜卷(whole)🧀🐂🍙 $62𝘽𝙚𝙚𝙛 𝘽𝙪𝙡𝙜𝙤𝙜𝙞 𝙬/𝘾𝙝𝙚𝙚𝙨𝙚 𝙈𝙖𝙧𝙡正正常常，芝士和牛肉有很多料💠芝士脆薯炸熱狗 🧀🌭$24𝙆𝙤𝙧𝙚𝙖𝙣 𝘾𝙝𝙚𝙚𝙨𝙮 𝙋𝙤𝙩𝙖𝙩𝙤 𝙃𝙤𝙩𝙙𝙤𝙜和另一間專賣韓國熱加阿xx相比，味道差好遠😖一分價錢一分貨. 外皮炸得太軟.芝士也少，重點連熱狗也只有半條😕

下午茶來份無骨韓雞，好嫩好 Juicy ，夾上芥末芝士醬好香好味。雞上面看似薯條的，原來是年糕，超好食又彈牙！完全是驚喜！年糕有焗過，點上芝士醬，好夾好味，作為午餐，真的很飽，食唔晒😋

Isaac toast係韓國可算係數一數二必到既人氣店🇰🇷機緣巧合之下喺香港遇返Isaac toast，一於就試下香港店咩質素啦😼！人流唔算話好多，不過等候時間都頗長，想食就要預返多少少時間喇🥱• 三養地獄辣雞吐司（中辣）$44旺角分店限定既三養味🔥好欣賞佢哋嘅麵包烘得香脆，帶甜味🤤用上雞肉漢堡扒，食起上黎都方便啲，夾埋爽口既椰菜絲真係一絕，利申：唔鐘意食菜既小肥妹都覺得好夾🤣無可否認個醬汁真係幾正，開頭嗰幾啖淨係感覺到甜味，以為冇咩料到，點知越食越刺激，醬汁稍為稀身左啲，食到最後麵包會比較濕😟• 經典火腿芝士吐司 $29平平冇奇既佢，可能係最易被人忽略嘅存在。最簡單既配搭，冇整色整水，冇花巧既配料，最能夠食得出材料既原味🥰• 愛文芒果汁 $29甜度剛好，芒果味亦都好天然☺️☺️

🥪其實係幾掛住韓國isaac toast先過嚟朗豪坊food court食返個回憶嘅😆🤟🏻·✨🥪🧀🥓🥔🍳邪惡芝士煙肉薯餅吐司 $51見佢咁多料就揀咗佢，除咗芝士、煙肉、薯餅，仲有炒蛋係入面架，加上甜甜嘅nacho芝士醬，而麵包有用牛油烘過，同埋食得出蜜糖甜味勝在餡料多食落幾豐富嘅，整體稱得上邪惡啦😂不過唔知係咪對韓國isaac toast overrate咗，可能我已經唔記得韓國食係咩感覺，覺得好似冇想像中咁好食，唔係難食，只係一份正常嘅吐司🤔·✨🥪🦐🍳MVP超級蝦吐司 $51吉列蝦，配上厚蛋同埋蜜糖芥末醬，係幾多蝦嘅，但得蝦同蛋係單調少少嘅🤣，冇我嗰個咁吸引🤤·✨墨先生與蝦小姐（半份） $32呢個一般，飯偏硬，食落冇特別，仲要唔算平·✨雲呢拿Latte +$26都飲得出雲呢拿味嘅，正常Latte😬·🌟掛住韓國嘅朋友可以嚟食返個吐司嘅，唔驚喜但唔會伏，飯卷就唔建議了🌝

皇牌火腿吐司$34（雞蛋+粟米+酸瓜+火腿+椰菜絲+片裝車打芝士 ）喺韓國冇食過Isaac吐司，專程過嚟朗豪坊試吓，好彩冇喺韓國食啫，以免浪費咗我個胃裝其他美食，一啲都唔覺得好味道，港式茶餐廳出品腿蛋治好味好多，材料係多，但係加加埋埋就變成三不像，格格不入。墨先生與蝦小姐（半份）$32（墨汁飯+墨魚、粉紅色飯+炸蝦）呢個飯卷比較好味道，視覺及味覺都有，肚餓嘅時候，快速填肚，方便進食，係不錯嘅選擇。雞蛋看地球（半份）$42（雞蛋+芝士+泡菜飯+餐肉卷）個人就覺得普普通通啦，如果食卷飯，我寧願選擇食墨先生與蝦小姐。

之前排隊排到癲，見今日冇乜人，就走去試吓啦，佢嘅櫥窗係吸引嘅，即叫即做，望住自己嘅toast出世，感覺係幾期待嘅！不過除咗呢樣之外，其實我唔覺得有咩咁特別，最多只可以講佢塊面包係烘得幾好嘅，但係用呢個價錢食份多士，真心覺得有啲貴.....服務員嘅態度還好啦，如果趕時間嘅話，就唔好揀呢間，前面明明冇咩單，但係我都等咗15分鐘先有得食所以呢......除咗用嚟打卡，我真係諗唔到有咩原因要再去食多次......

幾年前Isaac Toast係去韓國必食既餐廳，雖然唔知依家重係唔係，但真心係好食既。上年見倒香港都開左，其實一直都想去回味下，但又一直冇機會。今次經過旺角，又記得旺角Food Count有，所以就順便試埋！因為食左早餐既關係，我地都冇嗌好多野食，叫左：1) 邪惡煙薯吐司 (套餐跟蘋果梳打水)2) 墨先生與蝦小姐 (半份)3) 芝士香腸年糕串味道同當年係韓國食既味道好相似！不過就硬係形住係香港食，個炒蛋陣油味好似同韓國食既有少少分別。Anyway，如果係經過旺角又想快快手啪個Lunch或暫Dinner，絕對係快靚正。

之前一直都想試呢間韓國過江龍Toast🥪專門店，不過因為沙田分店座位好少而卻步。旺角分店開喺food court，容易啲搵位，所以就黎試吓！．甜辣炸雞🍗拼炸蝦🍤 $63份量都算幾多，而且甜辣醬幾好味，配炸蝦都幾match，炸雞就普普通通．墨先生與蝦小姐🦐 $32 半份呢個係韓式飯卷，味道都OK.經典火腿芝士吐司 $29煙肉🥓薯餅超級吐司 $49香脆薯餅吐司 $35所有吐司應該都用Issac Toast🥪特製甜味醬，所以麵包係甜甜地，不過一啲都冇違和感，同炒蛋🍳好match。麵包嘅質地好鬆軟，不過唔係脆身。不過薯餅就有d油，而且唔夠脆。

It's always hard to find a place to eat on the weekend so we were surprised to find a spot at Langham Place's food court. It's been a while since I've been here and I noticed they opened an Isaac Toast here. The first time I had it was in Shatin's New Town Plaza. So, I was pleasantly surprised they have a location here.Menu is in English and Chinese. They also share the same cash register with Soul Food Truck. As it's a food court, there is no 10% service charge.I had the Ham Special Toast ($34)