Italian Tomato (已結業)

公司樓下有間細細既Italian tomato，每次經過都心思思想買，但又怕肥喎，因為都幾大件，一定要同人一齊分享。聖誕節一年一次，但仍然係要返工，唯有買返件cake獎勵下自己啦🤤 眾多款蛋糕中，最吸引我就係呢件，好靚好冶癒❤️士多啤梨芝士蛋糕 $38士多啤梨大大粒，食落新鮮，酸酸甜甜好清新芝士蛋糕質感好扎實，同時十分綿密，芝士味好香濃，口感都好順滑。而餅底唔會一筆就散，同上面既蛋糕融合埋一齊亦唔會過重牛油香。側邊既餅皮亦結實不易散且帶點脆口，配埋忌廉同杏仁碎一齊食，口感豐富，能享受多重味道，整體十分不錯，下次有機會會試下其他款❤️

今日經過Italian tomato 🍅🍅見到啲tart好似好正咁，又忍唔住買左舊準備做飯後甜品😍😍見到呢個士多啤梨芝士撻🍓🍓上面啲士多啤梨咁大粒，就決定買黎試一試😂😂味道有驚喜！份量都算大件👍🏻👍🏻，岩曬2個人share (減少罪惡感haha😂)士多啤梨都算甜，只係好微好微既酸😍😍好正仲要大大粒🤤🤤芝士味🧀🧀亦都好重，岩曬芝士控😍😍而且上面啲cream都好滑，唔係感覺好油個隻，正！！🤤🤤上面仲有少少杏仁碎，加上左少少脆卜卜既口感，令口感仲豐富👍🏻👍🏻

好麻麻既lunch set個湯好似水一樣稀，加左鹽咁樣樣意粉理論上應該最穩陣點知都…油林林無味道舊炸魚勁乾omg好彩唔係蝦毛仲見到幾隻蝦杯咖啡真係好令人卻步估唔到cafe 做咖啡都可以咁…仲要係連鎖店一d 味都無，似奶水

#soho@theitalianclubhk is one of those legit Western restaurants that makes you want to go back again and again. It tastes Italian! It smells Italian! Even the chef might not be from Italy, the food is distinctly #italian and you can tell it's cooked by someone who understands and loves Italian food. The pizza uses a generous amount of tomato sauce, and down from apetitizers to main courses to dessert were all impeccable. You cannot miss the hotplate steak. It's definitely the best value stakes

我們在半山返工的， 真係食晏想搵野食都難！咁岩有同事落山食飯，緊係捉緊她， 叫佢買野上黎比我地食啦！佢好好咁，係合和下面間italian tomato 買左個🎂比我地。仲影相比我地揀款添！鍾意食朱古力既我地，朱古力🎂 口感香軟好味， 差杯☕️！

收工同朋友去逛超市，經過門口見到有附設呢間迷你餅店，店面只有一個雪櫃，裡面坐咗一個女店員，因為已經晚上7點幾，切餅只剩下四款，我揀咗其中三款，店員幫我入盒再貼上食用日期貼紙，由揀至收錢，女店員只係出聲講咗個價錢比我，期間都唔講嘢！回家打開，紙盒好結實，所以啲餅無變型，仲比埋膠叉（其實我平時會唔要膠叉）蛋糕用透明膠紙圍繞（唔止邊位，連蛋糕面都有包）芒果芝士撻（$32）肥髀食，佢好喜歡個芝士餅底！藍莓芝士撻（$36）藍莓堅廷爽口，同透明啫喱黏合在一起，芝士餅實身，芝士濃味，撻邊曲奇皮比較硬，所以最後無食！圍邊嘅忌廉好滑，唔會好甜！好味！法國海鹽焦糖純米蛋糕（$36）賣相高級，厚身厚cream,三層純米蛋糕比普通蛋糕鬆啲，但比較散，味道微甜，忌廉微鹹好滑，平衡番蛋糕嘅散，藍莓及紅莓新鮮爽口！好味呢間蛋糕店味道有保證，但店員比較cool!唔理人嘅！不過佢無唔禮貌！呢個價錢咁大件餅！抵食！

跳舞老師於過去八年逢週一所舉辦之阿根廷探戈派對於今年十一月尾正式結束，Farewell Milonga當晚一眾好友學生都有到場支持，場面墟冚，有表演睇之餘，亦有好友獻花，小肥同A友人則選擇送蛋糕。早排經過合和中心，發現Italian Tomato位於百佳之分店重開，原來早前店舖係為咗要縮減面積而重新裝修。餅店依舊有兩位溫婉有禮o既妹妹仔助陣，地方仍為簡潔企理。XO仔訂咗個兩磅重o既朱古力慕斯蛋糕（Mousse au Chocolat），連同可愛蠟燭四枝，合共$370。朱古力慕斯蛋糕外層為厚厚o既朱古力慕斯，香濃軟滑，中間夾有同樣係朱古力味o既海綿蛋糕，整體鬆軟微甜，實屬甜品佳品也，$330兩磅認真超值！

適逢細契爺壽辰，身為契仔o既小肥當然係要請食飯慶祝一番啦 ！為隆重其事，小肥早幾日仲專登周街行，希望搵到個有特色o既生日蛋糕！XO仔喺灣仔其中四間西餅舖研究過後，最終揀咗Italian Tomato o既「白桃。真味」！其實每日都會經過合和中心好幾次，所以一早就留意到超市門口有個counter賣日本餅乾同蛋糕，只係小肥無意增肥，故此一值未有嘗試 。Italian Tomato舖位雖然唔大，門面只有一個放有蛋糕o既雪櫃及擺放多款日本餅o既陳列架，勝在簡單乾淨企理，而且長期都會有兩位妹妹仔招呼客人。為咗了解餅舖所提供o既不同產品及訂蛋糕流程，XO仔一日內總共去咗Italian Tomato個舖位兩次，咁啱兩次都係同一個妹妹仔幫我（佢雖然唔認得我，不過我認得佢）。第一次係中午，人流較多，不過佢都好有心機地推介節令蛋糕及其他熱賣產品，仲好詳細地解釋指定蛋糕可一日前預訂，如要更改款式則必先早多幾日通知。第二次就係小肥收咗工，決定要訂白桃味蛋糕，友善o既妹妹仔好熟練地問我攞資料，更提醒我提取蛋糕時必需帶備單據。到咗攞蛋糕嗰日，妹妹仔再三叮囑我地蛋糕最好即日內食哂，以確保新鮮衛生，非常細心體貼

Thank you IVYCWK for getting me these pretty Sakura cookies.I never knew Sakura flowers were edible.When I saw these cookies, the first thing that sprung to mind was the film Para Para Sakura with Sakura flowers falling from the tree.Anyway, these cookies come packaged in a lovely box with a ribbon on top.There are three cookies inside that are individually wrapped.The wrapper is slightly opaque and you can see the sakura flower on the cookie.The cookie was pretty pink with a pretty pressed saku

近期喜歡去 Italian Tomato 買 cake 吃.不過特別揀有 9 折的cake 買. , 覺得抵些嘛.這星期便吃了兩款 cake,朱古力 cake:用法國和瑞士的朱古力做朱古力 cream, 香滑好味.朱古力蛋糕有洋酒, 不過不濃, 只是很少很少的份量吧!我一個人吃一件, 吃了 3/4 開始覺得甜.焦糖香蕉 tart:面層的焦糖 cream 很滑, 有少許焦糖的甜.中層是新鮮的香蕉, 份量也不少, 啖啖香蕉, 不論分開吃或連 cream 一起吃都好味.底層是朱古力蛋糕, tart 底有朱古力.脆脆的 tart 底, 合我口味. 我對這個 tart 很滿意,一個人吃整件全不覺 '溜'.

愛人甚愛吃芝士蛋糕，這天經過合和地下，見這餅店的蛋糕樣子豔麗，想必她會喜歡，買了一件紐約芝士蛋糕，一件榛子朱古力蛋糕，店員細心地用一個白色小盒子載著，並附上兩隻小叉子。回家後，愛人見到蛋糕，頻呼怕肥，但見其喜上眉梢，已出賣了其心意，不知為何一眾女子都是甜魔的信徒，既怕肥，又愛吃。我端出紐約芝士蛋糕給她，結結實實，芝士味濃郁，甜度剛剛好，而我的榛子朱古力蛋糕，卻不太滿意，可能上月試過 Le Salon de Thé 的榛子朱古力，珠玉在前，一試便知龍與鳳，而這件吃不到榛子味，朱古力亦不濃，蛋糕很鬆，沒質感，單論食味，也不算差的。不知下次買甚麼來哄她？