Italian Tomato (已結業)

鮮果吉士拿破崙, 特價$20, 睇落都幾大件, 不過味道就一d都唔好味, 吉士唔香唔滑, 蛋糕冇味又唔軟, 拿破崙唔鬆唔脆, 激氣! 比佢扼左$20, 以後都唔買佢d 蛋糕!

成日覺得Italian Tomato好識做生意。d cake又colorful又大件，行經一定俾佢吸引左先啦!入到店內，你先發現佢o既大件係因為以鬆軟o既鮮忌廉蛋糕為主~ 對於愛好cheesecake o既我無疑係幾upset~　不過，耐唔耐都想食件忌廉蛋糕~ 所以，琴日就買左件綠茶朱古力蛋糕($26)同鮮什莓批($27)同朋友分享~ 綠茶朱古力蛋糕好甜，鮮什莓批好重berry味，兩件都唔差，但又稱唔上好食~ 下次都係揀d有cheese味o既滿足d~　仲有佢o既cake永遠都影唔靚~

食完lunch, 唔係好夠飽, 就諗住買件cake填下肚, 個日的choice不是太多, 比較吸引的是藍苺批, 於是買一件試下, 面頭的藍莓醬不太甜, 下層有cheese及蜜桃, 口感不會太溜, 但小妹就唔係太喜歡食佢個批底, 可能因為其口感有點似酥皮, 而小妹不太喜歡食酥皮, 如果改做脆皮就好好多, 食完個肚就真係滿足曬啦!

琴日我買左件草莓芝士蛋糕同埋栗子黑森林蛋糕,夾埋要成50蚊呀,不過令到我都幾失望首先個草莓芝士蛋糕,d苺根本唔係草莓,而係紅苺,好酸唔多討好個芝士蛋糕根本係new york cheese cake多左層唔好食既berries要貴成6 蚊早知係咁就只係叫new york cheese cake就算而個黑森林蛋糕唔係我細個時食o個種有jelly o係入面o個d個朱古力蛋糕層又唔好食早知叫埋cheese cake好過呀

今日出去愉景新城附近做野做完野發覺呢度有間italian tomato買左兩件cake但個人d服務唔得囉問多兩句都俾面色人睇d cake又唔係特別好味道咁好難生存架喎

($20)好似差左喎texture不夠實餅底淋晒無咩cheese味差好遠喎,希望下次有改啦因為之前幾好ga

好似比之前食差左word texture不太實...餅底淋晒...無咩cheese味喎之前都唔係咁希望下一次唔會再咁差

上星期我生日,我男友係呢到買左個芒果,士多啤梨忌廉蛋糕送比我，個蛋糕係有好多生果呀，但點知食到我眼都”檬”埋，全部都好酸，最後我要好似試味咁每舊生果咬一少啖，唔酸先肯食，攪到我男朋友幾唔好意思呀

我都鐘意呢度Ｄ蛋糕，不過我本身都唔多鐘意食忌廉，所以見到忌廉士多啤梨蛋糕咁靚都未試過！芒果蛋糕就試過，入面有好大舊芒果，相對蛋糕同忌廉都小Ｄ，冇咁漏，好味～！Tiramisu 就一般o拉～不過有杯杯裝就幾方便。上次見到有肉桂脆條，因為我好鐘意食，而香港又比較小見，所以買o黎試下，但好失望呀。首先要等個姐姐放入焗爐焗熱，足足等o左五分鐘，但係都唔夠熱。冇乜肉桂味又唔係好脆，而且好細條...

Mango Cream Cake—我一向唔太鐘意食cream都覺得d忌兼做得幾好，只可惜入面d海棉蛋榚唔多掂，太厚兼夾硬o左o的…新出果隻肉桂條同朱古力條以前o係City Super食過，都係麻麻.. 頗熱氣！

芒果芝士撻-- 芒果味同芝士味都好香，好好味~ ^.^忌廉包都唔差，但略嫌太多，頗漏！菠菜脆薯包太鹹，而且仲落o左好多我最唔鐘意食o既胡椒粉添噹bor..