Italian Tomato Café & Grill (灣景廣場) (已結業)

今日與家人經過荃灣，見到呢間cafe, 可能好多人即時會聯想起佢嘅蛋糕，但其實最令我印象深刻，係我少年時代經常會食佢哋餐廳嘅意粉🍝，記得嗰陣時佢哋有意粉優惠，俾一個價錢就可以任食所有款式嘅意粉，令我印象難忘。入到餐廳，柔和嘅燈光，舒適寬敞嘅座位，已經令我對佢食物有所期待，我點左紅雪蟹肉蝦肉明太子意粉，家人就點左扒餐烤春雞伴蘋果玉桂燒汁配薯條及烤蕃茄；我個餐係包埋餐湯餐包及餐飲，家人就加咗$48跟餐湯沙律及餐飲。餐包餐湯沙律先上枱，雜菜同湯一啲都唔馬虎，餐包係我鍾意食嘅正方形牛油餐包。主菜到了，我嘅意粉好多蟹肉同蝦肉，而且意粉除咗有汁之餘都仍然保持到彈牙嘅口感。家人嘅烤春雞先至係亮點，烤春雞烤得恰到好處，配埋個肉桂燒汁，口感好特別。最後餐茶我哋都飲咖啡☕️，最欣賞係佢嘅咖啡cream，有質素嘅餐廳一定會有咖啡cream，而唔係只有奶跟餐飲上，呢餐超級滿足。

今日同老公同囡囡來到荃灣Aeon行街，開始肚餓就來到呢間cafe醫肚，老公叫咗個意粉，我就叫咗個燒雞+熱荔枝果茶，試下老公叫嘅意粉，意粉軟度岩岩好，幾好食，燒雞唔會太乾，雞肉岩岩好配埋燒汁好好味😋😋熱荔枝果茶好好飲😋😋

週末下午來到荃灣廣場，見附近有Italian Tomato Cafe，就來個一個人的浪漫吧～假日下午茶3點至6點時段供應。 白汁雞肉鮮製意粉沙律配餐湯 $58 餐湯可選白湯或紅湯，我選了羅宋湯，味道濃郁，湯料不少好多紅蘿蔔、洋蔥。蒜蓉包沾湯食很不錯。白汁意粉好cream 好掛汁，香濃的忌廉味，雞肉好貼心去走了雞皮，食得健康，整體份量以下午茶來說的確幾多。最後來杯咖啡，可以靜靜地慢慢歎享受一個下午。

如果我想食蛋糕，通常會跑來這裡。喜歡這裡的蛋糕，更喜歡這裡的氛圍。.下午五時幾，店內人不多，可以坐寬敞的卡位，開心。一邊等我的蛋糕，一邊聽JAZZ，好像離開了城市的繁瑣，去到某個舒適的空間。.📍朱古力三重奏我喜歡略帶苦味的巧克力，海綿蛋糕濕潤的，不會過分的獨立。朱古力慕士綿密香濃，但不具侵略性。甜苦在嘴巴內交織，像極了人生。.

前兩日去荃灣買野，行到好攰決定坐低食tea😆因為lunch無乜點食所以可以食得heavy d岩岩行完超市隔離就係Italian tomato 見到tea set都唔錯就入去坐低了我揀左白汁蜆肉意粉沙律配餐湯$58岩晒我想飲啖湯又食意粉既慾望🤣先黎左杯凍啡先幾好飲，最鐘意西餐廳可以自己落奶落糖水較返岩自己口味無幾耐個餐都到其實男人應該唔夠食但我就岩岩好了蒜蓉包又夠香個湯都好夠味白汁蜆肉意粉都好味沙律都好新鮮不過如果配芝麻醬就好了佢係跟黑醋總括黎講我都滿意加埋一$6x坐得舒服又食物又好味其實仲想食蛋糕不過太飽了下次下次

今日去到荃灣行街見到Italian Tomato  我依個甜品控點會錯過 決定入去食件cake其實Italian Tomato係1987年引入香港，可以話係細細個就食佢地既蛋糕大，Italian Tomato蛋糕款式多，亦會定期出一些限定口味。「皇牌士多啤梨蛋糕」我鐘意Italian Tomato 係原粒新鮮士多啤梨，相比起其他蛋糕店既士多啤梨較多會切半，Italian Tomato相對用料冇甘孤寒新鮮士多啤梨好新鮮 味道清甜，不會酸 很滿意而我最鐘意就係蛋糕既忌廉，蛋糕既忌廉係我必定考慮既因素，有些蛋糕店既忌廉食落去較膩口，唔夠滑身 很容易就滯。但Italian Tomato 既忌廉軟滑亦唔會令人覺得膩口，口感幼滑 味道不會過甜 甜度岩岩好海綿蛋糕做得綿密 鬆軟 將新鮮士多啤梨配以特製軟滑鮮忌廉同海綿蛋糕一齊食，口感幼滑 清甜，簡直一流!!果然係皇牌經典之一「藍莓芝士蛋糕」「藍莓芝士蛋糕」是經典甜品 ， Italian Tomato 藍莓芝士蛋糕既芝士係法國芝士所製 味夠濃郁海綿蛋糕做得鬆軟 ，再加上大量鮮甜多汁的藍莓，令蛋糕清新唔會膩口總結：Italian Tomato 確實唔錯

Totally overpriced! doesn’t deserve to pay HKD$188 per meal for these kind of feel like defrost foods! I ordered a fish and chips, the fish has no taste! The texture is so dry, and lack of fish juice and flavor at all. and I also ordered a Mex cheese pizza, and the bread was also feel too dry, my own handmade dumplings are smoother and tastier than these with below HKD$20 cost on ingredients. Please give people decent quality if you charge certain amount of money.

Italian tomato的西餐一直都唔會令我失望，當然佢嘅蛋糕係更為吸引嘅一項啦，不過野食同飲品都相當唔錯！先講環境，環境空間都大，座位亦多，感覺relax~~以為餐牌只有意粉選項？錯了，其實除左意粉，仲有牛扒、羊架同薄餅等，餐牌十分豐富！套餐連餐湯加沙律，細細一碟，但都ok~~意粉當然係重點，好食兼彈牙呀！牛扒亦唔差，係個焗薯硬左少少者...餐飲跟左杯荔枝特飲，沒有期待下竟然出奇地有驚喜好飲！仲跟左杯熱飲，不過不失。整體用餐體驗，十分滿意

仔仔近排無乜胃口，我專登同佢黎呢度食個蛋糕。士多啤梨芒果蛋糕，呢個蛋糕面係士多啤梨，兩層海綿蛋糕中間再夾一層芒果！食落層次鮮明，正！重點係個兒童餐，我叫呢個係芝士腸仔長通粉！但芝士汁真係大愛，勁濃厚芝士味，仔仔超鐘意食啊！

每次經過 IItalian Tomato Cafe總會俾這個賣相非常吸引嘅士多啤梨蛋糕🍓🍰而停步。紅白色對比，加上粒粒飽滿士多啤梨真係好想食。😋😋😋今日媽媽生日🎂🎂特別買來一齊分享，果然冇失望。👍👍士多啤梨甜中帶少少酸🍓， cream好軟綿綿加上外層香脆杏仁片，口感豐富。😋😋😋

幾個朋友約在荃灣唔知食乜好，最後被意大利番茄內的蛋糕吸引了，一於就諗都唔洗諗走左入去了。餐廳內原來空間幾大，又唔洗排隊，加上勝在夠清靜！但原來Italian tomato的餐牌都幾多野食架啵，又有pizza啦、又有意粉、又有扒等等咁，當然最吸引的仲有佢的蛋糕啦！3個人食，叫左個二人餐再加d小食都好夠食！二人餐仲有呀沙律、湯、野飲同甜品，而家仲有限定嘅bb主題同menu，而且座位上亦有bb嘅咕𠱸，坐得好舒服！

一見到網站介紹忍唔住即時去試...係門口已經好興奮...入到去簡直瘋左丘比BB丫...好多丫...叫左個飯.意粉.主菜同野飲全部都係丘比調味品整出黎架..估唔到可以有咁多配搭！返去要試試先得..我只係識用佢麻醬..原來其他醬都好好食架聯乘黎講算抵食食物質素高...但只限荃灣呢間..因為食過其他分店..呢間係樣樣好...無差天共地依家食滿$300有得抽獎一次我中左二獎迷你丘比一隻.好可愛丫...

好耐冇食過啦，已經忘記左佢的唔好，今日又黎幫襯食lunch 叫左個set lunch - 蒜香鷄絲蟹肉雜菌鮮製意粉，配個紅餐湯，熱檸檬水 $90個意粉同紅湯，如果佢平一半我會覺得佢ok 既，不過佢而家收緊$90，仲加一的話性價比就算低了Set lunch 有個優惠，就係可以以$29 換一件佢地自家製的蛋糕🍰 而我就選左佢地的皇牌士多啤梨蛋糕tea time 食件蛋糕，皇牌即是皇牌，用料足，一件細細的蛋糕上就已經有4-5粒士多啤梨！

喺荃灣食完飯想買返兩件蛋糕返屋企所以就去了Italian tomato 買兩件蛋糕獎勵自己。選了很久，最後都係選了意大利🇮🇹芝士蛋糕和士多啤梨芝士撻。意大利🇮🇹芝士蛋糕🎂味道一般，酒味不夠突出。士多啤梨芝士撻好食啲，不過士多啤梨唔夠甜，好彩有吉士醬同埋芝士蛋糕中和返酸味咁就無冇飽飽滯滯既感覺。

雖然入秋，老婆話好耐未行過山，所以，趁個周末，簡簡單單揀條唔難嘅山徑，就行吓川龍啦。行完山，棄小巴，改搭巴士51號落番荃灣西站，因為荃灣廣場、灣景廣場、大壩街……等等，大把食肆供選擇，之後，我哋搭番西鐵返美孚又快。本來打算再翻兜大會堂嘅「牧羊小年」，正晌西鐵巴士總站行過去時，途經「Italian Tomato Café」，發覺好耐無幫襯過佢，亦懷念佢啲蛋糕，故改晌呢處食午餐。就晌門口外擺設多款食物模型，好有80年代一種典型日式西餐廳嘅感覺。甫入內，以為餐廳嘅環境唔大，但由於呈U形，轉向另一邊仲有好多用餐嘅地方。而以啡色為主調，印象最深喺通道十分闊落，牆上掛咗少少食物照作點綴，感覺寫意。 一大本餐牌放晌枱上，但未有深入研究，轉眼就將焦點擺晌午餐一版度。午餐一共有7款，定價$64-$138，已包咖啡或茶及精選餐湯，亦有其他加配或升級優惠。午餐可加$18轉特飲，咁究竟邊啲喺特飲，睇以下個飲品餐牌就清楚晒。基本餐具早已放晒晌餐枱邊，唔使吓吓專登煩店員，費事失事。精選餐湯所謂「精選」，都只喺茶記見慣嘅白湯「忌廉湯」及紅湯「羅宋湯」，老實講，水準只可以話比茶記水平高少少，忌廉湯幼滑無起粉粒，羅宋湯