影片
電話號碼
29177254
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
有關獎賞計劃
相關文章
iza’bis Semi-lunch buffet上月中陪老婆行街，有一張買一送一嘅特惠券就要到期，所以專登揸車去銅鑼灣食下午飯。之前都嚟過呢間餐廳食過幾次飯，雖然價錢唔算平，食物都算可以，而且仲有泊車優惠，可以慳埋泊車費。蘑菇忌廉湯有濃郁蘑菇味道兼入口夠creamy，做得幾好飲，只差蘑菇嘅香氣較為薄弱。火腿薯仔沙律薯蓉入口軟綿綿，火腿清淡少鹹，凍薯仔沙律口感特別可愛。雜菜果仁沙律果仁同乾果配搭恰當，新鮮蔬果爽脆，醬汁味帶微酸，配料配合恰到好處，好食兼口感十足。冷盤燒牛肉火腿雞肉燒牛肉質地OK，火腿同埋雞肉比較乾身，而西班牙火腿比較好，油脂軟滑香口而且唔係太鹹，可以食多幾片。House Wine 紅酒聞起木桶味重，厚重帶輕微果酸，酒味於口腔中亦較為長久，同芝士一齊更加合拍。豬扒Sausage炸薯條豬扒煎得好靚仔，唔會油膩肥騰騰，肉質略乾身嚡口，好彩仍然夠鬆軟，而豬肉味淡，應該係雪豬扒。配用燒汁可以彌補缺陷。Frankfurter香腸質素一般般，超級市場隨便可以買到。薯條用新鮮薯仔做，鬆化好食不過不失。黑松露蘑菇Risotto 黑松露香氣稍為淡薄，蘑菇味道亦淡淡，risotto夠Creamy。可惜飯粒煮得過腍過熟，無咗嗰種咬口嘅特色。薑汁豆腐花同場仲加演薑汁豆腐花，有豆味，薑汁味較淡而甜味重，豆腐花算滑口但有啲實淨。Latte咖啡咖啡香氣十足，而味道濃郁美味冇苦澀及酸，略爲少少嚡口，係一杯好有誠意嘅咖啡。餐廳擺位及空間寬敞，而餐具和環境乾淨清潔，侍應服務勤快有禮貌，但有一位較為木口木面。
繼續閱讀
因為交通方便，太太約了港島區的好朋友中午來這裡吃午餐。昨天人不多，比預訂時間早了半小時都能入座。我在門口的酒窖買了一瓶$6xx的法國紅酒，到餐廳裡面暢飲才加服務費20%，真是很優惠和公道。午餐套餐$188有自助沙律和幾個主菜任選，如果加一點小錢可以有更多主菜選擇。不加錢的主菜有雞、豬，和幾種不同口味的拉麵和意粉。太太先來個沙律吧旁邊自取雜菜湯，我就到沙律吧取沙律。我發現蔬菜種類多，而且特別新鮮，配料有幾款伴碟肉和芝士。我用紅酒配我的沙律喝芝士，口感特別美味，太太也很喜歡她的雜菜湯。我吃了兩輪沙律後朋友才到，於是大家一起點主菜吧。看看四周很多老顧客戶都點豬，但我和太太也要豬，可惜已經賣完，證明豬是最受歡迎的主菜。朋友點了雞，我和太太就加錢點了牛肉。總的來說這裡的沙律是非常不錯的，食物性價比也高，喜歡喝酒的朋友更不要錯過。
繼續閱讀
喺city super 裏面既餐廳而家做緊四送一人均$150出面沙律、甜品任食另外每人一份主食我地食完兩轉沙律已經食唔到主菜好彩職員話可以比盒我地拎走出面既沙律好好食，性價比好高呀坐得又舒服下次會試下拉麵/烏冬
繼續閱讀
如果你係酒友，如果你有酒腳，呢度就係天堂！你可以自己帶酒，但係收$500開瓶，不如睇睇佢賣嘅酒，只係＋20％入餐廳開，飲住食LunchMoulin De La La Lagune 2016 $220+20% $44一枝Bordeaux 3級莊副牌賣呢個價收多你$44開瓶費，一般餐廳嘅收費二百幾蚊都係超市$3x-$4x嘅貨！沙律吧我影咗幾次，冇乜轉變，唯獨開始多咗主菜選擇日式叉燒拉麵仲有湯底揀，麵豉、醬油同雞濃湯😱 大癲！麵底爽彈冇鹼水味👍叉燒外層燒香咗，不過肉質麻麻少少乾黑松露野菌意大利飯正常家庭飯碗份量，野菌量多黑松露味一上枱已經令我媽媽側目😆雜錦海鮮喇沙唔好期望海鮮有幾靚，青口、魷魚同蝦，湯底濃香惹味，佢呢款係少椰汁版，味道全靠個醬。麵底係好大量，上次食完已經超飽，所以今次同店員講「少麵」！必食博多豆腐花超滑、超濃豆味，個薑味糖水似乎稀咗少少，冇乜味，建議落返黃糖最後送每位一張雪糕卷，味道有蜜瓜、抹茶同牛乳，蜜瓜味係超推
繼續閱讀
收工後唔想返屋企，咁就搵朋友去一間叫〔iza'bis〕嘅西餐廳，位於銅鑼灣。聽講佢們嘅Happy Hour超抵飲，所以我哋今日就去試下喇。一入門口，就見到現代化既裝修，環境舒適，令人一放工就可以舒舒服服放鬆架啦😌。揭開序幕🍴-唐揚炸雞放工後肚餓，點了這款唐揚炸雞來醫下肚。炸雞外脆內肉嘅口感👅我最鍾意，配埋特色調味，香脆又唔會太膩，完全點燃我們的食慾！重頭戲🔥-雞肉大蒜串燒串燒燒得剛剛好，表面有著誘人嘅焦香，內裡嘅雞肉口感軟嫩多汁，配埋大蒜嘅香味，令人食完一串還想一串😋。核心環節🥂- Happy Hour點好食物後當然唔少得Happy Hour，佢地既Red/White Wine買一送一🍷。紅酒嘅味道濃郁，帶有一點點果香，既醉人又醒神；白酒則清爽好飲，跟唐揚炸雞同雞肉大蒜串燒真係絕配😍。即使食完飯飲完酒，店內舒服嘅環境仲係讓我們流連忘返，大家對話談笑風生，佢地呢個Happy Hour時段真係做得好好👍！總結：iza'bis的食物味美口感好，而且happy hour抵飲，店員服務態度又親切，令人度過了一個愉快的下班時光，絕對值得再來🥰！
繼續閱讀