J.Co Donuts & Coffee

營業中

休息中

自從Krispy Kreme執左之後，香港真係好多年無好味冬甩食喇🥲完全估唔到連鎖都可以好味得咁緊要，仲要平得咁緊要唔怪得上網評價話冬甩控要小心，食完真係會上癮😋我今日叫完6個，已經諗緊聽日叫另外6隻味😂ALCOPONE - 估唔到呢個combination咁清咁香杏仁味，怕甜的話，呢個係best choice 👍🏻TIRAMISU - 唔睇番張單我都唔知呢個係tiramisu😰WHY NUT - 伏，甜到懷疑人生😰CHEESE CAKELICIOUS - 正到無朋友！filling係唔甜奶蓋，好正好正好正！呢個真係正到無朋友！👍🏻ROYAL TEA - 幾好，不過無咩特別YIN YANG - 鴛鴦，呢個表面有超濃咖啡碎，內𥚃有奶茶filling，又係正到無朋友！👍🏻

香港有大大少少嘅冬甩專門店，但好食嘅寥寥可數，始終香港可能都唔係咁普遍食冬甩。JCO 係少數當中比較好食，而且款色又多。啲間店其實係印尼過江龍，2016年就已經登陸香港，主打冬甩食品，依家有3間分店，分別位於旺角、灣仔及中環。製法一啲都唔馬虎，有八成材料來自印尼當地，咖啡店更派店員去當地受訓。冬甩每日鮮製，至少要發酵兩個鐘，然後再炸，炸香後配上不同的糖霜、Toppings，全部只會保存四小時，夠新鮮。$17 一個，$96有6個。一個又點會夠，所以次次都係買6個🤪 當中一定會叫原味，先會試到佢獨特嘅糖霜，其次係Mr Green Tea、Nutcracker都係必食的。基本上每次去開旺角就會買黎食，已經上左癮😅

JCO donuts 🍩香港過江龍要數性價比及味道嘅冬甩店試過甘多間，非JCO donunts 莫屬！ 一個人真係可以自己食半打🤦🏻‍♀️🤦🏻‍♂️最愛的杏仁酥味+朱古力+tiramisu +太極味真係百吃不厭！！$158 /12件 散水餅+開party 之選Alcapone ❤️❤️❤️❤️❤️YinYang ❤️❤️❤️❤️❤️Mr Mokacha❤️❤️❤️❤️❤️Tiramisu ❤️❤️❤️❤️❤️

身為甜品控，見到咁多款唔同味既Donuts，緊係要買番幾個黎試下啦😋佢地既冬甩勝在唔係好大舊，而且價錢適中，款款$17！岩晒買幾款同屋企人開心些牙😋！1️⃣Yin Yang見到個名即刻諗起我地港式鴛鴦😆外層有兩種topping，係糖粉同埋咖啡粉😆一入口已經好濃味！最驚喜既係入面既奶茶cream好濃，鐘意奶茶味既人一定要試呢個😋2️⃣Cheese Cakelicious呢個topping係曲奇碎，而入面係忌廉芝士😆呢個組合無得輸！味道真係好夾😋忌廉芝士唔係好甜個種，而係有少少咸味，食落有啲似奶蓋😋加埋曲奇碎一齊食就無咁膩啦😛3️⃣Mr.Green Tea呢個主打係脆皮綠茶朱古力，再加上杏仁片做topping😆綠茶味都好出，而且唔係假綠茶味😆而食得出有綠茶既甘甜味😛而且冬甩個皮軟硬適中，配埋一齊黎食好好味😋4️⃣Don Mochino呢個出面係脆皮黑朱古力，入面係cappuccino cream😋個人黎講最鐘意食呢個！佢既咖啡味好濃😛岩晒我呢啲咖啡控😋下次再試埋佢地既咖啡☕️😍

唔知幾時開始香港興起咗冬甩潮重點係明明印象中呢一樣野係好平價好Common嘅野食來到啲小店同埋I G Shop之後又搖身一變變咗貴價野自問不太好甜野 4-50蚊一舊Donut我就真係唔識得欣賞 同埋無興趣用咁貴價錢淺嘗一啲明知自己冇乜興趣嘅嘢啦咁啱見到呢間food panda 做緊外賣自取優惠買咗半打迷你冬甩🍩再加八折和外賣自取減$20優惠券 先61.6✌🏻覺得自己真係個精明嘅消費者冰涼嘅冬甩加上爆餡嘅cream 出邊係鬆軟嘅麵包質地同薄薄一層朱古力 真係超好食 怪唔得知啲人為之瘋狂😂😂不過食第一嗰陣時真係覺得好正 但食多幾個就覺得啲味其實都係差唔多重覆同埋有啲流～ 就算個餡唔同但食落個感覺都大致相同 覺得可以買返黎係party偶然gathering陣時成班人share呢間真心幾抵食又好味🤣🤣

呢個早餐成個all day breakfast 咁好吸引，都只係$38，真係好抵，雖然個原味冬甩比較薄，但呢個價錢真係無投訴，加$20仲可以有咖啡等飲，iced americano 好啱piggy口味，而且環境比一般茶餐廳好，有cafe feel可以hea陣🤭

都有幾多款doughnut 揀，但真係手快有手慢冇。本來已經揀好咗想食嘅款，但係咁啱就被前邊個人一次過掃曬建議如果想有多啲款揀要lunch time左右嚟食，今次3點左右黎已經冇乜選擇。今次揀咗tiramisu 同埋matcha味，tiramisu 味入面有滿滿既cream，食食下覺得好膩，唔太推薦Matcha味上面有roasted nuts片食落好香口估計應該有nuts係面既doughnut都會好食！

每次經過都會買冬甩🍩黎食☺️香港好食既冬甩店好少每次黎都好多人🤣唔少係外帶冬甩💕拎當下午茶/早餐食一個已經好夠飽～冬甩款式勁多 仲有一個岩 而且價錢又唔貴🫶🏻重點夠大個 口感好煙靭😍今次新出左個一系列雪糕冬甩岩哂咁熱既天氣食👅我叫左個朱古力棉花雪糕味冬甩同埋橙汁💛賣相唔錯 最上粒棉花表面微微燒一燒 不過比想像中硬🤣雪糕好重奶味好滑🍦中間仲有餅乾🍪碎 口感特別！同埋冬甩一齊食 唔錯唔錯😋～

對我嚟講香港好少有冬甩賣既專門店早排去中環洗傷口，肚餓就搵下附近有咩食見到有呢間coffee shop一入去望到成個廚窗都係冬甩雙眼發哂光，媽媽即刻話佢請我食$90有6大個，而且勁多款式揀！開心到不得了唔洗2日已經食哂全部都好好味，又靚又特別！

今日去旺角探細妹，順手買啲手信呀，上次介紹個牛角包今次介紹個Donuts 🍩🍩店。我自己可能比較鍾意食啲香脆可口嘅嘢，所以冬甩都係我最愛😋😋，真正嘅食貨，哈哈。同八月堂一樣佢又係好多種唔同嘅冬甩🍩🍩，款款各具特色，做donuts都做到新高度👍🏻👍🏻👍🏻因為有小朋友所以叫咗兩個士多啤梨彩虹味道🍓🍓，顏色非常之繽紛，睇見都開心，買俾小朋友必選🤭🤭。我就鍾意食朱古力味，香濃嘅朱古力醬喺個冬甩🍩🍩上面真係冇得輸😋😋今日趕時間所以叫咗個外賣下次要試下堂食先😂😂環境質素🏚：❤️❤️❤️❤️❤️衛生程度🧽：❤️❤️❤️❤️❤️美味程度😋：❤️❤️❤️❤️❤️💗抵食指數🤩：❤️❤️❤️❤️❤️回頭指數🤩：❤️❤️❤️❤️❤️💗

之前朋友請過我食咁啱途經呢間冬甩，買幾個返屋企香港冬甩專門店已經少之又少，難得有間好味又抵食，而且仲有好多味選擇買咗三個唔同味:1️⃣Oreology2️⃣Mr.Green Tea3️⃣Alcapone款款都係$17一個下午買，晚上先食放入微波爐叮咗15秒先食，比起無叮嗰陣更香，口感更好

全五星推薦🤩呢間donut真係無得輸系列其實食左好多次, 全港三間得分店呢間donut性價比極高🥰🥰無論有餡定無餡都有好多款式,實會揀到自己中意既口味😋😋👍$17一個 買得多又會再平少少我一個人一次可以食三個😆😆😆

香港已經越來越少donut店，呢間店簡直是donut lover 的至愛，款式超多，超過20款，價錢唔貴，1個$17，仲有mini版，加埋一杯咖啡，真係煩囂之中的清泉

每次經過旺角嘅呢間冬甩店 都會入去望望 呢度嘅冬甩有成20幾款咁多 款款賣相都好靚 真係每次都唔知買邊款好最鍾意就係佢嗰幾款爆餡嘅冬甩 望落成個麵包感 其實咬開係超多軟滑嘅忌廉 包身好鬆軟 唔算好大個 所以一個人食都唔會好滯！

旺角彌敦道旁有間café 可能唔顯眼 行過唔會專登望入去但佢地既donuts 係出色 又多款揀 個個都大大個 而且賣相吸引 仲要咁多年都維持到某外賣平台買6/12件有折 外賣老是常出現的所以堂食係好少 因為經常坐滿人堂食芸芸眾多最深得我心就係cheesecake外層有滿滿既朱古力粉 咬落去中間係芝士醬