影片
營業時間
今日營業
12:00 - 16:00
17:30 - 22:00
星期一至五
12:00 - 16:00
17:30 - 22:00
星期六至日
12:00 - 16:00
17:00 - 22:00
公眾假期
12:00 - 16:00
17:00 - 22:00
以上資料只供參考, 請與餐廳確認詳情
（1）員工服務非常十分之有禮貌、因為第一次去所以由員工推介菜式、會了解客人喜好、真係好細心介紹最受歡迎既食物、而用餐過程都感受到餐廳既員工都好有熱誠同有禮貌、絕對不是做作生硬程序式的服務好值得稱讚（2）Gorgonzola & Apple 9"、食過最好味嘅藍芝士pizza、好香、蘋果甜甜地好好味呀、如果鍾意藍芝士嘅愛好者一定喜歡。（3）炸雞外脆內嫩滑（4）Signature Seafood Bucatini一個非常出色嘅海鮮意粉、少少辣味提起全個意粉嘅鮮味是一間非常難得「食物質素好」「餐廳服務質素都很良好」「支持香港經濟」「支持香港飲食」香港餐廳都應該學習這一間餐廳質素。
繼續閱讀
🔸9吋藍芝士蘋果薄餅🍕 $133見到有好多人都推薦依個pizza，就嗌咗嚟試下～雖然個pizza得兩樣toppings，但都好好食。🧀藍芝士聞落去比較重味，但食落去陣味冇咁勁，食到芝士嘅鹹香。🍎蘋果就為pizza增加甜味，令味道更加有層次。個餅皮又焗得啱啱好，少少煙韌，邊邊有少少脆，但又唔會太乾。下次嚟嘅話會再ENCORE!!🔸忌廉蟹肉大通粉🦀 $178大通粉口感煙韌，好多忌廉蟹肉汁，creamy、濃郁但又唔膩。忌廉汁包住每條通粉，啖啖都食到蟹味，滿足！🔸Tiramisu $68比較重少少少苦味，入面嘅蛋糕比較大舊，唔係嗰種口感極軟滑嘅Tiramisu，但味道係好食嘅！可以嗌環境方面幾好坐，見到隔離枱有小朋友，店員會提供顏色筆同紙比小朋友畫畫、油顏色🎨，好親子friendly嘅餐廳。推薦！
繼續閱讀
慕名而來的，而家成日睇YouTube都見到呢個老闆，諗住有嚟試吓。入到間餐廳，裝修都幾得意，本來職員叫我哋坐門口嗰張，我哋企喺度猶豫咗一陣，經理就話入邊都有位，原來入邊仲有好大，坐低咗卡位，後面仲有一間房，餐廳寬敞闊落。我哋叫咗一個芝士四重奏pizza, 炸魷魚圈配他他醬，加菲貓最愛牛肉醬千層麵。三個人，食到一半覺得唔夠，即刻加多一個T-Rex pizza.芝士四重奏pizza： 芝士味當然好重，我係芝士愛好者，啱晒! 薄批應該係意大利傳統批，不過對我嚟講，唔夠飽😅炸魷魚圈配他他醬：魷魚圈竟然好腍，唔係好有咬口。不過張粉黐住魷魚，唔會好似有啲餐廳可以分體食。加菲貓最愛牛肉醬千層麵：都係多芝士，始終肉醬同闊條麵係好夾，冇得輸T-Rex pizza： 呢個Pizza偏辣，好似比其他西餐嘅辣肉腸辣一點。比較濃味。
繼續閱讀
星期六下晝兩點到達餐廳門口企咗一陣員工見到你嘅，但佢哋好努力執緊枱唯有喺出面等等咗大概10分鐘本來以為Pizza都係咁，會有幾好食點知我錯了😂藍芝士蘋果薄餅 $218首先食pizza餅底好重要好鬆軟，一啲都唔乾就算食到最後凍咗，都唔會刮喉藍芝士同蘋果好夾藍芝士味唔算好濃蘋果中和咗芝士嘅膩為咗Pizza我一定會再返去😋蕃茄芝士焗肉丸$68肉丸唔係出面免治肉搓成嘅口感小小彈牙加埋芝士同蕃茄好好食黑椒焗雞翼 $64就係黑椒醃咗嘅雞翼冇太大驚喜整體環境OK同場會有小朋友開party🎉氣氛好歡樂
繼續閱讀
近排成日係YouTube 睇小洪賓啲片😂搞到我好想去試下佢間Jacomax Pizzeria啲pizza🍕所以就黎咗佢位於寶琳新都城嘅分店嗌咗一份9寸嘅 Margherita 🍕，size啱啱好可以一個人都食得晒，Pizza餅底薄脆，mozzarella cheese 🧀 再加上蕃茄醬🍅同羅勒葉🌱，最Basic嘅配搭就已經好好味🤤食完pizza之後想食啲甜品，所以嗌咗一份Tiramisu☕️🍫，估唔到個份量比我expect嘅大🤣，Tiramisu口感好滑，而且質地好輕盈，最上面嘅可可粉有一層微微嘅苦味，所以亦都唔會過甜，甜度適中👍🏻
繼續閱讀