JIKKA

營業中

休息中

今日啱啱落去觀塘成業工業大廈做嘢，行過見到呢間新店，環境裝修望落都好舒服，咁當然要試吓啦，結果係非常驚喜本來淨係諗住叫隻燒雞試吓，但因為係即叫即燒，要等下先有，於是邊等邊試埋其他嘢，叫隻蝦霸狗，個名好得意，個包又香又脆同條爆皮芝士腸已經好正，再加埋啖啖蝦肉加埋D醬同海苔，又配搭得好好。再叫咗杯好特別嘅expresso tonic，估唔到小店都用單一產地咖啡豆，果然有料到而且個咖啡師整杯野整得好靚。話咁快隻燒雞都出埋爐，未食已經聞到隻雞非常之好香，口水都流晒，拎到返公司食隻雞依然係脆皮肉滑加多汁，正到比人歧視呢間新店無論係服務同食物水準都非常高，真心全部都好正，心機小店一定值得支持

舖頭環境清新怡人，燒雞香味四溢喺巷頭已經聞到，食落皮脆多汁簡直係齒頰留香，最難得味道方面由於本人不太喜歡太濃味，幾抗拒啲醃料味蓋過食材本身的味道，難得呢隻燒雞醃料不會太過濃，既可以食得出原本的雞味又可以嘆到廚師醃料方面嘅功夫，味道平衡，深得我心。咖啡方面，睇得出咖啡師有精心揀豆，聽講仲會隨時令不同用當時得令嘅豆炮製風味不同嘅咖啡，期待！想試埋佢哋嘅熱狗，睇落用料都幾足，又有蝦又有蟹，不過太飽唯有下次再試過。