Jungle King 森林王國親子餐廳 (已結業)

這個月小朋友考完試，上課只是半天，放學後百無聊賴，當然要想想去哪兒玩，親子餐廳都是我們考慮的方向之一，其實很多親子餐廳我們都去過，各有特色。今天我們去了觀塘駱駝漆大廈一間我認為比較新、乾淨又好玩嘅親子餐廳消磨了一整個下午，小朋友玩得不亦樂乎。親子餐廳名叫Jungle King森林王國親子餐廳，囡囡最吸引人的並不是森林或森林裏面的動物，反而是一個超大型的波波池，大人細路見到都一定好興奮，好想跳落去玩。波波池上面仲有一個小型繩網陣加滑梯，三歲至八歲都一定啱玩。而且成個波波池感覺比較新淨和衛生，家長會放心比小朋友落去玩個痛快。除咗波波池，餐廳仲有兒童玩樂區，包括煮飯仔、玩具提款機、動物玩具、音樂玩具、騎木馬等等，總有一款啱小朋友玩。在餐廳的另一個還有電動車，仲有育嬰室添，對家長來講真係好有用，簡直係照顧周到。進入餐廳前要除鞋，一定要穿襪子才能進入，如果沒有穿襪子也可向餐廳職員購買。一進入餐廳，職員便會為小朋友量度體溫，和為小朋友及家長噴上消毒洗手液，確保衛生。餐廳的男女廁在進入前亦要先換上拖鞋，所以感覺餐廳在衛生方面做得很好，大人細路都玩得開心放心。有些日子例如六日假期，小朋友會收$80入場

自從上次帶過阿仔去啟德間親子餐廳玩過之後，佢成日都叫我再帶佢去玩不過由於每次去我都會搵埋阿嫂帶埋兩隻化骨龍一齊去，帶住幾個細路去啟德真係唔太方便...跟住有一次係媽媽Group見到有人share呢間Jungle King，睇相同評價都好似幾唔錯，就搵埋阿嫂一齊去踩場啦呢間Jungle King地方雖然無啟德咁大但勝在家長可以一眼關七望住小朋友玩，唔洗擔心小朋友安全或者有無蝦其他小朋友 (事關我個仔係百厭到暈個種...)玩具種類多，仲有啲制服俾小朋友玩cosplay當然仲有小朋友最愛既波波池啦！波波池入面仲有滑梯、繩網，望落都乾淨企理，同埋佢地會定時消毒，所以都放心俾佢地入去玩玩完就醫肚餓啦食物選擇唔算太多，不過款式都算係大路野，大人同小朋友都啱我地叫左個芒果乳酪炸魚漢堡、焗西班牙豬扒飯、炸春卷拼蝦餅同埋芝士煙肉焗西蘭花芒果乳酪炸魚漢堡係我個仔指定話要既，當大部份小朋友都唔鐘意食魚既時候，我個仔出奇地鐘意食唔止係炸魚柳，平時係屋企煎魚或者蒸魚佢都好鐘意呢個漢堡都幾好味，芒果乳酪醬同炸魚柳好夾，其實食落有少少似千島醬變奏版，不過佢就再甜少少炸魚柳幾厚身，佢唔係落炸漿個種炸魚柳，佢係麵包糠個

今日放假帶侄仔出街放電，唔知去邊好玩好，上網搵個喺屋企附近又啱佢玩嘅地方，搵到呢間喺觀塘工廈，地鐵站附近好易搵。入到去有個地方俾小朋友玩吓煮飯仔、砌積木、睇圖書，有個Sir滑梯波波池，侄仔見到波波池已急不及待衝去玩，波波池出面有幾行長枱，大人可以坐喺度望住小朋友玩，又可以叫嘢食，呢度食物質素都唔錯，牛肝菌忌廉汁雞肉意粉足料、檸檬蜂蜜雞中翼酸酸甜甜幾好味。親子餐廳嚟講價錢實惠，又有得玩，又好味！玩嘅地方來講依度唔算好大，不過帶小朋友嚟放電自己又可以成機抖吓。

Recommended by a friend and decided to give it a try! Spent a Saturday lunch there and to our surprise the place was very spacious, food and service was great. Our kid had a great time there and my wife and I also had some time to chill! Greta place for family time!

整體環境乾淨企理、光線充足 (但又唔會 感覺燦眼) 劃分不同部份區域好動既可以 去波波池(都OK大)、SIR 滑梯，走動位都夠比較文靜少少既 可以 煮飯仔、騎公仔、閱讀區(餐飲區 可以望到小朋友玩樂情況)百零蚊有得玩有得食，味道 唔錯，算有驚喜 (玩完食埋野先發現原來冇影相 )總結 有下次

一直聽朋友介紹呢間親子餐廳，今日終於可以一試位置係觀塘，離地鐵站5分鐘，絕對方便有一個玩具天地，咩玩具都有，岩呀女又岩呀仔，有呀仔最鐘意既車車⋯淨係呢個區都玩一個鐘，我就可以安安樂樂食野重有一個7彩波波池，岩晒小朋友放電。打卡好地方，比佢地爬黎爬去又可以練下大小肌肉野食好食就唔洗多介紹，一黎到老公已經鯨吞左個邪惡流心burger 就知好食我都唔理仔女食左半個烤菇burger 👍🏻 正叫多個意粉比仔女食～ 無得頂呀

如果中意帶小朋友周圍去嘅家長，親子餐廳必定會試！通常親子餐廳都係商場或地鋪，食同玩嘅地方分隔開，冇一萬呎都有6000 呎！呢間係工廠大廈入面嘅又partyroom又有野食嘅，真係幾特別！雖然地方細細，大約2000-3000 呎左右；玩嘅嘢唔算多，不過五臟俱全。個人覺得最特別嘅地方係食嘢嘅地方可以望到小朋友玩，小朋友玩緊嘅時候；又可以望到家長，大家都可以在安全嘅視線範圍望到大家，安全感加分；呢個特色其他親子餐廳做唔到！另外食物同價$比較同類playhouse及餐廳都好食同經濟👍🏻真心值得推介👍🏻

位置方便，鄰近地鐵站，餐廳入面環境舒服，又唔太迫，玩具又多，波波池更加係小朋友最愛，好少親子餐廳咁著重食物質素，真係比左個驚喜我，小朋友大讚好味，兩個細路每次黎到都玩到唔捨得走，大人又可以坐低休息，座位又可以望到小朋友，睇住佢地唔怕有咩意外，會繼續幫襯用心、有心！讚讚讚

星期六約左朋友同佢囝囝一齊去玩下食下野 一直有留意開呢間Partyroom既Facebook佢地成日都有Promotion！！！終於有機會去試下～去到地方都幾大，幾新淨有超大波波池、煮飯仔、夾公仔我個Frd個囝玩到唔肯走XDDD仲有個明太子牛油果意粉真係一流唔係講笑入口幼滑，牛油果味香濃，啖啖都有明太子香味好多Partyroom都會忽略左食物質素但呢間D野食好好味！

之前有媽媽係GROUP推介，今次終於有機會去下。第一次黎呢間親子餐廳，地點係觀塘位置非常方便易搵。一去到，裝修好靚好舒服，空間都夠大，最鍾意係有個夢幻色既波波池，放電呃Like一流，好靚！女女見到勁興奮，大人終於可以輕鬆下。玩樂區仲有好多玩具比小朋友玩，小廚房，騎牛仔，仲有圖書睇，衛生都做得好好，夠乾淨企理主餐Menu多選擇，主打西式飯/意粉，想食Pizza，漢堡都有呀！全程侍應服務周到，食物好快黎到，好滿意呀！原條鰻魚飯：鰻魚夠軟身，多汁好味大蝦意粉：鮮蝦夠彈牙，配埋有機火煎菜，好食健康整體黎講係一間好食好玩既親子餐廳，乾淨衛生，服務好好，有下次呀！

相信所有父母都明白，小朋友總係有無限精力，所以我同老婆放假一定會帶兩個小朋友去放電，但去公園又曬又熱，去商場佢地又唔岩玩，相信親子餐廳係最好不過既選擇。星期六又無咩節目，今日同老婆帶兩個小朋友試試呢間Jungle King，地點都近地鐵，落左車行幾分鐘就到。感覺環境都幾大，地方乾淨同光猛同一般親子差唔多，進食區與遊戲區相鄰，可以一邊用餐一邊睇住佢地。大型放電區！！！玩具都新淨同清潔雖說係親子餐廳，但食物款式同味道都係水準之上，呢一點完全係意料之外，值得一試。一邊可以坐低輕鬆食下野，一邊可以望住小朋友玩，佢地放電得黎，我地又可以叉下電，下次都要再帶佢地黎

早排喺Facebook見到孫慧雪都帶左仔仔喺呢度開生日party一直都bookmark住 等下幾時有機會帶埋對孖仔過黎開餐!!!星期日見出面啲商場閂曬，冇地方好去，就一於去拜訪一下!!間舖雖然係工廈，但都好易搵到! 仲要好易搵都泊位一入到餐廳，我對孖仔已經喺度尖叫因為入面有一個超級大嘅波波池雖然啲波波池係幻彩色，同我對有型孖仔有少少唔夾但都無阻佢哋嘅興奮!! 入面又有吊橋又有Sir滑梯  遠少少又有LEGO Wall  屋企好細擺唔到咁多玩具，呢度都真係滿足到小朋友!!小朋友就放電，做大人就當然要搵野食醫下肚餐廳有一大優點係，用餐區係可以望到波波池大人食飯都可以望住啲小朋友玩 等大人食都食得放心啲!嗰日叫左日式鰻魚飯畀對孖仔鰻魚冇碎骨，加上很入味，很適合小朋友!!!另外，呢度都有好多特色嘅飯! 呢個就最特別啦!!本身對孖仔，望到紅咁咁都驚驚地咁咁好啦 我同老公分左佢啦食落又真係不錯不錯!!!!啲飯有淡淡嘅紅菜頭甜味，cream唔太重 好怕好奶好cream嘅我都食得到呢間親子餐廳的確係好適合一家大細黎玩同食飯淨係個波波池都值回票價推介推介推介!!

今次是媽媽group的聚會。一行十個BB坐在長枱。這裡地點不算大，但五臟俱全，有三行長枱，我們隔離都有其他媽媽group在聚會，玩樂設施有波波池，有廚具玩具，有單車仔，有騎木馬仔， 有圖書架。食物不過不失，跟樓上cafe的食物質數差不多，因中間出左去波波池玩，食物都凍了。整體，最正係唔洗加一，小朋友不用額外清潔費，不過最低消費$160就稍高一點。食下又玩下，仔仔都好鐘意個波波池，玩左好耐都唔捨得走。地點在觀塘，算係一間比較方便又經濟的親子餐廳。

小朋友收80蚊清潔費，如果叫兒童餐就免收。佢d玩具已經唔算多選擇，但係超級極度污糟，都唔知d清潔費收黎做咩，d塵多到我完全唔想俾個小朋友玩。🤢佢2個後生女侍應任何時候都玩手機，斟水都要行出去門口搵佢。野食好好好普通，d小朋友餐具都甩哂色。個波波池其實危機四伏，d膠邊好多都退化甚至甩左。波波池門口個梯級係斜嘅。中間斜坡近地下個邊其實好大條罅隙，唔覺意攝隻腳隙親我唸都幾痛。勁多爛左嘅波波，幾耐無洗真係唔知。唯一一樣我欣賞嘅係佢有格厠所係有大人加小朋友座厠(好似幼稚園個d)，洗手盤都有小朋友岩用嘅高度。不過加多幾十蚊已經去到大樹先生，當然唔會再黎啦。

位於駱駝漆大廈入面嘅一間親子餐廳, 成個experience比我想像中差一份大人嘢食成$180+, 份量好細, 賣相又唔係特別精緻. 牛肉飯完全冇特別, pizza比較乾...但係個明太子意粉就幾好味嘅1-8歳小朋友要比清潔費($80 each) 如果真係有清潔嘅話,係抵比,但係玩玩下發現啲玩具幾污糟下, 特別係Lego勁多塵(如圖)...幾耐清潔一次就真係唔知道了總括來講我覺得唔太值得所以唔會再去