KAi Poke Bowl

營業中

休息中

原本見到佢嘅配料都幾健康，所以就試左三文魚寶沙律加壽司飯，味道到其實幾好，搵到一個好食嘅飯堂，不過食完2小時後開始覺得腸胃有啲痛，同肚痾，即刻就去睇醫生，結果係腸胃炎，雖然食咗藥，但係成晚都係咁屙水，成條腸都好痛到第二朝早一起身又係屙水，仲係好痛，結果要去睇多次醫生打針🤕唔知係刺身唔乾淨定係沙律菜？不過我都唔敢再食了😵‍💫

之前和朋友在尖沙咀食過夏威夷魚生飯 (Poke Bowl)，她推介我來將軍澳試試這間抵食Poke Bowl。餐廳設在The Parkside Mall的food court，商場的人流稀少，所以在這食Poke Bowl，完全不用等位！Poke Bowl可選套餐或自選搭配，套餐有逾10款配搭選擇，價格介乎$70至$90左右，包含湯或指定飲品。魚生飯的base可選壽司飯、沙律或壽司飯+沙律，加$5還可以加配薏米或藜麥等健康食材。指定款的魚生飯亦可額外加配喜歡的食材。這次選吃的是加洲寶 (California Bowl) 及三文魚寶 (Lomi Lomi Salmon Bowl)。兩碗魚生飯一上桌，就見到滿滿配料，好豐盛！base選了一半壽司飯，一半沙律菜，以免吃不完米飯會浪費啊！加洲寶的食材有仿皇帝蟹棒、蟹籽、牛油果、芒果、玉子燒、青瓜、洋蔥及紫菜，青瓜、洋蔥及沙律菜帶來了爽脆口感，芒果的香甜與蟹棒及蟹籽的味道配合，加上牛油果及玉子燒，營造出加州卷的風味。魚生飯混入蜜糖芥末蛋黃醬，微甜的蜜糖及不嗆鼻的芥末，混和食材，更為滋味！三文魚寶 ($88)的主要配料就是三文魚，有三文魚、三文魚籽及三

出街食又怕肥膩嘅話poke bowl絕對系個good option😆但唔知點解poke bowl開親都喺深水埗 旺角 尖沙咀嗰啲地方而家將軍澳終於都開咗間😆一於去try try-👍🏿三文魚寶 $88嗌咗半飯半沙律三文魚好新鮮 而且味道幾濃雖然切成一粒粒但都不失口感油潤嘅三文魚令口腔充斥住魚油香🤪部分油脂已經permeate入個飯度 食落一啲都唔dry😎而且用嘅系日本米 口感唔錯三文魚籽帶出鹹鮮味 而三文魚鬆甜甜鹹鹹咁撈飯一流沙律菜亦夠爽脆另外仲有毛豆 車厘茄 青瓜 洋蔥 紫菜等等嘅蔬菜作伴成個飯食落好fresh醬料方面史努比揀咗鰹魚豉油 份量控制得幾好 唔會太鹹但又唔會都冇味👍🏿味道: 8/10性價比: 7/10.另外會跟一杯嘢飲或者系麵豉湯免費飲品可以揀烏龍茶 可樂或雪碧其他就要加$10 有水果茶 梳打等等-*不設加一服務費*.細佬嗌咗個全飯嘅 不過似乎男仔食就唔太夠飽史努比分咗啲飯比佢之後就啱啱好😂😂雖然八十幾蚊一個飯價稍貴 但史努比見poke bowl通常都系呢個價🥲而且佢用嘅三文魚新鮮其他材料亦唔系求其hea 值得一試!.呢間都系位於將軍澳較新嘅food court入面環境大坐

第一次食這種夏威夷風味食物😃好得意材料新鮮所有食材放在一起就是夾！好味道！好適合夏天第一次緊係食配搭好的！下次自己配就知點揀好容易會食哂一盒！飲品都好味，所以食到好飽！之前睇到人食已經好想食，終於食到

呢間餐廳主打夏威夷嘅特色美食，料理偏向清新健康嘅路線，而色彩豐富嘅外觀更令人食慾大振´͈ ᵕ `͈當中亦用到魚生、海產等材料，中哂我嘅胃口，點可以唔嚟試下呢？✎ 海中寶 + 可口可樂 ($108) 材料大致有吞拿魚、三文魚、帆立貝、八爪魚、虎蝦、玉子燒、青瓜、車厘茄、毛豆仁、洋蔥、青蔥、紫菜、木魚花、炸乾蔥、芝麻油等等。食材配搭大部份都偏向清新，放入口會感覺非常健康。飯略酸，有咬口，幫助開胃。其實主打魚生嘅飯唔會難食得去邊～而佢size係正常size，女仔會覺得夠飽，男仔就未必啦～✎ 蠔寶+ 豆腐紫菜麵豉湯 ($118) 材料大致有廣島蠔、玉子燒、青瓜、毛豆仁、洋蔥、青蔥、芫荽、酸薑、木魚花、炸乾蔥、柑橘醬油、青檸同芝麻油等。呢碟料理當然重點在於廣島蠔，所以我都非常期待。一擺入口，生蠔口感滑嫩，濃郁嘅蠔味，但係咬第一啖，隨之而嚟嘅係腥味太重，好似唔太新鮮，食食下頂唔順，加咗青檸汁，但都蓋唔到浸腥味。呢個位有啲失望，影響咗成碗料理嘅味道。而佢嘅size都係正常size，男仔同樣未必夠飽。伴隨嘅麵豉湯味道反而唔錯，唔會太鹹，而豆腐都好嫩滑！

路過這間小店諗住試吓，見有好多新嘅配搭，所以試吓！點不知佢個牛三寶真係好好食，牛筋非常入味，食材新鮮，從未試過這個食法👍🏻👍🏻👍🏻👍🏻👍🏻！我個仔食到停唔到口👍🏻👍🏻

今日下晝去將軍澳附近行街, 經過一個food court, 人唔多, 但有間食肆特別多人, 食物幾特別, 所以試下👍🏻。先選擇主菜有魚生、牛、生蠔等等。我最鍾意係可以揀飯或沙律, 也可以半飯半沙律, 之後再揀醬汁, 仲有飲品。我今次揀咗半飯半沙律, 麻醬牛三寶,燉煮牛三寶有牛腩、牛筋和牛脷, 牛筋多汁入味😋, 牛腩肉質鮮嫩，切成塊狀, 容易入口, 送飯一流👍🏻,飯係用珍珠米, 仲有我最愛的糖心蛋😍😍😍沙律蔬菜好新鮮, 包括有生菜、豆腐、雜菇、番茄等等, 麻醬汁份量又剛剛好😋我走時見越來越多人排隊叫餐，但出餐算快，不用久等，啱晒咩都要快的香港人😎

前幾日朋友推介我，如果入開將軍澳，有間食店喺Parkside mall必定要去試，趁今日打完風冇咁熱，就入去搵食！第一次來呢個商場，冷氣夠！乾淨！泊車方便(又有泊車優惠)，入來就見到KAi Poke Bowl，睇下menu選擇又幾清晰， 我選咗“海中寶配柑橘醬油”，賣相已經好吸引， 魷魚又好鬼彈，好有新鮮感呀，開胃又清新，佢最好就係可以配飯或沙律，香港人有選擇多好呢！讚！！！唔記得講餐飲，都幾多選擇，我選左柚子梳打，好適合我唔鍾意太甜的飲料，唔錯。人生第二次寫食評，係值得推介！

小店裝修簡約，乾淨整齊，好有沖繩feel開頭以為都係魚生丼之類，但經過店主將不同的新鮮食材配搭再配上不同的醬汁，感覺喺另一種獨特的風味，有清新感又截然不同。阿仔食左一個三文魚寶，用料足👍自己食左嗰vegetarian bowl加左啲青檸汁好開胃，不過略嫌沙律菜不夠多 😆另一點值得稱讚嘅係看似平平無奇的碗飯，但在食物擺設上發現不少心思，店主風格應該係對食材擺盤甚具心得。食色性也！值得改善的自行選配的餐牌，要發多一點時間去理解🤔但屬於剛開業初期當然會存着各方面的改善空間。今次整體觀感唔錯，支持小店，下次再突發抽空試下 牛三寶又係一個咩風味先😙

雖然位置唔係好方便，但係地方夠大唔使同人迫，老闆熱情款待又會推介食物，款式多樣化，價錢公道質素高一人一碗岩岩好份量適中仲有汽水送真係超值，揸車仲可以有得免費泊車

今日經過日日作食良，見到呢間夏威夷海鮮飯，所以試吓，發現幾有驚喜，食材新鮮、足料，仲好健康👍🏻屋企人怕肥所以食了雞寳。推介，不過當日有少少人都等了－陣，會再幫襯😄

路經日日食良商場，發現新開西日式餐廳，原來是吃poke bowl的！選了個最豐富的海中寶試試，點知食落有驚喜😆😋😋材料滿滿，又新鮮，啖啖我喜愛的海鮮剌生，選了半飯半沙律做底少飯就冇咁肥，邊食邊有種幸福的感覺，好耐未試過入餐廳食野有這種感覺😳💕朋友素食人就試了健康寶，見他很快專注地蜜蜜食晒，之後他說吾錯，素食人又多個地方選擇喎！👍🏻呢間絕對可以回頭再來吃😍😋還有這日日食良內的food court環境舒適，坐落冇人趕都幾舒服🌅🥗🍱