KAKAchevée (已結業)

前幾日經過荃灣南豐紗廠2樓，見到蛋糕幾吸引，就黎呢度買件巴斯克芝士蛋糕外賣返屋企食。店員好有禮貌，蛋糕攞在廚窗時，每件蛋糕都已分別用透明膠分隔包住，在疫情下購買感覺相對較衞生。回到家只要打開包裝袋，就可以享用蛋糕。由於蛋糕先用透明膠先包裝好，方便食用，不會整到枱面周圍都係蛋糕碎，好貼心。店舖有三款件裝蛋糕和一個整個蛋糕，包括係原味，柚子和綠茶味。今次試咗柚子味巴斯克芝士蛋糕，味道平均，唔會太偏一邊重柚子味或者芝士酸味，岩哂夏天食。

颱風後嘅放假日，諗緊去邊度嘅時候，突然間醒起湯怡開咗一間蛋糕店喺南豐紗廠，一直好想去，加上從來都無去過紗廠。食過早餐就出發☀️唔知係咪因為假日，所以紗廠好熱鬧。除咗人，仲有好多動物🦮😍嚟到先知，原來南豐紗廠係寵物友善，好似去咗狗展😂好多狗仔係中庭，紗廠除咗日用品、食材嘅裸買店，仲有寵物零食嘅裸買店!!!!!!好鍾意行裸買店嘅我，即使無寵物都入去湊熱鬧😝見到啲貓貓狗狗都行得好開心😆上到2樓，就即刻見到間蛋糕店😍就係電梯口旁邊🍰今日有原味、抹茶同柚子，仲有朱古力咖啡慕絲蛋糕。買咗一件原味 Basque Burnt Cheesecake ($58)。店舖內無位置食嘢，只有外買。但紗廠一樓有一個戶外空間，有枱櫈，可以休息同食嘢。蛋糕口感好鬆軟，好順滑，入口即溶。味道唔會太甜，芝士味好香😋蛋糕偏向輕身，唔會似紐約芝士蛋糕咁實，咁膩。好鍾意佢個包裝，包裝紙係包到底，唔似其他餅店，只係包蛋糕旁邊，所以開黎食嘅時候好方便又乾淨👍🏻個人黎講，偏向鍾意食焗嘅蛋糕，比如焗芝士蛋糕、布朗尼、牛油蛋糕之類🍰所以哩個芝士蛋糕完全係我口味😆推薦大家黎試下👍🏻雖然價錢略高，但味道絕對唔會令你失望👍🏻南豐紗廠好值得嚟行下

呢個係一位女藝人開嘅蛋糕店，一直有follow開佢，想試呢間蛋糕店好耐，但係南豐紗廠都真係幾遠，而且開舖時間唔係好長。去到佢話人氣班蘭同焙茶味去到31/5之後就會冇，就即刻快啲去買嚟試。焙茶真係超濃茶味，唔苦，香焙茶味，愛茶之人一定喜歡，唔食開茶味嘅可能會覺得太濃。抹茶味都係超濃味，唔食開抹茶嘅都可能覺得太濃，都係唔苦，好香。原味最重芝士味，都好香。全部都好滯，芝士蛋糕味好濃，加上巴斯克，又大件，好飽。

南豐紗廠一路都係我一個好喜歡既Chill 點☀️鬧市中有個花園仔可以感受下陽光 真係鬆一口氣🌱 見到有間新嘅蛋糕店就不如係陽光下嘆個下午茶☕️ 原來呢間主打巴斯克蛋糕既小店係湯怡主理既😂 味道同高級甜品店有一點距離🥲 唔難整既巴斯克蛋糕食落算係好味但係有一點點業餘感🍰經過也可以一試⭐️ Pandan Basque Burnt Cheesecake 🌿蛋糕整體嘅綿密感不錯😋但係餅底有少少偏硬 斑蘭嘅味道好突出💚淡淡嘅香帶種熱帶感覺🏝 令甜度帶多種層次👍🏻⭐️ Original Basque Burnt Cheesecake 🍮首先值得一讚嘅係甜度適中唔會過分甜🤩 但係欠缺左巴斯克蛋糕嘅一份焦糖香🔥 甜味相對比較單調⭐️ KAKAchevée (荃灣)📍 荃灣白田壩街45號南豐紗廠2樓202號舖

在兩個月前，2/11 Openrice 社交平台 post 留意到有間位於荃灣南豐紗廠新開的女明星蛋糕店 <KAKAchevée>！由湯怡在 2020年創立自家品牌的自家創作甜品，主打巴斯克蛋糕！營業時間：星期四至日 12:00am~8:00pm付款方式：現金及八達通有3款口味：原味、焙茶及斑蘭當中，斑蘭味最受歡迎！第一次放工，買不到斑蘭味；事隔兩個月後，放工終於買到嘞！蛋糕以透明膠膜包住保鮮及衛生，簡單撕開店名貼紙就可以食嘞！連碟都唔使洗！焙茶巴斯克蛋糕 $58焙茶味甘突出，可減低甜膩感，質感頗挺身！口感濕潤黏黏的，甜度恰到好處！斑蘭巴斯克蛋糕 $58散發獨特斑蘭清香及芝士香，看似好挺身，口感濕潤，質感幼滑細膩，相對焦香的表面比較蛋糕甜些少，整體甜度適中！跟媽咪分享，她也讚很香，比其他餅店的出品更香，質素更好！

疫情咁厲害，最近已放棄出街食飯喇。如果唔係返工，我就只係留喺屋企同狗狗摺埋。不過亦因為咁，呢排比平時更多從外面買蛋糕、甜品返屋企，算係疫情下的highlight！早前狗狗爸爸轉寄一則報導，係關於藝人湯怡喺南豐紗廠開咗一間芝士蛋糕店，主打巴斯克焦香芝士蛋糕。雖然我只知道呢種芝士蛋糕的表面係好似焗燶咗咁，但感覺蛋糕店既然只賣呢款芝士蛋糕同曲奇，唔貪心，應該水準唔錯，所以好想試下。前陣子，狗狗爸爸終於外賣一件，一齊品嚐。不過，原本佢想買原味或焙茶味，可惜去到餅店時，兩款都冇切餅，於是只好買咗班蘭味。件蛋糕同出面街的切餅差唔多大細，$58，我覺得都算貴。我哋一件兩份分。蛋糕食落軟綿，好味。雖然我唔識整餅，但外面好多芝士餅裡面好多時都過硬（可能同放雪櫃儲存有關？），不過呢件餅我哋都係直接由雪櫃拎出嚟就食，但入面的質感係軟綿。蛋糕外面焦香，焗燶咗咁，係呢款餅的特色，我雖然唔係太喜歡呢種焗法，不過外面硬、燶的質感同口感的確同入面的軟滑、輕怡係一個對比，係佢的特別之處。班蘭味喺蛋糕顏色上可以見到，而味道就比較輕淡。以切餅嚟講，件蛋糕無疑係貴咗少少，不過因為我哋係將蛋糕切開兩份食，食完係感覺滿足，而平均

知道新開了餅店，特意由港島區渣車到荃灣，試試新味道的芝士蛋糕，下午三點多店舖只剩下 「伯爵茶芝士蛋糕」，其他味道已沽清了，店員服務態度非常好，有禮貌，又會推介一下店舖食品，遠道而來，買了一個試吓（$3xx)，店員還送了一小盒曲奇餅🍪👍🏻。曲奇餅好鬆化，好新鮮，又唔太甜，好香好味。蛋糕有驚喜，完全唔漏，小朋友還加添，味道剛好，以往食果D 芝士蛋糕食少少已很漏，這款好有茶香，唔漏。唯一要改善，係個盒，好難打開，扣位一開已爛了，如果買一個又食唔曬，用唔返個原盒裝回入雪櫃。