KiKi麵店 (國際金融中心商場)

營業中

休息中

Kiki麵店推出了全新的「夏日滋味套餐」，套餐包括有前菜、主食同茶飲！海鮮中華冷麵，只是看他的賣相已經好吸引，色彩繽紛，用上青瓜絲、，紅蘿蔔絲、紅椒、冬菇絲、雞肉、蟹柳、八爪魚等多款材料製成，麵底爽身，再配上冷麵汁，十分開胃！金不換香茅肉碎拌麵，肉碎拌入冷麵中，口感豐富，帶有淡淡的金不換和香茅的味道，不錯！涼拌皮蛋，皮蛋拌有微辣的醬汁，食得過癮！涼拌青瓜，青瓜的醬汁用上蒜蓉和白醋製成，味道酸酸辣辣，十分開胃！酸柑青檸特調，飲品酸酸味味，特別解膩開胃，加上飲品入面亦有滑嘟嘟的愛玉，口感豐富！

要喺國際金融中心入邊揀經濟實惠嘅餐廳， 都幾有難度， Kiki面算係價位比較平嘅一間。/外賣嘢飲飲過幾次，質素都唔錯，茶味十足，珍珠煙靭，今次坐低飲，依然保持到水準，值得一讚。/今次點了豬手麵，豬手顏色好深色，睇落好似好入味，但其實食落就冇乜味。另外有口水雞一小碟，調味其實不錯，辣得夠過癮，可惜雞肉比較鞋，令到整碟菜失色了很多😆😆/值得讚嘅係，店員嘅服務都唔錯，如果想搵個地方坐下飲嘢，都可以選擇依度

Lunch time 12:30係 GULU拎票，12:55分左右有位。叫到我no.淨係叫我坐底，乜都無講。我舉手問佢拎menu 啦，佢(應該係男經理)勁冷淡:QRcode落單。佢有麵Set同飯set，包一個前菜，一個麵同一杯飲品(可加錢叫手搖)鮑魚花膠濃湯雞灌麵+蒜片台式腸+迷你芋圓黑糖鮮奶(細)(加奶蓋)-$172(3/5)佢麵質同平時屋企自己煮既kiki麵一樣，麵條較幼，唔好好彈牙，但質地唔錯，有飽足感，湯底都濃，不過偏味精。花膠一舊，鮑魚兩隻，菜三棵。感覺無乜餸，鮑魚唔好味，唔係一咬就開既口感。好一般。花膠偏爽，無乜味。蒜片台灣腸就都幾好味，幾香口。迷你芋圓黑糖鮮奶，勁勁勁甜，好後悔，不過要讚個迷你芋圓幾q彈，奶蓋都做得幾厚實，幾出色。老壇酸菜牛肉湯麵+酸脆士豆絲+紫薯鮮奶-$166(3.5/5) 個湯底好夠味，小辣，牛肉份量都好夠，土豆絲就一般，好普通，下次未心會再叫，紫薯鮮奶明明叫左少甜都係好甜。總結: 中環IFC價其實百零蚊幾合理，無加一，但服務態度都唔洗咁差，食物正常，唔會唔好食又無話好好食，手搖如果唔係咁甜其實不錯，不過可惜真係太甜。

👩🏻‍❤️‍👨🏻：⭐️⭐️⭐️⭐️今晚去大會堂睇歌劇，泊車喺IFC有少少時間食飯，👰🏻‍♀️揀咗去KiKi麵店。🤵🏻‍♂️之前出入IFC都見到呢間舖頭成日有人排隊，今日星期日六點已經要排隊，用GULU排咗20分鐘，都可以接受。以台灣麵來講，係偏貴嘅，但係加多少少錢可以食套餐，有小食，有嘢飲，又可以接受。👰🏻‍♀️ 麵套餐 $148👰🏻‍♀️ 涼拌藕片👰🏻‍♀️ 蟹黃油拌麵（原價$138 ）味道中規中矩，上菜嘅時候醬汁同麵係分開嘅，要自己按喜好調教份量，算係有得食有得玩🤵🏻‍♂️ 麵套餐 $148🤵🏻‍♂️ 酸脆士豆絲有睇開嘅朋友就知道，最近🤵🏻‍♂️要食得健康啲，如果唔係一定揀台式腸😭🤵🏻‍♂️ 蕃茄甘荀牛肋條拌麵（原價$128 ）健康同口味攞個平衡，🤵🏻‍♂️鍾意食牛肋條，而蕃茄同甘筍亦好健康。整體味道惹味，蕃茄酸味剛好中和牛肋條嘅油香，值得推介👰🏻‍♀️白桃烏龍 +黑糖珍珠 （+$5）🤵🏻‍♂️白桃烏龍好好飲，不過提一提，杯茶上菜有啲慢，👰🏻‍♀️🤵🏻‍♂️兩個都食完先至有嘢飲，可能係因為隔離茶店都好多人排隊。外賣杯上，拎住行過去大會堂剛剛好👰🏻‍♀️連續讚咗自己四次，好彩加咗珍珠，嗰$5令到我哋咁啱夠$301免費泊車三

第一次幫襯用openrice叫左外賣自取蟹黃油拌麵，我11:44am落order, 系統顯示12:00pm可取餐，我12:00已經係現場但見到冇外賣擺係度，咁唔緊要我繼續等。過咗5分鐘我入去問‘’請問有得攞未”, 換嚟嘅只係一句”出返去等”， 唔該都冇聲。結果我等到12:13先有得攞…我叫外賣自取就係為咗唔駛等，但結果都係要等十幾分鐘係咩玩法？等都算了，係咪可俾返啲禮貌講聲唔好意思呀，麻煩再等多一陣呀，而唔係命令個客人出返去等？除咗我之外，有一堆客都係等左好耐外賣而忍唔住開聲問嘅…用外賣自取都用左一段時間，基本上都好準時，未試過有食店會遲咁多。多客嘅餐廳唔只佢一間，但人哋就算遲都會禮貌地叫你等多陣。P.S. 其實個麵幾好食，但咁嘅服務態度真係冇下一次

落雨天最岩留返响室內買外賣$138 lunch set 有飯/麵+小食+飲品係平定貴就見人見智因為size 都唔算大份不過… 真心有驚喜源自於個麵先睇menu 以為係鮑魚花膠湯既雞麵即係有雞既麵，配鮑魚花膠湯喇，都諗住係滋補d點知係… 有鮑魚花膠做餸既麵😍配”雞”湯(?)因為我真係見唔到有雞所以應該係雞湯吧真係勁開心2粒鮑魚煙un 花膠細細塊，texture 似像膠個麵有咬口，唔錯！小食叫左蒜片香腸台灣味又返嚟啦！略嫌少少油膩不過都ok 既白桃烏龍茶，原來係茶包亦都算有驚喜大杯既，味道都濃呀

1️⃣胡麻雞拌小醋麵雞幾淋,醬夠多,好清新👍🏻👍🏻份量多💰HKD$1182️⃣川味牛肉湯麵牛肉淋,個湯好濃,又唔會鹹,飲左勁多🤣 麵質都有咬口，鴨血有小小辣,幾香,有小小藥材味💰HKD$1283️⃣伯爵茶戚風蛋糕好香濃茶味，忌廉好多👍🏻👍🏻💰HKD$68飲品就正常發揮尖沙咀分店長期排隊，味道係ok嘅，但價錢略貴，中環店好坐d又小人d

夏天☀️熱辣辣🥵 ～熱到無胃口🥺 KiKi 麵店（KiKi 茶）推出「夏日滋味套餐」，等大家食住嚟消暑😌套餐一律$158，已包咗前菜、主食同飲品🤩兩份套餐：前菜：涼拌皮蛋/涼拌青瓜皮蛋入口軟糯，配上秘製辣椒油，份外惹味，而青瓜伴香濃嘅蒜蓉及醋，食落爽脆帶點酸，好開胃主食：金不換香茅肉碎拌麵/海鮮中華冷麵拌麵上佈滿肉碎， 加上多款食材，味道濃郁，拌麵口感Q彈，吸收醬汁好入味至於冷麵就配上八爪魚片🐙丶帶子、蟹柳、雞肉、香菇🍄、青瓜🥒、蛋🥚等，色彩繽紛，加入日式醬汁，味道清新，消暑解悶一流😍 特飲：酸柑青檸特調，以酸柑配上青檸，果香嘅酸可生津解渴，驅走悶熱🌊

上星期去ifc 同fd 食lunch，見到呢間台灣人氣麵店推出咗夏日滋味套餐，一於試下(⁎⁍̴̛ᴗ⁍̴̛⁎) Kiki夏日滋味套餐 $158前菜- 涼拌皮蛋皮蛋賣相好靚，唔會好辣，有麻椒香。加埋陳醋食好開胃。٩(˃̶͈̀௰˂̶͈́)و 前菜- 🥒涼拌青瓜夏天最啱食啲涼拌小菜，青瓜用蒜蓉同白醋調味，好爽脆😋 🥟酸辣餛飩拌麵酸辣餛飩拌麵都幾大碗，有三大隻酸辣餛飩，餛飩飽滿，菜肉比例適中 ♪(´ε｀ ) 欣賞佢嘅拌麵麵質彈牙，醬汁有層次，麻香辣並重 (⁎⁍̴̛ᴗ⁍̴̛⁎) 🌿金不換香茅肉碎拌麵呢款好有東南亞風味(｡･ω･｡)ﾉ 免治肉碎加咗魚露、醬油、香蒜、紅蔥頭、泰國辣椒同金不換搭配台式手工日曬乾拌麵(⁎⁍̴̛ᴗ⁍̴̛⁎) 香茅肉碎微辣，好惹味。٩(˃̶͈̀௰˂̶͈́)و 🍋酸柑青檸特調夏天最啱飲酸野🤣呢杯酸柑青檸特調好大杯，酸酸甜甜好解渴，下面仲有好多愛玉好有層次♪(´ε｀ ) 

𝕂𝕚𝕂𝕚麵店同𝕂𝕚𝕂𝕚茶呢個台灣餐飲品牌一直走年青路線，係當地有唔少分店。主打提供健康、少油少鹽既成都風味麵食。餐牌上有湯麵、乾麵、拌麵同一系列四川地道小吃。同鋪仲有ᴋɪᴋɪ茶呢個品牌，可以獨立買到各款大熱既台式茶飲。雖然鋪頭開係ɪꜰᴄ、ᴋ11 ᴍᴜꜱᴇᴀ呢類較高端既商場之內，但以地段計價錢算親民，行街行到攰要搵食都係一個唔錯既選擇。.餐廳裝修簡約時尚，柔和日系風格，淺木色調打造寫意氛圍。最近黎到發現有走夏日風既新餐單，套餐有前菜、主食同飲品，好適合有選擇困難症既筆者。菜式走消暑路線以冷盤同乾拌麵做主打，非常適合係最近呢個超悶熱既天氣下享用。.夏日滋味套餐 💲158 (文為兩人份).🔸前菜▫️涼拌皮蛋▫️涼拌青瓜前菜二選一，所以同友人各一款試下。涼拌青瓜有蒜蓉、白醋調味，酸酸地開胃爽脆。涼拌皮蛋就加上秘製辣椒油，微辣醒胃惹味。.🔸主食▫️酸辣餛飩拌麵▫️海鮮中華冷麵主食有三款選擇，叫左拌麵同冷麵各一試下。𝕂𝕚𝕂𝕚用既麵標榜係以手工日曬乾拌麵入饌，無添加會食得比較安心健康。酸辣餛飩拌麵有幾粒大豬肉餛飩，拌麵酸辣醬辣度適中但辣度有點後勁，幾開胃慢慢就會食到個種刺激既酸辣感。另外一款試左海鮮中華冷麵

台灣人氣「KiKi麵店（KiKi茶）」推出全新「夏日滋味套餐」，喺IFC及K11 MUSEA分店都食到啦😋🍽夏日滋味套餐有前菜、主食、飲品，用咗全天然無化學添加劑、不含味精防腐劑嘅Kiki手工日曬乾拌麵作主食材料，配上涼拌小食、正宗台灣茶品配方炮製嘅台式特調，炎夏一定啱食😛 前菜🥢涼拌皮蛋加埋秘製辣椒油，香不澀口🥢涼拌青瓜用咗蒜蓉、白醋調味，酸香爽脆好開胃 🍜酸辣餛飩拌麵台式四川風味，用上秘製酸辣醬，味道鮮香麻辣，手工豬肉雲吞口感實淨，而略帶刺激酸辣味🍜海鮮中華冷麵冷麵加上八爪魚片丶帶子、蟹柳，啱晒夏天品嘗，冷麵配上日式醬汁，好開胃 🍹酸柑青檸特調清涼解暑，酸酸甜甜好啱夏天💰$158/set📆 2022年6月1日至8月31日🚩 @kikiteahk @kikinoodlebarhk 📍 IFC及K11 MUSEA分店

每次約朋友係IFC食lunch，都會去呢間人氣台灣KiKi麵，因為大部分IFC食店都要預早book位，ad-hoc 約lunch 既好選擇。食過咁多次之後有兩款我係比較鍾意 - 分別係蟹黃油拌麵同埋蒼蠅頭拌麵，佢哋既麵條特別Q彈。蟹黃油拌麵蟹黃、蟹油及醋分開上，可以根據自己嘅口味落唔同嘅份量，蟹黃份量超級多，鮮甜可口，加少許醋可以提升蟹黃嘅鮮味，非常邪惡的一個選擇。蒼蠅頭拌麵即係用豆豉、韭菜、肉碎及小辣椒拌炒香，再用黎拌麵，係KiKi麵獨創嘅招牌菜，複雜嘅味道mix在一起，為味蕾帶來衝擊，非常惹味。

這間位於中環的台灣人氣KiKi麵店(KiKi茶)，推出夏日滋味套餐，以KiKi手工日曬乾拌麵配搭招牌涼拌小食及台灣手調特色飲品，帶來清涼舒爽的美食體驗，絕對是夏天消暑必選。夏日滋味套餐 $158，包括一款前菜、一款Kiki拌麵主食及一杯Kiki茶飲。 🦋涼拌皮蛋口感軟糯的皮蛋在秘製辣椒油的點綴下，香不澀口，絲絲辛香更教人難以抗拒。🦋涼拌青瓜以蒜蓉及白醋調味，酸香爽脆，非常醒神開胃。🦋酸辣雲吞拌麵極具台式四川風味台式手工日曬乾拌麵，用上秘製酸辣醬鮮香麻辣，麵質口感煙韌，每啖麵條之間均有刺激的酸辣味道，微辣醒胃，與手工豬肉餛飩無比匹配，令人增強食慾。🦋海鮮中華冷麵採用日式醬汁入饌，麵條上鋪滿八爪魚刺身、帶子、蟹柳、雞絲、紅蘿蔔絲、青瓜絲、雞蛋絲、紫菜絲、花生碎、白芝麻，材料相當豐富，東瀛風味濃郁，消暑麵食之選。🦋酸柑青檸特調 清凉解暑之選，結合酸柑及青檸的獨特果酸香，底下還有青檸啫喱，生津解渴又有口感。

因為落大雨，就朋友方便，都係留返喺附近商場食嘢。臨時決定去食Kiki麵。好彩我哋早到，唔使等就有位。我哋叫咗兩個麵set: 有齊前菜、主食同飲品。🦀蟹黃油拌麵 + 蒜片台式腸 + 凍白桃烏龍 （$148）- 蟹黃油拌麵可自行加入蟹黃、蟹油及醋，我試咗一啖原味之後就落曬所有配料，撈埋一齊食。加咗醋令蟹肉鮮味大大提升，鍾意食蟹嘅人一定喜歡呢個拌麵。- 台式香腸甜甜地，唔會太油，味道唔錯。- 凍白桃烏龍茶，頗大杯，有桃香味，烏龍茶可解除油膩感。🥣鮑魚花膠濃湯雞灌麵 + 涼拌皮蛋 + 熱冬瓜茶 （$148）- 鮑魚花膠雞湯麵嘅雞湯味道濃郁，無加味精，飲完唔會口乾。兩隻鮑魚同兩片花膠都好淋滑，以呢個價錢嚟講都算有驚喜。- 涼拌皮蛋，味道普普通通，可以唔試。- 熱冬瓜茶，味道清香，唔會太甜。

🇭🇰KiKi麵店·夏日滋味套餐$158我哋之前已經食過一次呢間㗎啦 覺得佢啲麵好好食 近排見佢轉咗新menu就決定放工再嚟食啦 之後我哋仲要係門口撞到我舊同事 超搞笑🤣佢呢個套餐係有1個前菜 1個麵同埋1杯嘢飲既😎😎·海鮮中華冷麵 l 酸辣餛飩拌麵佢呢度嘅擺盤真係好靚 而且兩個配搭都好好味😋我自己就鍾意中華冷麵多啲 因為佢呢個係凍食既 超適合依家個天氣 而且因為佢係凍既 佢個麵質更加彈牙😍😍而且佢入邊好多配料 除咗普通既雞絲 蟹柳 青瓜 紅蘿蔔呢啲 佢仲有八爪魚片同帶子 而且佢個醬汁都超級開胃😈之後佢個酸辣餛飩拌麵就係熱食嘅 佢呢個調味超有層次 好香而且好麻 超惹味 不過我自己就覺得真係有少少辣 而且佢個辣係會累積 不過佢係辣得好過癮嘅🌶️之後佢隻餛飩係比較多菜個種黎既 食落都唔錯🥟不過我自己覺得佢呢度個麵偏細個 大家可能要嗌啲飽肚啲嘅小食先夠🤣🤣·涼拌皮蛋 l 涼拌青瓜 l 酸柑青檸特調之後佢兩款小食都出奇地唔錯 佢個皮蛋同平時嗰啲尖椒皮蛋有少少唔同 佢呢個個陳醋味好出 食落超開胃 之後佢個青瓜都好爽脆 調味唔錯😋最後佢個青檸特調我自己都好鍾意 因為我哋唔鍾意飲太甜 所以我哋係嗌咗微