Kim's Deli (已結業)

尖沙咀韓式小店石鍋牛肉拌飯$128除了主打牛肉仲有七彩繽紛蔬菜，賣相幾靚，同生雞蛋撈勻食入口更順滑，加埋甜辣醬，增添韓式風味啊。芝士烤雞肉$188自己一手一腳燒好似會好味d??哈哈，原味大雞扒係爐上煎，重點是芝士，有少少雞油滲埋入去更好吃😋飯團🍙18蚊兩個又幾抵食，芝麻油味香。今餐係Dinner，我同我老公食左around 300幾蚊到，以尖沙咀黎講價位都算平，可能都因為鋪頭係樓上鋪租金都平啲呢

想食韓國菜唔一定去韓國街，估唔到係海港城附近有一間性價比咁高嘅韓國餐廳◭ 泡菜煎餅 $58呢款泡菜煎餅係必點，煎得好香脆，餡料豐富，入面仲有芝士，食嘅時候仲有拉絲效果😋喜歡食泡菜嘅朋友必食呢款煎餅◭ 年糕餃子湯 $58食完相對較重味嘅泡菜煎餅，跟住飲啖餃子湯，非常清甜，餃子餡料好足，每一粒脹卜卜，年糕熟透度剛好，二人份量剛剛好👍🏻◭ 吉列豬扒飯 $68呢款吉列豬扒外型有點像薯餅，炸到金黃色，皮脆肉嫩，食嘅時候小心燙口(提提大家呢個下午茶份量喔!)◭ 豬肉石鍋伴飯 $78食韓國菜點少得食石鍋伴飯😍豬肉炒得有穫氣，伴菜份量足，仲有飯焦👍🏻😋加上石鍋碗明顯比其他韓國餐廳潔淨，值得一讚◭ 特製韓式花茶味道清甜，係健康又養生之選！

香港既韓國食店唔係間間都有炆牛肋骨，今次搵到呢間有就梗係要試下啦！因為避開咗lunch time，成間鋪得我一個，所以落單及上菜都叫快，環境都乾淨整齊👍🏻牛肋骨夠入味又夠冧，但係實在太肥，我唔介意有啲肥，咁食落個口感都正啲，但一隻舊入面有1/3都係肥膏，好似食緊東坡肉咁😅😅 其他配料如冬菇，紅蘿蔔，白蘿蔔等都好入味，如果碗飯都用番韓國嗰種碗，咁就更加正。如果好好好掛住韓國既炆牛肋骨鍋，可以去試下。

喺廣東道返工越嚟越難搵野食，好彩最近喺流尚坊開左韓國餐，咁耐冇去過韓國梗係要去試下啦！門口既打卡位相當吸精，睇得出落足心機去整，餐廳唔算好大，但座位都舒服闊落，唔會覺得迫，我地好早去到，所以唔多人，我地叫左年糕辛辣麵，雜菜拌飯同埋炸餃子。全部都係地道菜，整體相當滿意，以後返工又多個飯堂了！年糕辛辣麵🍜 - 同屋企自己煮既好唔同，自己煮，多數都係得蛋同麵，食完唔係好夠飽；但呢度就另外加左年糕同韭菜，年糕夠晒煙韌，都幾足料，夠晒飽。雜菜拌飯🍲 - 我叫呢個係冇肉既，入面有好多唔同種類既菜，仲有曬上白芝麻，好香口，再加隻蛋，完全唔會覺得齋，健康又好味，啱晒素食主義者。炸餃子🥟- 即叫即炸，香脆好味，旁邊仲有蔬菜沙律，食完可以中和返冇咁熱氣。青提子汁🧃 - 朋友話入面有啖啖果肉。紅參蜜🥃 - 淡淡蜜糖味，少少回甘，老闆娘話佢自己都成日飲，可以補下身。

今日放lunch 去咗廣東道嘅流尚坊覓食，純粹因為價錢取勝誤打誤撞上咗嚟Kim’s Deli，一間新開嘅韓國餐廳。餐廳由韓國廚師及老闆娘一家人主理。老闆娘分享，因為佢個人熱愛韓國文化，喺疫情之前不時都會到韓國學習韓式料理烹飪，最近開咗Kim’s Deli，希望香港人可以品嚐正宗韓國美食及感受韓國文化。老闆娘強調不會為迎合市場需要調整味道，堅持做正宗韓國菜，而佢個人最拿手嘅就係做甜品（不過今次冇試到，下次過嚟試吓😜）。午市套餐價錢大概由$58-88不等，喺呢個裝修環境而言真係非常超值。牛肉紫菜飯卷定食 $58～必食推介以牛肉、菠菜、蘿蔔、煎蛋等作為餡料，不得不讚老闆娘煎蛋的功力👍🏼蛋片煎得非常薄，一面煎得金黃香脆，一面蛋香濃郁，我同同事開頭都誤以為係裹上蛋漿嘅煎油豆皮。米飯同紫菜麻油香味充足，而且飯卷唔會卷得過實，令口感豐富有層次。炆牛肋骨鍋 （附送米飯）$88同之前食過嘅炆牛肋骨鍋好大分別，首先湯汁非常濃郁，好香紅棗同白蘿蔔味，有啲似羹嘅狀態，伴飯一流。 而且牛肋骨炆得超淋，完全唔乾好juicy。海鮮滑豆腐海鮮湯 （附送米飯）$78豆腐真係非常嫩滑，蜆味突出，湯內嘅雞蛋剛熟，仲係有少少

今日去完廣東道間Apple睇下新iPhone，超多人，睇完都夠哂鐘食飯，竟然係附近搵到間性價比極高嘅韓國餐廳。新開嘅餐廳環境好乾淨，餐具有晒韓式嘅包裝，好有韓風感覺🇰🇷*炆牛肋骨鍋 $88*同出面果啲一樣，都係用鍋上，上菜果時仲熱辣辣冒晒煙，好正。牛肋骨唔會太瘦，帶少少肥，炆到好冧，甜甜地送飯一流！裡面配菜都好多，有紅蘿蔔、白蘿蔔，仲有冬菇、栗子同紅棗添！*芝士泡菜煎餅 $58**本身lunch餐牌冇芝士，得夜晚先有，老闆好好加左芝士。呢個又係好好味，煎到外面脆卜卜，裡面啖啖泡菜，仲食到有少少火腿粒，咸咸香香辣辣，好惹味！*炸無骨雞件 $58*嘩，呢個份量好多呀！有成十件炸雞，佢唔似出面嘅炸雞，有啲炸到乾爭爭，有啲就油淋淋。佢反而食落好juicy，啖啖肉，配埋芥末醬，真係好夾好好味。呢度嘅飲品都好特別，全部都係賣韓國汽水，出面好少見到。我地試左兩隻唔同嘅桃味汽水。透明果罐清啲甜啲，紅色果罐就桃味濃啲，我地都一致推介透明果款！雪櫃仲有一款西瓜果汽水，好吸引呀！下次要試埋！

Yummy Korean dich at tst朋友好介紹的美味韓菜試了半份燒牛，一份烤豬腩，泡菜煎餅！兩款桃味梳打好味！全部超美味！價錢合理，前菜超好味！老闆娘 anges 是韓菜老師所以菜式一流！交通亦非常方便！就在名店和馬可孛羅酒店對面交通方便！值得推介！小店只得38個坐位！適合小派對！一邊大窗也開揚！感謝老闆送甜品果冰健康美味！

今日聽朋友講開左間新嘅韓國私房菜，一大班人一齊試，甘岩我都仲意食，所以一齊join去到發現係樓上鋪，野食款式都係傳統味道，但係值得一讚係泡菜，我食過唔少泡菜，一係唔夠酸一係唔夠辣，但今次就幾滿意，食得出唔係工廠入貨個場唔錯，適合一大班人一齊食，我地成晚都傾得開心，而且老細見我地一大班人捧場，仲特登打個折頭俾我地，開心😊值得一題係汽水都係韓國汽水，食開出面連鎖店都係飲雪碧可樂，尼隻汽水偏甜，但味道幾清新下次會再黎😋

感謝卓賢匯商會潘會長特別推薦我到她朋友新開的韓國餐廳Kim's Deli試食，當晚老闆娘Agnes預備了港菜煎餅、 麵豉湯、石鍋飯、醬醃牛仔骨， 還有自家炮製的酵母水果茶給我們品嚐，開業不夠兩個星期，當晚旁邊幾桌客人都是韓國人，很好證明了是一家正宗的韓國餐廳呢。餐廳老闆娘說疫情之前她常常到韓國學習製作正宗韓國甜品、果茶等等，她也操一口流利的韓語，餐廳也聘用了韓國廚師主理，老闆娘說她堅持要賣正宗的韓國菜，不會特別轉變味道迎合香港人，讓香港人嚐嚐正宗道地的韓國味道。這裏介紹幾種特色菜：港菜煎餅韓國煎餅最大特色就是蔬菜特別多，這間餐廳用了很多的香港特色蔬菜炮製韓式煎餅，吃起來也覺得特別健康和很有香港特色， 利用地道蔬菜也會比較新鮮呢。自家製作酵母果茶如果在街上買酵母價錢可能會比較昂貴， 老闆娘提到不同的水果製作出來的酵母有不同的果效。她現在也有教授不同年齡層的學生製作酵母果茶，酵母可以有針對性的療效，例如某種酵母果茶是適合糖尿病人飲用，並且有治療功效。韓式拌飯（韓語：비빔밥 bibimbap或교반／攪飯 gyoban），韓文비빔是混和的意思，밥是米飯的意思，所以비빔밥就是拌飯的意思，是韓國百