Kim's Spoon (健威坊) (已結業)

This place is ok I guess - marginally acceptable, but definitely not great. The kalbi was pretty tough and not that tasty (priciest lunch option at $115). The Korean sushi was also ok but not great. The short rib soup actually tasted pretty good and the ribs were tender. Kimchee is self-serve and unlimited, no pangchan. Definitely need to book ahead - was totally packed when we arrived. It’s in Fitfort, a so-so mall on the edge of North Point.

可愛老婆Cherry提議去北角食飯，選了一間韓國野，價錢大眾化，環境舒適，本來對老式商業既鋪頭冇特別期望，但依間真係正！首先講前菜，免費之餘仲可Refill，侍應態度友善。主食炒粉絲年糕：味道適中，不會過咸，年糕有口感，兩者配搭得宜，最緊要係粉絲同年糕都夠熱。釜山海鮮煎餅：相比其他韓國菜館，這個煎餅不會太厚麵粉，口感良好，雖然材料不多。環境位於商場內，環境大而舒適，適合一家人或一班朋友#宇宙級嘴叼 #嘴叼Raymond

星期六是一星期最舒服的一天，不用上班，又不用很趕時間。下午2/3 時才和家人去吃飯，看到這間韓式餐廳，就去試一下。媽媽說，她很久沒吃過韓式菜了。下午時分餐廳不算多人，所以很快就有位子了。這就是星期六獨有的悠閒感覺吧。整體來說，這間餐廳的食物不過不失，沒有很驚喜但又不算不好吃。最推薦的是炒辣年糕，雖然比較辣，但年糕質感也不錯，而且還有很多菜。這個海鮮炒蛋看圖很吸引，但實物來到有些失望，很少海鮮，而且吃過後很滯，很多粉團。其實是我很想吃炸雞，又想吃餃子和試試它的紫菜卷，才點的。紫菜粉絲卷是最好吃的、如果你喜歡吃粉絲，不妨一試，脆脆的紫菜外皮夾雜粉絲，味道不錯。餃子和薯條就不過不失。炸雞令我有點失望，不是韓式炸雞。整體來說，如果你想吃韓一點，附近沒什麼選擇的話，可以一試。

今天同朋友一齊去這裡吃午餐，叫了一個海鮮純豆腐辣湯配飯，有豆腐、雞蛋、蝦、蜆、魷魚、泡菜、豬肉等，豆腐很滑，海鮮也很新鮮，豬肉有點煮得太久，唔夠滑，湯底好好味。我還叫了一杯紅棗茶，紅棗茶有點遜色，紅棗味唔夠，紅棗較為少，整體不過不失。

今天到了這所餐廳食晚餐，這所的餐廳食物不錯父，但是員工的服務的態度有待改善，由於本人不可以食辣，有一名服務員主動替我更換，但是另一名卻阻止， 但是最後是可以更換前菜都是不辣的，本人對這個服務員所做出的舉動十分不解。昐望貴公司可以好好賠訓員工

北角店服務態度勁差，樓面得一個人serve落order 都冇人理，等左半個鐘先有野食上，食物質素難以稱得上為韓食，本身可以用coupon有discount，服務員就照收正價。

平日出街食成日都比較油膩，今次特登試一試食健康野，去到韓國餐廳唔揀韓燒，而係食素食餐。素食2人晚餐($298).🌿三式前菜🌿香梨汁素牛沙律🌿素牛肉煎餅🌿西瓜水冷麵🌿青檸青橘子.三式前菜有醃蓮藕、菠菜及大豆芽菜，清新又開胃。.沙律菜大碟又爽脆🥗，配上微酸的沙律醬、車厘茄🍅及素牛肉，非常開胃，素牛肉味濃，令沙律吃起來味道一點都不單調。.以半個西瓜盛載水冷麵，賣相有趣。水冷麵份量頗多，可惜味道過淡👉🏻👈🏻，吃起來過於單調。幸好西瓜甜度很高🍉，冷麵起來十分清爽❄️，但整體味道需要改善。.煎餅單吃味道有點單調，一定要沾上醬汁來吃，味道好吃得多😆，份量不少，吃起來很飽肚。.青檸青橘子味道似檸檬柚子茶，清新又好飲。.整個二人素食餐分量足夠兩位女生吃飽，食物十分健康，完全沒有罪惡感😊。

前幾日經過這間食店，看了看餐牌幾吸引，便一直想來試試，反正想想也很久沒有食韓國嘢了。於是便網上訂定枱，和老公一齊試新餐廳。店內寬敞，不會有壓迫感。裝修也十分企理，但總覺得他們比較像日式裝修哈哈。每一台桌上面都會放咗一大碗泡菜，可以再等餐時間食住等，個人覺得他們的泡菜都算幾辣。吃不到辣的我點了一份BBQ雞肉韓式炒粉絲，上菜時已經漂來陣陣麻油香，味道和我在韓國食的一模一樣，而且落油的分量剛剛好，不會太油。不過老公點的豬肉泡菜飯似乎就麻麻哋了，豬肉嚡口而且沒有醬汁配搭，乾爭爭的。題外話，上菜時間頗耐，可能是人手不足吧，店員服務態度也有待改善

第一次嚟食呢間連鎖店。我哋今次冇食燒烤。炸物拼盤（$108）都幾大份，有好多薯條。唔知道炸餃子係辣嘅😓🤢（我哋一家食唔到辣😅）但係整體來講，全部都炸得好味，尤其是係炸雞。精選二人晚餐（$288）［三式前菜］ - 份量比較少，但係好好味😋［🥗豆腐沙律 · 柚子醬］ - 比較甜，個人唔鍾意［韓式粉絲］ - 炒粉絲好好味，份量唔少［至尊有機純豆腐辣湯］ - 我最鍾意嘅一碟餸唔係好辣，適合我呢啲比較怕辣但係又想食得辣嘅人🤣。有唔少蜆肉，豆腐同埋豬肉片，但係見唔到有青口肉（因為幅相裏面有）😞［🐮鐵板牛肉］ - 份量好多😮，汁撈飯一流😋兩碗白飯仲送兩杯特飲🍹，如果係兩個女人嘅話一定食唔晒😅牛肉石頭飯（$88）算抵食，因為份量好大。牛肉撈埋飯一齊食好好味，仲有飯焦🤤。同埋鍾意佢有好多菜。但係就唔包野飲🙁。呢間餐廳比想像中出色，係一家人聚埋一齊嘅好地方。

同朋友放工想近近地食韓國嘢，於是喺網上訂17:30枱。可能太早去到，冇乜人用餐。我哋三個女仔叫咗熔岩泡菜炒飯、紫菜包飯、辣炒年糕同泡菜海鮮湯。大概15分鐘，紫菜包飯同泡菜海鮮湯就已經送到，但我哋太肚餓，一下食晒先至醒起唔記得影相。紫菜包飯普普通，紫菜上嘅麻油香唔夠，包時應該揑得唔夠實，一用筷子夾起時啲餡料就跌晒出嚟。泡菜海鮮湯亦沒有太大驚喜，但泡菜味太鹹食完好口乾。熔岩泡菜炒飯上面有好多芝士，食落口好香，但唔知係咪雞蛋放喺鐵板上太耐先至出菜，個蛋已經變咗好似炒蛋，完全熟曬。如果雞蛋可以生生哋，上菜後就可以同啲炒飯撈埋一齊應該會好味好多。辣炒年糕份量、味道都正常，但個汁偏鹹，多少少辣味會更惹味。

First, the food is tasty with reasonable price ! The food is very Hot ! Delicious! Good environment with Staff attitude is good n polite ! Highly recommend the tea set ! By the way, the kimchi is free of charge !!! Feels like having meals at Korea ‘

尼間平日中午成日都坐爆人既韓國🇰🇷食店，分店愈開愈多了。平日中午價錢都吾平要成六、七十蚊一個飯，經朋友介紹一齊黎食下午茶☕️今日下午三點多既時間，人流超少，同中午時間真係差得遠同人流同中午餐牌價錢一樣差得遠下午茶超抵食仲免加一仲包飲品。下午茶餐跟朋友叫左個《韓風飯》$38有得揀豬、牛、雞。我揀左牛肉店內職員幾個都係韓國人，差d吾識溝通😂尼到個泡菜每張枱都有仲要任食非常入味既泡菜又吾算太辣，辣道中等吧，等緊個飯上既時候食左勁多個飯係鐵板上熱辣辣非常正，中午食尼個飯要$60、70依家$40有找飯加左紫菜當然無得輸啦牛肉鐵板上好快熟所以襯熱食先依到佢原汁原味牛肉雖然吾算係靚牛但都肉質都吾會太乾身吾差啦個飯仲有菜，不過吾多所以我將泡菜撈埋個飯食加左泡菜辣辣地仲開胃餐飲仲有得揀薑茶薑味超重，飲完非常暖胃。下午茶真係好抵食

餐廳位於人流不多的北角商場內，環境意外地幾寬敞，而且座位空間亦闊落，坐得舒適。今次試左佢個二人韓燒晚餐(HKD328)，包括左三款前菜，醃牛肉，醃生豬肉，美國肥牛，醃雞肉等多款肉類選擇，而我地揀左醃生豬肉，美國肥牛及醃雞肉。而且個餐仲有粉絲，年糕，生菜，款款一應俱全。肉類真係非常多，二人食真係夠哂，甚至有多。而且肉類唔係雪藏一段時間，都算新鮮。今趟真係食得幾豐富，我地更額外試埋紫菜包飯，製作都OK，水準有番咁上下。整體黎講，呢間鋪晚餐韓燒好抵食，份量十足，野食足料，味道中等，值得再去。

因為某訂座應用程式有七折優惠，所以來了這裡吃晚飯。但這優惠只適用於部分單點菜式，個人認為晚市套餐更划算。我們點了水冷麵、BBQ韓午肉眼扒及至尊純豆腐湯。水冷麵做得很馬虎，也沒主動提供芥末及醋。另外兩樣味道還算可以。。。韓午肉眼扒完全不須剪刀，用筷子已可將生肉分開。至尊純豆腐湯就有海鮮及肉類，純海鮮的話會鮮味一點，但單點沒這選擇。這家餐廳的管理方式有很多進步空間。首先差不多晚上八時店外還放著午市套餐的廣告牌，我們就座後也沒主動提供水，侍應將送來的食物全放下在旁邊的桌子上就離開，最受不了的是所有餐具也是黏黏的，感覺沒洗乾淨

我經常都會來這商場，因這個商場泊車優惠好抵，只需要200蚊就有三小時，所以經常都會嚟呢度搵食，這間韓國餐也經常來幫襯，一步入食店只有3，4枱，我最喜歡少人的店，不會太吵雜。侍應小姐好似係韓國人，服務好好，好有笑容好有禮貌，佢建議我們坐卡位 ，正！好寬敞，每次必選的是石鍋飯， 飯焦輕微脆不會太硬做到岩岩好，另外點了一個飯卷，需要應該食唔晒但太耐無食，好想食所以唔理咁多照叫，味道不錯，再叫左3個小食前菜，非常開謂。到最後真係食唔晒，加1蚊外賣盒拎回家宵夜