Kim's Spoon (海港中心) (已結業)

一點前去到打算買韓式便當，明明前面只有2個人但等極都未落到單，等待期間直頭成個收銀counter嘅員工都走埋去做其他嘢，完全無視counter等候嘅客人，任由大家自生自滅。去到嘅時候開咗兩個收銀counter，但一個收咗一個客就行開，另一個係部機督督督，眼尾都唔睇D客，更遑論講唔好意思。D客算好，一個人都無嘈，靜靜等候，見到廚房個姐姐係咁出餐但無人支援，最終D客自己走埋去執翻自己order嘅便當。最神奇係當時堂食嘅客都唔夠一半已經亂到咁，如果full 曬咪大家無得食？最終連單都落唔到走去食其他嘢。

未能於指定時間前提取餐系統顯示12:53或之前可取餐，點知，漏左呢張單。我13:00追問，店員才通知廚房處理呢張單。最後，我於13:09才成功取餐。 之前都試過係kim’s spoon 有相同經歷，又係漏單。店員態度尚可，不過利用openrice app購買就是想不用等，一到就可取外賣，以免人多聚集。失望。

今日約左響灣仔做野嘅朋友仔食 lunch, 由於時間關係就揀左間佢樓下嘅韓國餐廳。雖然都算係假期期間, 但都仲係有8, 9成滿。午餐餐牌選擇都算多, 掙扎左一輪, 決定叫一個烤雞肉石頭飯午餐精選。我個餐到嘅時候, 略嫌唔夠熱, 唔似平時食開嘅石頭飯熱到入唔到口, 撈埋辣醬飯之後温度只係暖暖地咁。味道一般, 唔算難食但又談不上好好食, 雖然套餐包埋小碟及熱飲, 但價錢感覺上都有少少偏貴，因為唔係話特別好食。

韓國菜不能日日食，隔左一段長時間咁食一次確實幾滋味。今次都唔係叫韓國炸雞，而係order紫菜卷、韓式餃子同年糕。煎餃子細細件，紫菜卷啲紫菜則可惜唔夠乾身脆口。泡菜好正。

看韓劇看得多都好想食下韓餐，餐牌好像不好選擇，便排隊買票。然後店員把食物送到客人的座位。飲水的話是自助的，客人自己招呼自己，頗細心，水有冷熱不同的選擇，客人自己揀。韓式醬油豬腩肉配白飯 $82紫菜粉絲卷 (三條) +$15賣相不錯，還感覺很多不同食物選擇，好開心。誰知一入口便失望，紫菜粉卷、炒粉絲條等都是不熱的，味道一是過淡，一是過鹹，並不吸引，好失望，相信短期內不會再來。

KIM'S SPOON開張了都一段時間人流一直居多，當中OL女性最為多大約12點40分入座不用等位再慢些就是高峰期午市有兩個餐牌選擇一個有十款提供，另一個有四款提供韓式傳統拌飯配蒜香雞肉 — $82這是同事叫的他強烈推薦吃這間，說十分好吃這次也是他硬拉我過來的韓式牛仔骨配白飯 — $92兩款的配菜都不同，但明顯上面的較為吸引這款有一小碗白飯及一小碗韓式炒粉絲同樣配有餐湯，胡椒湯有些蛋絲在湯中，餐湯的確幾美味但主角牛仔骨反面是全道菜中最差的非常非常非常非常之韌呀有些位置幾乎咬不斷，一直在用牙齒磨明知這樣又沒有餐叉提供吃完除了牙軟，手也軟了跟餐韓國傳統菜　—　熱蘆薈外表以為十分之伏但喝下又沒有問題反而幾好飲

在會展附近的韓式快餐店，店員態度親切，服務很好。但食物質素一般。前菜有四個小菜，對泡菜有點兒失望，味道很酸，其他小菜味道也一般。豆芽湯非常鹹，完全喝不下。我們點了三個飯餐+1個炸雞。辣豬肉飯餐及韓國拌飯沒有什麼特別，較為好味的，是價錢較貴的烤牛仔骨，肉質很腍，多汁入味，而且用鐵板上，能保持牛肉的溫度，再加上吸了肉汁的洋蔥，味道很好。芝士雞雞肉很嫩滑，外皮很脆，芝士粉很香，唯一美中不足的是，芝士粉不夠平均。如果雞塊斬件上就更好了。

未試過咁嬲！今日晚上去書展，其實都晚上8點幾，想快快趣食個晚餐，就去行書展（星期六書展收12:00零晨）。見到韓式嘢，又有位就入，叫左兩個烤牛肉飯嘅晚餐，同一個冬陰公肉碎飯。烤牛肉飯來了一個，普普通通，收92蚊，唔係平⋯第二個烤牛肉飯，來了，就比個紫菜飯我，但之前佢從冇講過冇白飯啊！個阿姐話冇晒白飯冇辦法，咁都係解釋？你都冇問人要唔要。到最後個冬陰公肉碎飯，要追佢先來，仲要比生飯我！我太嬲了，冇影到相，好後悔冇即時投訴佢地

下午嗰時去珠寶展，所以就係會展附近搵咗嘢食先。佢係喺灣仔天橋一上到去嗰間嘢既一間食肆， 呢間韓國菜係一間快餐型式，都係俾咗錢之後佢會送過嚟畀你。我就叫咗個辣豬頸肉炒粉絲，同aloe熱飲。佢有個湯，有三個頭菜，仲有kimchi, 同埋一個辣豬頸肉炒粉絲，再加一杯蘆薈嘢飲。我覺得佢個辣豬頸肉都ok, 幾好食。不過對於我嚟講就辣咗少少，加上嗰日天氣好熱，其實唔應該食辣野，我仲要嗌咗熱飲。因為佢有嘢飲，有頭菜，仲有炒粉絲，其實個份量都幾多。

一開好多人排隊，午餐已經排長龍，可能因為唔係開咗好耐嘅緣故，又係韓國嘢。就一心走去試下，點知價錢唔算平，但係重點係食物質素真係好差！！叫咗個豬定食，配有幾款前菜，前菜普普通通：有泡菜、黃瓜等等，沒有什麼特別。但係個豬肉就稍為非常普通，味道麻麻地，唔算好食，淡淡地有啲醬。最慘係個粉絲，粉絲完全冇味，而且完全唔熱，食落真係好難食！！！呢個價錢真係唔會再嚟食，食物真係好差！！！大把其他選擇，非常失望！！

星期六要喺會展番工，趁11點幾早放食個午餐，當然行去出名多嘢食嘅海港中心啦。食西餐閒閒地都過百，咁啱見到依間餐廳12點前落單有8折，就一於試下。一入到餐廳，一班員工就好有禮貌同友善咁同我打招呼，雖然我有選擇困難症，有幾個餐都想試，但經理都好耐心咁向我推介佢地嘅食物，最後點咗鰻魚餐($98 未計8折)。食物好快送到，賣相亦相當吸引，開餐！由於好肚餓嘅關係，一開始就食碗韓國炒粉絲先，點知好有驚喜！一向韓國菜俾我嘅印象都係濃味同油膩，但依碟炒粉絲冇油膩嘅感覺！再飲埋個湯，味道啱啱好，唔會過咸！其他前菜都唔錯輪到主角鰻魚喇果然好味，外層微脆，一樣唔會太咸好快就食晒成碗飯 估唔到餐飲都有驚喜，杯薑茶甜度適中，薑味好出，唔係一味死甜，讚由於要趕番會展開工，食完就急急腳走，員工見我起身就好快過黎執嘢，亦好友善咁講再見相信依間餐廳嘅廚師有根據香港人嘅口味作出微調，令我對韓國菜改觀員工又令你有好舒服嘅感覺，所以下次再去灣仔做嘢都會再嚟！

在灣仔運動場附近做義務工作，到了食晏時間四處逛逛看一下有什麼好東西吃，跟同事們一起商議原定打算是往附近酒樓午餐，但路過一間韓國料理店，看餐牌的畫像又很吸引，於是建議改為吃韓國料理。幸好附近是商業區而當天是假日，因此餐廳可以馬上安排座位給我們。餐廳形式有點像快餐店，要在櫃臺先下單點菜及付款，然後乖乖坐回原位等職員準備好食物後便送餐來。等了接近7-8分鐘左右的時間，看似熱辣辣的食物便送到來我面前了，單單是食物的賣相，已經令我由一點點肚餓變成很肚餓了。我點的餐是牛仔骨套餐，包括有四小格嘅韓或前菜（當中包括：韓式泡菜、黑豆、兩片瓜及滷水蛋一隻）、一碟有四塊的牛仔骨、一小碟韓國炒粉絲、一碗白飯以及一碗湯。當套餐送到我面前嘅時候都幾驚喜，因為望落份量都好多，一向眼闊肚窄嘅我已經覺得自己會食唔哂，就由最想食嘅野開始食先（平時會係將最好味嘅野留到最尾先食），所以一開始就食咗件牛仔骨先。一啖咬落去覺得個口感比平時食開嘅淋D（其實有食開牛仔骨嘅人都會知道中間嗰條筋係好難咬出嚟）；跟住就到粉絲，優勝之處係唔會炒到好油；而一向唔鍾意食飯嘅我都覺得D珍珠咪好滑。但以一個無錢收嘅義工黎講，食咗$92蚊嘅一個Lun

灣仔Lunch食咩好系列.係韓式餐廳點左似係日式既咖哩吉列蝦飯.野食都黎得好快，飯量好夠，仲配埋韓式小菜，泡菜、魚乾、蓮藕，同埋味噌湯要walk in同埋落單後先入座，幸好店員都好considerate, 我朋友未到佢地都肯留張枱俾我地.Total $82, 無加一. 送熱飲，有柚子、紅棗、蘆薈、生薑揀，蘆薈是伏，紅棗反而不錯喔！.唔算特別好坐，但勝在地理位置方便，比起附近動輒要過百蚊既lunch,呢間都算唔錯了！

灣仔午市周圍都好多人，由於呢間韓國料理又唔算開咗好耐，位置又比較位於中心點，所以都偏多人。每逢lunch time都勁多人排隊，今日早少少去到，大概等咗 15分鐘左右，滿心期待去到座位比較迫，我哋一行五人，只能安排四人枱，午市時間唯有將就一下。餐牌都唔算平，一般都70至100蚊。我就叫左豬肉定食，賣相望落唔錯，滿心期待，但係食落啲豬都幾鞋，而且冇咩味配菜方便比較簡單，但係味道都係麻麻 ，個牙菜湯更加勁淡，冇乜味勝在芽菜夠多，炒粉絲完全冇味，而且偏硬，呢個好難食午市黎講如果呢個價錢真係選擇好多，唔會再嚟了。

趕著去美食嘉年華，冬天太寒冷了，打算在灣仔會議展覽中心附近先吃點東西再進場，但發現附近沒有什麼新的餐廳，走著走著，看到這間韓國🇰🇷餐廳。這次點了二份餐，一份牛肉伴飯，一份雞肉伴飯，都有前菜及湯，有點可惜的是湯不夠熱，前菜的份量也有點少，不過味道不錯，在冬天的日子有湯跟熱熱的飯非常滿足。餐桌用品及水等都可以到自助站處自行領取，可惜沒有熱茶提供。晚餐沒有配飲品，需要另外單點，看到有點貴，所以沒有買了。