Kiss The Tiramisu (已結業)

從未試過食嘢嬲到要即刻寫食評俾劣! 一向作為CD-rom嘅我， 睇多過食， 自問都冇乜貢獻喺呢度。但今次俾人搵笨指數爆燈， 所以即刻上嚟公告天下以防其他人再受騙知道呢間韓國咁出名嘅雪糕店， 減緊肥都要慕名朝下聖. 嚟到沙田分店， 見到新開張竟然唔駛點排隊心諗即試啦！ 點知就中伏點咗一個原味tiramisu雪糕， 等咗一陣。 見到店員斟雪糕， 然後灑d可可粉喺面， 中間放d餅碎同煉奶， 又再唧幾滴咖啡， 完成。 心諗咁hea嘅… 好啦！過程唔重要， 最重要係成品。 首先， 個杯污糟(可可粉+咖啡)都算， 個雪糕…同麥記嘅有咩分別呀？ 最多比麥記滑少少少少咁多， 然後…撈埋可可粉及餅碎食(店員建議食法)完全唔覺有幾tiramisu囉！$43俾杯咁嘅雪糕， 完全搵笨。冇下次!! 仲要浪費我寶貴嘅quota…極其量俾個杯錢再講多次， 冇下次!!!

「韓國過江龍雪糕」又有人龍了，排大約半個鐘就有得食啦。軟雪糕既關係所以都熔得快食落去tiramisu味道薄弱真係唔似tiramisu小左份酒香，只有牛奶味。要排隊真係唔值，40幾蚊都唔值😞同場試埋香蕉味雪糕，入面有d粒粒似糖霜既野，同樣都係麻麻

雷聲大雨點小，係滑嘅，但超極普通，上層似雪糕新地，下層話係芝士，但淡而無味，如果唔係有啲朱古力碎同可可粉喺度。我仲以為自己食緊杯普通的軟雪糕。我唔會再去幫襯佢。

屯門有間新開雪糕店喎，仲要係首爾弘大人氣雪糕品牌「Kiss The Tiramisu」開過黎香港添！咁就要潮勝一下先。位於屯門市廣場，旁邊有好多間雪糕店鋪，不過售賣雪糕只有三款：「原味$43」、「香蕉味$46」、「士多啤梨味$46」，我就選擇左「原味Tiramisu軟雪糕$43」，睇下好唔好味先，等左十分鐘左右就到我啦。「原味Tiramisu軟雪糕」淨係睇個賣相已經好高貴好靚，成個酒杯咁樣。雪糕上有餅碎、可可粉、仲有啲cream。味道好濃郁，好軟身好滑，但比較快溶，要快啲食先得。不過就唔算太好食，只係未食過就會去食一次。

聽說一家源自韓國的雪糕店最近引進了TMTP，吃過了晚飯，跟寶貝路經此地，見等候人數不多，就儘管排排看.....相對另一食友，我們比較不幸，我前面雖然十個人不到，但這一等，等了接近四十五分鐘，因為前面有一對情侶購買期間，可能因為要等軟雪糕漿打的比較結實一點才奉客的關係吧，我和寶貝離開時，還有接近十餘人在等候。雖然排隊後仍要按順序取雪糕，但老實講，排隊的安排不算很理想，動線很混亂，有些路過途人會偶爾走到櫃台詢問，然後動線的前進是以鐘聲提示。有三款口味，原味，香蕉和士多啤梨，我們選了原味，$43，接受現金及八達通。然後，以下以圖片顯示雪糕的製作過程。店員會以鮮忌廉打底，然後澆上餅碎、煉奶、軟雪糕，朱古力粉及咖啡粉，大概是這樣吧﹖店員奉客時會提醒要拌勻食用。老實講，因為以一個綑金邊的高腳杯奉客，賣相蠻吸晴的，不過，軟雪糕的硬度及軟滑度是影響整個甜品的重要因素。寶貝只要是甜品就雙眼發亮，但是我就只覺得雪糕算是軟滑，奶味香濃，混和餅碎吃，口感像吃木槺布甸.......個人覺得食味和等候時間完全不成比例。吃罷，拿著膠杯路過麥當當，看著別人吃著的軟雪糕，有點哭笑不得之感。如果下次不用排隊排的那麼久，也

新店直擊❗️超吸睛雪糕杯！😍韓國爆紅Kiss the Tiramisu殺到喇！💪🏻黎自弘大的人氣Tiramisu雪糕💗呃like一流啦～😂原味Tiramisu軟雪糕 🍩🍦🍪 ($43)可能係真正的Tiramisu 진짜티라미수！😍雪白柔軟的軟雪糕⛄️上面撒上可可粉同即磨朱古力碎🍫精緻金色高腳杯盛載住💕堅係貴氣十足呀！💃🏻Tiramisu高腳杯中鋪上一層一層的材料～😛▫️軟雪糕🍦▫️Mascarpone cheese🧀▫️咖啡酒🍷▫️餅乾碎🍪最後淋上芝士醬同可可粉🍫朕望到已經流哂口水喇！🤑嘩！等朕試一啖先👄Tiramisu軟雪糕質地幼滑☺️完美融合在咖啡酒的懷抱中☕️咖啡味香郁四溢！🌬加埋底層的Mascarpone cheese👻滲出香濃結實的芝士香味🙇🏻原來Tiramisu口感層次可以咁豐富架！😳Like！👍🏻👍🏻👍🏻👍🏻👍🏻👍🏻

一間只有三樣雪糕的店鋪，原味（$43）、香蕉味（$46）或士多啤梨味（$46），新鮮食法但不要期望有果肉在內，兩層雪糕中間夾雜糖粒，軟雪糕甜而不膩，如果第一次食可以一試，但要有心理準備要排十五分鐘以上

屯門又有新店落戶了！說的是首爾弘大人的氣雪糕店Kiss the Tiramisu。試業當天看到各大媒體的報導，晚上就前往屯市碰碰運氣，試試它的水準。首天為試業階段，營業時間為下午4:30至8:30，而我正好趕上購得最後一杯雪糕。雪糕有三款口味選擇：原味($43)、香蕉味($46)、士多啤梨味($46)，比韓國售價貴上一點點。試業的關係，購買的客人比預期少，等侯時間只需10-15分鐘左右，也未有像首爾店的排隊盛況。店員的工作效率值得一讚，動作熟練地在雪糕上遂層逐層放上脆餅碎、可可粉、忌廉芝士等，工序挺繁複的。軟雪糕置放在美麗的高腳雪糕杯，十分美麗吸晴，拍照效果一流，只是軟雪糕溶點較低，還是快快吃掉為佳。原味Tiramisu軟雪糕($43)最貼切的形容，就是Tiramisu的雪糕版吧！底層是意大利軟芝士(Mascarpone Cheese)、奶油忌廉，中層灑上脆餅碎、咖啡粉、可可粉，加一圈牛奶軟雪糕後撒上咖啡粉、可可粉、煉奶，再在表面刨上巧克力碎便告完成！姑且勿論味道如何，但絕對是心機之作。從面層開始吃，可可粉的甘濃令雪糕不顯甜膩，那些巧克力碎濃度甚低，吃着也是混然不覺它的存在。牛奶軟雪糕

嘩嘩嘩 我日日行過屯門市廣場都喺見佢寫住話快將開幕 終於俾我等到今日 見到佢話今日4-8點開始試業 人龍未算好多 但都要等返10個到雖然喺每杯即叫即整 但其實都唔喺話要等好耐 大概喺等大約一個字多啲就有-一嚟到緊喺食夠兩個味啦 原味Tiramisu 軟雪糕($43) 如果你喺tiramisu 迷 呢個喺必食的呢個真喺好似食緊tiramisu 味版嘅軟雪糕咖啡味重 中間有餅碎 美中不足喺差緊啲酒味🤔不過雪糕真喺好滑-士多啤梨Tiramisu 軟雪糕 ($46)其實唔明點解佢要叫Tiramisu 因為唔覺有Tiramisu 味不過佢其實幾好味 首先佢淋咗啲煉奶 而且佢本身落士多啤梨都唔留手 起勢咁落食到最尾都仲有士多啤梨 成杯雪糕 士多啤梨嘅酸配雪糕嘅甜 喺非常夾重點喺唔會似原味食多少少會濟 食哂成杯都仲覺得好食 唔會食到一半已濟-雖然喺貴就貴左啲 韓國賣緊大約35hkd 而呢到就要$43-46 但對短期內去唔到韓國既朋友黎講 都不失為一個好選擇