Kome Kushi (已結業)

赤柱西式居酒屋(´∀｀)黑白型格裝橫，環境舒服寵物友善嘅日式餐廳 ▫️極上壽司盛🍣午市套餐份量夠，包括前菜同麵豉湯壽司有三文魚、鰤魚、蝦等仲有吞拿魚蓉卷物味道新鮮 ▫️蔥吞拿魚蓉手卷午市套餐加$28就多個手卷好抵食，啱哂吞拿魚迷我係其中一個😆 ▫️蔥吞拿魚牛油果他他🐟🥑吞拿魚鋪上花椒同蟹籽口感豐富，鹹香微辣，帶出魚脂香加埋清新牛油果，唔會覺得油膩包上脆脆紫菜，每一啖都好滿足

假日忙里偷閑入赤柱行下 呼吸下新鮮空氣已經當去咗個旅行🧳星期日嘅赤柱都有唔少人帶狗狗出嚟熱鬧非常,對上一次入赤柱已經幾年前 赤柱廣場落車 直落地下就見到Kome Kushi記得之前黎嘅時候仲未有咁當然係試下新嘢 以前係赤柱都係食西餐為主装修都係以簡潔為主,同附近餐廳一樣用餐區有分室內室外室外方便有帶寵物嘅客人用餐！仲見到侍應有準備寵物零食送俾狗狗Very Nice雞泡魚乾 - 會比其他地方食嘅較為淋蟹肉蟹棒蛋烏冬- 烏冬掛到湯汁鮮甜三色漢堡 有三文魚 吞拿魚 帶子燒魚外脆內嫩！都不錯！三文魚墨西哥卷🌮️滿滿的三文魚

喺赤柱都可以搵到有水準既日本料理，呢間日式餐廳上年年尾開張，裝修以淺色系列為主，好開揚舒適，而且仲係pet friendly，俾人感覺好親切🤗 抹茶撻上碟裝飾得好靚，好有抹茶甘香味，而且仲幾鬆化🍀 串燒士多啤梨豚肉卷，出乎意料咁好食，豚肉包住成粒士多啤梨🍓 估唔到兩種食物又match到，士多啤梨味好突出，酸酸地好正🍡 至於午市套餐有角切魚生飯，價錢好抵食，魚生新鮮，份量都多，食完都夠飽肚🍚 呢度仲有其他美食，下次有機會再嚟食😋

今日入赤柱行下個聖誕市集，但係市集啲嘢又唔算好啱食，所以都係出咗去搵間餐廳試下～💛自家製免治雞肉丸💛💵$68依個係店家推薦款嚟～食落其實唔算好juicy，不過勝咗佢中間混合咗啲雞軟骨，食落加咗啲卜卜脆嘅口感😋有一碗仔日式醬油加生雞蛋黃做沾醬，不過我覺得隻豉油鹹咗少少🤭不過都唔錯嘅～💚明太子白飯魚薄餅💚💵$128薄餅皮真係好薄，邊邊位有少少脆到似餅乾咁😳個醬底係偏向沙律醬咁，加埋芝士碎，甜中帶鹹～上面嘅toppings有啲菇菇同每塊薄餅有一小撮明太子醬，食到明太子醬嘅時候，佢獨特嘅鮮味真係會充滿成個口腔，好食😋不過食多1-2塊會覺得有啲啲重口味同偏鹹，但係真係好惹味🥰💜Mini sushi burger💜💵$118佢依個burger個樣真係好qq😍食落唔係嗰啲一般快餐店米堡，係真係sushi味☺️中間嘅餡有炙燒過嘅芝士片、牛油果同呑拿魚～底下有一塊紫蘇葉，醬汁唔係一般嘅wasabi 豉油，而係自家製嘅青桔wasabi醬，味道偏酸，但係又有wasabi嘅辣味去刺激你嘅味蕾😍我覺得成個壽司burger咁放入口咁食係最好食，唔同食材嘅味道喺口腔交疊，但係整體味道都可以好balance🥰🧡Stra

因為係赤柱有嘢做 所以又想再食多次Kome Kushi🎄⭐️波子提豚肉卷照舊一樣好好食 必點⭐️士多啤梨豚肉卷有練奶點嚟食 但都係提子好食啲⭐️露筍豚肉卷點整都好味嘅菜式 可以唔洗特別點都可以⭐️自家製免治雞肉丸出色 必點 有埋生雞蛋黃加醬油點嚟食⭐️鹽燒活鰻好食到同朋友每人一串夜媽媽出食評 見到張圖就好想再去食個肚打著鼓咁出圖 好難過呀⭐️Kome Kushi卷壽司還可以嘅 啲顏色好搶眼 味道就正常發揮希望大家睇完跟著我點菜Hahahaa

⭐️蔥吞拿魚牛油果他他加紫菜一齊食 無紅色嘅花椒粒會更啱我口味如果換成番石榴粒粒 你估吓得唔得呀拿？⭐️波子提豚肉卷提子嘅甜酸味 令到豚肉嘅油膩感少咗 好好味🤤本來有三粒 太想食 忘記咗食前影一影hahhaa⭐️自家製免治雞肉丸每次去串燒店都會叫嘅菜式 呢間出色嘅⭐️鹽燒活鰻真係唔係講笑 大推 想一次食10串呢間嘅活鰻真係我食過咁多間最好食嘅外脆 內爽 好鮮味 油脂比例都好好❤️⭐️和風鰻魚梳乎厘飯係好特別嘅 鰹魚汁撈鰻魚飯 不過不失 可試

朋友約埋一齊放假，四個人點左 13 樣野；總之叫咗好多好多嘢食。係平日嘅下午人唔多但係都覺得店內人手不足，好在服務我哋嘅女職員都好好人，有求必應。每一味都食得好 happy，三個朋友都係第一次嚟大家都話好介懷紹。 Negitoro and Avocado Tartare 果然係必食, pork belly lychele and pork belly strawberries 好食，建議不用點練奶。我兩次都嗌嘅鰻魚疏乎厘飯我覺得真係必點。 😚

又到左去遠啲就當左去旅行嘅時候～今次嚟到赤柱，竟然唔係食西餐，去咗新開左冇耐嘅 @komekushi.hk 食日本野！😍日頭餐廳環境好舒服，又𝗽𝗲𝘁 𝗳𝗿𝗶𝗲𝗻𝗱𝗹𝘆，店員話夜晚仲𝗰𝗵𝗶𝗹𝗹仲有𝗳𝗲𝗲𝗹～ღ 蔥吞拿魚牛油果他他 $108見好多人都推薦😍食落好清新，蔥吞拿魚軟滑，有少少魚油香好正，再加埋啲蟹籽，整體口感層次豐福～╰┈➤ 𝘁𝗮𝘀𝘁𝗲: 𝟳.𝟴/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟳.𝟲/𝟭𝟬ღ 迷你刺身拼盤 $188一啲都唔迷你🤩章魚、三文魚、油甘魚同帆立貝每一件都好厚切又新鮮！👍🏻╰┈➤ 𝘁𝗮𝘀𝘁𝗲: 𝟳.𝟴/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟴/𝟭𝟬ღ 自家製免治雞肉丸 $68好好食啊～變成肉丸，一粒粒啖啖肉，又會食到粒粒雞軟骨嘅口感，口感豐富。再點埋生雞蛋特醬汁，滑惹味~╰┈➤ 𝘁𝗮𝘀𝘁𝗲: 𝟴/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟴.𝟮/𝟭𝟬ღ白鱔 $78好喜歡食白鱔串燒！外皮燒得好香脆，魚肉厚肉，充滿肉汁！╰┈➤ 𝘁𝗮𝘀𝘁𝗲: 𝟳.𝟴/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟳.𝟱/𝟭𝟬ღ 明太子白飯魚薄餅 $128薄餅係薄脆嘅嗰一種～基本上所有野加上明太子我都會好鐘意🤣鹹香味🆙另外餡料都好豐富，

老公生日，我哋好耐冇嚟赤柱，決定到赤柱一遊。餐廳位於赤柱廣場，餐廳幾大，可能係下午茶時間所以不是太多人。食物很有特式，其中最推介燒白鱔，非常香脆又有彈性。自家製免治雞肉丸就有啲軟骨喺入面，咬落去好特別，有蛋黃加豉油配住食。有機會下次再幫襯，試一下他們的甜點。

鰻魚芝士卷 $98好肥美嘅鰻魚~~配濃郁嘅汁芝士嘅後勁好猛 好在有啲青瓜絲中和吓😂整體都唔錯嘅適宜淺嚐和風鰻魚梳乎厘飯 $148見佢個樣好呃like忍唔住嗌咗人類總係犯重覆嘅錯誤🥲食物係用嚟食 唔係用嚟睇面層嘅梳乎厘就……真係一個梳乎厘 都幾甜吓同下面嘅鰻魚飯好分離🧐好食就稱唔上㗎啦但$148依個價錢又唔算貴嘅 過吓癮都無壞🤭明太子白飯魚薄餅 $128又薄又脆 成塊餅乾咁明太子 + 白飯魚 兩樣都係鹹鹹香香好味蔥吞拿魚牛油果他他 $108都幾特別嘅配搭面頭除咗蟹籽 仲有啲辣辣哋嘅東東ummmmmm 撈埋一齊食唔難食 但又唔係好食咁😂自家製免治雞肉丸 $68肉丸口感十足配埋好濃郁嘅醬汁 係好好食嘅只係…..成$2x一粒丸🥶好貴🌬Mango Shake $58完全無諗過係大杯成咁😂😂😂芒果味幾重嘅 但就甜咗啲🤭咁大杯 唔係好搞得掂Crepe with Banana and chocolate $48普通都不能再普通🤭Matcha Tart $48唔食抹茶 無試到嚕😛赤柱嚟講 好似唔算貴(?) 但唔算特別好食

刨冰又靚又好食🍧~~~~~~~~~~~~食完飯去赤柱行下，點知見到呢間新開嘅日本餐廳有刨冰食就入咗去試下🤣餐廳環境都唔錯，座位亦好寬敞。-士多啤梨刨冰($58)刨冰好靚，打卡一流，而且味道都唔錯，幾好食👍🏻-士多啤梨豚肉卷($48)睇睇下餐牌俾呢個士多啤梨豚肉卷吸引咗，因為太奇怪，所以就算已經食飽咗都叫咗一串試下🤣結果就係…真係好奇怪😂😂😂但係同行嘅朋友就覺得好新奇，味道亦可以接受😂

我去過這餐廳幾次，食過明太子白飯魚pizza丶咖喱豬扒飯丶南瓜薯仔沙律丶波子葡萄豚肉串丶士多啤梨沙冰等等…. 味道唔錯！但對男士來講份量就細咗D，不過老婆同我個女都話鍾意，所以每次去到赤柱都不經意地行咗入去坐低食嘢。好彩的話！偶然週末有機會撞見餐廳老闆帶來有善的狗店長🐩，如果我冇記錯，好似係貴婦狗，然後和它拍照。此外，我試過在這餐廳吃過晩飯後，在門外露天廣場看見大大隻野豬在覓食，只要你當冇事發生，它不會攻擊你的。我同野豬拍照，但當然有保持一段距離啦！

秋高氣爽，最岩去行山！好似每次行到入赤柱，都係去海旁嘅露天酒吧，食下炸魚薯條飲下啤酒。今次入黎終於唔係食西餐！而係食日式居酒屋！居酒屋主打一系列特色料理，除左最基本嘅串燒、刺身、壽司，仲有和風鰻魚梳乎厘飯、士多啤梨豚肉卷等風味十足、打卡一流嘅菜式。餐廳仲係pet-friendly添架！▪️自家製免治雞肉丸 $58一上枱超香！雞肉丸大大粒，加有粒粒雞軟骨，軟腍帶點嚼勁，口感豐富。雞味比想像中突岀！肉丸本身已調味十足！ 佔上生雞蛋特色醬汁，滑溜惹味~▪️白鱔 $78白鱔外皮燒得超脆！厚肉彈牙！充滿肉汁！唯獨有啲細骨。真心要趁熱食！有一串擺耐左，即刻無咁脆 仲有啲腥添。▪️蔥吞拿魚牛油果他他 $108當吞拿魚遇上牛油果，軟滑清新。面頭有啲惹味嘅碎碎同魚子，仲可以用紫菜包住黎食，為他他增添左一絲鹹香微辣。▪️明太子白飯魚薄餅 $128薄餅餅底超薄脆！餡料豐富，滿佈芝士、爽滑嘅野菌、白飯魚，仲有一大pat明太子，鹹香十足。趁熱食仲有拉絲！▪️Matcha Shaved Ice $58刨冰口感唔似一般嘅綿綿冰，而係充滿冰粒顆粒感。雖然口感唔討好，但抹茶味意外地突岀，屬大眾濃度，奶味又唔會好重，重點係食到最底

慎防你未諗到weekend同另一半去邊玩俾個提議你去下赤柱原來宜家既赤柱廣場多左好多新餐廳!其中kome kushi更加係成日full house.《蔥吞拿魚牛油果他他》吞拿魚打成蓉好滑身 香蔥有微微刺激魚油的脂香同牛油果夾埋再度加倍包住係脆卡卡既紫菜入面食 帶來口感對比.《迷你刺身拼盤》話就話迷你咋 但每片刺身都係厚切咖三文魚 油甘魚 帆立貝 夠哂新鮮爽嫩.《白鱔》肉身夠哂肥美 最正既係 外皮脆卜卜 入面juicy .《自家製免治雞肉丸》市面上食免治雞肉串 通常都係一條過腸仔形要一路食一啖 再一路再點蛋汁但呢到廚師好聰明啊 變成肉丸咁就可以成粒all around都沾滿蛋汁食 正!.《和風鰻魚梳乎厘飯》一上碟你一定以為係甜品梳乎厘實際乃是鰻魚飯 面頭加左梳乎厘加埋木魚汁 成件事真係唔係甜品黎咁樣食鰻魚飯 d飯會更加滑.《抹茶刨冰🍵🍧》當你食完晚餐煩惱要去邊到食甜品呢到已經有靚靚選擇刨冰唔係綿綿冰個d配埋紅豆同煉奶 食落好似抹茶版紅豆冰 .《士多啤梨沙冰》《芒果蜜瓜沙冰》兩款沙冰都唔會好甜咁就好了 因為我好怕糖水味溝出黎

Tried for lunch once. We ordered the mentaiko pizza, friend rice and a bunch of yaki tori. Japanese restaurant is indeed a rarity in south side so I did not expect much, but this place has such limited menu (did not even have any sushi rolls) and quite expensive for the small portion we got. We (2 ladies) ended up spending 6xx for lunch and were still hungry.