Krispy Kreme (已結業)

上個月尾經過見到有買五送一優惠,又聽過其品牌，所以買左半打餅和凍咖啡試試。Donut雖然多款，但就如老麥般，各食物基本上味道差不多--- 甜，不會覺得這款食物會比那款食物特別好味；而且ham 料太甜，亦沒有對應的味道，餅身又硬又過凍，感覺就像吃隔夜麵包一般。(我們二人是在店內即吃的。) 可能因為人客不足，卻預備了太多donut。

上星期同事完成了在寫字樓的實習，第二天她便要出地盤繼續實習多年半。依依不捨之餘，又訂了這家新派都甩店的都甩請我們吃。前星期去完東京，大吃特吃一輪，回到香港發覺重左。正减磅中，同事叫到，都不太想吃。過了一會，走去茶間沖茶之際，見到一個好醒目的小黑點大紙盒，上面印了大大個紅色Krispy Kreme ，很够搶眼。想到裏面的東西一定有番咁上下，爲食地打開來看一看，金啡色的炸圈餅，上面鋪了薄薄的一層糖霜，那些糖霜想滑下来的樣子已經够吸引，先前想的顧慮忘記了，肚子便替我拿了主意，叫雙手取走一個炸圈餅，回辦公桌慢慢嘆。又真不枉此吃。這個炸圈餅咬下去很鬆軟，有些像沙翁和甜麵包的混合體，有麵包的飽肚實在感，但入口又不覺乾涸，甜度適中，又有沙翁的香滑，食完整個餅也不覺口渴。題外話：在東京旅途中，經過新宿近Times Square，也有一家Krispy Kreme，星期一下午兩點半左右，有成百多人在店外排隊等買都甩，都幾誇張。

星期五(20/7)成家去旺角買新電話,之後又周圍行 果日有買五送一的優惠,所以買左半打番屋企 最後買左以下六個味....１．Ｍｏｃｈａ　　　　　４．果真滋味（桃）２．New York Cheese　　５．朱古力Ｘ紋３．綠茶　　　　　　　　６．原味糖衣 我食左以下兩個１．朱古力Ｘ紋　　ＬＥＥ個幾好食，好濃朱古力味，不過就較甜，食完都飽飽地 ２．.New York Cheese　我食左Ｌｅｅ個，面果層幾好味，有ＤＥＥ脆脆係度　食食下，發現原來係有餡係入面，係ＤＥＥ酸忌廉ＤＥＥ酸忌廉，我覺得怪怪地，不太同面果ＤＥＥ咁夾今次第二次食，覺得比第一次食較甜！（可能連食兩個ＧＥ關係！）其他果ＤＥＥ比其他人試左，佢\\\地都話好甜，食一個就夠！本來想試埋新出果個”果真滋味”，不過冇食到，比人食左，下次試埋先！共＄６０

今天同媽咪,妹妹探完外公後,去左旺角行今次來到旺角,一定要試下冬甩!因為常常經過但冇買到睇下DEE冬甩.好多款YA....有士多啤梨,NEW YORK CHEESE等....仲有新出GE水果冬甩...不過最後都係試左個開心果脆冬甩...妹妹就要左朱古力冬甩。第一次食,覺得OK,甜度岩岩好,DEE開心果脆同朱古力好夾,都埋DEE開心果好正,又唔會甩曬。食得好方便,唔會令隻手成手都係野....至於妹妹果個,佢就話太甜.....不太岩佢口味唯一問題係個冬甩係涷GE,咩唔係熱的?係個個冬甩都係咁,定係有其他原因?

成十蚊一個Donut 係有D貴咖啦，但係香港要食呢種外國式0既donut已經唔多，要係好食又港九都有0既都無乜邊間啦!D飽0既質感係做得唔錯，好軟淋淋，好香。食唔洒放入雪櫃再叮返0黎食，味道同口感都無走到，0力! 都算食洒所有味道甘滯，個人最愛係original，blueberry 同NY cheesecake。其它0個D就覺得甜0過頭。綠茶無夠綠茶味，好甜. Mocha好香咖啡味，不過都係甜。

平時好怕太甜的東東... 但這個原味糖衣的冬甩，外面包住了一層糖衣，甜而不漏，而內裡的麵包則非常鬆軟，配撘一流. 但吃了蘋果玉桂和NEW YORK CHEESE. 好一般. 所以都係食返原味糖衣會比較穩陣.

呢間分店有位坐,但坐位都唔算舒服,他們擺放座位好似怪怪的.而家推出左好多冇咁甜而又非常可愛的款式.我就試左個mocha 味,另外試埋個樣冇咁靚的new york cheese cake.mocha冬甩----冬甩好鬆軟,好好味,再加上濃濃地的朱古力,好滿足.呢個真係冇原味咁甜喎,arm 香港人口味.new york cheese cake----都係鬆軟,但芝士味較薄,食到中間,有一pat酸酸地有點似lemon味的cream狀吉士醬,好滑,唔算漏.不過我最後都食係唔哂的.下次真係好想試埋其他款,我見到士多啤梨味同綠茶味的外型都好漂亮. 不過Staff 方面係完全冇笑容喎,同呢間店所售賣的東西真係好唔配合呀!

今日落雨，無咩mood ，o係旺角行左一陣，就想返歸喇。經過呢度，就試下買一個，睇下係咪真係咁好味。穩陣d，都係試original先，因為怕好甜。點知，真係好甜!!!!!好漏，有怪味(油嗌味)。又唔熱，好似擺o左好耐咁。仲有，$10好貴。不過店員都幾有禮貌。

經過又忍唔住買咗個冬甩開心吓…對於今日買嗰個mocha donut 的甜度我都仲可以接受到~ 其他款就免喇！皆因我愛咖啡又愛朱古力…最好食時都仲係趁熱辣辣、個texture 有點脆軟之間再配上面層的醬。天氣熱職員有點渾噩….

上次食外賣，唔知係咪因為擺喺袋焗過（前後半小時左右），個朱古力面donut啲朱古力全部溶晒黐咗喺袋，剩返個普通donut。咬落去又淋又黐口，十分不爽。同mister donut嗰種脆中帶煙靭固之然冇得比，連uncle gene都比唔上。有第二間的話唔會幫襯佢。

稱得上我心目中的姣姣者的，就是拿破崙味donut了!這個donut的口感比其他都來得好!而且一次能嚐到三種不同的味道，真的十分滿足!因此，它已成為我的最愛!另上次又買了一個strawberry angel，賣相和味道都很不錯!看來，我真的會試盡不同的口味!

本身都幾鍾意食冬甩，成日想去銅鑼灣試，一直都未去，終於又等到旺角開咗。順路行過，同朋友仔試咗原味& 焦糖脆米，原來原味都好甜嘛，焦糖脆米個面好味，焦糖餡勁甜，但個包本身係好好味喎。新開張有五送一，雖然係咁甜，但仲好想試吓其他，特登去買咗半打︰(上排左起)紐約芝士，ok，唔係好甜；朱古力吉士，一般，甜；草莓忌廉，最唔鍾意哩個，忌廉加士多啤梨醬好肉酸，見到都唔太想食；(下排左起)蘋果玉桂，覺得麻麻；朱古力鬆圈，估唔到最好味係哩個，質感好好，好好味；泡沫咖啡，媽媽同男朋友都覺得好味。不過實在太甜，每樣食四分一個都漏晒，應該都唔會特登再去買嚟食lu，但都有d想試其他鬆圈...

星期五咖啡半價，正！試了以下四款口味：莫卡、綠茶、草莓、藍莓。莫卡和草莓的味道也不錯，但草莓醬放得太少，賣相不夠吸引，藍莓吃的是ｓｈｅｌｌ，吃到中間的藍莓醬單看樣子連我個ｆｄ都想食。但綠茶就古古怪怪，係中西合壁的一個失敗例子！還有沖咖啡的都慢手慢腳，這樣下去是不行的！！！

上完洋文課，同朋友由尖咀殺落旺角買野~ 佢未食過冬甩，所以又拉佢去食^O^今日去到要排隊喎(到我買完開始唔駛排-_-)旺角新店開舖，星期五咖啡半價，冬甩買五送一今晚同人share食綠茶味同開心果味道綠茶冬甩除左表面有綠色糖衣，連冬甩炸圈都係綠茶味~少甜，一個人食哂成個都唔漏開心果係普通冬甩炸圈+朱古力外衣+開心果碎~開心果碎痴得好隱，冇乜碎落袋，唔知點解食既時候諗起農曆新年(開心果係我新年先會食)半價$12蚊一杯細mocha~其實份量都唔細，應該比starbucks細杯多少許~ 瞄到好似係illy +吉百利朱古力粉，香濃咖啡味，唔錯~!

路經兆萬，突然發現隠約間見到冬甩招牌(對近視眼又再一次選擇性地俾我睇真d)，立即強行拉男友行過去~　一個箭步入去order 一個original。一路食先叫男友諗下試邊款，到佢\買完我已經食左大半。另一個係蘋果加肉桂，呢款真係甜好多，佢\食左幾啖已經唔要，唯有我清埋袋。如果當時有杯清水俾我，我唔會覺得咁漏o既~目標試哂二十八款!舖位細，都有幾張檯仔堂食。order時比較混亂，唔知點排隊。