L.D.K. by Ufufu Café (德福廣場) (已結業)

海膽忌廉烏冬味道香濃栗子蓉好得 炸廣島蠔新鮮喺九龍灣德福廣場行街行到攰又未諗到食咩嘅時候路過見到呢一間有埋日式甜品好吸引二話不說即刻走入去 好彩只係剛剛六點 唔駛等位可以入座海膽忌廉烏冬～烏冬彈牙 湯汁濃厚 食完一碗好想再叫多碗🤣吉列豚肉佐咖喱蛋包飯～咖喱香滑好好味～豚肉咬落有口感抹茶栗子芭菲～栗子蓉好得好滿足🤤🤤～價錢唔平但係值回票價脆炸廣島蠔🦪～真係脆喎 蠔又新鮮福岡八女抹茶紅豆拿鐵～抹茶🍵厚厚的很濃郁～紅豆蓉好出息🤤

今日boss請食lunch,簡左間日系西式cafe，第一次試食，相當有驚喜。特別中意佢既甜品，賣相吸引之外，味道亦相當唔錯😋😋😋主食方面，我地都分別叫左麵食，2碟意粉和1碟烏冬，味道都比較濃郁。而甜品就叫左：🍧心太軟芭菲❤❤心太軟一切開，d朱古力漿就流晒出黎，好治癒.....底下有雪糕、脆米和士多啤梨，層次好豐富，亦唔會過甜🍞草莓法式吐司❤❤一口咬落去塊吐司，相當有驚喜，佢既外皮酥脆，里面就軟綿，好食到停唔到口

這間日式餐廳的漢堡包🍔下午茶餐認真超值👍💰，即口即做，新鮮熱辣🔥又大份，真心覺得食這間好過食隔離連鎖快餐店。座位舒適又乾淨，枱與枱之間空間好足夠。下午茶餐由$48起，有飯、意粉、漢堡、小食同甜品，還要是正常份量，真正說到做到Full Tea Break😂😂。照燒雞肉漢堡 $58Juicy厚切雞扒有成2cm厚度，裏面夾有生菜🥬同蕃茄🍅。麵包有烘過，微微脆皮同熱辣辣，好味到令人感動。伴碟有即炸香脆薯條🍟，上面灑上少少胡椒粉，無需點茄汁都好好味。黑咖啡味道好平衡，沒有苦澀口感👍。

經過九龍灣諗唔到食咩好，見到哩間都有啲人排隊，之前又冇食過，於是就決定試下啦！餐廳入面有唔少卡位，不過我哋入去嘅時候已經輪唔到卡位，唯有坐其他嘅位置，其他位置既座位距離比較近，但都算坐得舒服。我同朋友叫咗一個蛋包飯同一個意粉share，另外仲加錢要咗甜品。🎈日式忌廉肉汁蛋包飯蛋包飯既味道就真係普普通通，佢嘅醬汁冇任何配料，蛋都叫做滑既，但就真係淨係醬汁加蛋配飯，哩個食落感覺真係唔係太抵😅🎈博多明太子烏賊忌廉汁意粉哩個味道唔錯，忌廉同埋明太子嘅味道好濃，而且仲有好多魷魚🦑不過份量就略嫌有啲少。🎈迷你香蕉朱古力芭菲佢嘅雪糕配料好多，除咗朱古力雪糕之外，仲有cream、香蕉同埋脆脆，不過佢嘅雪糕味道就比較普通，唔夠幼滑。🎈迷你芒果芭菲佢嘅芒果芭菲有芒果雪糕、cream、芒果肉同埋脆脆，雪糕同樣都係唔夠幼滑，而且佢嘅芒果汁有啲酸，影響左個味道。整體黎講，哩間餐廳既食物質素唔算太高，不過經過搵唔到嘢食嘅話都可以試下既。

食飯時間總係見到人龍排隊，以為百零蚊應該會好高質，因為同商場仲有好多選擇而不需要這個價錢，除非你只喜歡集團式的餐飲模式，否則都未必會選擇係這類商場用餐。 點都好啦，大家都係睇返佢食物的質素啦。日式燒鰻魚應該是好香而且帶有少少醬汁，可惜一上枱都係暖而不香。 朋友就叫卡折邦尼魷魚意，感覺良好。我們都有加廿蚊買埋湯，沙律同飲品。最後埋單三百蚊，可惜俾唔到再回頭食的感覺，就好似去左間food court甘，百五蚊人頭應該仲有好多選擇。

諗住去九龍灣德福食個晏，之前去另一間LDK還可以的。點知今次非常失望。我嗌個好乾身嘅蕃茄煙肉卡邦尼意粉(請看圖1), 但俾我嘅係水溜溜嘅湯意粉/"會"意粉。我哋問佢點解唔係幅menu圖咁乾身，侍應話等一陣會收水。等到啲意粉凍哂都係一樣湯意咁(請看圖2)。好差服務! 根本就貨不對版，又唔幫客人換，仲死撑話係咁㗎喇。希望公司見到食評，檢討下啲員工。特別喺呢個疫情下，市道已經麻麻，咁樣嘅質素同服務態度，唉…

肥姑姐飲食推介 - L.D.K. by Ufufu Café - 吉列雞肉咖喱飯 & 咖啡到訪日:2020年10月30日1）環境衛生一般日本西餐廳格局地方寬敞，下午茶時段店內播放着爵士樂及Bossa Nova，真係好Relaxed。2）食物質素吉列雞肉咖喱飯今日食的咖喱雞肉飯超好味，是一般日式咖喱的中辣，但不是偏甜，食到有不同的香料及帶少少酸味，算是近期食過最好食的曰式咖喱。咖喱飯用嘅係珍珠米，煙煙un un。另外吉列雞扒炸得非常乾身，連雞皮炸得很脆囗，完全沒有油膩感，真係好好味。重點是以食一個full size平時要HK$100的日式咖哩飯性價比好高!!!! 超級超級推介。熱咖啡熱咖啡是即磨咖啡，是入口很溫和的類型，我覺得比起Starbucks的咖啡更好飲。大家如果有機會嚟到ufufu要試吓佢哋嘅咖啡。3）價格HK$58（另收加一服務）4）再惠顧指數👉🏻

別的我也沒有吃過，週一午餐時間，路過這裡，本來想去買另外一家蛋糕，看到這個野莓很不錯的樣子，於是就臨時換了這個，味道好棒，軟軟糯糯，奶油也很棒！還有外賣8折，太划算了，下次想試試提拉米蘇還有抹茶！

今晚是平安夜，想食好d，所以同同事去左呢間餐廳食 lunch，呢間餐廳主打食日式西餐的餐牌內的沙律或主食加 20元就可配埋沙律、餐湯同飲品是日餐湯是忌廉湯，忌廉湯好夠味，而且夠熱，湯夠熱已經可以加分，起碼不是擺左好耐的我地分別揀左燒雞沙律同煙三文魚沙律，燒雞沙律配上柚子汁，酸酸地幾開胃，配上燒雞個味道幾夾，煙三文魚沙律配沙律醬，但煙三文魚略嫌細粒🙈我地同樣飲凍檸茶，糖水自己加，可按個人口味調教，但冰塊略嫌太多，有半杯都是冰厚切煙肉卡邦尼意粉，汁好多，但唔會溝淡左d汁，味道啱啱好，唔錯芝士熔岩和牛漢堡，芝士好厚，好啱鍾意食芝士的人，但缺點係好漏，食左一半已覺得好飽，我下次應該會食返普通和牛漢堡和牛也好厚身，啖啖肉，薯條係幼身的，所以食落特別脆，仲伴有沙律總括而言，呢餐食左好多沙律菜，而且份量都夠多，連我這個大胃王都食唔曬個漢堡包整體食物質素唔錯

同友人放學行下德福有咩好食，甘岩就見到ufufu, 睇下個餐牌又有好多選擇，真系有種選擇困難症的感覺，最後就決定等位入去再選擇啦食咩啦。等左10分鐘左右入到，食90分鐘限時，睇下餐牌分別有主餐牌同甜品餐牌，就試左套餐酥皮（脆卜卜浸落去）粟米湯、沙拉配飯，鴨肝梅（好香梅味）意粉、紅豆蓉綠茶雪糕西多（外脆內熱，有少少漏，哈哈，因為叫左好多野食）、糯米糍（濃）朱古力芭菲。我倆已經覺得好豐富，真系好fufu。

星期六下午，約朋友仔食個late lunch，我朋友選擇咗呢度，排隊等位大約20分鐘，星期六成街都係人，大家都應該係“抗疫疲累“。第一次嚟，原來選擇幾多，同埋都吸引，好多款蛋包飯，我都幾鍾情咖喱蛋包飯，但今次有個更吸引嘅“明太子忌廉蛋包飯“，咁緊係試下啦，明太子都係我鐘意嘅其中一樣。明太子忌廉蛋包飯，除了賣相吸引，材料十足，口感非常好，食到明太子的粒粒。我加左$30叫埋個酥皮粟米忌廉湯，還可以，沒什麼特別。朋友仔叫左個“咖哩漢堡蛋包飯“，咖哩都夠香漢，但漢堡扒有啲乾，所以還ok。食物質數唔錯，但係等位時間較長，好彩好食，會再來試其他的。

第二次食呢間餐廳，上一次都係食烏冬今次都係叫番最愛既炸雞烏冬晚上七點幾，冇咩人排隊.白芝士咖喱炸雞忌廉巑岐烏冬滿滿的白芝士咖哩汁，湯香濃得黎唔會好膩烏冬份量及軟硬度適中炸雞剛炸起，恰到好處，大舊但咬落都有唔少肥膏😖.吉列豚肉咖哩飯吉列豬扒炸得鬆脆，份量大件，厚身蛋整得好滑，半生熟岩岩好飯係唔係一般白飯有味既但唔好意思食唔出咩味😂咖哩就不過不失，都係日式甜咖哩，對於唔食得辣既朋友一流份量ok 係飽既👍

1️⃣吉列豚肉佐咖喱蛋包飯$148厚切豬排炸得香口、肉質軟硬適中；日式咖喱味道不會太淡，正常水準；滑蛋半生熟程度剛好；整體份量足夠；餐廳的咖喱蛋包飯系列發揮比較不錯 #餐廳必點之選🏅2️⃣博多明太子忌廉汁贊岐烏冬$98 讓人失望的性價比很低的明太子烏冬。味道較淡偏稀、欠缺明太子鹹香；就這價錢而言，份量太少；除了烏冬外，完全沒有其他配料，令口感單一；贊岐烏冬口感彈牙，也不錯———————————————————————環境：6 /10服務：6 /10衛生：6 /10味道：6 /10性價比：中下回頭率：45%

德福呢層有敏華同錦麗，見到呢間日式餐廳即刻眼前一亮，雖然比起隔離兩間貴啲啲，但想試就入左去，因為價錢都有番咁上下，又無做優惠，所以我都有啲期待。等左陣，好肚餓幾驚冇位，因為就咁望好似坐滿，但點知原來入面都多位，未有人坐。安排左我坐中間啲卡位，但佢有個大燈泡成個太陽咁照住，好殘眼照到個頭暈暈地，隔離枱個肥仔係咁打黑次。驚驚地。睇左餐牌好耐想搵Lunch set, 點知原來Lunch set 係加錢送沙律同普通嘢飲咁樣Set.所以都貴，因為係散叫再加錢啊。我就叫左個和牛漢堡鐵板，算啦好似$110。我都細食所以都夠食......加左個特飲係加餐再加錢。抹茶牛奶，有少少苦，我鐘意抹茶館多啲，佢之前就係呢個位，可惜執左lu.

下午茶餐嘅份量一般都會少過午餐，不過凡事都會有例外！下午茶由2:30開始，每份由$48起，點了2份：香蒜欖油辣椒蝦意粉、吉列豬扒配大蝦蛋包飯，朋友在主餐牌點了漢堡扒蛋包飯，上菜之後，發覺兩份蛋包飯的份量相同，但價錢卻相差3倍，味道同樣出色，吉列豬扒雖然有少少乾，兩隻大蝦賣光，卻只補了一隻雞翼，但蛋醬皮就十分嫩滑，飯底是茄汁炒過，加了少許肉碎，十分配合。另外點的蝦意粉，味道可以，不過食完之後有很多欖油在碟底，感覺很油膩。反而粟米餅有驚喜，整件餅都是粟米粒，炸得香香的，不過都建議可以少油！飲品方面，咖啡就一般，但另外單點的抺茶紅豆冰卻十分吸引，濃淡相宜，每次來都會點！除了主餐牌外，2份下午茶餐每份$58，已包飲品，而且份量足，抵食，唔怪之得門外成日排長龍！