影片
以上資料只供參考, 請與餐廳確認詳情
食家推介
相關文章
深水埗有好多唔同類型嘅餐廳，但係如果想食得好啲舒服啲嘅話就要揀呢類型嘅西餐廳。裏面個空間感都好大，有普通枱或者吧枱，裝修都幾靚。菠蘿蜜棧冰茶奶蓋＄38個味道非常特別啊！除咗係有菠蘿味道，仲甜甜地嘅蜜餞，表面就有清新香甜的賴蓋，絕對值得一試，配合度非常高。香煎盲曹魚柳＄68想午餐食健康啲，冇咁肥可以選擇魚，呢一款香煎盲曹魚柳都真係啖啖肉，不過唔會太過肥膩，食落去外皮因為煎得好香脆所以口感都非常香口。另外旁邊仲有啲雜菜沙律令整體口味更加清新健康。
繼續閱讀
好難得約到朋友喺下午時間出嚟食嘢，不過好彩下午兩點鐘有午餐但係啲午餐一啲都唔貴喎！食最貴嗰個澳洲西冷扒先係＄82。首先餐湯係南瓜湯，不過不失，因為南瓜味道非常濃郁但係食到淡淡的南瓜味道。整體層次較為清淡。土耳其蘋果混合水果奶蓋＄38貪得意叫咗個舐過飲品，都幾清新，本身以為會好甜，點知蘋果同其他水果溝埋，佢應該冇落太多糖，所以味道淡淡的幾香幾開胃。 上面個奶蓋都係比較清新的，小小甜。澳洲西冷扒七安士配燒汁＄82 重點嘢食嚟啦！澳洲西冷扒方面我哋叫咗五成熟，切開之後發現真係5成熟， 80幾蚊食到咁大塊西冷扒真係好正，仲要生熟啱啱好！ 旁邊仲有唔少清新嘅蔬菜，較為健康，亦都有啲薯角點埋茄汁食就更加飽肚又豐富。因為西冷排原本已經配上燒汁，所以你有一定香味非常足夠。
繼續閱讀
今晚又想食牛扒！(help 呢排成日都想食肉•••🤦♀️🤦♀️) 所以搵左呢個有澳洲和牛既西餐廳滿足下我個肚仔😝 佢個澳洲M7和牛星期一至四做半價！好似好抵咁😝所以我叫左份肉眼試試☺️(原來佢每晚提供一種架咋 肉眼/西冷) 口痕得濟 仲加多個小食！ 要左炸蠔同忌廉蟹餅😗😗 個炸蠔好juicy！我一叉落去 d汁飛左出黎😂所以大家小心d食😋 忌廉蟹餅我就麻麻地 因為原來我唔中意咁既忌廉整法架🙈😂 但加$32就有兩款小食都好抵下☺️食主菜和牛肉眼先😍😍😍 佢上黎原來係要自己切架😂(我懶😂😂) 跟staff既recommendation 我要左五成熟😛好易切開 唔驚老哂😛 食落好有牛味😍😍肥瘦位都有！真係唔會好老！切開既顏色幾靚😍仲要力讚既係個炸蕃薯條😋炸得好香 無萬年油味 好特別下 唔使成日食薯條咁boring👍跟餐既我又加左少少錢飲抹茶啦😚😚😚個抹茶鮮奶雖然個拉花唔太明顯睇到 可能係顏色問題 但口感好滑 比坊間既抹茶味甜少少 但又唔會過甜 應該適合大眾口味既😛餐廳有高枱又有side table 都幾好坐 overall既cp值都幾高 下次再黎可以試埋西冷😝
繼續閱讀
深水埗一向多野食，今次想介紹下依間價錢大眾化、又好味既cafe! 第一次黎食，入到去以為得好少位，但原來轉入去仲見到d大枱通常出面既西餐set都係跟湯、普通餐包，但依度竟然有牛角包😲🤗🤗 我好中意食架！！ 湯都好好飲～主菜係明太子鮮蝦忌廉扁意粉！飲完湯即時送到😎 賣相幾靚，好香忌廉味，意粉彈牙！😬餐飲我加$5，upgrade左個杏仁鮮奶！味道好似杏仁露😛 我幾中意飲依d中式糖水的🤣🤣 由於想坐多陣，所以叫多件cake~ 有朱古力畫花😆 我即時影相send俾朋友睇!我諗下次可以約埋朋友黎，試多幾款菜式～～
繼續閱讀
前幾日放假，同朋友去咗深水埗嘅嘉頓山行下，影下香港夜景。不過，影靚相之前點都要醫咗個肚先嘅。因為冇咩特別想食，就求其入咗呢間西式餐廳。餐廳入面有一個大黑板，寫咗餐單，仲畫咗唔少配圖，都幾有feel嫁；再入少少就係一個迷你吧枱。明太子鮮蝦扁意粉意粉用咗明太子做伴碟，鮮橙色嘅明太子望落都幾搶眼嫁。除咗一粒粒嘅鮮蝦，仲有唔少蔬菜做配菜，蘑菇粒、三色椒粒同洋蔥粒，感覺比較清新；意粉偏軟身，吸哂明太子醬汁。雖然晚餐套餐包埋餐湯同餐飲，但餐湯嘅南瓜忌廉濃湯大大碗，唔洗餐飲都夠。另外，餐廳提供嘅餐包同普通餐廳唔同，唔係牛油麵包，而係鬆脆嘅牛角包，牛角包熱騰騰，又唔會好油膩，啱啱好！而朋友食嘅鹽燒香辣大蝦菠菜意大利粉都好似唔錯，相比起辣味，鹽燒味就比較突出，啱晒唔係好食得辣嘅我。菠菜汁均勻分布，粒粒米都沾上了，夠晒味。
繼續閱讀