La Bons Cafe (已結業)

今年平安夜訂左呢間餐廳同女朋友食飯$288一位，都唔平之前都食過一次，個次同朋友食，印象好好，心太軟同ｄ意粉都好出色但係呢晚平安夜，真係令我同女友都食得唔太高興是夜兩個time slot；七點半既一早爆滿，我地就訂左九點半先講環境：其實本身間野既小店風格照理應該好好氣氛同好浪漫下，但無奈waitress俾左個係kitchen隔離既位，真係完全唔掂，成晚個廚房既刀刀叉叉聲攪到人勁忟，之後後面又有一枱十幾個人係到好大聲咁講野所以成晚都無乜氣氛建議應將情侶客擺入去內格，又靜，又唔駛迫，又唔駛聽廚房既刀刀叉叉聲再講食物：三個頭盤1. 火雞栗子沙律 - 唔掂火雞太"梅"，沙律還可以2.餐湯　－　唔掂基本上同去茶餐廳食既無大分別，唯一可讚係餐包牛油蒜蓉包尚算不俗3.唔知咩芒果沙律　－　歎氣雖然個名同第一個頭盤完全唔同，但睇落同食落都係相差唔幾，都幾ｏ咀主菜：1. 羊架平時愛好食羊肉既我都頂唔住佢既羶味，肉質都算幾好2. 海鮮呢個就唔錯，大蝦幾正，不過個魚塊就太腥，俾人感覺係咩調味料都無落最重要既一點係兩個主菜都係凍冰冰！！　可能ｄ餸已經係七點半第一輪煮好，放到九點幾就即係俾我地.....　似冷盤多

我一早bk好枱食...入到去...話bk左..甘佢就有人帶我去坐低..個環境ok啦...幾浪漫既..不過枱同枱之間太近..跟住我同老公一人叫左個set食..(一個$288)老公要左個牛扒..我要左個海鮮..個扒好失望...勁細囉...又"唉"一d口感都冇姐係吉之島果d仲好食..真係勁唔開心><""到我果個seafood..都ok既...有2個salad..都幾好...個soup麻麻..2杯果荼都係麻麻..跟住就好驚連個心太軟都唔好...好在...個心太軟都冇令我失望..都真係好好味=)同埋我覺得d 服務好似茶餐廳..= =anyway..其實我覺得好唔抵食..><""

今次係同屋企人黎食晏晝,1點半去到都有位,原來佢地無分set lunch or set dinner ,全日都係呢份menu , 我地兩大兩細叫左3個set 紐西蘭羊扒~羊扒份量ok,都幾"SO"不過D汁少左D鴨胸+牛扒~鴨胸肉比較'鞋",牛扒就無乜特別感覺,不過都係食唔出梳打粉,GOOD肉醬意粉~份量都算多,味道一般喇黎得呢度最主要都係食心太軟,水準同上次一樣咁好,皮夠脆,又夠熱,裡面既朱古力又多,不過可能呢間鋪頭以家多人去左,所以服務態度亦相對差左,有個著粉紅色衫既女侍應(得佢一個係粉紅色衫)D態度就真係唔好喇,叫佢攞野佢好似唔係咁鐘意咁,埋單我係簽卡既,簽卡既同時我都係講緊電話,但係當我簽完個名就咁啱身旁既人同我講野,我應完佢之後發現個女侍應原來已經走左,而張單同埋我張卡就咁擺左係枱面,我問屋企人,佢有無講D乜野呀,我家姐話佢咩都無講,連多謝都無講,就咁擺底張單同卡就走左喇!真係無禮貌,點可以咁樣對D客人架,多人去左唔可以唔顧呢D野喇!

等我為la bons cafe加上第100個笑臉啦首先本人最唔滿意係店內昏暗至極的燈光連影幅相都唔成功,我最鐘意幫d野食影靚相但今次完全影唔到-.-'有氣氛唔係唔好,但最基本望清食物樣子都有困難(本人只有17歲-.-')同男朋友叫左兩set聖誕餐,$288 一位沙律-有火雞同栗子在內,ok湯-雜菜湯...好難頂,而且個包又凍又硬-.-'沙律-又黎一個沙律,ok主菜-一個係牛,一個係海鮮,好好味,不過賣相麻麻...心太軟-唔夠熱唔夠熔@@不過都冇影響味道,正!凍青蘋果荼...冇下次-.-'

和女友這次就平安夜大餐訂了呢間難ｂｏｏｋ的餐廳７點多去已爆滿了我地之前已經打電話黎問左有ｄ咩食所以一坐低就ｏｒｄｅｒ左一個牛一個海鮮安格斯牛肉味夠又夠嫩但又唔係落ｄ鬆肉粉果ｄ黎果海鮮就樣樣都有少少咁啦都還可以最後既主菜當然就係令人感動既心太軟啦女友都讚好話我今次同佢黎係擇岩左既個ｗａｉｔｒｅｓｓ都好ｎｉｃｅ好忙咁都幫我地影相最正既重抽到個心太軟可以下次黎食ｔｉｍ呀．．．正

今次想講講最熱賣既心太軟＋雪糕，因為我每次到來必叫的！以軟心巧克力名名的『心太軟』，這店賣得很不錯，永遠都做到外鬆而流心的效果，熱騰騰，巧克力味道很香，中間部份是流心的，巧克力漿瀑晒出來；伴在碟上的雪糕很重要，外面焗得真係好脆，內面巧克力漿很滑滑，加上凍凍雪糕，一冷一熱，因為暖笠笠既巧克力唔太甜夾住凍冰冰既雪糕在口中的味覺享受真係好得意，非常之『正』！ 我就是喜歡心太軟有漿流出來的感覺。就好像是火山的溶岩流晒出黎，令人很緊張，而且心太軟是即叫即新鮮製成，中間流著豐富的巧克力，令人一邊吃一邊感動唷！就算不是頂級水準，那種冷熱交錯的滋味總能迷到我，令我讚不絕口，令人覺得名不虛傳！價錢更是不用講的抵食！不用三十元就可以吃到酒店式的甜品，真的非常好！

跟隨一班朋友到此吃晚飯，所以沒有特別期望，結果出乎意料。這所餐廳可謂經濟型的意大利菜餐廳。雖然意粉醬汁還差一點點，但對比食物價錢，已經很不錯。推介食品：無骨燒雞、心太軟及tiramisu鵝肝飯及焗蠔一般。

我和好友兩時後入座, 因為過了lunch time繁忙時間, 所以可以Walk in都不用訂位。因為知道這裡的主菜一般, 我們亦只為心太軟而來, 所以隨便的點了兩款Set 。餐包: 這裡的餐包很好吃, 外脆內軟, 塗上牛油更加香而美味, 有些少估不到的驚喜。餐湯: 周打魚湯比較遜色, 味道很一般而不留有半點印象。主菜: 主菜果然沒有什麼驚喜, 我點的肉眼扒薄薄一片, 配蘋果sause, 鹹中帶些少甜味尚算不錯。好友的豬扒我沒有試吃, 但看似煎得比較乾和肉質比較實, 但實際吃落就不知是否同一回事, 下次相約好友時再詢問她的食後感。不過我想都應該印象不深, 因為我倆整個下午只討論過心太軟的食後感。餐茶: 凍奶茶味道正常。如果不喜歡普通餐茶, 這裡還有花茶可選擇, 凍熱皆可。甜品: 期待已久的心太軟終於出場, 急不及待的用匙輕輕一切, 內裡的朱古力流心湧出來, 此刻美極了。我只顧着拍照, 好友不忘提我趁熱吃, 不然凍了效果不佳。心太軟亦是外脆內暖, 流心效果很好, 可是我略嫌過甜, 而且我倆都高估了我們可以各自完成一個心太軟, 吃到一半後已經覺得很漏很滯, 結果用了很耐的時間才能把它們吃完。

Came for a lunch with several friends. Well, during lunchtime this place was very crowded with people. So crowded that i thought we were in tea cafe.There are several lunch sets available. I picked the baby ribs with german sausage. The soup was okay, it was cream of brocolli. Quite nice. Too bad that there was only a choice between soup or salad, did not have choice for soup, only one type is available a day.This was a meat-lover's choice. 'cos i love baby ribs so i picked this choice.

看過網上的食評, 所以我今天和妹妹特登來食這個暖到入心的心太軟---chocolate pudding w/ ice-cream ,見到朱古力漿湧出來, 真是好興奮,有一種視覺的感受 將一匙的少少的chocolate+少少的ice-cream , 再將它放入口, feel 到一啖好暖一啖冰冷, 這種感覺好得意, 甜在我的心間, 有一種扣人心弦的感覺, very good , 真是冇介紹錯焦糖燉旦, 表面的焦糖,用spoon一篤入去, 已聽到crispy 的聲音, 好有聽覺的感覺, 可惜裡的旦不夠熱, 不過好抵食只是$25,都值得一試!!好抵食的tea set, 有bacon,sweet corn, chips, garlic bread , 可以choose coffee, tea , or 果味茶, 有荔枝, 青萍果, 熱情果,蜜桃的fruit tea!!only $35

午市好多人，留位只係留五分鐘，遲少少已經冇左張枱。不過好彩佢都好快安排番張枱比我地。餐湯又係西蘭花忌廉湯。好悶呀！我覺得佢地要多d轉下menu！主菜係雜菌意粉配炸生蠔。兩隻細細既生蠔都幾好味，不過上枱只係微暖，算OK啦。意粉幾彈牙。咖啡：呢度d咖啡一飲就知係即磨，好香濃。午市唔駛加一，Good！

兩星期前來吃晚餐,其實已是第二次來,但兩次都沒帶相機.沒訂位,7pm來碰運氣,安排坐在門口位子,沒關係吧.侍應見我覺冷,主動把冷氣關細,很細心哦!!!點了兩個set, 先來麵飽,和以前不同是沒有了雞肝醬,只供牛油,有點可惜,因它的雞肝醬極好吃,上次還出現不夠醬的情況,但那已是一年多前,現在生意旺了,無暇再做吧.......一個set要了南瓜湯,我則點了沙律,沙律可以吧,但略嫌醬汁不夠.主菜:我點的是parma ham 炒angel hair. Parma ham 切得很少,有點像bacon,還帶點mushroom,有點辣但不太漏.另外點的是蟹肉risotto,試了一口,很creamy,分量較少,但足已飽得吃不下甜點.由於半飽關係,只要了apple crumble. 上次吃過 Cheescake,其實也很懷念,因為印象記得很不錯,但鑑於上次為吃 Cheesecake & Tiramisu,放棄了apple crumble,這次一定要把握機會. Apple crumble即焗,固等了10分鐘左右,隨碟奉上cream,但我較好custard或雪糕,apple crumble較淡口,但蘋果味尚

星期日~去演前來到 la bons~感覺很舒服~不過等的時間長左少少~可能我見到佢地d嘢隔好耐先嚟~變得趕時間吧本身係想嚟試佢地的心太軟同蘋果盅的但都不可能只係食呢2個吧咁叫左2個set lunch~先嚟左湯同沙律~沙律真係可以唔洗要啦.....個湯我地轉左個洋蔥湯~很香很ok~而且個包佢係配芝士粉的~good!then~一個係意粉....三文魚少得可憐~味道一般~淡味左少少但很爽口~真係意粉~唔係快餐嗰d雞扒嗰個汁我真係唔多鍾意了~又甜又酸~同雞唔太夾甜品前~仲有餐茶啦~但甜品先係主角先食淡味少少的蘋果盅good!!!!!!!!!!!!!!!!!!面很脆~~不太甜~~蘋果甜得嚟~唔會太爛~真係好good!心太軟反而冇驚喜~但真係合格以上~而且心有好多朱古力~~唔會話一流出嚟就冇晒~下次要試埋個法式焦糖燉蛋先得~

又係同好朋友D返咗學搵嘢食, 原本想去'波士頓', 但好朋友D話有間食"心太軟"好正,怕咁晏會關門, 但我哋唔理, 一於去碰碰運氣, 好彩無關門, Yeah!!!一入去, 燈光暗暗地, 幾浪漫架! 環境唔錯幾舒服, 但枱與枱的距離就近咗啲啫~我同好朋友D每人都點咗個set 餐湯+餐包南瓜忌廉湯 - OK啦! 幾滑~法包 - 好味! 外面皮脆, 裡面香軟! 正~ 墨汁帶子意粉 其實OK0既, 但我就覺得Aqua好食啲! 仲有呀, 同男仔去食千其唔好擇呢款, 因為食完會... 成口黑晒 忌廉唔知咩筍意大利飯配鵝肝 我幾鍾意呢個飯, 啲飯好煙'UN', 忌廉香滑! 件鵝肝入口即溶, 有少少酒味, 不過外面脆啲就好啦~ 心太軟 好朋友D果然無介紹錯, 蛋糕面香軟, 一叉落去... 嘩! 裡面0既朱古力槳就擁出嚟, 食落仲暖暖地0架! 最正係蛋糕底脆0架~一個蛋糕有三種享受, 最緊要係唔太甜! 正正正~ 熱情果茶好甜, 我唔like 食完晒嘢, 都坐咗好一陣子, 見好似無晒人, 所以就叫埋單走人!當我哋走咗後(約11:15pm), 就見到門口0既燈熄咗, 原來人家要打烊~坐咗咁耐, 都無

呢期同老公都係去灣仔搵食,今期係為左心太軟而去,我地,6:45去到人不是很多,我們被安排最入的位置,裝修簡陋,燈光過份暗,不過價錢算平,老公叫左燒豬,我叫左牛扒,燒豬無乜特別,不過值得一讚既係牛扒好林又易咬,但係食落一D梳打粉既味道都無,幾 GOOD!不過D汁無乜味!對我黎講既主菜其實係甜品心太軟,我地食套餐+$20就有一個心太軟,我地先叫一個,等左大約10分鐘就有,SIZE算大,出面有D仲細少少,外脆內軟,裡面既朱古力真係多到不得了,好正,食完之後再叫多一個,真係好好味,我相信為左呢個心太軟,我都會再去食既!