LA FAMILLE

營業中

休息中

夏天必試白桃！之前都試過呢間餐廳嘅茶味蛋糕， 今次就揀咗水果味， 夏天好似係白桃嘅季節就決定簡依個， 果然冇揀錯！ 所有款式嘅蛋糕都好靚， 本身見到有咁多cream都有啲驚驚， 點知食落唔係太肥， 食完lunch再加個生日小蛋糕夠哂飽， 差啲都食唔曬～btw 生日牌同餐具套裝係要另外買

想同同事來個高質下午茶～選擇去人氣蛋糕店買返公司一齊分享🥰日本🇯🇵柚子人氣皇牌之一，柚子味真係好出，清新香甜，忌廉好多又順滑，配合雜莓更好味日本🇯🇵完熟蜜瓜蛋糕上佈滿一粒粒蜜瓜，飽滿香甜。鬆軟嘅蛋糕加入蜜瓜，呈橙色，咬落香味滿溢大甲香芋黑糖麻糬成個粉紫色😍😍好吸引～ 大甲香芋喺五款蛋糕中，味道最濃郁，配以黑糖麻糬，口感綿密煙韌。桂香玄米綠茶味道清雅幽香，食落有淡淡嘅桂花及茶香，係五款中最清淡。 雙重朱古力朱古力控必食🤣幼滑又甜絲絲，蛋糕上嘅脆脆更是大受歡迎😋搶住食

這是來自朋友如的驚喜🥰🥰朋友知道我一直很愛吃巧克力類的蛋糕🍫所以買了這家的巧克力蛋糕給我❤️Double chocolate chiffon cake🍫$350濃厚雙重朱古力蛋糕！！❤️🍫這是一個能吃能看的戚風蛋糕🤤🍰從外表可以看到蛋糕上滿佈了不同種類的巧克力🍫切開了可以看到裏面也是巧克力味道的戚風蛋糕🍰巧克力味道絕對很重！！🍫🤤而中間則滿佈了忌廉餡料🤤這樣的配搭也很難不好吃吧❤️❤️喜歡巧克力和忌廉的人一定會喜歡💕

因為今日下午有親戚黎屋企，所以諗住買兩個蛋糕仔做下午茶。繼上次食過呢間 la famille 嘅小蛋糕後，今次又買咗兩個之前冇留意到既味道。分別係日本白桃、桂香玄米綠茶。今次一次過買左兩個蛋糕，店員用一個較長身既盒裝、另送紙袋（長一張A4紙），之前買一個蛋糕仔只有一個手挽蛋糕紙盒，若要袋就需要另加錢。因為太心急食，無影到蛋糕 close look😆😆味道方面，日本白桃，真心唔錯，真材實料，中間真是有一大塊白桃，蛋糕中心都有夾雜桃粒，蛋糕味道都好香。至於桂香玄米綠茶蛋糕，綠茶其實都唔係濃，適合一般大眾嘅朋友，我就食不出桂香玄米味道，蛋糕上面表層就有好多cream，係幾滑的，個人感覺就係普通嘅一個綠茶蛋糕。

今日放工嚟咗APM，行經見到La Famille，食過一次心思思好想再食，同埋今次又多咗幾款口味，決定要4件，順便番去同屋企人分享☺️京都焙茶 ($62)- 焙茶味相當濃郁，啱晒鍾意茶嘅我，蛋糕質感好鬆化，有埋高濃度嘅焙茶cream同煙煙韌韌嘅焙茶麻糬作內餡，香濃茶味中和咗蛋糕嘅甜味簡直係💯分好食😚英國伯爵茶 ($56）- 伯爵茶清香嘅味道份外突出，食落係好refreshing，佢啲cream topping甜度控制得恰到好處，一啲都唔膩，好啱鍾情有茶味嘅甜品控☺️焦糖完熟香蕉 ($56)- 香蕉同焦糖嘅味道好明顯，每啖都份外突出，蛋糕嘅cream非常綿密，水果香蕉嘅香同焦糖嘅甜，味道完美融合，令到成個味道昇華幾倍，每啖都好滿足😆斑蘭飄香 ($62)- 斑蘭味道都好香濃，香甜濃郁，入口順滑，兩片樹葉朱古力topping都好好味，配搭軟綿綿嘅蛋糕，口感層次好多元❤️整體四款口味超級高質，別具風味，而且蛋糕設計都好有質感，遲啲有機會會encore或者食埋其他口味hehe😆

一向都好鍾意食La Famille嘅蛋糕，招牌戚風蛋糕質感鬆軟濕潤，有空氣感之餘又有彈性，口感輕盈；而巴伐利亞賣相吸睛，甜而不膩，係視覺同味覺嘅享受！仲會周不時會推出新口味，每次都咁有驚喜！今次經過又忍唔住買返屋企同屋企人開心share！斑蘭飄香 ($62)忌廉口感幼滑，入口有陣陣椰香，仲食到椰子肉，味道清甜不膩，驚喜滿滿。蛋糕入口有天然斑蘭芳香，帶有東南亞風味，味道清新。榛果炭燒咖啡 ($56)上面有榛子同咖啡忌廉，入口散發出陣陣香濃榛子味同咖啡香，加埋粒朱古力脆脆波波，口感豐富。

睇落好細，但For生日3個人食呢個size都夠。食飽飯再同朋友食呢個蛋糕唔會食唔落！第一次買呢間，揀左伯爵茶味嘅蛋糕，超好食！啲cream係唔油膩，岩岩好嘅伯爵茶味，第一次食咁好味嘅cream😂 可能食開日常麵包店買嘅蛋糕都唔會有呢個質素！係會回購嘅蛋糕！

APM 有個 La Famille 的攤檔，在UC層，位於扶手電梯下，令我每次經過總有哈利波特住在樓梯下的場景這個月第二次買他們家的小蛋糕，月頭在收工時間買了個日本柚子小蛋糕，番到屋企掛住食唔記得左影相😆😆 今次特登早點黎到，發現真係唔少蛋糕款式。影左相如下：每次黎買換一款都有排食了，真係不得了😆我今次買了個沖繩黑糖栗子蒙布朗，簡單來說就是粟子小蛋糕。🍰🍰😂😂蛋糕賣相係幾靚始終我唔明，點解呢間店容許每個蛋糕上面嘅朱古力牌全部沾有倒汗水，有影響蛋糕外觀。另外，蛋糕味道唔會太甜，口感都幾豐富，蛋糕入面有白色既Cream，好味。$50-$6X 既大細&質素的確同周圍有賣蛋糕既店比，佢地無疑係幾抵食的。有一點提下，這個攤檔，不收八達通，只收信用卡同現金。而我今次是先在攤檔付款，留了電話，之後在離開商場前返回攤檔取回蛋糕的。

嗰日喺觀塘行吓街，突然比佢間舖頭嘅蛋糕吸引咗👁👁👁 唔係話超級精緻優雅，係俾個價錢吸引咗價錢實在係平得有啲誇張，睇我食評嘅人都知道之前食嗰啲細細件就已經好貴，但係今次成個小型蛋糕只係需要$5x ，見到個下都好驚訝，又驚中伏，所以就上咗OpenRice search左人地d comment 先買先唔講味道，其實我幾鍾意佢個包裝，佢嗰盒仔係可以砌成一個手抽嘅盒仔，同其他蛋糕店嘅蛋糕包裝唔同，望落幾靚但係呢因為疫情關係，我就有少少唔係好想佢砌完之後嘅蛋糕盒係有啲罅隙喺度，心理作用感覺好似唔係咁好😓😓入返正題啦，其實我嗰日揀嘅時候佢啲蛋糕款都賣得7788 ，最後揀左比較鍾意嘅柚子味蛋糕食之前其實都有啲驚佢口感會比較單一，因為外面睇落去佢個戚風蛋糕好似冇咩特🙈但係切開咗之後發覺佢中間都叫做填滿左啲cream，而且啲cream係幾好食嘅嗰一種再加上佢個蛋糕同埋cream都有少少柚子嘅味道，識落清新啱晒而家夏天食整體來講我都好滿意佢哋嘅蛋糕，下一次經過應該會買其他口味試吓

👧🏻😋👅🍽✨La Famille (觀塘APM)五個小蛋糕試多D味, 全家人總有岩食!👨‍👩‍👧‍👦-❣️之前食過La Famille 既大蛋糕, 雖然層次已經好多, 但一家人總有d鍾意水果味, 有d鍾意茶味...❣️上次去門市蛋糕時見到d細既排晒係櫥窗, 其實買幾個都差唔多價錢, 仲有得試唔同款! ❣️放工時間都好多人拎蛋糕, 店員專業得黎都好快手, 唔使點排隊❣️兩個一紙盒, 仲會幫手痴痴個底, 路途顛簸都冇走位!-😁🥜香濃開心果 $65✨外層係開心果朱古力脆皮，中間軟綿綿既香濃開心果蛋糕，最中間仲有cream✨特別之處係佢個好soft既蛋糕入面仲撈左開心果仁, 更有口感-🇯🇵🍊日本柚子 $56✨面頭有莓, 蛋糕就係好fresh既柚子, 係水果味之選~✨除左幼滑既cream, 仲有清甜既柚子香味, 類似係柚皮既甘香-🇯🇵☕️京都焙茶 $62✨好正, 我最愛, 亦係櫥窗貼左"推介"牌之選~✨個樣成杯茶咁好靚啦, 入面不得了, 我覺得佢好大膽✨取左焙茶果陣甘味, 我既sweet tooth家姐仲話好苦, 但我個人勁鍾意, 真係甘唔係苦✨中間仲有煙煙韌韌好似mochi咁既茶味啫喱, 勁特別-🌼🍵桂

就嚟到父親節啦，係時候買返個蛋糕孝敬父親大人👨🏻‍🦳！仲有少少私心🤫慶祝埋自己考牌一take pass🧏🏻‍♀️1️⃣15cm 日本柚子戚風蛋糕 $370材料用左日本高知縣柚子皮, 柚子戚風蛋糕, 北海道Nakazawa鮮忌廉！柚子皮打成果蓉後加咗砂糖慢煮成糖漬柚子醬混入戚風蛋糕裏面，果粒帶柚子的天然果香，姥姥們都表示愛上了！配上幼滑細膩的鮮忌廉，入口清新唔膩。🙆🏻‍♀️美味指數:7.58/10💡整體來講，一定要試吓！La Famille (觀塘)地址🐾:觀塘觀塘道418號創紀之城五期apmUC層UC-SP14號舖

每次經過la famille ，都覺得迷你戚風蛋糕好可愛，亦都聽聞不只賣相好而且味道都好好食。星期日嘅下午經過APM，就買兩件返屋企試吓。王牌士多啤梨戚風蛋糕 $54 Strawberry petite chiffon cake $54以外貌來講真係滿足晒少女心，有六粒士多啤梨在蛋糕面上裝飾，還有一片紅色的啫喱片及金箔作裝飾。賣相都很用心。味道都係好令人驚喜嘅，戚風蛋糕質地濕潤，軟棉棉，甜度剛剛好。日本白桃戚風蛋糕 $60 Japanese peach 🍑 petite chiffon cake $60蛋糕面上有白桃粒同埋兩朵白朱古力花做裝飾，夠晒可愛， 味道都幾驚喜，白桃味都幾出嘅。下次好想試吓其他味道，有13款迷你戚風蛋糕選擇很多。

想試呢款大甲香芋限量版蛋糕一段時間啦！今日趁女兒生日去觀塘分店walk-in買個蛋糕慶祝，驚喜發現呢款蛋糕有現貨😍！店員仲好有心思，幫我設計到塊生日牌好靚呀，多謝晒！食完飯，拎個蛋糕出嚟大家都已經嘩嘩聲啦！切完蛋糕一試，個個都話好好味！連唔好甜嘅老公、婆婆、長期減肥嘅細妹，都忍唔住要再添！🤣🤣🤣好開心大家都喜歡！la famille無令我失望！連親戚齋睇相都讚個蛋糕好靚！希望呢款蛋糕繼續長食長有啦！

▶️屋企人生日，阿妹買返黎慶祝🎉，本身個人唔係特別好食甜品😆今次係第一次食戚風蛋糕🎂都幾驚喜😍😍日本柚子芝士戚風蛋糕🇯🇵🍊🧀🎂同平時食嘅海綿蛋糕口感唔同，個人覺得冇海綿蛋糕咁空氣，口感充實d😁，但係仍然軟綿；柚子既酸甜令到芝士🧀唔會好漏好滯，幾夾幾好食😋⚛️食完之後會鍾意食戚風蛋糕多個海綿蛋糕🤣，食左大大舊都會想繼續食，好少食芝士蛋糕唔會滯，唔錯👍貴係貴d，不過都值😍

復活節連假同屋企人去咗觀塘，喺APM見到呢間好出名嘅蛋糕店。原來除咗大蛋糕仲有啲細細個嘅戚風蛋糕，所以買咗幾個同屋企人分享。總括嚟講佢哋嘅蛋糕都好鬆軟，食落好有彈性好有空氣感。細細個好輕盈，唔使怕食滯！呢間都唔錯，出啲迷你版俾人可以試多幾隻味。大甲香芋黑糖麻薯 $62呢個蛋糕係類似雀巢雪糕嘅芋頭味。中間嘅麻薯係黑糖味，唔會太甜都幾配合返個芋頭忌廉。焦糖完熟香蕉 $56熟過香蕉蓉好甜，但一啲都唔膩。佢嘅cream充滿焦糖嘅香味，幾種甜味加埋好有層次感。英國伯爵茶 $56伯爵茶嘅產品一定唔會中伏，呢個一樣咁正。表面有粒細細地嘅馬卡龍，食落蛋糕入面有啲茶葉，散發出淡淡香氣。食完我即刻沖返杯茶飲下。日本柚子 $56一咬落去有啲柚子果粒，正！日本嘅生果真係甜啲，除咗香之外，口感好清新！瀨戶內檸檬芝士巴伐利亞 $45睇返巴伐利亞係德國南部嘅一個地方，呢個甜品好靚。有啲花同生果係晶瑩通透嘅水信玄餅入面，下面係檸檬芝士味慕絲蛋糕。