LA FAMILLE

營業中

休息中

La Famille作為戚風蛋糕專門店 佢既蛋糕款式繁多 每個蛋糕都有玻璃罩蓋住 有助保持蛋糕既濕度避免蛋糕質地因為雪耐左而變乾今次推介既係一款聖誕特別版栗子戚風蛋糕同埋另一款有麻薯係入面既芋頭戚風蛋糕大甲香芋黑糖麻糬 $62依款蛋糕無論外型定味道都好令人驚艷芋頭採用台灣大甲芋頭 蛋糕有淡淡芋頭味切開個蛋糕會發現中間有一大舊黑糖麻糬感覺好似食緊台式甜品 幾得意👍🏼🎄聖誕特別版「聖誕願望」沖繩黑糖栗子蒙布朗🌟 $65 外圍聖誕樹係由幼滑既栗子泥做成而內層既戚風蛋糕就有淡淡既黑糖味蛋糕嘅外型非常之靚 用黎打卡一流👍🏼

話說我同屋企人都超中意食La Famille既蛋糕架，今日經過APM見到，心血來潮想食，適逢芊芊小朋友就黎生日，就比左藉口我去買黎食。🤫🤣La Famille既蛋糕最特別就係小巧精緻，又多口味選擇，而且入口超鬆軟。☺️💜法國玫瑰🌹玫瑰蛋糕最吸引我的係佢的造型，香濃的玫瑰花味，唔太甜又唔漏，粉粉嘅顏色，特別吸引💗💜 香濃開心果最推介開心果味，而且出邊都好少搵到開心果味既蛋糕。外層卜卜脆，係開心果味既朱古力，仲加埋開心果碎，超超超超超級好食呀！💗😆💜日本日向夏蜜柑🍊出邊都好少見蜜柑味的蛋糕🍰， 忌廉同蛋糕融合得剛好～💜京都焙茶呢款係限定口味黎㗎，專登買試下，果然冇令我失望！咬落去有淡淡焙茶香味，個人覺得超讚！ 焙茶的粉絲們千萬不要錯過啦！☺️

有時想搵一啲細細個嘅生日蛋糕，原來都唔容易，呢一日就搵到 La Famille嘅戚風蛋糕，未食賣相已經贏咗，每個造型細細但係吸睛力超強，今次真係要相機食先🤣❣️大甲香芋黑糖麻糬10cm $62戚風蛋糕較為軟身，蛋糕加上忌廉都富有濃濃嘅香芋味道，反而黑糖麻糬味道就唔係好突出，得個甜味🥸❣️斑蘭飄香10cm $62呢個嘅蛋糕都有濃濃嘅斑蘭蛋糕味道，但忌廉味道偏甜，個人就鍾意大甲香芋多啲🤣❣️皇牌士多啤梨10cm $56呢個極度唔推介❌，蛋糕唔知係咪因為受士多啤梨嘅影響，超級濕，食落口感唔好，士多啤梨都唔甜，失望😮‍💨👅好味度：7.5（10分滿分）呢間嘅戚風蛋糕影相打卡一流，但價錢都較為進取，同埋真係要揀啱口味，如果唔係就會中伏，本身係聽到有開心果味所以特登去買，點知原來一早已經賣晒，下次有機會可以再試下😎

La Famille🌟整體: 由翻學到出嚟做嘢 都好鐘意買佢嚟慶祝生日 細細個 唔會太飽 味道ok 多款口味 價錢相宜🏠環境: 外賣店 冇座位 不過都有少少靚靚打卡位🧑🏻‍🍳服務: ✔️☆║．．．．．．．．．．．．．║☆‼️法國玫瑰 $54好食指數：⭐️⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️⭐️✅ 平時好怕叫rose 嘅蛋糕 多數好睇唔好食 不過呢個做得幾好 個蛋糕食落有好香嘅Rose味 但又唔係好假 好人造味咁 有D驚喜‼️香濃開心果 $54好食指數：⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️⭐️✅ 佢個樣好似綠茶蛋糕咁 同其餘幾個蛋糕唔同 唔係淨係得海綿蛋糕咁 外層仲有加咗層開心果脆皮咁 層次感會再多啲 不過就冇其他幾個咁match‼️ 日本柚子 $50好食指數：⭐️⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️⭐️✅ 呢個係我諗唔到食乜就會揀 食極都唔厭 清新柚子味 唔會有太多柚子嘅苦澀味 ✅ 推薦 未食過la famille 嘅人試下呢款‼️ 日本白桃 $62好食指數：⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️⭐️✅ 對比起法國

平時都會買呢間啲蛋糕俾朋友，今次一口氣買夠4個俾屋企人食。觀塘呢間分店依家大咗好多，仲可以趁機打下卡。#英國伯爵茶 💰56好中意呢款，因為食落真係食到淡淡既茶香味！同埋佢唔會太甜，茶控一定中意。#雙重朱古力💰56朱古力口味已經正，仲要係雙重！🥰好濃既朱古力啊！#大甲香芋黑糖麻糬 💰62呢款既感覺好台灣feel ，有黑糖味又有麻糬！感覺好煙韌，好似食緊珍珠咁！#榛果炭香咖啡 💰56呢款既吸引位係有粒金莎朱古力！😂好正。咖啡味岩岩好，中和返cream既甜度。

今日朋友推介我去買La famille 蛋糕，佢話呢間店舖出名鬆軟，今日一試，果然名不虛傳！大甲香芋黑糖麻糬不嬲都鍾意食啲煙韌野，所以一見到麻糬兩個字已經心心眼！食咗一啖果然冇失望，香芋味重得來帶點黑糖香，麻糬好Q彈！我真係好鍾意😍香濃開心果喺出面唔係咁容易食到開心果味嘅蛋糕，外面係脆皮，裏面係軟林林嘅戚風蛋糕，堅果味香。英國伯爵茶好有茶葉香，口感非常鬆軟，絕對值得回購！京都焙茶以為伯爵茶已經引人入勝，點知呢個京都焙茶一定、一定、一定要試！茶味香濃，有回甘，呢個味道可以話係咁多個蛋糕裏面我最鍾意❤️！

每次經過見都d 蛋糕都覺得好吸引，色彩繽紛又有好多唔同既款式。最鍾意佢mini size 既戚風蛋糕的的骰骰，買幾款番去同屋企人share 就啱晒。可惜收工黎到得番四款味，下次真係要早啲嚟買。✨皇牌士多啤梨：蛋糕濕潤食落軟綿綿幾鬆軟，士多啤梨好甜，d cream 好香滑又唔會太甜，士多啤梨迷嘅我最鍾意。✨日本日向夏蜜柑：呢個蛋糕嘅味道好清新，連d cream 都有蜜柑香味，個柑好多爆汁，不過就有少少酸。✨日本白桃： 白桃香甜多汁，佢d 水果蛋糕真係幾有水準。✨大甲香芋黑糖麻薯：食完三款水果蛋糕，呢款係完全另一個風格。芋頭味超香，中間嘅黑糖麻薯煙煙韌韌幾得意，入邊仲有藍莓。下次一定要早啲嚟，試吓其他味道。

📍保持一貫水準‼️• 精緻戚風蛋糕🤩 -- La Famille🍰🤤=======================La famille時不時都會推出新口味～小編最中佢嘅petite cake，唔單止有好多口味揀，而且大細剛好，可以買幾個同屋企人happy share，咁就可以試下唔同味啦🤩今次就食咗四隻味❣️------------------------------⭐️香濃開心果 $65 (4.5/5)面頭有一層開心果朱古力外殼包住～入面係鬆軟嘅開心果戚風蛋糕，堅果香都幾濃咖🤩加埋忌廉令口感更為濕潤～------------------------------⭐️京都焙茶 $62 (4.4/5)蛋糕體鬆軟濕潤，帶陣陣焙茶甘香！加埋內餡嘅焙茶忌廉味道更濃郁🤩------------------------------⭐️斑蘭椰香 $62 (4.4/5)斑蘭味好突出，陣陣清香～加埋面頭嘅香濃幼滑嘅椰子cream好正🤩------------------------------⭐️大甲香芋麻薯 $62 (4.1/5)夢幻嘅紫色～香芋cream幼滑，加埋香芋蛋糕黑糖麻薯口感幾豐富------------

多謝朋友安排嘅生日蛋糕🎂～呢個係伯爵茶味，蛋糕鬆軟，唔甜，好食👍🏻其實生日當日都特登預訂咗呢間，但誰不知拿返屋企，一開出嚟嘅時候，成個蛋糕歪晒，蛋糕d cream花晒，十分傷心失望～搞到我當日都冇得post我另一半為我預備嘅生日牌😣但我哋係好小心咁拿，因為佢嘅底只係一塊厚紙皮，並唔係好似其他連鎖蛋糕店咁，底盤有個圈圈住，我都反映過意見同情況... 大家小心啲啦...生日正日食嘅係大甲香芋黑糖麻糬，開頭覺得顏色好靚好吸引😍黑糖麻糬煙韌又好味，成個蛋糕、麻糬、cream都少甜，好啱我口味👍🏻👍🏻💰$370/Earl Grey, $380/Taro and Black Sugar Mochi ⭐️4.5星/5星🈵分🚩La Famille (觀塘)📍觀塘觀塘道418號創紀之城五期apmUC層UC-SP14號舖-

每次去開APM都會經過呢間蛋糕店, 因為佢近扶手電梯, 一上電梯就會見到佢, 呢款細蛋糕都幾抵食, 大款蛋糕平均價錢都要300蚊以上, 如果人少少既話, 呢款蛋糕可以啱2-3人食, 而且種類都多, 有十款以上既味道揀, 每款味道有唔同既賣相京都抹茶 - 呢款裡面有抹茶既餡, 唔算太甜, 外層蛋糕濃郁既茶味雙重朱古力 - 上層一粒粒既係燕麥加埋朱古力製成既, 而蛋糕裡面都有朱古力蓉, 味道係比較濃同甜總結 : 戚風蛋糕食咗好似一陣風咁, 呢個SIZE呢個價錢係合理, 都算經濟實惠既, 細細地買嚟慶祝生日

🍭呢間蛋糕店耐唔耐就幫襯下，因為d小蛋糕實在太吸引了，細細個啱曬一個人食🥢雙重朱古力蛋糕朱古力非常香濃，中間仲有朱古力粒，海綿蛋糕濕潤軟棉有彈性，非常好味，唔會太甜同膩，好味，同一般蛋糕好唔同朱古力控必食

今日收工經過Apm，見到呢間La Family d蛋糕仔好吸引🤩買個返屋企食下先，法國玫瑰嘅外表好精緻，好靚嘅粉紅色，食落帶著少少玫瑰嘅清香，蛋糕嘅質感好鬆軟，甜而不膩，好味呢個size 一個人食都冇問題

同事升職請食蛋糕，款式多！賣相靚！差不多全部款式都有，不得不放上網給大家分享！超級大個西餅，要大家同分享吃，才可以每款吃掉，我就喜歡柚子味款式，夠清新感覺👍，還有烘茶也不錯。整體來說蛋糕軟綿綿非常吸引。

夏天必試白桃！之前都試過呢間餐廳嘅茶味蛋糕， 今次就揀咗水果味， 夏天好似係白桃嘅季節就決定簡依個， 果然冇揀錯！ 所有款式嘅蛋糕都好靚， 本身見到有咁多cream都有啲驚驚， 點知食落唔係太肥， 食完lunch再加個生日小蛋糕夠哂飽， 差啲都食唔曬～btw 生日牌同餐具套裝係要另外買

想同同事來個高質下午茶～選擇去人氣蛋糕店買返公司一齊分享🥰日本🇯🇵柚子人氣皇牌之一，柚子味真係好出，清新香甜，忌廉好多又順滑，配合雜莓更好味日本🇯🇵完熟蜜瓜蛋糕上佈滿一粒粒蜜瓜，飽滿香甜。鬆軟嘅蛋糕加入蜜瓜，呈橙色，咬落香味滿溢大甲香芋黑糖麻糬成個粉紫色😍😍好吸引～ 大甲香芋喺五款蛋糕中，味道最濃郁，配以黑糖麻糬，口感綿密煙韌。桂香玄米綠茶味道清雅幽香，食落有淡淡嘅桂花及茶香，係五款中最清淡。 雙重朱古力朱古力控必食🤣幼滑又甜絲絲，蛋糕上嘅脆脆更是大受歡迎😋搶住食