La Kaffa (已結業)

星期日一早起身來到La Kaffa嘆返個All day breakfast, 這裡的早餐是我的favourite. 不但價錢相宜， 而且份量相當大，晏些少來當食個Sunday Brunch都可以。我每次來都會叫呢個黃金法式多士英式早餐，份量很足，有兩條腸，兩塊薯餅，煎雙蛋，黃金多士，沙律菜和茄汁豆。 香腸好食，有少小辣，夠晒惹味。薯餅和煎蛋比較普通， 黃金多士是類似西多士的， 把多士加蛋漿炸成金黃色，好好食。飲品我叫了奶茶，不過這裡的所謂台式奶茶，味道是怪怪的。

今日星期六和家人一起食中午餐，來到迎海，走入了一間西餐廳，餐牌上有很多款式可選擇，不論什麼時候都會供應，最吸引到我的是不同款式的全日英式早餐，有不同配搭，我選了A7，份量十足，每樣食物都差不多打孖上，與價錢相乎。而我特別喜歡兩條不同味道的腸仔，一條芝士，一條辣味，另外，雞扒肉質嫩滑，不會煎到好乾身。餐廳環境都很舒服，侍應送餐都好快手，很適合假日一家大細嘆個下午茶。另外，亦點了烤啡菇漢堡，餡味十足，略嫌薯角有d硬身都不夠脆。

平時係依間食下午茶 /午餐 第一次食晚餐 我唔覺餐牌有咩分別 哈哈 叫左二個餐同一個小食 餐有湯同飲品 （印象中二個都係加$25變餐）我叫左個帶子卡邦尼長通粉帶子好大粒但只有二粒 好快食左 口感爽口既 粉味道好好 不過食左幾啖就覺得好濟 食唔落另一個餐係 一口牛長通粉 牛肉都幾多 但有喲好多根 咬唔到 味道我食左幾舊我覺得岩我口味 小食係炸魷魚圈 出面炸得脆但唔係炸得岩岩好既金黃色 入面既魷魚咬落感覺似係岩岩熟咁既 不過小食仲有薯條 好香脆 依個好食餐湯 我飲落係南瓜湯 而且係南瓜肉打碎黎煮 好重南瓜味 好似（我覺得）不過一日飲左二次 午餐又飲左 哈哈餐飲我要凍紅茶 好香茶味 另一杯凍奶茶係珍珠奶茶果種奶茶 有埋珍珠就完美啦 哈哈總括黎講 我覺得依間野食物果喲都唔錯 另外 食物名我唔太記得 以上係個人意見

香辣蕃茄吉列豬扒飯+香濃奶茶$63鮮茄又酸又甜加埋少少辣味好開胃。塊豬扒夠淋，好食。另外有個特別點係，佢個豬扒同飯既比例係1.5比1，肉係多過飯，呢個安排幾好，因為通常食曬d肉就唔會想齋食飯，會食淨飯，佢依家咁樣就唔會浪費喇。奶茶隻色好淺，似好立克，味道方面係比較台式，奶味重。香煎牛扒早餐加蜂蜜法式吐司$98好豐富、好大份既全日早餐，有西冷牛扒、炒蛋、薯餅、蘑菇，茄汁豆、蜂蜜法式吐司，牛肉有成兩大塊都好足料，厚薄適中，簡單既調味更突顯佢濃濃既牛味，肉唔係淋身既，需要d牙力，但愈趙愈香牛味散發係口腔，正。蜂蜜法式吐司其實姐係西多士，d蜜糖帶有花香味，好食亦好飽草莓梳打$18好飲餐湯$25個餐湯係南瓜忌廉湯，忌廉份量好足好濃。

今日放假好晏先起身諗住都無咩機會食到早餐，點知女朋友話馬鞍山迎海個商場有一間餐廳有全日早餐供應，咁我就同女朋友去咗睇下有乜全日早餐食喇。間餐廳門口裝飾都幾好唔錯，入到去我就同女朋友選擇咗坐窗口位，餐牌裏面有成九款全日早餐過您揀，自己最後揀了荷蘭芝士火腿奄列跟紅茶。跟餐有沙律，粟米，兩塊薯餅，一條芝士腸一條肉腸，兩塊多士，可惜多士比較硬身，而芝士火腿奄列就味道一般。

對於迎海商場裏面既餐廳設計我好滿意環境開陽而且俾人感覺好乾淨今日我就試咗尼間餐廳仔尼間餐廳之前有朋友都介紹過 話喺美孚分店食過都好好味所以就入咗去食咗個下午茶～～～入邊嘅嘢食都係英式早餐嗰啲類型我就叫咗個價錢比較平嘅餐 四十幾蚊包杯紅茶而嗰啲薯餅熱辣辣 好脆身腸仔、滑蛋、多士都好好味唔會話擺咗好耐先攞出來 系即叫即整雖然我今次叫嗰啲嘢食比較普通但係環境食物質素方面我都覺得算係咁呢度環境清幽 又唔會趕你走同朋友一人叫一個餐就可以坐大半日

這陣子心心念念想吃班尼迪克蛋就決定下午過來～還好雖然是紅假等左四張飛不到分鐘就可以進來了～我點了All day breakfast 的經典班尼迪牛油玉米好吃不過蛋有點太水了跟培根和麵包搭起來似乎沒有ㄧ體成形的感覺但這個價錢還行啦肉腸辣的不錯～朋友點英倫列車覺得蛋也ㄧ般總之是好吃啦以這個價錢來說可是這家店居然不能俾信用卡...只能現金身上ㄧ毛都冇嚇的只好到處call out別人送錢過黎還好有找到救星好吃的食物被弄的有點胃痛吃不下整體不錯啦👍

由呢間餐廳開業，一直幫襯都依家，食物味道唔差、種類都多元化。價錢都尚算合理。整間餐廳的服務員，服務態度也很好、親切友善；唯獨有一位男侍應，態度奇差，黑口黑面（已經唔係第一次！）。其實並唔係要侍應笑容滿面，但都唔好係唔係都俾面色班客睇！

今日去左烏溪沙踩單車，之後去左呢間野食晚餐。看看餐牌，咁僻的地方以為食野會便宜D，不過呢頭原來普遍偏貴😓點左辣肉腸長通粉，味道不錯，肉腸算多汁，長通粉煮的時間剛好，正常野，不過份量真係少左d，又無配飲品，唔太抵食。所以就無再叫其他食物。

第二次幫襯,點左杯凍奶茶,点知一d茶味都冇,見到餐牌仲係寫住推介。。真係俾佢呃左,同埋点左個牛柳粒。。牛柳熟得滞,另外意大利飯就不过不失。除左環境吾錯同坐得舒服之外。。d野食真係好麻麻。

突然想食薯餅，所以就同朋友食多次呢間，入到去發現加左價😢 其實新一年都預左架😂 但係你加左咁多但d材料又唔係用番就之前咁好 （已經唔期望你用更好），咁就有d 心有不滿😪1. 茄汁豆換左次一等的牌子，已經唔係最好味果個牌子2. 明明係西多士變左兩塊包3. 雞扒縮左一半水4. 最具特色杯奶茶淡左唔該😡值得一提的是雞蛋水準保持，焗飯個汁好味...其實真係食得出，希望做得餐廳的，加得價都保持番應有的水準或者做得更好😪不再推介，性價比下降😂

星期日開心Day off, 訓到11~12點，爽呀！食咩好呢？！就去食個all day breakfast先馬鞍山迎海，叫左雞排set,正，夠晒飽！充滿力量。全部都係即叫即整，夠熱，薯餅好脆，一定好味過m記啦。注意要耐心等候啊味道唔錯，但油過多。。。食完真係要跑返十個圈。。。油多，食到濟濟地。。。間中食一次都無所謂既，飲品，奶茶是台灣奶茶，好重奶味。。。環境舒服，唔嘈，裝修新淨，地方乾淨。*商場有免費泊車，方便。

少女情懷 "Egg Benedict", 我見到公司同事，人人都講食 , 我即想食 " Egg Benedict", 我約了三五知己去, 大家不約而同叫了一個皇室班尼迪蛋, 一個成功的Benedict, 要有流心蛋黃， 美味既荷蘭醬. 今次我俾佢80分！ 有薯餅， 粟米， 煙肉， 雜菜 和 蕃笳豆， 配搭不錯，而外表好吸引， 但個荷蘭醬， 我覺偏酸 ！ 值得一讚就是水煮蛋整到岩岩好！ 好流心， 成功的Benedict !

一家人開開心心去食英式All Day Breakfast，到達餐廳後需要等位，侍應好體貼給長者椅子，本來很滿意服務，但食物就強差人意…總共五個人叫了四個早餐加一碟意粉，結果等候了差不多十五分鐘早餐都到齊了，英式早餐當然有雞蛋、蘑菇、茄汁豆、香腸、多士、蕃茄、薯餅、可惜沒有煙肉，這個都不是問題，最大問題是等了十五分鐘結果：多士是凍的，其如的食物都是室溫。實在太失望了，好明顯食物是預先煮好，既然是預先煮好，為何要等十五分鐘，因為一份早餐差不多要$80，所以這種食物水平與定價不成正比，老實說任可一間茶餐廳一個$40的早餐都可以做到給客人熱騰騰的食物，相信這點是基本的要求，希望這間餐廳的主持人看到這個食評能加以改善。

黎過幾次食 tea 貪佢少人 唔駛等位 而且食物質素唔錯 環境又坐得舒適雖然每次都要專程由新港城搭一個站去烏溪沙但有時新港城太多人 又要等位就怕怕呢度有all day breakfast 同意粉 漢堡等等選擇 亦有咖啡同其他特飲上次食左all day breakfast 好大份好飽今次食返普通lunch menu 三色椒鮮蝦意粉 飲品就揀左熱綠茶意粉幾彈牙 黑椒味略嫌太多 食到尾都覺得幾辣服務方面就一般般落單果陣感覺態度麻麻唔係咁客氣