La Mensa Grill & Bar (Oasis Place)

營業中

休息中

5：15入座時說可以坐到7：006：15問我們食完沒有如果沒有打算再叫，說因為其他客人早到要我們早點結帳為什麼？我也沒坐過90分鐘為什麼其他客人早到要我們早走？？？？？？？？還要一副沒點餐還不走的樣子？請不要來這餐廳受氣

🍽 今日去咗啟德 Oasis Place 嘅「La Mensa Grill & Bar」，試咗佢哋性價比超高嘅午餐半自助餐，每位只需 $145，就可以享受到主菜+無限量沙拉吧、湯品同甜品，真係又飽又滿足！😋🥩 主菜亮點紐西蘭肋眼牛排+薯條呢道肋眼牛排真係肉食控嘅天堂！牛排煎至外層帶有完美嘅焦香，內裡保持嫩滑多汁，肉味濃郁，熟度亦可以按喜好選擇。配埋香脆金黃嘅薯條，簡單直接但非常滿足！牛排配上特製醬汁更加突出肉香，食完真係令人回味無窮！🥩🍟是日鮮魚+奶油薯泥鮮魚煎得外脆內嫩，魚皮煎到輕輕金黃，魚肉鮮甜嫩滑，每一啖都帶有海洋嘅新鮮味道。配搭幼滑嘅奶油薯泥，奶香味濃郁但唔會過膩，兩者組合一啖魚一啖薯泥，口感豐富，特別啱鍾意清新口味嘅朋友！🐟🥔🥗 無限量湯品和沙拉吧Chicken Lettuce Salad呢個雞肉生菜沙律非常清新爽口，雞肉嫩滑，配上脆口嘅生菜，食落去清爽唔膩，係一個好開胃嘅選擇！🥗Couscous Sweet Potato Salad呢款沙律都好清新，couscous 粒粒分明，有好多唔同種類嘅生果蔬菜，食落去層次感十足，係一個比較特別嘅沙律選擇，唔妨一試！🍠Cold Pla

｜啟德墨西哥菜🇲🇽Happy Friday想放鬆吓食chill啲聚會…呢間位於啟德嘅墨西哥餐廳就好啱🎶 侍應主要講英文，半開放式座位，望住出面大空地都幾舒服。墨西哥菜必點taco，餡料可選蝦、牛、雞。為免食到唔新鮮的蝦，最後點了雞。估唔到比到驚喜我地，啲雞好入味。個醬汁剛好，辣度同酸度平衡做得好好，牛油果蓉更係增添絲滑感覺。值得一讚佢個薯條好重本，完全冇諗過佢會俾咁多份量同埋鋪滿松露醬同埋芝士🧀仲有sour cream ! 食呢個都好滿足。唯一係個花枝蛤蜊義大利麵汁有點太酸，整體都不錯。🧉松露薯條 HKD78TRUFFIE FRITIESFrench fries, black truffle, mozzarella cheese🧉墨西哥塔可（雞肉） HKD130Mexican taco (chicken)Sour cream, guacamole, tomato salsa🧉花枝蛤蜊義大利麵 HKD150SOUID PASTA WITH CLAMSFresh clam & white wine sauce

行完啟德新商場sogo打卡 順便喺附近行吓發現一間好多異國情調嘅西餐廳 - La Mensa Grill & Bar 餐廳空間好闊落 燈光昏暗 好有氣氛 屬於半開放式西餐廳 非常啱一班朋友聚埋飲嘢 享受Happy hour～🔹我哋嗌咗PARMA HAM PIZZA🍕見到寫住自製PIZZA 果然有驚喜🤤Pizza底薄 熱辣辣 邊緣金黃色且脆 煙韌好食 帕馬火腿份量好足 熱辣辣嘅芝士同帕馬火腿mix得啱啱好 整體口感層次分明 同frd食晒個披薩已經有8成飽啦🙈🔹雞肉牛油果漢堡🍔份量都好大 一擺上台就睇到勁大塊嘅雞扒 雞肉嫩滑 加埋營養豐富嘅牛油果 酸黃瓜 搭配撒上孜然粉嘅薯條 薯條係新鮮炸嘅 仲係好熱 想要蛋白質和健康脂肪嘅你可以食吓呢款漢堡包 美味又健康😊🔸飲品方面都好多選擇 邊食嘢邊望住公園 感覺好舒服 食完仲可以喺附近散吓步 下次會再過嚟 收工約埋同事飲🍸🍹chill chill

今日過咗嚟啟德，休閒嘅星期日早上，想揾返間Chill啲嘅餐廳🍴係Airside對面有間好精緻，裝修超有feel，係好有異國風情嘅西餐廳😍餐廳有酒巴，相信夜晚一定更加有feel❤️🔶雞肉墨西哥夾餅🌮一份入面大約有幾多6件，兩塊墨西哥餅入邊夾住咗雞肉同芝士等食材🤤另外，佢仲會配埋牛油果醬、乳酪醬同莎莎醬，酸酸甜甜，好開胃！🔶卡邦尼意大利麵煙肉🥓佢好香脆，食落好香，味道好夠，蛋味好濃郁，麵條熟度剛好，醬汁會包裹全部一樣嘅食材同埋麵條，好正❤️推薦嚟到啟德真係可以嚟嘗試下😍

🍗燒烤雞肉Pizza $160pizza外皮焗得金黃挺身，而且比預期中大份又足料。底又唔會太厚，咬落唔會好lum身🤤烤雞肉質鮮嫩多汁，配埋燒烤醬嘅獨特煙燻味，整體口感豐富～醬汁嘅微甜同香濃，配合甜椒嘅清脆，同埋洋蔥的香氣，咬落去真係啖啖好滋味。🦑墨魚汁蟹肉義大利麵 $148啲麵口感彈牙，煮得恰到好處，吸收咗濃郁嘅墨魚汁，每一口都充滿海洋嘅鮮味。墨魚汁嘅香氣同味道，搭配竟足料嘅蟹肉，蟹肉鮮甜，質感細膩！不得不提嘅係櫻桃蕃茄嘅加入為呢道菜增添咗亮點，佢嘅酸甜味同墨魚汁嘅濃烈形成一定對比，清新嘅感覺令整個菜式更加豐富。仲有香菜嘅加成，食落去完全又唔會覺得油膩！😚加分嘅係餐廳落咗小小橄欖油，令成道菜望落更吸引，同埋食落好滑🤩如果係蟹肉意粉嘅愛好者嘅話，強烈推薦大家試吓～

經過啟德Airside見到呢間餐廳平時夜晚好多外國人飲酒好chill今次lunch time黎試下MUSHROOM RAVIOLI $155意大利雲吞好特別仲要係自家制，雲吞皮食落真係好似意粉/千層麵嘅口感比較有咬口但又唔會好硬煮得啱啱好黑松露味十分之香🤤內餡有菠菜加埋cream sauce好好食！MEXICAN TACO （CHICKEN） $130雞肉配合sour cream，檸檬酸酸辣辣幾開胃👍🏻BANANA MILKSHAKE $78AVACADO MILKSHAKE $78兩款milkshake嘅奶味都好重幾香而且唔會太甜✨TIRAMISU $80整體蛋糕份量都頗大件而且食落唔會好甜，咖啡味又唔會太苦蛋糕口感鬆軟✨日頭黎可以見到外面個景色都好舒服而且都有卡位坐，又唔會吵平時夜晚如果同朋友飲返杯相信都好正🥂

在繁忙的工作週中，尋找一個舒適的地方享受午餐是一件非常重要的事情🤎😃 要俾自己好好休息吓～ 最近喺啟德附近工作，於是就去咗呢間餐廳 La Mensa Grill and Bar 試下佢地lunch set ☺️《湯品與沙律》Lunch set 包左無限供應的湯品同沙律☺️當日的湯是濃郁的海鮮忌廉湯😍接著是沙律，同埋Cold cut 亦有火腿同埋芝士🤎 呢啲前菜都係令人好開胃 ～《主菜》我們點了M1套餐的新西蘭肋眼扒和M2套餐的是日精選烤魚。新西蘭肋眼扒🤎呢份肋眼扒的份量相當可觀，肉質鮮嫩多汁，熟度我地揀左medium rare 恰到好處，外焦內嫩。搭配的配菜是香烤時蔬，時蔬的清甜恰好中和了肉的油膩感，讓整體口感豐富而不膩。搭配的燒汁醬亦增添了層次感😆是日精選烤魚🤎呢道烤魚則是另一番風味，魚肉鮮嫩，外皮微脆，保留了魚的鮮美。配搭上香草和檸檬腌製，使得魚肉的味道更添清新。這道菜的搭配我地揀左薯條😆 炸得香脆可口 甜品☺️甜品部分佢包咗任食，今日嘅甜品款式係Banana Cake 剛剛好都唔算好甜 🤎整得好香～ 總評整體來說 🫶🏻這次的午餐體驗讓我非常滿意～從環境、服務到每一道菜，都展現出餐廳的用

突然之間好想同屋企人食西餐，於是上網搵，見到好多人都推介呢一間啟德開嘅西餐廳，周邊嘅環境都好舒服，仲可以比動物去，係今日嘅好去處，所以於是同朋友嚟試吓估唔到呢個質素好高，而且價錢經濟實惠，餐廳裝修都非常美麗，尤其是個酒吧枱，燈光會不停轉顏色，非常有感覺，而且呢度嘅服務質素好高，全部嘅侍應雖然講英文，但係都好有禮貌好有耐性咁解釋比朋友聽，服務好主動，所以呢喺度食飯真係好開心呀，全部都大大件，差唔多係超濃厚嘅蕃茄湯裏面仲有通粉真係非常有誠意，睇得出廚師好有心機為客人準備食物呀，而且個沙律仲比出面更加大份，有勁多芝士同沙律，真係好健康，食咗個前菜都覺得已經飽了，而且佢哋嘅牛扒都係好好食，肉質鮮嫩，而且有分分部得好平均，每一點都可以整到七成熟，肉質鮮嫩，而且仲可以保留扒類嘅美味，真係值得推介💗💗

上星期約左朋友去啟德airside食晚飯，佢介紹去依間La Mensa Grill& Bar,因為想試佢地嘅生蠔。我地都點左一份$238蚊嘅晚市套餐。前菜先來餐湯、SALAD和烤麵包。我地加左$110 ，有6隻新鮮去殼蠔，隻隻肥美鮮甜。主菜來了，10安士嘅上等腰肉牛排，份量十足，肉味夠濃，配菜有波多貝羅蘑菇、葡萄酒番茄、柏瑪森芝士，令主菜增添色彩。另一個主菜BBQ HALF RIBS 配薯條，豬肋肉肉質嫰滑，與BBQ 醬真係好夾。各自點左一杯紅酒和白酒，依個套餐價錢有紅酒和白酒，真係物超所值。

好耐之前係荃灣分店食過，印象不錯估唔到啟德都開左餐廳燈光昏暗，好有氣氛見到Set dinner幾吸引，而且唔算太貴都前菜，主菜同酒類飲品蘑菇湯配蒜蓉麵包蘑菇湯好creamy，仲飲到一粒粒嘅蘑菇好有口感，蒜蓉包香脆芝士沙律沙律新鮮爽口，酸酸甜甜好開胃另一set就加左$110要左6隻新鮮生蠔雖然細細隻，但都幾肥美鮮甜上等腰肉牛排煎烤至5分熟，肉質鮮嫩同時也保留牛扒多汁旁邊仲都沙律菜可以中和一下食肉太多嘅油膩感BBQ半排骨份量十足，肉唔會燒得太乾BBQ醬幾突出薯條炸得香脆難得咁Chill點都要飲返杯

今日lunch time第一次和友人來這餐廳，實在有驚喜，十分推薦大家來！餐廳設有自助吧，有沙律，有湯，有麵包，有甜品，全部自助任拎。岩晒想要健康飲食或者食量大的朋友。而且湯和沙律味道都好新鮮，不是平價菜，有多種類的高品質蔬菜。我們點了lunch set, 主菜揀左一份新西蘭肋眼排配烤蔬菜和一份是日精選烤魚配薯蓉，不得不讚，兩碟都好好食！也可跟飯或者意粉或者薯條。牛排烤得很有炭香，份量比想像中大份和厚切！烤魚魚肉十分嫰滑，味道清香並鮮味無窮。薯蓉的牛油味好香，係真薯蓉。lunch set包埋一杯野飲，確實是CP值好高又單質好的一間西餐廳！餐廳環境有格調，適合同朋友黎傾計。如果經過啟德，一定要黎試下！位置就係地鐵站出囗一出就見到。

話說局長哩排去左啟德附近巡視 見到原來啟德都發展得似模似樣成為左一個可以自給自足既新發展區 而且入面亦都係美鄰美喚令我留下左一個非常深刻嘅印象 咁一場黎到又無理由唔食下野飲返兩杯嘅所以就去左啟德坊附近一間幾有格調既酒吧餐廳食一食飯D酒水又幾抵WO 唔貴咁第一時間一定要叫返杯飲先咁局長一行二人都 見到個二人SET又幾抵WO 就叫左啦要左一份沙津同一份餐湯沙律非常爽脆新鮮 水份都充足DRESSING岩岩好唔會太酸/唔夠 唔會有臭青味餐湯係蕃茄 好FRESH 飲完勁開胃亦都好濃 餐包配左蕃茄 都係以開胃為主然後加左生蠔 6件先110蚊無理由唔加既黎到既SIZE比想像中大隻同飽滿當然唔係去到美國蠔果隻肥美 但真係唔錯而且食落都有返相應既海水味同金屬味0異味 FIRM到!主菜叫左RIBS同埋牛扒講真你二人餐每人先238 跟兩份咁既SIZE既主菜仲有咩好講? 自己煮都無咁平啦 仲要講緊個味道係好好牛豬都非常多汁 而且生熟程度係我預想之中 非常之啱啱好OVERALL質素極高 超乎想像!

位於啟德站嘅La Mensa Grill and Bar，無疑係一間值得一試嘅餐廳，特別對於有寵物嘅家庭來講，呢度嘅環境非常友善，容許寵物進入，讓你可以同心愛嘅毛孩一齊享受美食。餐廳空間好闊落，非常啱一班朋友聚埋飲嘢，享受愉快嘅時光。我點咗「肉食愛好者披薩」，售價$165。呢款披薩嘅配料相當豐富，包括燒烤醬、意大利香腸、辣香腸片、薩拉米、雞肉、火腿同埋馬蘇里拉芝士。每口都可以品嚐到唔同肉類嘅濃郁風味，燒烤醬嘅甜香同肉類嘅鹹香互相交融，令整體口感層次分明。披薩底薄脆，配上滿滿嘅芝士，實在係肉食愛好者嘅最愛❤️我亦叫咗「牛肉千層麵」，價格$155。呢道菜以自家製醬料為基礎，搭配意大利麵同奶油調味醬，呈現出濃郁嘅奶香味。牛肉質感細膩，與醬汁融合得恰到好處，每口都感受到豐富嘅肉香。搭配嘅蒜蓉麵包外脆內軟，完美吸收千層麵嘅醬汁，出色👍🏽

I recently visited La Mensa Grill & Bar at Oasis Place during lunchtime, and the bustling atmosphere made it clear that this place is a popular choice. The crowd is a testament to its reputation, and I was eager to see what all the buzz was about.Butter Chicken and NaanI ordered the Butter Chicken with naan, and the portion was impressively generous—definitely enough for a grown man. The chicken was tender and soft, making it easy to enjoy. The sauce was rich and creamy, though I found it a bit