La Mensa Grill & Bar (Plaza 88)

營業中

休息中

星期日去到, 先發現冇lunch set 😂睇openrice 一路以為weekend 都有😅但一場來到, 都入去試試啦!叫左meatball spaghetti, 意粉我哋自己煮就會al dente 啲, 不過依個都可以接受, 蕃膏味都好出, meatball 個調味幾好,,唔會鹹, 有4粒HK$146另叫左meat lover pizza, 有 rocket 鋪面. 肉就都係個啲啦, 雞肉、火腿，本身以為有salami😆個pizza 係barbeque sauce 底☺️另可以揀thick 或 thin crust HK$170餐廳另收加一如果呢個商場有泊車優惠就好喇🥲°°°°°°°°°°°°°°°°°°°°°°°°°°°°°°Book La Mensa Grill & Bar 📍 荃灣楊屋道88號Plaza 88地下5-7號舖#MrsLong #hk #hkmami #hkbloggermama #Longs #influencer #hkmom #mamablogger #香港美食 #餐廳推介 #hkfoodie #親子好去處 #假日好去處 #香港探店 #foodieshk #h

同朋友嚟荃灣食晏，之前幫襯過啟德 Oasis Place 地下嗰間「La Mensa Grill & Bar」，原來荃灣都有分店〜〜餐廳主打多國菜，店內裝潢別緻，設有室內和戶外座位，環境好 chill，帶異國情調，非常適合同朋友嚟聚餐。我哋點咗 2 份 Set Lunch，套餐包是日精選餐湯或沙律、主菜、甜品、咖啡/茶 or 汽水，價錢由 $98 起，定價合理。今日嘅餐湯係雜菜湯，湯身熱焫焫，用料好豐富，內有紅蘿蔔、青豆、椰菜、粟米粒、紫洋蔥同甜椒等，入口帶微微辣勁，飲完成身暖笠笠。主菜揀咗Chicken Saltimboca 烤雞肉捲 ($120) 同 Pan Fried Salmon Steak 煎三文魚扒 ($125)。雞胸肉賣相好靚，外皮煎至金黃色，中間裹上了一層 Parma Ham；雞肉嫩滑又多汁，火腿鹹鹹香香，配檸檬奶油醬吃，增香解膩。配菜有BB甘筍、長柄西蘭花、小棠菜及沙律菜等，膳食纖維多到數唔晒，有營又健康。至於另一客煎三文魚扒，賣相亦非常美觀，擺盤用心細緻。三文魚窄長肉嫩，魚香不俗，近皮位置帶脆，配面層嘅奶油芥末醬吃，更見香滑。是日精選甜品為布朗尼，外形小巧精美，入口

平時好少喺荃灣食lunch，難得今日放假，約咗朋友出嚟行街食飯，經過見到呢間多國菜，見到其他人食決定入去試吓🤪Set lunch都幾多選擇，基本嘅意粉同牛扒都有，最特別係有印度咖喱同pizza 揀，而且仲包埋餐湯/沙律，甜品、飲品，呢個價錢包咁多野都唔錯☺️✨餐湯 西蘭花忌廉湯蒜蓉包夠脆！西蘭花忌廉湯綿密幼滑，每啖都好多西蘭花蕾，夠哂飽肚暖胃✨沙律🥗煙三文魚沙律菜，沙律菜新鮮配搭酸甜沙律醬非常開胃✨新西蘭肋眼扒我地嗌咗medium 但黎到既時候變咗全熟咁上下 無血水😂不過都唔緊要 我地照食，食落都多肉汁，但肉質有點乾，整體還好唔算太出色✨牛油咖喱雞配大蒜烤餅估唔到印度咖喱反而更出色，因為香料味唔算太多食落更岩香港人口味，咖喱微辣香甜非常惹味真係食到唔停口👅大蒜烤餅熱辣辣又鬆脆，只係蒜味唔算突出✨芝麻吞拿魚魚塊平時餐廳既吞拿魚魚塊比較粉紅色，而依家望落就比較熟，食落都不錯 芒果莎莎醬微酸甜甜地都幾match ✨甜品 布朗尼平時嘅布朗尼外脆內軟好似朱古力咁，尼間整法似布朗尼蛋糕偏鬆軟，甜度適中不錯

同老婆之前行過Plaza 88商場都有見到依間西餐廳好特別裝修時尚 內裡給人一種非常舒服的酒吧感覺所以今日於去試一試佢😋我地晚上7點左右到 內裡大約得一兩枱客左右但最後全場爆滿😂大家記得book好枱先我地安排坐卡位 卡位非常寬敞餐枱上的水 內有一棵大大薄荷葉配上閃爍LED枱燈 已營造一種浪漫氣氛😍食物方面 我地點咗餐湯一黎到已聞到有好香嘅黑松露味道😋飲落口感豐富 餐湯夠熱 即叫即整👍🏻另外我地亦都點咗野生蘑菇意大利麵同埋牛油咖喱雞配大蒜烤餅野生蘑菇意大利麵有濃濃嘅菇香配上忌廉 口感飽滿 眼見好似得小小意大利但其實好足夠兩人份量我同老婆亦覺得非常好食😋👍🏻牛咖喱雞配大蒜烤餅碟頭好大😂有4大塊烤餅可點牛油咖喱黎食雞件份量多 雞肉嫩滑 亦很入味咖喱味特別 唔會太辣 適合大眾口味但兩人食就會太飽 因為咖喱加咗牛油食落好飽滿😋最後甜品方面我同太太點左蘋果金寶同埋香草焦糖布丁賣相非常靚之餘 我地兩個最後都係食唔哂😂焦糖布丁做得好細滑香濃 水準十分之高薄薄焦糖脆亦做得很恰當 唔會太甜夠2-3人作最後甜點都可以😋蘋果金寶用上非常之熱嘅煎pan送上配上雲呢拿雪糕同埋香脆穀麥粒還有小許肉桂醬汁非常傳統英式

位置：La Mensa Grill & Bar (Plaza 88) (荃灣)荃灣楊屋道88號Plaza 88地下5-7號舖(唔洗行入商場，間舖係商場外圍）食後感：高質浪漫西餐廳，每碟份量都好大份，味道都唔錯。眼見侍應全部係外國人，待客都非常有禮。味道：精選餐湯（松露蘑菇）（$75）忌廉黑松露湯，黑松露勁香，奶味濃郁，配埋蒜茸包，正到爆，佢蒜茸包焗到岩岩好，食落唔會介口。野生蘑菇意大利麵（$142）餐湯已經咁正，本身以為同餐湯一樣味，點知呢個意粉更加有驚喜，蘑菇味超突出，份量又多，食到好滿足。牛油咖喱雞（$182）唔食得辣既朋友要小心啦，佢應該有十小至三小辣咁辣，牛油雞唔會太重香料味，配埋塊印度蒜茸烤餅，塊烤餅重長過塊面，小小酸小小辣，好惹味。甜品香草焦糖布丁（$80）依個甜品係凍既，布丁夠滑夠奶，配埋焦糖脆面，好有口感。蘋果金寶（$80）蘋果酸甜度岩岩好，件數又夠多，食落有小小八角味，食完即卡消滯。好味指數：蘑菇意粉世一，下次再黎我一定要食返蘑菇意粉

食完覺得呢度係lunch 既幾好選擇，野食好食，地方夠大又坐得舒服，約人傾計食野不二選擇Set lunch 都幾多選擇，包餐湯或沙律，主菜同飲品，樣樣都好吸引！個蒜蓉包暖暖地，好脆，好香蒜蓉味！蔬菜湯夠濃又滑。加左個韓醬雞翼剛炸起，超熱，外皮炸脆，內裡既肉好嫩滑！點埋辣辣地既韓醬，好惹味！主菜叫左rib eye steak 好大塊，都算厚身，唔會太薄，食落有口感。牛扒煎到好香，切開入面好嫩滑，稔稔的，好香牛味！yummy!配菜既薯條係粗薯，炸到卜卜脆，好味！芝士蛋糕芝士味好濃，好幼滑，配合士多啤梨醬既香甜味，兩者好夾，好好味！呢個+$20，抵食！士多啤梨奶昔外表已經好吸入，飲落係香甜既士多啤梨味，仲食到粒粒果肉，好好味！好滿足既一餐！

今日同朋友嚟呢個商場玩完室內活動就順便食埋晚飯，揀咗呢間都好有氣氛嘅西餐廳，呢到樓底好高，位置闊落，係好好嘅聚會地方揀左墨西哥油炸玉米餅同埋手撕豬肉pizza，等食物期間留意到餐廳都好有聖誕氣氛，好寫意轉頭食物就準備好，其實個油炸玉米餅（Quesadilla）唔係炸咁油膩，佢係用煎香嘅玉米餅上下夾住芝士同埋配料喺中間食落係外脆內軟，裏面嘅配料亦都非常之香，有芝士同雞肉，而且佢仲會配埋牛油果醬，蕃茄莎莎醬同埋酸奶油配搭一齊食，所以每啖都有唔同嘅味道同口感，呢個唔係咁多餐廳都有得食所以值得推介至於個手撕豬肉pizza，貌相同樣非常美觀吸引，批底似手拉批底，有少許咬勁同厚底，比起美式薄餅勁好食。Pizza好香，除左手撕豬肉仲有好多配料，洋蔥，芫茜辣椒同埋墨西哥胡椒，食落非常濃香又惹味，好滋味令人忍唔住一件又一件咁食。

同朋友行荃新天地二期，心血來潮想探索下睇下附近係咩環境，無啦啦就發現原來行前多少少附近就有一個叫Plaza 88嘅商場，經過見到呢間裝修非常之有格調嘅La Mensa Grill & Bar！除咗餐廳佈置到好有聖誕氣氛之外，呢到食物選擇亦好多，有墨西哥菜、亞洲菜、意大利菜等等，就決定同朋友坐低食下啦～美國肋眼扒💰HK$37014盎司肋眼扒肉好厚超大塊，七成熟剛剛好，唔會太生又唔會太老，勁Juicy，點埋黑椒汁更惹味！薯條炸到黃金酥脆，香脆可口，旁邊嘅沙律菜可以中和一下食肉太多嘅油膩感，整體味道都相當之唔錯～牛肉意大利千層麵💰HK$155最推薦呢個千層麵，熱辣辣新鮮出爐，勁多芝士，望住勁多拉絲嘅感覺好治癒，牛肉味香濃，啲牛肉醬酸酸甜甜加埋口感軟糯嘅麵片，絕對值得一試～Mango Smoothie💰HK$75賣相好靚，飲落唔會好甜，比較偏重牛奶味，個味道好似食緊芒果布甸咁，好好飲～整體來講，呢到環境舒適，而且食物又美味，真係好適合放假或者收工之後過嚟chill一chill～

食品不錯, 可是有極差極差的用餐經驗, 事緣我地今日在別的app用了折扣和coupon訂座用餐完畢埋單的時候, 餐廳經理竟然說coupon不能使用, 但事實我們訂座的時候確實有使用到而且有截圖為証但餐廳經理說什麼系統用不到, 藉詞推塘, 堅持說不能用, 最離譜竟然叫我地報警, 態度直頭不知所謂警察到了建議我地到平台及消委會投訴, 之後我地一定用報案紙再到相關機構follow up

Plaza 88 地下的餐廳 位置不起眼 偏偏一入餐廳就見到好多人聚會緊。餐廳內待應都係外國人。Calamari Ring魷魚圈 $135魷魚炸得好香 肉厚但不靭 輕微鹽調味就已經帶出鮮味US Ribeye Steak 美國肋眼排14 oz $370 助眼排肉厚，五成熟煎得剛剛好，唔過老肉邊煎到好脆口，但中間肉質仲可以保留軟嫩，外脆內軟，一流！伴菜沙律唔錯，可以一解膩感，薯條正常發揮。Prosciutto E Funghi 蘑菇火腿Pizza Thin $168Pizza 叫左薄底，勁多芝士Pizza 面不手軟，放上大大片意大利火腿，但略微太大塊，單獨食係會少少咸。但配上火箭菜，餅底一齊食就好食，出色！火腿獨特香味依舊濃厚。

行過見到原先知荃灣都有酒吧餐廳，仲要有戶外同室內位，感覺幾有外國渡假feel。雖然唔算好近mtr，係荃灣站同荃灣西站中間，但附近有屋苑，感覺幾方便同唔難搵。戶外既位置都幾舒適，唔近馬路，非常pet friendly。當日見到有隻好cute但好大隻既黑狗仔。裝修風格有點復古既感覺，但無話好似油尖旺酒吧咁黑沉沉，感覺幾輕鬆自在。呢日係平日同時間尚早，唔洗等位直入。Seafood Paella 海鮮飯$210材料同賣相都十分豐富，，飯既軟度剛好，每粒飯粒都被帶有海鮮味既蕃茄汁包裹住，滋味！蝦好大隻，仲輕輕燒過，有油香。Lamb Curry 咖哩羊肉配烤餅$135望落去同印度餐廳食既差唔多樣，味道都有差不多既水準。Nann溫度好夠，而且香而不膩。同朋友分享同配啤酒食就最perfect啦。

住荃灣既同事推介呢間酒吧餐廳，讚食物水評高同埋好有酒吧放假chill既氣氛。見呢日黎開荃灣探朋友，當然要捉埋個朋友黎試下。室外位方便有毛孩既朋友仔。室內環境就比巿區既酒吧寧靜，見有唔少一家大細既食客。呢度提供既菜式都幾國際化，例如有印度既：Lamb Curry 咖哩羊肉配烤餅咖哩既辣度係X仔10小辣，羊羶味不強，口味都幾大眾化。烤餅感覺幾有印度風味，傾向薄同埋有陣牛油香，口感彈牙，麵皮也很有層次，唔會被咖哩羊肉既味道完全蓋過。味道幾岩我口味，唔洗10分鐘就KO左半份。Grilled Barramundi Fillet 烤澳洲肺魚片賣相幾靚，無論味道、口感同色菜都好繽紛，只係我影相技術還正進步中。第一次食澳洲肺魚片，佢絲滑既口感好正，烤過既魚皮仲有時會酥脆既效果。環境氣氛都好Chill，就算有好多食客，都夠寧靜傾密計。餐牌既選擇不少。仲有甜品。

喺荃灣行街，經過Plaza 88 時見到呢間餐廳裝修唔錯，睇落好chill! 仲有好多聖誕🎄裝飾，好有氣氛🥳再睇下餐牌，午市套餐包餐湯/沙律和餐茶，仲可以加錢要小食和甜品，價錢非常相宜。🤗我同朋友午市時間到達，就一人叫一客午市套餐先😎 我地叫咗Ribeye Steak及Spaghetti Bolognese， 飲品叫咗Iced Mocha同Iced Americano 。 套餐包餐湯或者沙律，我地兩客都跟餐湯🤤🤤餐湯仲跟咗一塊蒜容法包！ 正！🤡Ribeye Steak- 可以揀熟成度！我地揀三成，唔會over 或under cooked, 好岩我地口味😝😝Spaghetti Bolognese- 肉醬帶有唔少肉碎，意粉煮得Al dente! 好味！Iced Mocha- 有少少微苦，唔太甜，唔錯！Iced Americano - 正常發揮😋😋😋食到咁上下，見到隔離枱的芝士蛋糕望落好吸引，再見到原來除咗芝士蛋糕仲有朱古力brownie 揀，於是就加錢叫咗各一🤩🤩 滿足下女人既甜品胃🥳🥳Cheesecake - 係偏硬既芝士蛋糕，類似new York cheesecake 面頭有士多啤梨🍓

今日帶小朋友去荃灣玩通常親子遊都係去愉景新城因為夠Baby Friendly 又多BB嘢買今次去咗一個比較新嘅商場就係映日灣隔離嘅plaza 88入邊有個好大嘅playhouse 同小朋友放完電 夜晚就搵餐廳醫肚大人細路都玩到咁攰 就梗係唔想郁喺返呢個商場度覓食行行吓就見到呢一間餐廳 喺G/F佢環境好chill 可以坐室內亦可以坐戶外如果係Couple咁嚟 一定揀室外 又有氣氛，依家啲天氣又唔太熱唔太凍我哋今次同B嚟 就坐返入面好彩我哋都比較早 啱啱仲有兩張枱本身以為呢啲咁有feel嘅餐廳應該都唔會太Baby Friendly點知一去到 waiter就好有禮貌咁搬埋BB凳仲要幫我抹埋呢樣真係未食，已經加晒分🤣媽媽們應該會懂的另一樣嘢令到呢間餐廳好啱帶小朋友嚟嘅係佢有一部超級大電視！仲要播緊兒童節目估唔到呢啲咁有氣氛 好似bar咁嘅西餐廳會咁Baby friendly🤣Bb睇到入晒神 我哋就可以專心睇Menu嗌嘢食如果係同friend嚟 佢嘅happy hour同埋生蠔餐都真係好抵食！我見在場都唔少人又嗌我哋同小朋友 就嗌返一啲熱食我哋嗌呢三碟courses都十分之有水準！10分10分推

想係荃灣飲嘢，搵間酒吧餐廳可以坐得舒舒服服真係唔容易，啲食物通常只係炸薯條、意粉呢啲簡單嘢。今次搵到plaza88呢頭搵到呢間唔錯嘅酒吧餐廳。餐廳係plaza88地面，係商場係入唔到去，要係外圍入口入去，餐廳樓底好高，有餐枱有高枱，全部都係南亞女侍應，要用英文溝通。主要食有pizza、意粉、漢堡包。Pizza有好多口味，又有厚薄揀，唔似加熱啲半成品，幾有誠意。我哋叫嗰個Meat Lover，有salami 、雞肉、火腿、豬肉，絕對滿足胃口。另外叫嗰個肉醬千層麵都做得幾好，熱辣辣，芝士又多，比起一般連所店更加好。