La Terrazza Bar & Grill (已結業)

之前紀念日去左沙田大會堂樓上餐廳慶祝食飯🍽呢道dinner set 有餐湯，餐包，餐飲🍲🍹好抵食餐湯是忌廉磨菇湯🍲好濃郁😚餐包是自家製麵包配橄欖油及黑醋🥖餐飲是凍蘋果茶🍎🍹煎南海大蝦伴帶子黑松露忌廉汁配意大利寬條麵$158 set 🍝🦐大蝦新鮮彈牙！好味💛帶子都算中型！香又脆💛個汁唔算creamy但好濃好夾寬條麵軟硬度適中😋😋份量都算多呀 女孩子一定夠飽😍另一個主菜係美國安格斯肉眼牛扒 (9安士) $208牛扒好大塊好冧我叫左4成熟但係我覺得有少少overcook, 不過絕對唔算係韌🙌🏻 肉味就差少少 要用芥末醬搭夠🤓重點重點就是跟餐加＄30就可以有一件cake當天的是藍莓芝士蛋糕切餅🍰味道還好吧～餐廳空間感很大，光度十足😍略嫌有點嘈吵跟朋友慶祝食飯或是gathering也是個好選擇💓

尋日 (5-1-2018 Fri) 為team head慶生食飯,一行10人o黎呢間食,大家睇完menu各有心水,每人食自己o個份餐,再叫一個$248.00o既L餐脆燒原隻豬手伴香辣薯條及酸紅椰菜share食.落完單,先奉上自家製麵包.麵包唔算細個,暖暖地帶少少甜味,口感鬆軟,蘸橄欖油同意大利黑醋同食, 我覺得意大利黑醋哽o左啲.之後到加$20.00o既餐湯,係蘑菇忌廉湯,有好多蘑菇,但味道唔會太濃,o岩o岩好.然後到主菜,我就要$158.00 o既I,厚切豬扒配焦糖蘋果伴蜜糖車厘子汁及時蔬,睇見份量唔細,時蔬o係厚切豬扒下面,有荷蘭豆外,重有三個薯仔,同一件好有特色,切成正立方體o既西蘭花蒸蛋.開動喇,豬扒o既厚度約有2-2.5厘米,有少少彈牙唔羶,個汁亦幾好味.而時蔬呢,都唔好睇少o個幾個薯仔,因為都好甜,而o個個西蘭花蒸蛋係有創意o既.o係每人都各自食自己o既主菜時,脆燒原隻豬手伴香辣薯條及酸紅椰菜到o黎,香辣薯條我食唔到辣味,所以食多幾條;而豬手呢,皮脆肉滑,味道又唔鹹,OK o既.最後上o既蘋果茶,我要熱o既,好甜,佢o地預先落o既應該係蜜糖,但多o左少少,而茶係順滑o既.味

平時行沙田shopping 完就直接商場入面食飯如果唔係同事介紹真係唔知沙田有呢間西餐廳店內店外環境都一支棒，不錯！今日有點凍選擇室內的Dinner選擇雖然不是多(以set為主）但好食的幾款就已足夠 整體食物都很好，特別蘑菇湯巧想添飲餐前麵包夠軟（但不敢吃多，怕吃不下主菜）另Order左一個香芒生果沙律$168(2人份量)但其實足夠4個人享用個芒果汁簡直係成個沙律既靈魂太美味沙律食到一半已感覺飽主菜揀左個豬手同埋蒜香青口意粉豬手味道唔錯，皮夠脆！伴菜🍟都好好食唯一要改善既係食物溫度可以暖返D唔知係咪我地沙律食太耐而隻豬手又早已整定好等我地叫上菜既關係凍左唯一感到少少失望蒜香青口意粉帶點清新的感覺原本以為會好漏，點知又無👍服務我覺得幾好，可能是日不是太忙會再次光顧希望下次水準仍可保持或更好

要係沙田新城市搵間靜靜地，傾下計既餐廳....真係有d難度。而大會堂樓上既呢間就最適合不過。選擇都算多，但就貴左d!最後叫左個星期二精選。（忘記影相）豬扒夠大夠多，但唔夠豬味。薯條和沙律都ok。最好味係個足料磨菇湯。可以舒舒服服坐底食野都唔錯！可以慢慢同朋友傾下計！！！另外，客人唔多、但服務生手腳慢，高瘦部長都唔太留意客人召喚。服務質素有待提升。環境的確一流！會再來幫襯！希望部長會見到我舉手🙋！

好耐冇黎呢度食飯，襯今晚凉凉地，約埋啲朋友上嚟食飯，由於冇訂枱，所以坐咗係戶外。 啲食物保持到水準，豬手仲係咁正，羊膝仍然好淋入哂味。 稍為驚喜是各款生啤買一送一至11月尾，服務員介紹咗麒麟，話淡口啲容易入口，仲係特別版"沙冰"款，正!

Lunch係上班一族其中一個最開心既時候，短短個幾鐘既relax,能為下半場叉電，所以坐得舒服係必要既，當然食物也不可以太差。今次介紹既係位於沙田大會堂旁邊既西餐廳。入囗在平台那間酒樓的樓梯，唔住呢區其實真係未必識去。Lunch menu方面，除左有每日特選午餐，還有1+2+3的選擇。今次試既係白酒煮青口意粉，一般出去食，一碟通常得5、6隻，但呢到食，令人有種青口比意粉多的感覺，一上枱成碟都係青口😆，味道方面，亦很香，一邊食一邊散出陣陣酒味👍🏻，如果個汁煮得再乾身少少就會更好。至於環境方面，外面既陽光照入餐廳內，𥚃面望出去又夠開揚，差點令我以為自己放緊假。食飽飯，發完夢，下半場人都輕鬆D💪🏻💪🏻

呢間餐廳喺天台一樓一上左黎就俾佢播緊的鋼琴background music吸引左呢間餐廳分室內 同埋 室外的dining area 出面好浪漫 但sadly佢唔俾我地坐出面但室內環境都幾靚四個女仔叫左四個set個忌廉湯味道好淡 又略嫌過稠沙律都麻麻地主食黎講叫左 燒豬手 比目魚意大利飯 帶子寬條麵 同埋 燒春雞其實risotto同埋pasta都太creamy 食到好濟燒春雞就中規中矩燒豬手就好正豬手皮夠脆 肉質又好 d薯條都炸得好香不過呢到d service認真麻麻d waiter成日趕住收野落左的request又要追3, 4次先有responseoverall黎講性價比偏低

朋友介紹大會堂有好野食驚無位，lunch先book位唔難搵。。。行去大會堂平台有個位上樓梯就到風景幾靚可惜落過雨，坐室外驚有蚊同濕，同埋又怕熱揀返室內坐好啲但入到餐廳。。。聞到好大陣油煙味，餐廳抽風系統好有問題餐廳見到好多family係度食，幾張長枱坐左幾家人我地點左2個lunch set都好快來到餐茶係蘋果茶，凍熱都可以叫，不用加錢，反而叫咖啡奶茶就要加錢，咁唯有叫蘋果茶個蘋果茶有好少好少好輕微嘅蘋果味，少少甜，個茶咪紅茶底，無乜特別。。。。不過唔緊要，飲乜都無所謂跟餐餐包來，我唔太識欣賞白色包，好似江蘇餅feel，黑醋同橄欖油放係枱任你落，但同個包好似唔多夾好快上2個主食我叫左蒜香紅椒白酒煮青口意粉一上枱見到好多青口，發達喇青口係整得幾好味不過啲味落唔到意粉個度，意粉好淡口，好似白烚，煮好先放青口上面咁另一個叫左車打芝士牛肉漢堡配香辣薯條薯條炸得燶不過個漢堡幾好食，牛肉好juicy食完成份都比較heavy已經飽晒不過整體感覺，有啲失望，仲以為搵到穩世正餐廳，多數沙田食肆好多人㗎嘛，大會2堂應該唔多人知有餐廳不過今次食完就完全唔會再有下次一來空氣問題，好焗好大油煙二來係lunch都偏

一班人在星期六中午要揾食，確實艱難。不過這裡在沙田市中心就比較容易。環境也不錯，設計簡約，如果天氣好，室外也是不錯的選擇。似乎這裏也可以作婚禮場地餐牌上都有很多選擇，海鮮、牛、羊、雞任君選擇，我們走點了各種不同口味。白酒煮青口意粉、烤春雞、煎大嘏伴帶子黑松露忌廉闊條麵、慢煮燴羊膝、安格斯肉眼扒、厚切豬扒、香煎魚柳等各項美食。總括來説味道可以，當然不是一試難忘，以人少少，地方寬闊，整潔、服務也不錯，這樣環境中吃飯，也算不錯👍

今次約左個好耐無見的朋友食個飯傾個計，所以諗住揾間靜靜地的餐廳。專登遠離商場個邊，去到沙田大會堂樓上的一間西餐廳。我地7點已經坐到，環境舒適，唔會太迫。睇睇Menu先，有Set，選擇性都好多，令各位食肉獸、健康人士、餓鬼們都有適合的菜色。個餐有杯冷/熱蘋果茶、一個沙律/湯、一個主菜。大家都可以另加$30要多件蛋糕。先上左個前菜同飲品。蘋果茶好清香又唔會太甜，幾好飲！今日係蘑菇湯，湯入面好多菇，唔會係罐頭湯。朋友叫左柚子沙律，蔬菜都好新鮮脆口，加埋少量的柚子肉，好開胃！佢個餐包會焗過先拎出黎，勁好味！真正的外脆內軟，仲要有好香的麵包味！我的主菜叫左「香煎比目魚柳配青豆蓉伴野菌意大利飯」。意大利飯用左青豆蓉去煮，好夠味唔會太淡，不過飯煮得太耐，導致D飯粒唔夠咬口。煎的比目魚肉滑皮脆，非常好食！朋友叫左「煎南海大蝦伴帶子黑松露忌廉汁配意大利寬條麵」。黑松露汁夠香，食落濃。最值得一讚的是煎蝦同煎帶子，煎得非常香口，推薦大家去試一試！題外話，如果大家有Enjoy信用卡，可以係星期一至四會有9折優惠架！

連續忙了多個星期六後，這個週六終於可以睡到自然醒，然後去嘆番個Brunch，好好享受下悠閒時光。贈送的包算幾香軟。蘋果飲品清淡。香草烤春雞伴精巧沙律及香辣薯條，淡淡香草味，肉靭香草春雞經烤焗後偏乾，薯條過濃過硬歐陸極緻扒肉腸并香辣薯條及酸辣椰菜三款德式香腸，身形瘦削的腸肉入口更爽滑，味道較溫和，身形肥大的腸肉味道最清淡，配菜有德式紫椰菜，肉吃得多，吃d配菜有解膩的作用，各種肉腸的口感各自不同，綿的，脆的，爽的，薯條過硬

今晚同男朋友去沙田行一田同食飯，知道中央公園大會堂上面有間西餐廳氣氛幾好，就上去撐枱腳，這晚明明唔係好多人，但店員好似好忙碌走來走去，不過一直冇同我地酙水......喝死我贈送餐參飲品，個包暖暖嘅都幾好食我叫左個難吃的車打芝士雞肉漢堡伴香辣薯條，包中嘅芝士勁細塊，雞肉厚薄適中，但乾靱，欠缺雞肉味，煙肉煎得又乾又濃，包並不軟稔，我最鍾意嘅薯條🤦🏻‍♀️炸到好燶好乾佢叫左個煎南海大蝦伴帶子黑松露忌廉汁配意大利闊條麵，大蝦與帶子只有兩隻，味道有牛油味，意粉滲出淡淡的黑松露香味

今晚去左沙田大會堂樓上呢間餐廳，8點幾入座都仲係好多人。兩個人order左兩個dinner set。Dinner set已經包左凍蘋果茶，自家制麵包，沙律或者忌廉磨菇湯。兩個main分別係美國安格斯肉眼扒九安士配時蔬燒汁 $208，同埋蒜香紅椒白酒煮青口意粉 $138。安格斯肉眼扒選左medium rare，好大塊既牛扒旁邊有黑椒汁同芥末醬伴碗，配菜唔算多，牛扒略肥，不過好正。青口意粉份量多，青口好入味，湯底既白酒味好濃，好足料 👍🏻

今晚相約朋友同朋友囡囡gathering，當然要揀間可以坐得耐、坐得舒服、環境好又好食嘅餐廳。哩間就係家姐個老闆推薦，果然無介紹錯喺沙田大會堂側面樓梯行上去就係，可以揀坐露天或室內，哩幾日都有落雨🌧坐返入面好d 但夜晚哩個位 如果無雲可以睇到好多星星🌟⭐️✨情侶拍拖/周年紀念日黎就岩晒set dinner 會有餐湯、餐飲及包，餐湯係粒粒磨菇湯個包好好食，好軟熟，甜甜的，好似outback黑糖麵包咁，會令人掛住嘅麵包我就點左個雞肉Burger (噢！又係burger! I m burger queen!) 哩個好好味啊！剩食個包都好食，有燕麥香。塊雞肉好好食架！多數burger中間塊肉會咸d，但哩個唔會太咸，又滑又有肉汁，夾埋芝士、蕃茄、雞脾菇一齊食，超正！ 塊煙肉太硬太燶...所以我放棄無食對哩間餐廳心心眼，所以決定叫埋甜品，點知個芝士蛋糕好難食，係！好！難！食！佢賣相唔錯，可惜...大家見唔見到！入面係超多提子乾！哇！超奇怪！勁唔夾！無乜芝士味！口感係鬆散的mousse 咁所以大家千祈唔好叫哩個甜品啊！！！！

已經不是第一次到LA TERRAZZA用餐，幾個舊同學聚會，但全部都係女仔，七咀八舌，想搵個可以坐耐D，唔洗食食吓要交枱既地方聚腳，所以就去左LA TERRAZZA。環境清優一向係佢既賣點，沙田少有可以BOOK位既地方，所以假日要喺沙田食飯就會選擇哩度。我地得六個女仔，有D菜式都好大碟，所以就選左四個SET，磨菇忌廉湯一如以往都係足料，好多磨菇粒，所以磨菇味道都好香濃。跟住就上左個肉腸併盤，裡面有多種既腸配搭，其實只係哩碟腸都已經好飽肚，但最HIGHLIGHT既其實係個紅椰菜，有少少酸酸甜甜，配埋D腸一齊食會無咁溜。大蝦伴帶子黑松露忌廉汁配寬條面個汁好好味，不過要襯熱食，因為我地掛住傾計，所以臨尾食既時候，忌廉汁已經凍左，但佢熱辣辣既時候，配埋黑松露既味道係好香既。豬手一如以往的好，好鍾意食佢既豬手，唔咸而且好有膠質，一大班女仔當然要補補骨膠原哪，同埋人多一齊食一隻豬手，無咁溜之餘，隻豬手多人分享仲會特別好味。比目魚柳配青豆蓉野菌意大利飯都好味，好鍾意個飯咁多汁，食落唔會好痴口，汁既味道都好濃郁，如果同我一樣係「汁怪」就會好欣賞哩個飯。總括而言，食飯當日係假日，其實無BOOK位都幾多人