La Terrazza Bar & Grill (已結業)

叫咗兩個set dinner 1.前菜佢嘅忌廉湯好濃郁，夠creamy，係用真蘑菇打成，絕對唔似罐頭湯😝而個麵包鬆軟，搽牛油或拎黎點湯食都啱。餐飲叫左蘋果紅茶，略甜。2.主菜一海大蝦伴帶子黑松露忌廉汁配意大利闊條麵🤣個名勁長🤣🤣🤣香噴噴，黑松露忌廉汁正！😝❤️隻大蝦彈牙，唔會梅，而隻帶子好鮮甜❤️影近d，等你欣賞下粒帶子🤤🤤3.主菜二燒春雞，肉質嫩滑，皮薄香脆，唔錯！薯條正正常常，而沙律係用麻醬，點會唔好食?😝😝

朋友收山榮休今晚一行五人齊齊 Gathering 一翻，由我選地點就 La terrazza，戶外戶內食煙飲酒全面周到。🍻戶外空間自由感大，舉杯暢飲一個字 「爽」🍷真係爽都有點凍，因為今日得 12度仲好大風，我們還是返回室內再飲。🍴淨飲都要有佳餚，先來個餐湯同餐廳自家制麵包填下個肚，麵包超好食，😋我們不夠喉仲單獨叫多五隻。🍴飲酒就當然配肉類，相對無咁易醉，德國豬手最具代表，香脆不油膩！這份是配燒肋骨，燒骨就有點乾身，薯條好食香軟！🍴另一份都是豬手，但這份是配燒春雞，我比較喜歡燒菠蘿正點因其清香甜美可口。🍴香草羊扒燒春雞拼德國腸，嘩！我喜愛食肉朋友真係滿足到呢！🥳📖晚餐款項同價錢都相當抵食，酒水就略微貴了點！這裡除了環境服務都不錯，我們一班人都非常盡慶！有緣再聚喇！

聖誕節來到位於沙田的La Terrazza, 走過充滿人的新城市中心，找到河邊的一點寧靜。餐廳分成兩區，室內及室外。聖誕夜沒有訂坐，直接walk in，沒有太多人，亦不嘈吵。更沒有那種聖誕大餐限定，跟平日一樣，只是多了一點溫和的聖誕音樂。感覺很好，坐在河邊，跟友人傾著傾著不想離開。這次點了蒜香紅椒白酒煮青口和焗豬仔骨併德國腸配薯條，食物味道不過不失。在缺乏人手的聖誕夜，亦感覺到侍應在努力照顧每位客人。整體評價十分高的餐廳。

上到去，諗住悠閒坐下飲野，唔咸唔淡經理一開口講最低消費每人100，好睇唔起人語。咁靚既環境，差到爆既服務態度100蚊當做善事怪晤得假期都無人，今時今日咁既服務真係🤦‍♀️

和家人來這裏食晚餐，選擇在戶外坐，環境還好，不是太多人，檯與檯之間的空間合適。 餐牌也有亮燈設備，挺貼心。但第一個失望位是點餐時，只有套餐選擇，食物基本上沒有a la carte（除了飲品外）。 第二個失望位是套餐飲品只有蘋果茶，選擇未免太限制吧？茶餐廳跟餐起碼都可以選咖啡奶茶檸茶。 第三個失望位是套餐的麵包送上時，由侍應逐個夾，讓我感覺不太好，像food rationing一樣。而侍應看見檯上只有兩個麵包，還給了我們三碟牛油， 我不明白只有兩個麵包給我們三碟牛油幹嗎？食物質素也只是一般。蘋果茶太甜，意粉的醬像和湯的一樣。 上兩次日頭來時感覺也沒有這麼差，這次覺得真的失望了。 

來過幾次這間餐廳了，有次經理仲很好客地送了甜品俾我同朋友😊次次都同朋友傾幾個鐘以上，是一個談心的好地方，星期六日都唔洗點等位...而且外面係bar、裡面是restaurant，感覺就更chill😋但今次無甜品送，哈哈每次的餐湯都係必點的，因為..你看看、幾足料呀。但無論邊款餐包都好，都係有點硬厚切的豬扒有濃濃的肉汁流出，加埋青蘋果汁酸酸甜甜的味道，真係可以令肚子飽得很有滿足感飲品可選熱或者涷的蘋果茶，都幾甜，建議飲完飲返多少少水，哈哈😄

餐廳對住沙田城門河 環境非常舒服的有室內及室外 室外環境更加舒服 飲嘢首選如果同朋友食飯兼飲嘢 呢間一定係唔錯嘅選擇!打去訂位 先知原來分two round seating 1st round 18:00-20:002nd round 20:30-23:00如果你間relax嘅餐廳要分時段 感覺有啲束博食都食得有啲趕 又坐低、點餐、到全部食物到枱分分鐘用餐時間只有一個鐘多少少...三個人各自點了三人set dinner 頭盤：蘑菇湯-蘑菇蓉幾多 但可惜個湯唔夠熱接近凍既！麵包只有一件！好寒酸囉！！Main course:叫咗個牛扒medium-結果牛扒全熟嘅！！唔信可以睇相！你話有冇搞錯😡😡朋友食春雞-冇味之餘 又係凍嘅!!食飯最緊要啲嘢食新鮮同埋夠熱囉!!整體來講食物水準超級差!!另外未夠8點已經要人走!!趕喉趕命咁！

天氣轉涼...............沙田商場內的餐廳都很多人.......來到鄰近大會堂的一間西餐廳.......有室外和室內.........選了室外的位置......有梳化位.....看著城門河....感覺真寫意.....！夜晚有set menu的.......... 點了小食炸籃........... 配上白酒.........十分配....！👍🏻👍🏻👍🏻👍🏻又選了我最喜愛的羊架了..........味道還可👍🏻

婚宴準時入到去結果無擺到我地張枱，要賓客企成粒鐘，話因為要等到室外簽紙儀式先會set室外的枱。嗰時個心已經唔多高興。新人簽完紙，set完枱，太陽勁曬。兩張枱諗住擺一把陽傘就算數，要人叫先擺多一把，仲開玩笑話「曬下日光浴」，好在佢都算好人，肯幫我地擺多把遮。但係總體而言，坐位安排方面真係大扣分。雖然係咁，但係餐飲部員工服務唔錯，態度殷勤。見到有個女仔話啲湯好熱拎唔到，啲staff會主動幫佢，呢樣幾抵讚👍🏻今日食到、飲到的，只有少量令我留下印象：1. 蘑菇湯唔錯，清楚見到一粒粒菇之餘，菇香撲鼻而不膩。2. 炸蝦天婦羅蝦算大隻，脆得嚟唔算油膩。3. 芒果布甸細細件芒果味濃郁、有果肉。可惜因為太陽太曬而曬溶咗😂4. 芝士蛋糕(?)細細件易入口，芝士味足，餅底好味，連我唔鐘意芝士酥味都覺得ok5. 蘋果汁Sorry，真係無嘢講到蘋果汁都要攞出嚟講😂我全場最欣賞係杯蘋果汁，真係好好飲，不過一定唔係鮮榨架啦。至於其他嘢食，好遺憾，只屬普通水平。總括而言，間舖如果想吸引更多人去搞婚宴，坐位安排、餐飲方面要做多點功夫。唔好浪費咗近河、有清涼海風、近註冊處呢啲優勢。

諗食生日飯，有咩啱auntie，怕太多肉唔食、煎炸唔食，海鮮唔食⋯但又要揀啲平時少去食嘅、又食過好味道嘅餐廳。思前想後揀咗呢間之前食過個豬手好食，環境唔錯嘅餐廳。三日前打電話booking三位，本想食7pm，但餐廳話分段晚餐時間：6-8/8-end。咁就照book6-8了。6:35先到餐廳（己在樓梯影咗陣相～有燈泡裝飾的樓梯拱門），上到去門口問我哋有無booking，試吓話無會不會有得唔限時，點知都係要8點交枱⋯再帶位時問要室內定室外，睇咗陣室內的枱揀室外，但怕外面有人食煙所以要番室內枱啦。座位排得幾迫、四人枱唔太夠位放4人份的食物（好在我哋三人食）。叫咗兩份餐分三人食，先嚟麵包同湯：之後再嚟飲品同主菜：個豬手還是好味、但拼上有點少。（下次要叫番全隻，因為個龍蝦尾都麻麻。）而闊麵仍舊香噴噴。最後7:30已送單要埋，反正都食完時間啱啱好。去埋廁所再走人。出到去再喺平台影咗陣相，呢間下次同朋友嚟食都ok喎。

喺沙田行街，想搵午餐食，又想同陽光接觸，第一時間諗起大會堂上面有間餐廳，有室內及室外座位供選擇，其實呢度好多人喺樓下完成結婚上嚟食飯，都係一個唔錯嘅選擇！因為室內環境幾靚，依家餐廳係美X集團旗下所以都有保證，今次我哋選擇咗室外，秋涼有風，所以好舒服又可以接觸陽光，叫左個lunch set ,煎蛋車打芝士波特菇和牛漢堡包伴沙律$138，有蘋果茶（感覺都好健康而且唔甜)，忌廉蘑菇濃湯，蘑菇湯非常香濃，而且仲食到粒粒蘑菇，感覺非常足料，餐包，係自家製焗，非常香軟，配上橄欖油加黑醋食，法國餐口味，正，煎蛋車打芝士波特菇和牛漢堡包，包外少少脆，微微煎香內軟，煎蛋流汁，車打芝士香濃，菇焗烤多汁，和牛煎得香，肉鬆軟，正

同好耐無見既朋友食飯 佢提議黎呢間 覺得可以食完飯坐下飲杯酒聊天 露天又可以食煙 環境不錯8:00一上到去 發現無人係門口無人招待 好少西餐會咁😳 就自己去左露天求其搵左一張櫈坐 坐底一排有服務員過黎問幾多位 然後話露天10點會有活動 佢9點30分就要清場set場 就問介唔介意坐到9:30 如果介意可以安排翻我地坐室內 但因為我朋友8:45先會到 我地就問可唔可以9:30到時先入去 當然就話到時可能無位 但其實平日 我地肉眼見都唔多客 最後都話要換就而加換 到時9:30唔知安唔安排到 然後我就廢是理到時先算 我地因為仲要等另1朋友半個鐘 所以2人打算先叫杯酒 再叫套餐叫主菜後上 先吃前菜 叫左2個套餐先上餐包同餐湯同2杯雞尾酒 之後無幾耐有個女服務員 穿過樹木突然出現我地身旁 然後話 吧台冧檔 改個不用調的酒 或改其他飲料，我和朋友好驚訝 我第一次聽太忙叫我唔好飲既理由 呢個係理由嗎？ 我地都很吃驚地回應那就不要了 其實選擇餐廳就是想喝杯酒 女生都對啤酒不大興趣 一大枝又覺得太多 非常失望為什麼可以用太忙來拒絕客人的菜單 你用別的理由或者我會比較能接受 感覺太沒有誠意 我們叫了2個套餐

通常有節日紀念，就好鍾意嚟到呢間餐廳最鍾意係佢好浪漫嘅氣氛，如果秋天嘅話，露天嘅地方仲會有風好舒服，適合三五知己，或者情侶去傾吓計飲吓嘢而食物來講，好鍾意佢嗰個青蘋果茶，同埋個蘑菇湯，仲有啲伴菜蘑菇湯好多蘑菇，好濃，好好飲而且蘋果茶淡地，我都好鍾意主食來講，份量適中，而且煮法用心，係好食今次叫咗呢個羊膝，好多肉最鍾意佢個伴菜，係紫薯蓉總括來講，呢間餐廳氣氛好，嘢食又好味，最重要係價錢唔算貴，10分推介！

趁weekend 同啲friend 喺沙田搵個無咁多人(但又要就腳), 環境ok, 食物不錯又價錢合理嘅地方, 真係一啲都唔容易! 今次, 我哋搵到喇!位於沙田新城市廣場上蓋, 大會堂天台花園嘅 La Terrazza Bar & Grill, 真係一次過滿足晒以上嘅N 個’願望’! 餐廳環境寬敞舒適, 光猛宜人, 裝潢簡約而有格調.佢啲set lunch 都幾吸引! 而且價錢唔算太貴.個忌廉蘑菇湯好creamy, 粒粒蘑菇口感十足.就連個自家製麵包都有驚喜! 超新鮮軟熟!配埋清新嘅蘋果茶.煎蛋車打芝士波特菇和牛漢堡包伴沙律份量十足, 波特菇好juicy, 漢堡彈牙, 整體味道不錯.香草烤春雞配精巧沙律及薯條烤雞肉嫩可口, 薯條香脆, 亦係份量十足!由於已經好飽, 所以無加甜品. 總括而言: 超滿足, 值得推介!

久聞這間隱藏在沙田大會堂的精美餐廳，環境食物俱佳。有事到沙田一趟，見新城市廣場充斥的是排隊人龍，就想起到較偏僻的la terraza 試試。可能因為期望太高，雖然食物水準中上，但價錢有點偏貴，服務相當一般，也沒有湯和甜品。試一次可以了。