LaLa Bar

營業中

休息中

雞肉軟骨丸子墨魚丸大蝦橄欖油意粉： 這道意粉是我在自選意粉的配搭，我可以根據自己的口味和偏好自由搭配。大蝦，肉質鮮甜多汁，搭配雞肉軟骨丸子和墨魚丸，增添了豐富的口感和鮮美的海味。淋上優質橄欖油，每一口都充滿了層次和風味，體驗到自選的樂趣和多樣性。魚餅炸魷魚圈黑椒汁意粉： 這道意粉我配搭海鮮為主，品嚐到多種海鮮的美味。酥脆的炸魷魚圈，外皮酥脆，內裡鮮嫩多汁，每一口都充滿了海洋的鮮味。搭配鮮美的魚餅，淋上濃郁的黑椒汁，給你帶來絕妙的口感享受。無論你是海鮮愛好者還是黑椒控，這款自選意粉都能滿足你的味蕾需求。自由選擇，隨心搭配，體驗自選意粉的無限可能。

初次去呢間酒吧食午餐，正！先來碟黑松露雜菌忌廉汁燴飯，軟滑中帶點咬口，每一粒米飯都包裹住松露嘅醇香，滿滿嘅雜菌仲有咁輕微嘅嚼勁，食落真係過癮（👏）！再轉戰櫻花蝦蒜片蝦炒意粉，蒜香四溢，微微嘅辣激發味蕾，咝咝熱辣，麵條爽口得嚟不失彈性，同櫻花蝦嘅鹹香真係match得嚟（🌶️）！雖然大蝦啱晒口味，不過如果可以再入味啲，咁就正到不得了！食完之後，坐咗一會，周圍嘅環境都幾chill，職員服務都親切，真係食得開心鬼滯，下次聚會要預埋呢度喇（🍻）！

平安夜的晚上，與朋友們到LaLa Bar，位於旺角太平道3號1樓。以前到過幾次，都是坐在房內，今次沒有訂房。任飲 ～ 男$350、女$250，晚餐🍴 ～ 大蝦雞肉牛柳絲意粉$78、LaLa餃皇兩碟$136、 多肉香腸pizza$118、 炸雞兩件韓式辣醬$78、 炸雞兩件原味$68、 串燒拼盤$98、 迷你蛇餅腸$88。 ▪️大蝦雞肉牛柳絲意粉🍝 ～ 可以自己選配料， 但整體味道普通。   ▪️LaLa餃皇🥟 ～ 點了兩碟，一碟有三大件， 味道不錯，但唔夠熱。 ▪️多肉香腸pizza🍕 ～ 好一般， 餅底厚實。 ▪️炸雞兩件韓式辣醬 & 炸雞兩件原味🍗 ～ 雞肉口感好乾， 韓式辣醬沒有驚喜。 ▪️串燒拼盤🍢 ～ 沙爹醬有好重油益味， 雞肉和牛肉都唔好食。 ▪️迷你蛇餅腸🥨 ～ 腸仔味道正常，比較其他菜式算係好。 個人感覺，食物質素整體普通😉。 🏷️溫馨提示～ 整個用餐體驗均屬個人分享意見， 只作參考😊。

今次嚟到旺角LaLaBar 試下佢個午餐，午餐menu是自選套餐，有好多唔同嘅選擇啦，醬料餸菜可以自由配搭，我哋就嗌咗白汁煙三文魚炸魚意粉和蒜蜜汁蝦炸魚意粉，兩個都唔錯，可能係平日啦，嗰日我哋去就冇乜人，好舒服 😀

無諗過⋯旺角酒吧嘅lunch set 可以咁好食🔥🔥🔥🔥櫻花蝦蒜片辣汁大蝦炒意粉（連飲品）-$68從擺盤已經睇得出好用心 香味十足😘👍🏻爆多櫻花蝦舖面。除左有蒜片味，仲落左辣汁去炒，非常野味，食完一啖又一啖🤤不過食唔到辣🥵嘅朋友仔千萬不要嘗試啦～黑松露雜菌忌廉汁燴飯（連飲品)-$58超香黑松露🥴配埋雜菌 食落口好香雖然用忌廉汁做底 但唔會太膩整體呢個燴飯 材料同調味 做得十分好👍🏻海鮮炸物拼盤-$118炸物拼盤有魚餅、蟹鉗、魷魚、蠔、蝦仔最鐘意係炸蝦🍤仔，原隻連殼同頭食，配埋啤酒🍻真係一流

lunch set 跟熱飲*****************************lala bar應該主打飲酒而且有大量掟鏢機見到餐廳嘅setting之後對嘢食就冇抱期望但係竟然幾有驚喜✨***🥢黑松露雜菌忌廉汁燴飯 $58呢個燴飯有驚喜！黑松露非常香而且每一啖都食到雜菌👍🏻鋪面嘅菇菇乾好加分有菇味有咬口同燴飯意外地夾🥳***🥢櫻花蝦蒜片大蝦炒意粉 $68一入口竟然有意料之外嘅辣😂但係唔算好辣👍🏻蝦都幾大隻同爽口櫻花蝦好多 但係味道比較淡個人覺得燴飯好食啲😗

蒲開旺角嘅大家相信都總有幾個場袋住以防不時之需😂今日介紹一間靚場比大家！除咗飲酒仲可以嚟食飯！今日嚟到旺角嘅Lala Bar唔係劈酒唔係掟標而係食Lunch！旺角站、旺角東站、油麻地站行嚟都算方便成個場都好新淨裝修唔錯而且空間非常之大！仲有一大排標機！真係要搵個夜晚過嚟感受吓呢度熱鬧嘅氣氛！想像唔到如果爆場的話會係點！講返食飯！以酒吧來講呢度都好多選擇！咖喱呀意粉定係飯甚至鋸扒都有！嗌埋套餐，相當抵食！

旺角｜LaLaBar｜太平道#LalaBar .👨🏻‍🍳 色香味｜最重要係咩｜係味道👩🏻‍🍳韓國炸醬麵｜墨魚麵｜唔太靚仔｜都有捧場客臭豆腐｜炸榴槤｜有人嫌去｜都有知心客煮嘢食｜冇味道或者食唔到味｜罪大呀惡極.L3 櫻花蝦蒜片大蝦炒意粉🥗 是日沙律 🥗🥤 Ice 🧊 coffee ☕️ 凍咖啡｜就係｜普通咖啡沙律多醬唔手軟｜多蕃茄｜食材新鮮｜蒜片炒香｜蝦堅大隻🍤｜櫻花蝦多到差唔多滿瀉｜熱騰騰 香噴噴｜就係一入口｜辣都唔知咩味｜.飛鏢機的確未見過｜美式運動酒吧佈置顯出老闆十分玩味｜連最紅既Slam Dunk都有當日12:30只有我一個客｜但座位絕對夠百個｜.———————————————————————-🤵🏻‍♂️總結報告🤵🏼‍♀️🉐📃性價比：7.0 /10 😐｜多國菜｜酒吧｜卡啦OK—————————————————————📬 LaLaBar｜旺角｜太平道｜📍：旺角太平道3號1樓💈 營業時間：11:00-02:00☎️：9299-7881 😙可以收八達通#LalaBar

門面唔起眼嘅樓上酒吧，估唔到有午餐食，而且質素都唔錯，價錢亦唔算貴，$58-68已經食到一個set👍🏽 #lalabar 🔸櫻花蝦蒜片蝦炒意粉 $68 不得不讚啲櫻花蝦處理得好好，唔會食到有砂石….出街食蝦乾蝦皮蝦米最怕食到石仔🫣調味亦都抵讚，除咗蒜片香味，仲加左辣油去炒，非常野味👍🏽意粉質地亦好好，唔會太淋，仲有咬口唯一美中不足喺大蝦，知道雪藏蝦仁本身冇乜蝦味鮮味，但如果先贈海鹽輕輕醃咗，令到蝦仁本身有底味，成件事就好好多～總括嚟講，食物質素唔錯👍🏽如果改善到蝦仁嘅處理就更prefect！酒吧空間好大，職員又唔會趕人走！如果夜晚同朋友嚟傾計像酒都唔錯啊！📍旺角太平道3號1樓#美食 #食評 #香港美食指南 #香港美食推介 #食好西 #小店 #hkfoodielife #hkfoodgram #hkfoodie #hkfoods #旺角美食 #太平道美食

假期梗係出街hea下啦😎約咗個N年無見面嘅朋友🙈佢提話嚟掟鏢🎯原來佢經常都有玩開嘅🤔就選擇嚟Lala Bar我準時到達🤓點知朋友塞車遲D先到😖我又好肚餓🤔唯有唔等佢嗌個午餐食咗先😆而呢度面積達7千尺😮坐位超過150個🤔MK區極少大型美式運動洒吧🍻除咗有多部電視有直播足球賽事⚽️卡拉OK之外🎤仲設置十部電子飛鏢機🎯啱晒一大班朋友嚟消遣食嘢🍽而呢度午餐都幾多選擇🤔有飯🍚、意粉🍝、鋸扒薯菜🍴我揀咗鮮茄吉列豬扒焗飯送飲品凍飲加$3要杯凍檸茶🍹個焗豬扒飯黎到一望個賣相已經流晒口水🤤仲聞到好香👃🏻吉列豬扒焗到皮脆肉嫩👍🏻飯頂層佈滿芝士有拉絲🧀茄汁夠香濃🍅呢個焗豬真係喜出望外👍🏻總結位於旺角區嘅大型酒吧🍺有多種娛樂活動選擇⚽️🎯🎤🎹🎼🎲食物質素都唔錯👍🏻閒時三五知己想出黎消遣呢度都係一個唔錯嘅選擇💁🏻

突然間唔想早返屋企, 心血來潮就 call 個 friend 出去.去左旺角陪個 friend 買完野, 本來想去居酒屋飲下食下吹下水, 不過周圍都要等枱. 重有成大半個鐘, 唔想等所以我o地去左太平道搵酒吧.自從covid 後其實我都未去過酒吧, 今次都係疫情後第一次.朋友選擇左呢間 lalabar, 我之前都有o黎個食午餐 risotto.我哋叫左一個 tower, 再加半隻炸雞.  個炸雞都幾 juicy, 不過一炸起就即刻食, 第二朝我有o的喉嚨痛.地方都幾大, 好多人掟鏢.

星期六收工諗住約fd做gym然後tea，點知有人冇掃安心搞到成間physical封鋪，唯有碌陣街就去食野，weekend旺角真係好多人，所以行左去旺角東過埋火車橋，真係少人好多又平，見到依間樓上酒吧擺左個menu喺樓下，都係58/68左右搞得掂，一於上樓試試佢，點知入座要做快測，好在餐廳like FB就有快測提供埋。日日帶飯唔係雞就魚，放假都俾我抖抖氣，揀返個$68蚊櫻花蝦大蝦炒意粉，要加10蚊先有湯有包，咁我就梗係冇加啦。等上菜嘅時候就扔住鋪701等啦，一鋪都未扔完就已經到，俾fd吊打埋鏢就收場食野。老老豆豆，碟意粉真係比想像中大好多同足料好多，去Pina 1920成2舊幾水先得幾啖，依度一碟等於2碟嘅size，有成堆櫻花蝦，離遠都聞到好香，肯定有烘過先灑上去，"大蝦"老實就唔算大又唔係靚野，都係雪藏貨色，但勝在都有5,6隻，大慨有我隻食指粗幼，意粉炒得幾乾身惹味，亦有少少菇片作配料。+$2將餐飲轉做蘋果汁，依個就係成餐最唔抵嘅地方，因為D冰真係溝稀左D汁，下次都係老老實實咁飲杯檸茶檸水算。總結:一定會返食，尤其食餐飯仲可以扔埋鏢，本身已經好抵食，旺角區搵間少人D嘅餐廳都難，難得依度

之前夜晚同朋友嚟過Lee度飲嘢，見到有做Lunch，又覺得賣相好似幾好，之後有日同朋友嚟試下，我住九龍，佢住新界，旺角最好😂😂😂地方寬敞，旺角食Lunch竟然可以坐咗4個鐘服務又冇乜特別，可能嗰日唔算多人，都係招呼幾枱客，1個侍應都搞得掂喇不過始終係酒吧，要有檢測棒相片，自己同朋友每日都有做，慳返10蚊雞我係食牛扒嗰餐，7成我覺得剛好，薯條熱辣辣淨係冇食嚿蒜頭，目測焗得唔夠耐，整體都好好，最緊要係唔嘈，傾偈食嘢一流

今日係旺角Outing 行過見到有間酒吧幾特別🍻#LalaBar 又提供lunch set 就試試佢餐廳其實都好闊落 以為酒吧會好迫好嘈可能lunch嘅關係 唔太多客部份客人會喺度捉飛標🎯同埋都好靜 聽下歌幾舒服🎼對於無咩去酒吧既我 同想像真係唔同真係想黎飲返幾杯 瘋狂下😂煙三文魚忌廉白汁意粉$58🍜又係我最愛既白汁加煙三文魚🐟雖然每條意粉都掛滿忌廉汁 但可惜就無咩芝士味😞 好彩餐廳都有提供芝士粉加左之後個味好左好多😉碟意粉都加入左唔少嘅三文魚肉碎白汁配埋三文魚粒既增添口感唔錯既味道凍檸茶 +$2?🍋茶底唔錯都有3-4片檸檬🍋🍋🍋上次去間茶餐廳得1片檸檬😅以酒吧黎講都唔錯啦杯檸茶👍🏻額外提下呢度嘅女侍應眼大大幾靚之餘仲要好有禮貌❤️#旺角 #cafe#台式#聚會 #多國菜#打卡#新餐廳#朱古力#咖啡#薄餅#意粉#据扒#何文田#酒吧 #cafe#pizza#fusion#hkfood#hkfoodie #hkfoodblogger#igfoodie#igfood#igfoodporn #igfoodshare #美食推薦 #美食日記 #美食攝影 #相機先食

星期五路經太平道開會, 順便同同事上去試試佢哋個午餐.紐西蘭肉眼扒(8oz)配薯菜 - 冇諗個係酒吧可以食到咁高質嘅牛扒👍. 塊扒大大塊份量十足, 入口牛味濃, 十分淋身, 吾似有用鬆肉粉處理過, 另外D配菜都好好食, 食得出有專登炒過, 唔似出面其他餐廳, 求其用水烚完就上碟. 最特別係個焗蒜頭, 好惹味黑松露雜菌忌廉汁燴飯 - 一上菜就聞到黑松露嘅香味, 佢特別做燴飯而吾係做意大利飯, 入口嫩滑.櫻花蝦香辣蒜片大蝦炒意粉 - 大蝦彈口, 辣味適中, 唔會蓋過香蒜味. 另外再喺面加櫻花蝦乾, 香味十足.