Lam Lam 里 (已結業)

今日路過此小食店，我叫左蒸腸粉同咖喱魚旦，仲有凍檸茶! 我見佢哋d腸粉係即叫即蒸，叫我等2分鐘! 蒸完即食熱辣辣好滑好好味! 咖喱魚旦十蚊八粒，魚旦都好大粒，彈牙夠入味! 價錢合理，係值得支持嘅小店!

同小朋友經過見到新開小食店， 裏面除咗燒賣魚蛋腸粉三文治外中午還有冇味精兩餸飯， 全部都係年輕老闆娘自己製作， 附近並沒有這種小店， 魚蛋燒賣好彈牙， 還有親自包嘅餃子及xo醬炒腸粉價錢超值！

最近在柴灣工廠區發現新開了一間港式小食店，第一次去試食，感覺環境整潔，給客人進食的空間較大，仲要有足夠冷氣，早巿有早餐選擇如三文治、通粉、燒賣、腸粉、撈麵、春卷⋯⋯而煎餃子勁多餡料👍，辣油超正，仲有即沖奶茶咖啡，午餐還有有雙拼飯及兩餸飯選擇，另有例湯送，試過冇味精，店主是一對年輕夫婦，全部餸菜都是自家製品，值得推介

食過好幾次，一個年輕媽咪主理食物。價錢喺同區極有競爭力，味道都好好。相比附近大排擋茶記，健康好多，人情味好多。今日星期六，店收半晝。我去到12半，咁岩得我一個客，叫左份咖哩尤魚，好入味。當我心諗星期六佢無咩客時候，連續4,5個客入黎，雖然老闆娘勁忙，但keep住好好service，一腳踢又無溜單算係咁。我最愛佢自家制餃子同雞翼，d味全部自己調。寫住咁多，希望平日都有機會去到食，主食會有兩餸飯，星期六佢就有意粉。