L'attitude (已結業)

係OpenRice見到係尖沙咀有間得意既小店，今日終於食左！啲野食好好味呀！今次兩個人就叫左一個溫泉蛋卡邦尼意粉，蜜糖雞翼同埋芥辣八爪魚沙律🤤個意粉好creamy好好味！蜜糖雞翼甜甜地又唔會太搶味！最驚喜係個沙律，好新鮮仲可以有啲八爪魚既口感😍不過兩個人食唔到太多野！但呢到最特別都係啲甜品同飲品！全部都有棉花糖係上面架！好岩少女呃like!!!啲裝修好特別，坐得好舒服，仲有公仔比你影相架！擺設實在太少女心！哈哈

一間於tst開的地舖，人客雖多，但仍然有舒適放鬆的感覺~ cafe用餐，喜悅莫過於此!只看餐牌已讓人高興! 一個個有表情的棉花糖很可愛!! 粉紅色的夢幻加邦尼意粉，有名有實，很夢幻! 好味!羽衣甘藍鷄肉pizza, 讓人感覺很健康!!!!我會再來😍😍😍😍

今日臨時book 到呢間食dinner. 所有食品都唔太貴。甜品又好多選擇 睇到花多眼亂 店內環境佈置好可愛。好多影相位。好多健康食品選擇。例如羽衣甘藍，紅菜頭等等等等

今日個好姊妹兼同事同我預祝生日。我揀左尖沙咀呢间 Lattitude ,因為佢啲甜品好可愛，尤其係個舊雲☁，連隔離枱小朋友見到都好開心，我就更加吾駛講。 棉花糖裏面係軟雪糕☁🍦， 雖然雪糕冇某大品牌嘅咁畫，但係我都覺得ok😋我哋一人一杯棉花糖雪糕，食完之後再喺嗰度嗌咗個2下午茶 (一个雞翼，一个豬頸闪；个雞翼好入味)。 兩杯棉花糖雪糕再加兩個tea set，都係二百零蚊，坐三个钟，仲要尖沙咀嘔，真係好抵👍🏻

一入到黎 已經覺得環境好舒服 每個位置中間都好有空間感 好適合上班族約一班朋友食飯閒談。店舖選擇頗多 有pizza 有意粉 又有沙津 仲有好多好多少女見到會發狂既甜品 真心好吸引😍夢幻溫泉蛋卡邦尼篇意粉最特別 佢係用左紅菜頭汁整 成碟野都係粉紅色 好靚啊 而且味道仲出奇地好味 值得推介💓總括來說 坐得幾舒服 款式都好多樣化 價錢適中👍🏼

上網見到呢間餐廳推介 已經想食好耐 今次終於約到閨蜜們一齊去食☺️一入到餐廳見到環境好舒服 有好多個打卡位比客人影相打卡 岩晒鐘意影相嘅姊妹們😍今日叫左一個水牛城肉碎芝士pizza同海膽明太子扁意粉 真係好出色 配搭得好好👍🏻絕對推介各位姊妹們約埋朋友一齊去😘

放工約左班姊妹食飯 大家都係尖沙咀決定搵間舒服餐廳傾計食飯我地叫左黑松露薯條好有黑松露既味道 好正仲叫左個水牛城肉碎芝士簿餅好有香濃既芝士味 pizza又脆好好食真係令人忍唔到口呀仲叫左海膽明太子扁意粉一個字：正呀

與好友午餐短聚，好友選了地點方便的尖沙咀，見此店感覺不錯，又不用等位，於是入内試試。看了看餐牌，食物賣相都很吸引，似乎有點驚喜。想不到在西式餐廳可以吃到魚生飯，我與好友不約而同地都選了日式飯套餐，好友選了鰻魚飯，我則選了魚生飯。在尖沙咀不用$100可以吃到魚生飯還有湯及飲品，價錢實在吸引。鰻魚賣相吸引，味道亦不錯，午餐份量剛剛好。魚生飯的魚生亦比想像中新鮮，麵豉湯亦足料。吃完魚生飯，再配一杯鮮奶咖啡，感覺很特別！

好特別，日式，西式都有，更特別係飲品有創意！又好飲😊 環境好舒適，食物出黎好夠熱，擺設好緻致美觀。d公仔好治癒😊 miso soup好特別，有蜆，鰻魚飯有少少美中不足，唔夠汁，但都好好食！

好好味又好食，有唔同款式，日式、西式，多樣化，😊😘個雞扒好香好滑，個主菜生果好有誠意，個帶子配瓜瓜超好味❤️仲有甜品❤️同朋友傾計空間感又非常舒服，一定要再嚟啊😘👍

今日放工悶悶地，同幾個女仔朋友行街，去到尖沙咀唔知食咩好，見到呢間鋪頭裝修好靚，立即心心眼！入到去花多眼亂，有選擇困難嘅我最後揀咗兩個意粉同甜品，Carbonara 好好食，好creamy。食素既人都可以叫佢走火腿，溫泉蛋煮得啱啱好。黑松露意粉好香，唔會太膩，推介！另外飲品選擇多，仲叫咗蘋果玉桂茶。蜜糖吐司吐司熱辣辣雪糕又好好味，好香又鬆脆，好夾！同行朋友係素食者，侍應仲會介紹返邊樣可以食服務一流，會再嚟！推介！

朋友上openrice 見到間餐廳都好多好評咁我地就黎左食啦見到佢有好多唔同款式既野食 就嗌左一個沙律同意粉平均其實都百幾蚊一個 但野食既份量好細意粉就煮得太熟太淋 啲汁亦都無乜味感覺比左錢都唔知食左咩咁 下次唔會再黎~

見二人餐幾抵食, 而且問過侍應可以叫埋同一款主菜(因我同朋友都係愛牛扒之人), 所以就2話不說點了2人餐! 餐湯一人點了一樣: 龍蝦湯及蕃茄蟹肉湯, 2款都濃郁鮮美, 龍蝦有蝦味, 蟹肉湯就以蕃茄味為主帶點蟹味, 很好!前菜點了很少西餐會提供的生蝦(醬汁也有2款呢, 一辣一甜, 一定有一款啱口味, 餐廳考量細心, 抵讚! 而且辣味的汁料很惹味, 我留起來點牛扒了) 及很彈牙的帶子黑魚籽, 牛扒味道及品質都不錯, 5成熟也煮得剛剛好, 肉質軟而juicy, 沒有太多筋位, 很好! 我們另外叫了生蠔還送1杯餐酒, 而餐飲也可以依價錢補貼更改成自己喜愛的飲品, 十分貼心! 我就飲了女士大愛的紫薯奶, 朋友就飲了意式咖啡, 甜品也是可選貴價的蜜糖吐司或心太軟, 性價比不錯! 可惜與朋友共享心太軟有些難度, 所以都是以我為主, 一人食了大半個呢

又嚟! 呢間小店已經成為同事們的午餐首選! 慢煮咖哩牛筋腩 配飯 $58 包飲品 我最喜愛的午餐! 望住 menu 好耐, 最後都係揀呢個! 次次嚟都食呢味😂😂😂😂😂 真心超推介, 好味過好多自稱出名食牛腩嘅地方! 情何以堪😂😂😂! 牛腩好淋好淋, 牛筋軟滑 (好似好多骨膠原咁😂) 好入味, 一叉就爛, 原煲加熱! 不過碟飯太淋, 配有汁嘅餸就失色左少少! 🐄餐飲都好飲, 不過太細杯! 照燒汁雞扒 $68 包飲品 ☕🍵皮脆肉嫩, 雞肉幼滑, 入味! 飯面有大量紫菜! 有菇菇, 青瓜及沙律菜伴碟! 連豉呻碟都係櫻花型, 靚! .註: 加$28可以點呃 like 專用餐飲 + 雪糕! 超級抵! 不過每次都食到好飽無點, 下次一定一定要試!

每次經過都好多人, 今日晏左出去, 終於完全唔駛等就試到! 性價比極高嘅餐廳! 😋魚生飯1號 連麵豉湯 $88 包飲品 魚生超級新鮮, 係貴價魚生啊, 仲有大大隻牡丹蝦, 不過飯就比較細碗, 男士可能唔夠飽! 🐟 明太子意粉 $58 包飲品誠意之作! 有蕃茄, 紫菜, 沙律菜伴碟, 意粉煮到剛剛好, 掛汁! 🍝 美味! P.S. 連豉油碟都靚 😍! 加$28 可選配特色飲品及雪糕, 不過我哋飽就無 order, 下次一定要試, 仲要試埋其他午餐菜式! 🍦