Le Grand Pokka Café (形點) (已結業)

有日去左元朗yoho揾嘢食間間都滿座 經過見到呢間legrand 有位就走入去試吓啦 估唔到有驚喜 叫左個燒春鷄套餐個餐跟左隻蛋同格仔餅 隻鷄個味都唔差 明顯有經過醃制唔會淡而無味價錢我就唔太記得 係$108定$118😜但晚餐嚟講呢個價錢尚算合理吖所以都可以再去

今次和爸媽慶祝結婚週年紀念，來了這間有少許情調的餐廳。今次係我第二次來，上次發現佢的碟頭比較大，所以今次唔叫太多野。我地四人，叫了一個松露忌廉硯肉扁意粉，一個炸魚柳薯條配一口芝士，一個烤豬手和一杯滴滴咖啡。其中有兩個套餐，所以還有一杯飲品包，仲有一個沙拉，一個南瓜湯和提子scone。個scone有好多提子，但整體比較乾，我不喜歡吃。沙拉份量比較少，味道正常。硯肉意粉份量不算多，但味道尚可。炸魚柳有兩大塊，另外有幾粒芝士，很好味，芝士會流出來的。不過屋企人都覺得薯條過燶，太熱氣了。最好味係烤豬手，不過等左大半個鐘才上。豬手成隻上，厚厚的皮，充滿骨膠原，都有脂肪，不過好易去掉。肉的味道都夠，我地再加了個飯，四人都夠食了。滴滴咖啡都好味，不太濃。這杯要加12元的咖啡都可以，但另一杯餐飲咖啡就等左好耐先黎。可能因為星期六，所以只有個半鐘食，勉強夠時間罷。

於這盡量休息多點的時期，身體的初期變化不適，加上飲食也要加倍注意的關鍵時刻，就連老公生日也沒有遠走出外慶祝，只是簡簡單單的到樓下商場餐廳來個慶生飯。當商場延伸部分還未開通時，只有於日式西餐廳的"Pokka Café"和以炸物為主的"とん吉日本吉列專門店"兩者之間二選一，最後顧及到不能吃得太熱氣而選擇了前者。 晚上光顧的人甚多，出現排隊的人龍，幸好出門前使用商場APP取飛，以至不用排隊，預計好時間就可以直接入座。我們被安排於坐在餐廳最角落的位置，靠落地玻璃窗一邊，望著園景，自成一角的不受打擾，也挺舒服的，只是落單埋單都要等店員經過這點的不便。 晚餐的餐牌有"chef special"和"dinner set"提供，由扒餐、到沙律、意粉、飯類和all day breakfast等，選擇也是多元化，不過價錢就未算很親民，價錢動輒都過百，甚至貼近二百的水位，於元朗區來說是偏貴的定位。 我們選擇了兩個Dinner Set - 香草烤春雞窩夫和日式咖喱吉列豬扒奄列飯。套餐包括有廚師精選湯或沙律，或加$15可轉為黑菌龍蝦湯，選擇了湯和沙律各一。 餐湯是蕃茄湯，湯內附上數粒蕃茄粒，味道與稀稠

差到要打comment叫左西冷牛扒 虎蝦扁意粉 熱朱古力 龍蝦湯西冷牛扒牛扒肉質差 同茶餐廳高級扒餐差唔多 但呢度收緊$208 無牛肉味 唔怪得要幾盤汁放係前面虎蝦扁意粉汁係龍蝦汁 其實係龍蝦湯汁 其實係麥當勞之前賣果啲龍蝦湯 意粉同啲汁其實溝唔埋 蝦係成碟唯一唔似即食野熱朱古力由於要加$22 有啲期望 以為係濃厚的 但錯了 又係一個比茶餐廳朱古力還稀既熱朱古力總括 全餐都同茶餐廳質素比緊 價錢大概係3-4倍 非常令人失望既一餐Btw 店員面口有啲黑

今晚約了一個舊朋友食飯，我一早就在網上訂左位，一去到就已被安排坐在好入的兩人位。單邊，望著出面，很舒服。由於朋友之前黎食過野，知道份量很大，所以我地只叫了一個蕃茄焗豬扒飯同芝士焗西蘭花。另外我叫了一個檸檬薑茶，朋友要了一杯凍檸茶，是跟餐的。豬扒飯個餐我地仲要了餐湯，是南瓜湯。餐包是一個大牛角包，不過唔夠牛油味。焗豬扒飯送到，真係好大碟。味道不錯，但豬扒較乾。西蘭花都一樣大，全碟滿滿的，算好食，多芝士。檸檬薑茶亦有薑味，幾特別，不過就貴左D。呢度食野沒有限時，非常好！不過侍應就可能新請，經驗不足。

星期日下晝係Yoho mall 戲院睇完戲，間間餐廳都好多人等位，行到pokka cafe 岩岩有位唔使等，梗係即刻入去啦。入到去大約3點幾，都有8成滿，我地3個女仔唔算太肚餓叫左2個Brunch set，包牛角包同餐湯/沙律同飲品。當日餐湯係南瓜湯，味道正常但唔夠熱，牛角包不錯，Set叫左車打芝士煙肉煎蛋牛肉漢堡，同番茄蟹肉意粉。蟹肉意粉普通，沒有特別影相，反而意為一般既漢堡幾好食，牛肉幾juicy同埋蛋係流心的，薯條都好食但又係唔夠熱。凍滴咖啡用樽仔上， 咖啡好濃好好飲。埋單每人一百蚊，Yoho mall 餐廳黎講差唔多呢個價錢，可以再encore。

6月底最後一個星期五來了行YOHO, 買了爆谷就行去對面食POKKA.8點的POKKA都只係大約6,7成滿, 呢家分店的裝修走簡約路線,食物的價格亦走簡約, 大約百零蚊已經有個晚餐, 係YOHO來講算合理.但食物的份量同質量同價錢亦成正比.餐湯, 個碗好細, 幾啖飲晒 (連加錢的龍蝦湯份量亦一樣, 味道同罐頭湯無乜分別).炒意粉, 個碟就大, 內涵就少, 料亦少 (慶幸味道還可以).牛肉漢堡配著條, 漢堡正常, 薯條有點燶而且一早炸定唔熱的.招呼不過不失, 但有點慢.食完叫飲品, 明明叫樽仔凍啡, 應該係雪櫃拎出來就係, 都要等7,8分鐘先送來 價格 : 百零蚊有湯有主食有POKKA凍啡, OK啦, 但唔好期望太高會好好食.

早排打風，大部分鋪頭都關門，見呢間未關門，而且有下午茶餐 ，就入左去試下店鋪裝修同擺設係偽文青風格！叫左個明太子意粉但一上菜，就將我滿心歡喜，食靚環境既心情打到落谷底⋯⋯⋯⋯見到碟意粉⋯⋯⋯份量少到食三個都未必夠飽好失望不足十啖就食哂啦⋯⋯而且味道奇差，d汁太稀，意粉掛唔到汁，好似白烚意粉味⋯⋯而且d汁既味道好似水咁淡，完全無味！！！差！差！差！埋單計埋加一，成7十幾蚊嫁！咁少當早餐食都唔夠飽啦⋯⋯

以HK$128.00一個Set Lunch西冷牛扒來說，實在太太太多筋了，並且在牛扒中間位置，想避都避不到，幾乎每一口吃進去都咬到筋，吃得很不爽！本來想上載圖片幾大家看，但又怕影響大家食慾！Pokka Cafe一直以來給我的印象在食品質量上都是保持一定水平，不久前已經有朋友跟我說銅鑼灣那家Grand Pokka Cafe不好吃，但我還是想自己嘗試一下，結果！失望！Grand Pokka Cafe不應該是這個水準！

是日與爸媽慶祝母親節，平時爸媽都一向活躍於屯門，所以想有點小突破的，帶他們到元朗覓食。YOHO MALL的食肆蠻多的，但我們沒有預定位子，而這間六點就可以入座，還有限定的母親節套餐。沒想到這家餐廳真的很有時間觀念，六點沒有遲，也沒有早的讓人進去，五點五十五分都要在外面先等一下，正好可以讓媽媽欣賞門外的咖啡豆。三個人被安排在廂坐，因為一早已經選好要吃的東西，所以很果斷的下單，侍應都蠻厲害的，靠記憶就可以下單。我跟媽媽分別點了個母親節set：牛肝菌海膽燴飯、輕煎比目魚，而爸爸就是mami special 的西冷牛扒。前菜分別是黑菌龍蝦湯跟野菌湯。龍蝦湯的龍蝦味挺重的，味道不會太咸，不過略嫌黑胡椒味有點重，爸爸還厲害的說一定是龍蝦頭煮出來，這我真的分別不了。野菌湯的菌粒超多，切得粒粒都小小的，每喝一口都有超濃的菇味，菇菌還是有口感的，不會太爛。餐包是牛角包，酥酥軟軟的，還是暖暖的，挺貼心。牛肝菌海膽燴飯的牛肝菌完全沒有吝嗇，整個飯都有滿滿的牛肚菌，還有芝士，每一口都有拉絲出來，海膽的口感讓不吃生東西的我有點怕，滑滑的，沒有甚麼味道，整體這個燴飯口味偏清淡的。輕煎比目魚，其實我沒有覺得這碟比目

呢間pokka cafe, 久唔久都會來食下，因為佢係Yoho Mall入面比較平的西餐😝餐湯是大蒜湯，但沒大蒜味，似薯仔湯多d😆。餐包是牛角包，有點膩，個人喜歡普通餐包多d。鮮茄脆煙肉芝士焗豬扒飯（$118），鮮茄蓉很多，豬扒亦不錯，份量其實夠二人吃呢！

假期可以去食brunch 係成個星期好珍貴嘅時間，想對自己好少少，食得飽少少，所以去左Yoho Mall 諗住食brunch。呢個商場都算幾多選擇，西式嘅話都有幾間可以揀下。如果嗰日想飲杯提神少少嘅咖啡，我通常都會去Pokka Cafe。佢星期六brunch時間都有set嘅，有餐包，而沙律同湯係二揀一。佢嘅餐包係牛角包，無咩特別。主菜揀左卡邦尼火腿意粉，塊火腿都幾鹹下，一定要加埋意粉一齊食中和下。芝士粉加左喺意粉側邊，鍾意食幾多先自己撈好，唔會怕唔岩口味。意粉本身芝士味都幾濃，岩晒我呢個芝士人。另外叫左焗豬排飯，飯面加左香脆嘅煙肉。蕃茄味都幾濃，配料仲有d甘荀片，味道幾夾。至於豬排飯嘅豬排都幾厚切，而且佢成個pan咁上，食到尾都仲係熱辣辣，呢個飯嘅份量亦都好多，最岩肚餓嘅時候食。咖啡當然都係保持一貫水準，一樣咁提神同埋有咖啡味啊！

今次試Pokka嘅雞配窩夫，平時我食開佢嘅豬扒飯（大家樂一哥焗豬扒飯）嘅高級版。揀呢一個係出於好奇心，究竟鹹點配窩夫得唔得呢？終於鼓起勇氣落order 叫左嚟試。佢嘅brunch有配餐湯/沙律，仲有餐飲。好喇，上左枱之後謎團就解開喇。雞係整得幾香，唔嚡調味都ok。煎蛋當然都係正正常常啦。到窩夫喇，佢整到外脆內軟，係好食嘅。不過唔知係唔係我心理作用，我硬係覺得窩夫係應該要配甜點。唔計我嘅心理作用，呢一個brunch 嘅選擇係可以一試。至於餐飲我就配凍咖啡，佢係一樽樽藥水咁上嘅，佢會另外上一隻有冰嘅杯俾你，咁就可以飲幾多加幾多，唔會話d冰融左之後變得好淡。

今天到元朗和一個朋友見面，相約在YOHO吃午飯，我自己是咖啡的愛好者，朋友就徑直帶領我來了這家POKKACAFE。 沒有訂位，中午的時候門口排了一些人，餐廳的環境很通透，門口裝飾放了玻璃滴漏的裝置，咖啡味鋪面而來！背景音樂剛好放到我最中意的Almost Lover...朋友問等不等，我一口氣說，等！坐下來后靠窗位，陽光燦爛，寒冷的冬天也瞬間暖和了很多。我們點了春雞和意麵，味道不過不失，但是讓我一定要提的是他們家的40cm野莓烘吐司，吉士配上新鮮的STRAWBERRY, 外脆內柔，配上餐廳的熱咖啡，今天這一行，事情談好，也飽餐一份！美中不足的是，餐廳里的女服務員明顯是新人，動作速度慢，那個西裝制服的經理一直跟在後面緊張地培訓。

今天是新年想和家人一起吃大餐慶祝， 來到了這間pokka cafe 見到個牛扒餐要成$200, 都幾貴所以以為很好食啦, 跟著充滿期待入了這間餐廳, 諗住食個豐富嘅牛扒餐, 點知到頭來非常失望, 嗌咗瞓5成熟西冷扒, 份牛扒毫無調味之如， 仲要煮到燶曬 啖啖肉都冇味 配菜又少 最尾一啖重要係苦嘅 即刻吐出來 極之難食 前菜個麵包仲要係個凍冰冰嘅牛角包 又係兩個字難食 完全失望 畀錢我都唔去再食我阿媽唔食牛所以叫咗份煎三文魚 份三文魚咩配菜都冇 得一份細細份嘅三文魚放咗喺啲汁上面 好似係啲汁上面游水咁 味道都係十分一般 極之唔抵食 呢份煎三文魚都係二百幾蚊 完全係期望落空 絕對不會再來