Le Nobu Bakery (已結業)

看見標題寫着此店已結業，心中大感驚訝，事實上自己都是剛於上星期光顧而已...怪不得自己一直好恨食的生果roll cake，由一百大洋下跌至八十大洋一條了，可能是減價藉此散貨了...無論如何，今次總可算是一償素願，可以一吃這裏的roll cake了。事實上今次真的捨得買來吃，都要多得一位老友記。事因今次山長水遠探訪這位老友，總不能兩手空空吧 ? 經太座同意下，是次就一整條買下，大家分甘同味....一吃，蛋糕質感鬆軟，white cream當然沒有很假的香精味，生果是罐頭貨色，沒有什麼特別...當然是好吃，但原價要一百大洋，以質量來說，真的是貴了點。現在打個八折，吃過後，小弟還是覺得有點偏貴....

這裡出售的蛋糕頗為精致之餘賣相很好，幾次經過都未能抽空一嘗，就襯今趟妹妹生日加上慶祝母親節，就在這個預留一個Fruity Fantasia慶祝。先談服務，這裡的店員頗有禮貌之餘很多事情都盡量配合，起碼左影右影要求這樣放那樣提都沒舍問題，蠟燭顏色千挑萬揀等仍是笑容可恭，服務之欄分數不小！論包裝，帶窗的蛋糕盒已經標致，加上頗為美觀的紙袋，這個蛋糕未嘗味道已經有好感！說到味道，這裡的忌廉不太甜之餘亦味道芳香，而餅底清蛋糕亦清香可口，但可惜清蛋糕所佔的分量偏小，而今趟的Fruity Fantasia裡面的生果亦挺新鮮之餘亦是用上成本較高的生果，故以百五元的價錢，這個蛋糕好像來得頗超值！外賣時見到這裡有一種索價一百元一個的卷蛋蛋糕，賣相好像很是得妥，下次一於一試！

上年西田翻新重開, 有次行過supermarket, 見到呢間新開既bakery賣gelato, 諗住試下味就走, 因為正值減肥期間. 我選擇左tirmisu味試, 一試難忘, 本來行開左兩步, 試左後我就唔捨得走, 同男友買左2個scoop食, 好香tiramisu味, 好真, 而且好滑, 唔覺heavy. 食完都再三回味. 之後每次經過supermarket / 西田都忍唔住去買杯食下! 推介!

第一次食哩間o既雪糕…試左幾種味最後都係揀o左芒果+ 朱古力兩個種味芒果味: 好重芒果味, 陣味好清甜, 又唔會甜過頭!!!朱古力味: 好濃郁o既朱古力, 不過甜左少少…

jan 16, 08來買咗 : 1) blueberry朱古力高洛芙$12-第1次見到呢款蛋糕/麵包,心大心細..........買唔買好呢............就發現背後有得試食(切到好細粒嗰d)........試過後買咗番屋企-朱古力喺dark chocolate嚟,而麵包就好鬆,質感都幾得意,好似麵包同pastry嘅混合體-就無嘜藍莓味,只能當喺點綴-味道似d方包咁,唔會好好味,不過勝在新穎2) 法式鮮奶樹頭$8-面頭嘅糖霜少咗d-味道唔錯(可能個人喜好啦) - 在麵包舖隔離..........同店還攪埋gelato。我當然又去玩吓啦..........試咗菠蘿,日本清酒同芝麻,基本上比較甜...........所以無買到

貪吃的我總要買點東西回家，這次貪便宜買了一個特價麵包組合。藍莓酥︰皮很酥很脆，有大量的藍莓醬，酸酸的很好吃。綠茶紅豆忌廉包︰男友吃的，他說不會太甜，包包有綠茶味，不是只有顏色。紅豆蓉蠻滑，又不會死甜，也是一個不錯的選擇。這店賣的包和A-1的無異，應該是同一集團的吧。

上次試過朱古力同清酒味朱古力濃和甜到有點像HAGAAN DAZS清酒則十分特別清清地似SORBET今次有芝麻味當然不會錯過本來試了開心果不過怪怪的一點也不像開心果沒有太強烈的芝麻味(從它極淺的顏色可見)雖然也是像意大利雪糕般手拉的但口感比DA DOLCE / GUSTO輸成條街一點也不幼滑可以說是一小塊一小塊的吃起上來像MILKTOP那種北海道雪糕優點是感覺不會HEAVY

文迪已經飽了, 但小弟還是貪心地要了件蛋糕. 這裡其實不屬於美食廣場的, 但係近近地, 也可係度買完野返位坐.芒果樂$25: 2分, 要了這個芒果樂, 文迪馬上話小弟剛寫了食評話芒果唔當做, 而家又叫? 其實只因為文迪喜愛芒果, 有時就忘記了其他因素就一心一意買芒果產品. $25一件, 不便宜, 但係賣相係好靚的, 一吃, 不得了, 好酸. 面頭的芒果粒還帶點甜味, 但係芒果慕絲就真係好酸了, 係每吃一啖也在捱. 最後只有吃掉下面的餅, 放棄了上面的芒果慕絲了.本來精彩的早餐, 被這個芒果樂破壞了.

由明星海鮮坊又行返去沙田新城市，今日有潮漲，河畔旁有D地方因潮漲而水浸，攪到對鞋濕晒，但好好玩!開心果味- 真係有開心果喎，但係似雪糕多D.雲呢拿曲奇味- 甜左D，都係似雪糕. 藍莓味- 酸酸地，幾FRESH日本清酒味- 太淡，但都算特別. FOOD COURT都唔易搵位，但都預左!

麵包款式和A1 Bakery有八成相似，唯有買未見過的包款。藍莓貝果－－中伏！麵包像過氣般難以咬開，牙也咬得痛了綠茶合桃包－－頗特別，有一片片的茶葉夾雜在包裡，味道清新。比起A1的選擇較少，而且也沒有歐式酸麵包，估計不會再惠顧。

Please do not be misled by its name and start thinking that its got something to do with the Nobu at InterContinental Hotel caz its got NOTHING to do with it. As confirmed by one of their cashiers, Le Nobu is simply another branch under A-1. Notice that their products are nearly identical...The entire food court environment is pretty bad simply because of its poor poor ventilation... fully contaminated by BBQ smell!

我都想知呢度跟洲際酒店嘅 Nobu 有無關！！希望有人答到我啦！吃了guava & rapsberry，guava 好清，rapsberry 有d d 假，兩個都無想像中咁好食，大把雪糕專門店好食過佢，所以$29 兩球貴左d！不過賣相好靚好吸引，及得上外國果d！！！！另外試食時吃了馬拉加，唔知乜味，無乜特別唔算好食。試過心息了！

唔知道呢度跟洲際酒店嘅Nobu有冇關係。但只知道响沙田可以有一間較為高檔嘅bakery出現，絕對係好事...無論装修以至麵包款式都跟La Creation de Dute極相似，而且仲响呢度見到嗰條一百大元嘅生菓roll cake添...跟上次响La creation一樣，買埋第二日早餐嘅份量...總體嚟講水準比La creation遜色一點。可能唔係食到新鮮出爐嘅la，點都差D...感覺上跟以前嘅A1 bakery水平差唔多....但都係嗰句--- 多個選擇點都係好ge...有機會試試D cakes先...

同男朋友仔再行番去呢個supermarket~都係諗住食icecream!...本身諗住食crepe上次o係日本食過唔錯!不過好似好漏同埋好"貴",最重要係唔知點食...行著街食!?都係黎左呢度食~我地食左:馬拉加...即係提子冧酒!都唔錯,d味ok濃~不過男朋友仔話都係cova好食好多!下次我地lunch去食啦咁!!!...呍呢拿曲奇,我既至愛呢!!!唔錯,如果多d曲奇就好喇!!!不過由於佢不得唔係咁好,我地食得幾lei hea!隻手都係icecream><.....下次都係試下其他,呢度好多choice~!男朋友仔話去多d沙田wor,因為好多野食,唔知係佢為食定係我呢下!?