Le Velo - The Baker

營業中

休息中

尋日帶左靚女秘書去蓮香食大包飲濃普洱，佢臨放工時神神秘秘的，話今日同我去飲正咖啡食出爐麵包，兩者皆吸引，當然沒有拒絕的理由。今朝八點在上環地鐵站集合，行到蘇坑街就知是來這裡，因為附近得呢度有出爐麵包。八時許，人客不多，連麵包都未出爐，唯有飲住咖啡先。杯熱咖啡都幾香濃，比以前的beanstalk遜色，但在呢區來說已算不俗。飲著咖啡，兩盤麵包新鮮出爐，有芝士火腿包、雞尾包、腸仔包及菠蘿包，個個熱辣辣又漲鼓鼓的，賣相是非常之吸引。要了雞尾及菠蘿，個包真係熱到辣手又辣口，尤其係個雞尾包，個椰蓉餡是熱上加熱，出爐麵包，那有不好吃的道理？個人覺得，如果喜歡吃麵包，不找出爐的吃是沒有意思，是不是？八時半客人漸多，仍舊有商業一台、信報及蘋果，又店主同客人在大談時事，由伊拉克到油價到2046，都係另類的龍門陣。埋單30蚊，都算物有所值的。離開時同事問我正唔正，我話唔錯，不過就唔忍心話俾佢知其實我一早來過。

經過呢度好幾次已經被d 麵包吸引住, 包種都幾多下, 如法包, panini, focaccia, bagel, grain bread 等等. 我叫左歐陸麵包set lunch ($49) 有:雜菜湯: 一般, 味較淡餐包: 有兩款, 1)法包, 2) 合桃包,味道唔錯喎, 一小塊烘過後搽上牛油, 一口咬落去好chrunchy, 完全係我杯茶~主菜點左Smoke Salmon in Bagel with mustard seed source,(見中文原來bagel 叫猶太包, 通常見都叫比高). 上菜時個bagel 放o係隻大碟, 有d 菜同車厘茄o係側邊. 份量女士們一定夠, 個包有smoke salmon, cream cheese, roman lettuce, tomato, cucumber ..etc 個包幾好食, 烘到少少暖, 有d 脆脆地. 料都幾足, 但係三文魚有渣, 而且唔太香smoke 味. 芥苿醬配合得唔錯.甜品: cheese cake (size 好似一隻麻雀咁),幾好味!Coffee: 送到時連一小杯熱奶,有誠意! 不過我覺得無乜咖啡香味. 總括來講$

為左寫食評, 忠心Beanstalk fan o既我, 今晚往隔離檔　Le Velo Cafｅ　試下.步進店內, 發覺裝修環境舒服，　但坐下後發現身旁椅子上留下了旦糕碎？！原打算叫　ｔｅａ　ｓｅｔ是芝士肉粒焗多士，　但店員說無多士，　改用法包代替，　但見個法包都唔細，　自己又唔係餓，　無胃浪費，　改要了一件炭燒檸檬批　(叫$9.5０）　＋　咖啡　，　此ｔｅａ　ｓｅｔ一共　＄２０，　如改其他咖啡　（如　ｍｏｃｈａ），　就要加多＄７，　為了與　Beanstalk的質量作比較，　所以叫左ｍｏｃｈａ，　先講個批，賣相可以接受，　個批大約有３吋半直徑，　批面是檸檬溶，及有少少炭燒樣，　批邊還有糖霜，　原打算用叉把批分割才送進口，但好像很實，　很難吉得下，　好在入口也夠鬆化，　但除左檸檬味及甜味外，　食唔到有其他味，（預料還有批底的牛油香味，或炭燒味），　至於那杯咖啡，　上檯後嗅不到咖啡味，　是一杯沒有泡沫的　ｍｏｃｈａ，　而渴後也不似加有朱古力味　（我開始懷疑自己　ｏ既味覺及嗅覺出了問題），　但牛奶味較重，　所以入口較滑，　但吞後倏利有點"鞋" ，　與Beanstalk　Ｏ既咖啡相比，　確實仍有

本人試左個lemon cake, 其實味道都幾好0既, 幾香又唔太甜, 杯mocha都可以啦, 之不過本人覺得佢地0既氣氛同裝潢唔係太好, 其實去cafe好多時都幾受個氣氛影響, 要知道cake同咖啡形式變化唔算多, 要吸引顧客真係要多少少門面0野, 我諗可以再好一d~

$49 的set lunch 有onion soup，頗大portion的baguette夾三文魚&cheese + 靚靚side salad，重有一小塊chocolate cake做dessert，唔知乜名堂不過中間層cream勁香酒味，加埋香濃咖啡，最正的是另上的鮮奶是加熱了的！重有：雖然冇加一，但都會逐個course等你食完至出，timing重arm arm好，不像一般小食店一次過隊哂俾你，抵讚！冇諗過在呢個area的細cafe會咁有水準和誠意。不過唔知點解佢個style有d似天后的Pumpinnickels? Anyway, Highly Recommended！！！(聲明絕冇做馬，我都是看完呢度的食評去試下，想不到會有驚喜tim!)

阿媽喺度買咗一堆麵包返屋企，....發酵既...麥包、香草包之類，呢類原始式麵包幾有天然穀麥既味道，口感一般偏硬，感覺上健康啲但之前喺度試過梨撻就不掂啦

以前通常都係八點半前經過，成日都見呢度未開，今日近九點經過終於見到佢開門，就來吃早餐。得一個店員招呼，好在朝早幫襯的人並不多，連我在內都只得三人。其實呢度都有幾款早餐可以選擇，但見有出爐麵包當然是不容錯過。呢度平時賣洋式麵包如法包、麥包及鬆餅等，但朝早卻供應港式麵包如菠蘿包、提子包等。要了個菠蘿包，新鮮熱辣當然好味，杯即磨咖啡好香濃，用的都是名牌咖啡豆Danesi。朝早有CR1聽，埋單15蚊，幾抵。如果加幾蚊就可以要埋鮮奶麥皮，都唔係貴。

Tea set - 黑椒牛肉三文治配芥醬+ Iced Caffe Latte ($32 + $5轉latte + $2轉凍飲).星期六下晝3點去到，唔係好多人，但都要等十零分鐘先有野食；可能真係如佢地d staff所講，三文治係要等大概15分鐘啦~ 但其實點解唔上左杯latte 先呢? 幾分鐘點都已經沖好la gwa~ 不過是但la，我都唔趕住走~本來想叫foccacia，但係賣晒tim...服務員姐姐一輪咀up左d包名，heehee其實我都唔識分，於是就求其轉左個乜鬼dough bread~ 個三文治暖暖o地，件包個皮幾脆、包身就有d似baguette; mustard同塊牛肉都幾夾，而塊菜都算新鮮；入面仲有蕃茄同牛油果。杯latte o既咖啡味比預期中濃，如果奶味重返d會比較o岩我(因為我今朝先飲完一杯strong coffee，加埋佢杯latte，依家有d頭痛tim -_-!)；環境：鋪唔算大，但唔會坐得好迫；我幾鍾意佢o播o既歌；個廁所都幾乾淨。服務：唔係好又唔係差，可以話係唔夠"醒目" gwa；不過冇收加一但係都做到table-served，算係咁啦~ 收錢o個時搞笑o左，我

如果有留意開Gourmet KC 兄的食評，都知到一定唔會做馬，如果KC 兄可以去咁多地方做馬，咁佢賺做馬費都夠，唔駛番工lu....^^！

「上一個食評」即係小弟所寫的那個，一向見咁多寫咁多，間店同我無關，無「做馬」的意圖呢！其實在同一地方，唔同時間唔同人有唔同遭遇好正常，如果際遇不同就說對方做馬，也太武斷了一點。大家可隨意把自己的經歷在這裡交流的。

有少許懷疑上1個食評是"造馬"! 正如先前有位食家所說,Waitress態度甚差,我們在餐廳較入位置坐下良久亦沒人上前招呼,雖然不斷揮手,兩位Waitress姐姐則視而不見,直到我們要大聲叫"唔該",其中1位才施施然問我們要點甚麼,這是第1個唔得. 跟着我們在沒有水的招呼下乾等了差不多1個鐘,三吹四吹才告知我們要的材料已沽清,臨急要我們重選其他配料,這是第2個唔得.門口是永遠有很多人等,很懷疑他們是"專登"招呼慢來"造勢",或是真是Waitress態度散漫,但其實兩者做法皆不智,請老闆多多反省.

同個朋友行開呢頭，終於搵次可以試試這裡的午餐。十二點半來到人客都已經幾多，可見呢度雖然位置偏僻都頗受歡迎。檯都set得幾密，但位算好坐。午餐三選二，包湯、主菜、甜品同飲品都只係五十零六十蚊，不算貴。我們分別選了雞胸粟米沙律同海鮮Risotto。先來的是什菌忌廉湯，味道幾濃郁，算不錯；朋友的主菜是雞胸沙律，賣相唔錯，雞胸肉大大舊的有三、四舊，加埋沙律菜及粟米，幾清新，佢幾滿意；都估五十幾蚊包晒唔會有真正的Risotto，上檯果然賣相似白汁海鮮焗飯多D，份量唔少，都幾大碟，有蟹柳帶子等，都幾多料，味道不錯，但好似唔及朋友的沙律咁正；甜品是一小件朱古力餅，淋上忌廉汁味道不錯，可惜實在太細件，如果大件少少就正；咖啡過得去，都算唔錯。侍應服務無問題，不過就可能因為忙，所以做到無咩笑容，不過都可以體諒。埋單連貼士百二蚊，唔算貴。不過一點三食完時仲係好多人在等位，來渴下午茶可能會可以坐得耐D。

pear tart, $18texture too rough, hard and ordinary, pastry base too thick, and the fillings comparatively too thin, taste not goodcan't finish it at allnot worthbut plain breads seem to be better

Dear OL 一族，本店有幸閱讀閣下的評語，有關在繁忙時間時，對閣下引起之不便，表示抱歉。本店之三明治是用自家焗製歐陸麵包及即叫即做而成，一般需時約15分鐘等候時間。因當時剛巧在同一時段有多份三明治Order，以致讓客人久等。本店會盡力作出改善，例如在繁忙時間通知侍應在落單時提示客人有關等候上菜時間，讓客人早作考慮。對於侍應態度問題，本店會作內部了解。歡迎閣下繼續給予意見。謝謝!Le Velo Staff

三明治無疑是好吃，但我們足足等了45分鐘才有得吃，要知道打工仔只得1小時吃lunch呀!其間不斷催促侍應小姐，卻只換來「叫三明治是要等架!」好像是我們不應order三明治。後來眼見只剩下20分鐘的時間，便叫侍應小姐上餐飲及甜品，怎料侍應小姐竟然說﹕「這樣只會拖慢廚房的進度!」真是一肚氣!最後連跟餐的甜品也來不及上我們便要走，侍應小姐不單連道歉也沒說一句，甚至「多謝光臨」也懶得說。今時今日這樣的服務態度，即使食物再好吃，我們也不會再「光臨」!