Le Viet

營業中

休息中

位於尖沙咀The One既 ，門面以開放式設計，睇起嚟感覺開揚，入去餐廳樓底極高，空間感十足，座位舒適。   看看餐牌先，有全新推出嘅［越南小黃牛肉粉系列 - 匙炳/吊龍/雪花牛］限時發售，見到咁吸引，我當然唔會錯過啦！越式匙柄湯粉      $78匙柄用嚟打邊爐就試過，與越式湯河都係首次，生嘅匙柄被熱辣辣嘅湯底輕輕灼熟，柔軟多汁，牛味特別香濃，食起嚟好嫩滑，湯底用咗大量牛骨熬製而成，牛骨味重，清甜唔口渴，河粉順滑，配合吸滿湯汁嘅白蘿蔔同爽口洋蔥，甘甜美味，份量都多，好足料。咖喱牛腩撈檬      $76大大碗既咖喱牛腩撈檬，份量十足。牛腩差唔多有8件，肥瘦適中，煮得都幾淋，亦有兩大件牛筋，軟身有咬口。咖喱汁微辣微甜，食起嚟香滑可口且有層次感，檬粉吸入咖喱汁，非常惹味。配搭軟淋既薯仔、洋蔥、青椒和辣椒，材料豐富，滋味滿足！香茅豬扒湯粉       $72依碗河粉食落同樣滑嘟嘟，吸湯都好出色，湯底清甜，香氣四溢，香茅豬扒外香內軟，肉質鮮嫩，香茅味突出，食完成碗好飽肚，有水準嘅越南粉。牛油雞翼        $78一上枱已經見到超多蒜蓉，賣相十分吸引！雞翼炸得非常香脆，內裡軟嫩，肉質唔乾好

二訪位於The One 嘅Le Viet最近新推出越式小黃牛系列天氣涼涼地 食返碗熱辣辣嘅湯粉就最好不過🙂‍↕️🔸吊龍湯河 HKD82吊龍位於牛背脊內側油花唔多 肉質相對較嫩 牛味重用嚟配湯粉令成碗粉嘅味道更昇華🔹豬頸肉金邊粉 HKD83豬頸肉即燒 需要等待片刻 但絕對值得一等嘅因為豬頸肉燒至微焦 肉質彈牙且香口隨湯粉附上新鮮芽菜 香葉可以根據口味選擇落唔落 做法幾細心🔸春卷 HKD58呢度嘅春卷用米紙包 相對普通春卷皮厚實少少餡料有肉碎 木耳 粉絲等附送一碟生菜用生菜包住再加啲花生碎嘅食法幾獨特而且冇咁膩🔹牛油雞翼 HKD78店員一拎上枱嗰吓已經不斷講:好香啊好香啊！五大隻炸至金黃酥脆嘅雞翼 每隻都淋上大量牛油蒜蓉 非常香口但咬開又幾juicy 超級邪惡 必食推薦😈🔸百香果綠茶 HKD36🚩Le Viet 尖沙咀彌敦道100號The ONE 4樓L402號舖

最近新出咗越南菜X小黃牛肉粉系列😲匙柄/吊龍/雪花，潮汕火鍋crossover 越南pho，都幾吸引～不過，我地試左招牌豬頸肉撈檬✨香茅燒豬頸肉撈檬有八片燒豬頸肉，燒得燶邊，調味好食有豬味，帶少少黑椒味～下底係檬粉、生菜、芽菜、蘿蔔絲同青瓜絲都爽脆魚露另上，酸酸甜甜～～✨串燒雞、牛、豬三串即烤嘅串燒超惹味，比較中意雞，燒完都仲係好滑唔會乾✨椒鹽軟殼蟹偏向港式避風塘嘅風味，好多椒鹽碎、乾蒜，勁惹味！軟殼蟹大約有四五隻✨甜品拼盤入邊有椰汁千層糕、芒果糯米飯、仲有法式焦糖燉蛋賣相打卡able~三款甜品質素都好高特別係焦糖燉蛋，綿滑嘅燉蛋，又香又甜

尖沙咀這個商場其實都真係幾多嘢食，今次就食咗依間新派越南fusion菜，價錢方面真係有啲驚喜，而且食物質素又唔差喎！首先要推薦嘅係吊龍湯河，見佢餐牌寫住越南小黃牛肉粉系列 ，好似幾正咁，有三款牛肉匙炳 /吊龍 /雪花可選擇，湯河的湯頭濃郁，鮮香四溢，搭配著彈牙順滑嘅河粉一齊食，真係幾唔錯，吊龍即係牛背脊內側嘅肉，用熱湯灼幾灼，口感軟嫩細膩.再來就係咖哩雞配式薄餅，咖哩的香味撲鼻而來，雞肉嫩滑，椰汁味唔會過重，搭配薄餅一齊吃，完美的組合，真係要encore.另外，燒白鱔也有驚喜，外焦內嫩，搭配特製的醬汁，辣辣哋，幾惹味，不錯。蒜蓉炒椰菜苗，蒜味唔會over，菜苗綠油油，蒜蓉份量配搭得啱啱好.最後當然不能錯過食越南小食鮮蝦米紙卷，晶瑩剔透的米紙卷包滿檬粉，點埋秘製醬汁，好滿足.💰 就尖沙咀商場食肆而言，性價比幾高❤️✨ . 環境又裝修得幾有氣氛，幾colorful .服務方面也不錯，如果想去尖沙咀搵食，呢間都係不錯嘅選擇.

The One呢間越南餐廳行街經過好多次，見到佢而家出咗越南小黃牛肉粉系列，天氣涼涼地好想食碗熱湯粉就入咗去食晚飯。越式拼盤 $118首先嗌個小食先，呢個拼盤啱晒我哋，有齊蝦餅、越南春卷、蒸粉包同埋燒香茅豬頸肉，款款都唔錯，我就最鍾意餡料惹味嘅蒸粉包同埋炭燒得好香嘅彈囗多肉汁豬頸肉。越式雪花牛湯河 $92湯粉熱辣辣香噴噴，雪花牛肉鬆軟，配上清甜嘅湯底，河粉朔晒湯汁好好味，食嘅時候加上青檸汁味道更加突出滋味。椰青海鮮焗飯 $118賣相好吸引，滿到瀉。椰汁清香帶少少甜，成個焗飯好似入咗口，感覺一啲都唔會膩。配料方面有蝦、蜆肉、八爪魚、青豆同埋一啲提子乾，配埋椰汁飯味道好夾，感覺輕盈清爽。

今晚晚餐去吃越南菜，我們來到位於尖沙咀The One的《Le Viet》，這間餐廳價錢抵食，而且味道還不錯。先來個「越式匙柄湯粉」，匙柄肉質嫩滑，河粉口感獨特，湯底還很鮮甜。「越南咖喱軟殼蟹鍋」，帶有明火保溫，讓咖喱味更香更濃郁，軟殼蟹炸得香脆可口，再配上外脆內軟的法包，沾上咖喱汁，實在太美味了。小食來了份「牛油雞翼」，雞翼炸得香脆，牛油滿瀉。最後，再來個甜品「芒果糯米飯」，熱呼呼的糯米飯，煙韌有嚼勁，芒果香甜再配上香滑椰汁，真係好好味。

放工同男朋友去咗一間好出名嘅越南餐廳食飯，人氣真係好旺，成間餐廳都坐滿人！好彩我哋早少少去，唔使等位就入得去！🤣🐔🧈牛油雞翼牛油雞翼真係超正！💕雞翼炸得好脆，而且好入味，配埋牛油同香料，真係好香口！🦐🍲粉絲虎蝦煲粉絲虎蝦煲好足料，入面有好多粉絲，虎蝦大大條，仲有好多配菜，真係好豐富！粉絲好滑好入味，虎蝦好鮮甜，成煲仲有淡淡嘅玉桂同羅勒香味，真係好正！👍🏿🦀🥖咖喱軟殼蟹(配法包）咖喱軟殼蟹(配法包）好香口，  咖喱汁係煲住keep個温度！裡面仲有薯仔🥔軟殼蟹炸得好脆，而且咖喱汁好濃郁，配埋法包同薯仔🥔yumyummm🙋🏿‍♀️💕地點又方便！食物好味，而且份量十足，真係好抵食臨走先見到原來新出小黃牛肉粉系列！超想試🥹🥹下次要book位再食😋！

當日約咗朋友出the one行街 晚餐時間經過哩間屹立多年 但一直都未試過嘅越式餐廳😎 決定試一試😆越式咖喱牛腩鍋 $108咖喱瓦煲上枱 牛筋、牛腩、薯仔🥔炆得入味夠淋 不過牛腩稍為偏瘦 咖喱味道偏甜帶微辣 配上鬆軟嘅法包🥖 完美咁吸晒啲醬汁 大滿足😌沙嗲串燒$68豬、牛、雞 各一串 三款都好juicy 肉質軟腍 非常惹味 甜甜嘅沙嗲醬帶花生粒🥜香芒糯米飯 $66紫、白兩種糯米 面淋上椰漿🍚 🥭芒果份量都唔少 而且每件都好淋甜越式湯粉x小黃吊龍牛肉 $78限定小黃牛肉粉系列 可以選擇匙炳 /吊龍 /雪花牛 當日匙炳售罄 所以試咗吊龍 牛味濃郁脂肪比例少 不過湯底稍為有啲鹹豬頸肉米子卷 $56米紙卷大件到嚇親 中間嘅檬粉加埋可能真係有半碗檬粉🤣 不過味道相對比較普通 豬頸肉肉質稍為有啲乾整體食物份量十足 個人覺得串燒同咖喱牛腩煲都唔錯～去開The One又想食越南菜嘅話 可以考慮吓

鋪頭：Le Viet地址：尖沙咀彌敦道100號The ONE 4樓L402號舖​ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟𝐂𝐨𝐦𝐦𝐞𝐧𝐭係呢到 ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ​ ​ ​ ​ ​1️⃣ 越式雪花牛湯粉 $92牛肉好嫩滑，牛味夠同時唔會有臊味，湯底亦都好清，湯河夠爽身​2️⃣ 牛油雞翼 $78黎過幾次都必點，好香嘅牛油味，外皮炸得好脆，咬開嘅雞肉Juicy，雖然非常邪惡，但都要order😋​3️⃣ 蘆薈柑桔檸檬 $36最底下面有蘆薈肉，好咬爽口，最驚喜係俾嘅份量都唔少👍🏻👍🏻👍🏻​😋總結：鍾意食呢間嘅越南湯河同埋牛油雞翼

Le viet位於尖沙咀the one，地點方便，嘢食又好食，好耐冇嚟食，星期日全場爆滿😝今次仲見到有新菜色《越南菜X限定小黃牛肉粉系列- 匙柄/吊龍/雪花》，非常吸引😆「匙柄湯河」 🍜 匙柄位於牛前腿上方，連著肩胛骨的肌肉，有明顯的白色肉筋 🥩 牛肉湯湯底清鮮，搭配的河粉滑順。「蒜蓉牛油雞翼」 🍗 雞翼外脆內嫩，蒜蓉和牛油的香氣融合得恰到好處，搭配的青檸汁能解膩，更添風味。「香茅豬頸肉撈檬」 🍝 豬頸肉嫩滑，搭配酸酸甜甜的醬汁和香茅的清香，撈檬的口感Q彈，讓整道菜的味道層次分明，十分開胃。「椒絲炒通菜」 🌿 通菜炒得剛好，保持了鮮脆的口感，椒絲的香味增添了不少風味，十分惹味。「芒果糯米飯」 🍚 芒果的甜味與糯米的煙靭軟糯的口感相得益彰，讓整餐有個完美的結尾。

星期六約咗好朋友食飯，去咗交通方便嘅The One呢一間餐廳度食，好幾年前已經食過覺得佢啲質素好好今次再嚟果然都冇令我失望見到有餐牌特別推介啲特色嘅牛肉，我個朋友就叫咗匙柄湯河，鮮紅色嘅牛肉浸落熱辣辣嘅湯度，生熟程度啱啱好，湯頭好鮮甜我每次去到越式餐廳都會叫豬頸肉撈檬，炭燒豬頸肉份量多又厚切，食落好有口感每一餐都一定要有個甜品先至圓滿，我叫咗個焦糖燉蛋，同朋友一人一半啱啱好另外我哋再叫咗一碟飛天通菜，夠晒鑊氣，又夠野味，好食！大胃王我哋最後仲叫多咗一個豬頸肉米紙卷，配埋啲粉絲蔬菜嘅豬頸肉米子卷食落清新，好滿足😊😊😊成餐飯我哋叫咗一壺普洱由頭飲到落尾，暖笠笠，而家年紀大咗鍾意飲吓中式茶，多過飲啲凍檸茶凍奶茶類😎😎

好耐冇食越南野啦，今日我地去左位於The One 的「Le Viet」食正宗新派Fusion 越南菜，由柬埔寨華僑第二代主理，12:30已經全場滿座。餐牌有午市套餐，單點湯河、撈檬粉、小食、甜品，另外有越南菜 X 限定小黃牛肉粉系列 - 匙炳 /吊龍 /雪花，多款選擇。生牛肉湯粉湯底清香，食完不會有口渴感覺，而且湯底夠熱，生牛肉上枱時接近半生熟，靠熱湯浸一浸已經熟晒，牛肉味濃，肉質亦鮮嫩。香茅豬扒湯粉香茅豬扒肥瘦適中，有滿滿香茅味，非常香口，肉質鬆軟又不失嚼勁，湯粉幼滑吸湯能力也非常出色。墨魚餅新鮮熱辣辣炸起，入面好足料，每啖都食到粒粒墨肉粒，爽口彈牙。甜品拼盤平時最鍾意食拼盤，可以一次過滿足我食到不同款式甜品，拼盤有焦糖燉蛋、椰汁千層糕、芒果糯米飯，香甜芒果果肉細緻無渣，清甜多汁配上濃醇椰奶再加上糯米軟糯綿密，另外椰汁千層糕椰汁味香濃，亦不會過甜，煙煙韌韌，好滋味。越南滴滴咖啡&奶茶每次都必飲越南滴滴咖啡，咖啡香味濃郁醇厚，略帶苦澀回甘

🐻👩🏻對越南粉既要求好高，所以唔會隨便食，今次來尖沙咀既Le Viet食，都係🐻👨🏽做好資料搜查先夠膽同🐻👨🏽來。🐻來到The One 4樓就見Le Viet，坐低望下餐牌，🐻👨🏽見到個越南粉Crossover小黃牛肉，即刻點左個越式雪花牛湯粉。上枱後飲一啖湯，湯底鮮甜，雪花牛肉嫩滑肉味濃，河粉滑溜，伴菜蘿蔔煮得好軟淋，🐻👨🏽三扒兩撥就食哂成碗。🐻👩🏻就貪心啲叫左個特別火車頭河粉，貪佢配菜多，有牛肉，牛腩，牛肉丸，牛柏葉同蘿蔔，滿足哂🐻👩🏻既要求。🐻小食我哋叫左蝦餅同牛油雞翼，蝦餅口感紮實，滿滿蝦肉，沾上甜酸醬相當惹味。牛油雞翼外皮脆香，陣陣牛油味，雞翼大大隻，食左兩隻都好飽。🐻👩🏻咁高要求食完都好滿意，真係值得推介！

🍢 **沙爹3串 BBQ Skewers** 🍢這道沙爹串燒是必點的開胃菜。三串烤得恰到好處的肉串，配上濃郁的沙爹醬，香氣撲鼻。每一口都能感受到肉質的鮮嫩和沙爹醬的微辣，絕對是味蕾的享受。🍍 **菠蘿焗飯** 🍍這道菠蘿焗飯不僅賣相吸引，味道也非常出色。米飯吸收了菠蘿的甜味，再加上豐富的配料，口感層次豐富。每一口都能品嚐到菠蘿的清甜和米飯的香糯，讓人回味無窮。🍜 **豬扒湯粉** 🍜豬扒湯粉是這裡的招牌之一。湯底清甜，豬扒外脆內嫩，搭配Q彈的米粉，簡直是完美的組合。這道菜既有飽足感，又不會過於油膩，是一個非常不錯的選擇。🍹 **青檸梳打 & 椰青** 🍹這兩款飲品都非常清爽解渴。青檸梳打酸甜適中，氣泡感十足，讓人一飲而盡。椰青則是天然的椰子水，清甜可口，喝完後感覺整個人都被清涼包圍。🍖 **扎肉薰蹄** 🍖這道扎肉薰蹄是越南傳統美食，肉質軟嫩，味道濃郁。每一口都能感受到香料的獨特風味，搭配上特製的醬汁，讓人一試成主顧。

🎉越南菜色大揭秘！今天带你一起解锁那些让人欲罢不能的美味佳肴，保证让你的味蕾跳起舞来！👇🍗首先登场的是牛油蒜香雞翼，外皮金黄酥脆，内里肉质鲜嫩多汁，每一口都是满满的幸福感！蒜香与牛油的完美结合，简直是肉食控的福音！😋🍖接着是沙嗲三串，烤得恰到好处的肉串，外焦里嫩，搭配秘制沙嗲酱，每一口都是对味觉的极致诱惑！吃上一串，根本停不下来！🔥🥗越式拼盤也是必点之选，各种新鲜蔬菜、水果和肉类巧妙搭配，色彩缤纷，营养均衡，清新爽口，让你的味蕾享受一场视觉与味觉的双重盛宴！🌈🥤青檸梳打和綠豆椰汁🥥冰，这两款饮品简直是夏日解暑神器！青檸梳打酸甜可口，冰爽刺激；綠豆椰汁冰则清甜细腻，椰香四溢，让人一口接一口，根本停不下来！🥤🥤🍜重头戏来啦！火車頭生孰牛河粉，这道招牌菜绝对让你大呼过瘾！牛肉鲜嫩滑口，河粉Q弹有劲，汤底鲜美浓郁，每一口都是对越南美食文化的完美诠释！快来尝尝吧，保证让你回味无穷！🤤🏷️ #越南美食探店 #牛油蒜香雞翼 #沙嗲三串 #越式拼盤 #青檸梳打 #綠豆椰汁冰 #火車頭生孰牛河粉 #美食分享 #夏日解暑神器 #味蕾盛宴