Lemongrass (已結業)

今期阿叔係希慎呢邊做野，日日食Foodcourt，基乎每個counter都食過曬！咁岩出糧日，一於係落一層試下呢間泰國菜。平時去一間未接觸過既泰國菜，最穩陣一定係食佢個金邊粉，事關我鐘意食辣，但又唔太頂得辣，所以點喇沙，冬陰功呢d就會好有risk。講講餐牌，一目了然，都係平時basic既泰國菜：金邊粉、喇沙、海南雞，價錢都處於可接受水平，$60 to $70，絕對對得住佢個環境既！至於食物方面，金邊粉炒得夠乾身，唔會太油同太lup，而味道亦都幾唔錯，只係我略嫌偏甜少少。至於賣相，我都會比9分，中間條檸檬草為普通一碟粉生色不少，同時亦都對餐廳招牌互相揮影，寓意深遠(可能我諗多左)…賣相並唔係我對呢間餐廳最深刻既，而係份量！平時不嬲都幾刷得既我，一開頭都underestimate左佢，但後尾發覺碟粉真係越食越有，而同事對面碗喇沙都係原封不動咁，我就知道唔係我錯覺，而係食物份量真係比一般量大，平時細食既朋友，可以考慮叫少粉，以免浪費！

和同事午餐系放鬆心情的時候，又談心又食好野門面都好彩色店舖在商場高層位置，都算大範圍好香豬頸肉，撈埋甜酸汁，配料和檬粉，超開胃好味一口牛肉超有嚼口，牛肉味道不突出，有待改善這個海鮮喇沙超豐富，有大蝦，青口，蜆肉，雞蛋，豆卜等等，味道配合得當，但製作需時，催三四次都不能上檯，差不多等半小時，美好的食物需要等待凍檸茶無味，雖然另叫糖漿加上凍奶茶味道ok

落單混亂，分配食物給客人不分先後次序。不接納投訴，不主動道歉（所有員工）。問我：「單係落錯咗，咁你想點？」隔離枱遲咗15分鐘落單早我三十分鐘有得食，只係一碟海南雞飯。歺廳同員工都冇出色。以後唔會再來。

Booked this restaurant theough openrice. They have set lunches during weekends, and it’s reasonably priced with tasty food and drinks. Recommended.

有一段時間冇食泰菜，就去呢間試吓，因為見到有半價蟹做推廣。招呼其實唔錯，有笑容有禮，只係有D蝦碌，例如唔記得比menu。😛因為得2個人食，只係試咗咖哩蟹、Roti及蔗蝦。叫咗呢2樣嘢，就可以加$3飲beer🍻，呢個推廣好吸引！👍🏻第一樣上枱竟然係蟹先，汁好味，因為一早講咗係唔辣，所以唔辣但可保留辣的香味。蟹真係足料，好大隻。汁配埋Roti食，一流！👍🏻不過Roti略嫌不夠香脆及不夠熱。蔗蝦則是預料水準之內，冇咩特別驚喜。埋單時再送一張$50 coupon，吸引客人下次再幫襯。我諗我會因為隻蟹仲有半價推廣，都會再encore。因為講咗，下次可以用coupon食半價蟹。😜

聽日約咗幾個朋友去lemongrass 食lunch,我係未試過喺銅鑼灣嗰間食，但係我喺奧海城試過兩次都幾好味。所以今日專誠揀咗銅鑼灣嗰間食。銅鑼灣都好似奧海城嗰間一樣都有lunch set !青咖喱雞跟飯或酥油餅海南雞飯每一個lunch set都會跟一杯熱飲，個lunch set都幾大幾夠飽！而且價錢又唔係特別貴，都係銅鑼灣價啦!不過份量真係比到足！我哋叫咗個甜品share ! 甜品入面有花生同椰絲甜甜地幾好味。加上服務唔錯，認真可以再嚟

星期日午飯時間在銅鑼灣，本來打算上希慎廣場的food court吃午飯，平日人不多的food court 在假日竟然無位，便決定「往上走」找另外的食店。很開心星期日這裡還有set lunch 供應，而且假錢不太貴。朋友點了肉骨茶套餐，味道很濃，很多料，排骨、冬菇、枝竹等，並有白飯一碗。我點了海南雞飯套餐，雞的皮很黃，賣相很美，但雞胸肉不夠滑。胡椒湯感覺很正宗，還有黃油飯和油菜，不錯。午市套餐加$20可選兩款小食。我們選了沙嗲和春捲，味道OK。十元有兩串，比街邊小食還便宜。

點了串燒，菠蘿炒飯，馬拉盞通菜，海南雞飯和印度餅。全部都好味。初時訂枱，職員已態度很好，而窩心的是，店員會提醒我們有些已點食物是辣，可能不恰同行小朋友。最後又送小朋友一杯鮮製雪糕。小朋友吃泰菜也很滋味。

喺銅鑼灣行完街，突然想食泰國餐🇹🇭，於是直接去左希慎廣場12樓既Lemongrass~環境舒適、乾淨。最近做緊呢幾款料理既限定優惠，抵好多！「泰式蟹肉炒粉絲」- 整體味道不錯，可惜蟹肉很少，零碎，而且無味。如果唔落蟹肉而價錢平啲，我寧願冇蟹肉～「泰國臘腸炒椰菜苗」- 惹味但略咸，泰國臘腸的味道不及本地牌子的好吃。「泰式鐵版蠔燒」- 蛋量及蠔量充足，而且蠔仔不算瘦。除此之外，每人叫左一杯飲品～ 盛惠$367整頓晚餐中，最讓我不滿意既係侍應生的服務水平！我知道呢到唔係咩5星級食店，而且香港地細，但站喺食客立場，冇諗過侍應生可以大大聲傾計兼講粗口，其實真係幾騷擾⋯⋯ 而且仲有一個侍應生有一種唔好既習慣，就係不停咁按佢支原子筆，令人覺得好心煩！如果係食客做出以上既行為，我唔會不滿，但係作為餐廳員工，我覺得要協助公司創造一個良好既環境讓食客進餐！就係咁簡單！

馬來西亞的菜色對於香港人來說可能會陌生點，最為熟識的可能就係喇沙了，我也不例外，對於喇沙都挺愛吃的。通常喇沙只會配上海鮮，但這裡卻配上海南雞，可以一次過吃兩樣喜歡的。麵都倒是認真，用上了粗蛋麵加米粉，貫徹一概的做法。湯底來說味道剛好，還有點甜，但是絕對不辣，還有椰子香。雞來說不是海南雞的做法，但卻有自家制的風味，雞肉有咬口，有雞肉味。馬拉盞炒秋葵，平常我自己炒不知道為何總是炒到黏黏的，看樣子就不想吃。這裡看起來不會，火喉剛好，又入味，下一次我又要試試用這個馬拉盞炒，看看會不會一樣。這個印度薄餅是我重點推薦的，平常吃這個通常用花生醬的，這裡卻用了花生粒，很有咬口，整個感覺都不同了，大家真的要試試看。

真係hea到當我儍的叫左條鹽燒魚餐牌上寫明需時30分鐘要咁耐係因為燒魚需時喎好正常喎點知上枱時面頭就似係有加鹽燒過但食完翻轉另一面係完全冇燒過係蒸魚咁個經理話魚係唔可以燒熟一定要蒸左再燒喎真係講大話唔囗震真係長知識大佬，做戲做全套唔係淨係燒一面裝假狗咁樣呃D客真係當人儍架末完⋯⋯⋯⋯待應話可以用$3換特定飲品及小菜於是叫左杯什麼芒果乳酪特飲杯野來到淨係芒果沙冰有D冰仲係末打碎但餐牌圖片係有芒果粒完全與圖片不符真係離譜咁做生意真係有試意咩？

餐廳最近又做炒蟹半價優惠，我們兩公婆咁鍾意食蟹緊係唔放過啦！每位侍應的服務態度非常好，每次黎都好有賓至如歸的感覺，值得一讚！仲有值得讚嘅係，侍應會俾暖水給顧客，在秋冬季節係好細心嘅安排！

去希慎行完公司，到12樓找食的，看落環境舒適光猛，也很多人，必定好食，叫了一個蟹肉帶子炒飯，圖片的帶子好帶粒，但飯到只見兩片薄薄太小了，不過飯的味道很好，蟹肉也多，有些蔬菜點綴吃落味道不錯鹹柑桔蜜，夠鹹，飲完都幾舒服，店員的服務也不錯

又過左個忙碌既星期五，好想食餐靚飯慰勞自己，所以搵埋個朋友去銅鑼灣睇睇有咩正野食。去到希慎見到呢間餐廳啲menu幾吸引喎，就決定入去試試喇😙凈係餐牌啲圖片已經好正，可能係太餓既關係🤭咖哩係最先上菜既，先用🥄試兩口，係甜甜地加少少辣既味道，牛腩相當多，我地有用薄餅撈咖哩，兩者一齊食相當match😌呢個冬蔭公又香又足料，凈係魷魚都食到幾舊，再加上唔算好辣，真係好想叫多碗encore ah 呢個撈埋咖哩食就最好喇，就咁食會有啲肥膩感堆到滿滿既菠蘿炒飯😆😆用料充足，食落飯身無乾既感覺，俾個like你👍🏿最後想讚下啲伙記，態度相當好，見客人無咁多果陣主動推啲櫈過黎俾我地擺袋，又好有笑容喎，上菜又快呢，正🤩

為咗嘉許嗰甜品要寫一寫篇食評，其實其他食物都唔錯，一睇menu ，佢哋嘅價錢唔平，好多都over $100 蚊，但勝portion 都好大，夠曬食，四個人叫咗三碗麵一碟菜，都食唔曬，本來太飽冇諗住叫甜品，但老闆知道我哋慶祝生日就送個甜品俾我哋食，大約需要15 分鐘整，好似叫咩咩雪山，甜品來到好吸精，影完一輪相，大家急不及待食，好脆唔太甜，雖然炸但唔太油，好好好好食，本來飽嘅我哋都搶著食，下次會再因為個甜品來食