Little Devil Grilled Cheese & Dessert (已結業)

又到食晚飯時間，我同羊仔又唔多肚餓，但係又唔可以唔食喎，多數都黎呢間都食，呢間好就好在2個人share食一個餐加啲小食又唔算貴，又醫到肚，非常好！Little Devil 舖仔細細，但係款式都算多，有三文治、意粉、甜品等等，價錢唔算貴，仲可以按照自己的食量而加配小食同飲品，非常彈性同優惠。今次，我同羊仔就叫左水牛城隊長加小食茄醬肉丸，三文治烘成金黃色，咬落去脆卜卜，牛肉烤得啱啱好，非常juicy，加上已經溶左嘅芝士，好好味呀值得一提嘅係個茄醬肉丸，肉丸事先煎香左，鎖住左肉汁，食落口一啲都唔乾爭爭，雖然係小食，但係都誠意十足呀

這家店是馳名香脆芝士三文治的，之前食過確實是非常吸引，但今晚不太想吃食熱氣野，所以改一改口味叫了一客沙律和一份意粉，一個人這樣歎的吃晚餐真是很享受。大蝦芒果金柚沙律的芒果金柚都很清甜，不會太酸，入貨質素不錯，而大蝦就很爽口和新鮮，沙律汁則用上蘋果醋，混合起來特別清新怡人，感覺開胃亦相當健康，可以清清腸胃才入正題食主菜。吃了一個輕盈的前菜，就可以吃一個相對heavy的白汁煙肉磨菇意粉，份量十分充足，白汁相當creamy味濃，煙肉和磨菇亦很足料，每口意粉都掛滿汁和配料，真是十分滿足滋味。有菜有肉、水準不錯的一人晚餐，就是如此簡單。

又到了Blue Monday，又要開始一星期繁重的工作，真是千萬般不情願起床，唯一能令自己提神的事就是想著心愛的早餐，為了可以好好吃早餐，享受獨自優閒的時光，梳洗過後就馬上走到這裡點我喜愛的脆香烤芝士三文治。之前嘗過一次之後，我幾乎每星期都希望有一天可以來這裡吃早餐，因為它的招牌三文治真的太邪惡太香口，吃完就會充滿能量的回到工作崗位。今天我的寵愛就是這個芝士三重奏，regular份量，芝士實在是太吸引，傳來陣陣奶香，芝士溶了，口感仍在，質感輕盈、軟綿彈滑，實在是一款非常誘惑的早餐，那種濃郁程度是完全能把睡著的人叫醒!!! (我會不會太誇張呢？)還可以彈性加錢配飲品/沙律/小食，我單單吃一份regular已經很full很滿足了，留待下次來時再配吧！

.水牛芝士份量多，但因為芝士味道係偏淡唔會令到整體好咸。通粉有點太淋，硬身少少會更有咬口。新鮮茄醬好濃好香！不過洋蔥味道太重，令成個三文治嘅味道偏佐去洋蔥度。.洋蔥味實在太重

好耐冇返過觀塘，未見過間野，咁就叫咗兩件外賣。7,8三文治。同朋友一人一半，可能外賣無咁好食。8真係無牛肉咁。有小小似pizza。7就真係幾好食既，不過覺得有d貴。

朋友當中...總有二至三個係芝士控...既然咁樣...一於去牛頭角試吓「little devil」...完全無諗過舊區街舖會無梯級...非常平坦...食店唔大...但夠一張輪椅出入...當日人客唔多...店員見到又主動邀請入店內坐...實在太好喇！因為有枱真係會食得舒服好多㗎...通常輪椅使用者入食店...好多時會被安排坐門口位...但今次就唔一樣...反而坐到最後座...望落地方好窄...不過真係夠一部輪椅出入喎...坐好後先發覺身後位置就係廚房...食店有意粉、沙律、小食...既然店內賣點係食芝士三文治...就order兩款試吓啦...當日嚟食早餐…覺得份量剛剛好...第一款係「芝士三重奏」（ ＄38 ) : 餡料有煙肉、蘑菇、車打芝士、瑞士芝士、水牛芝士...芝士已呈半溶狀態…可以拉絲。菇類有咬口...無出水情況，相信已輕輕炒過...三樣餡料加埋一齊味道唔錯...又唔會過鹹...最初有少少擔心會好漏又好滯...點知食完又唔覺…反而覺得啱啱好...夠飽呢…呢一款係小城風波（ ＄38 )餡料有午餐肉、香草炒滑蛋…即係餐蛋治～午餐肉有兩小塊…切到好薄…炒蛋份量多…蛋味OK濃喎…但食唔到

女孩子最害怕的就是變胖 脂肪 偏偏三個吃貨經常就挑戰最邪惡的美食 驚死自己唔會肥甘😆 我們就是「用生命來吃盡天下美食😁」.今次偽文青去到觀塘Little Devil 食邪惡美食-惡魔之子😈$38（regular)，聽個名都覺得「死啦，又要增磅啦！」😭 如果戰鬥力一般，建議可以兩個人一份，一人一半，這樣就可以食更多野，因為這芝士三文治都較膩😂*有Regular$38同Large sizes$41.「惡魔之子」是由水牛芝士通心粉、蕃茄肉醬同焦糖洋蔥而成的，配上烤到脆卜卜既多士，外脆內軟。濃濃的水牛芝士味，真係齒頰留香，雖然好heavy，但真係好好味，好邪惡啊！可能水牛芝士通心粉同蕃茄肉醬味道較濃，不太吃到焦糖洋蔥，難道已經溶在一起🤔.另點了特製炸雞翼同芝士薯條，偽文青就覺得味道相對較為一般。芝士薯條只是將芝士鋪面焗，芝士焗得太硬了，吃的只是硬芝士與硬薯條。*建議吃貨還是一心一意吃香烤芝士三文治😋..Little Devil Grilled Cheese & Dessert (牛頭角)牛頭角馬蹄徑5號寶峰大廈地下7號舖

觀塘區 西式快餐邪惡系列😈😈 超好食既三文治👏🏻👏🏻👏🏻👏🏻呢間招牌就係#脆香烤芝士三文治🌟水牛城隊長 $42今次試左呢款有 #牛肉 #蕃茄 #洋蔥塊多士真係好正！勁脆！加埋半溶芝士🧀 juicy蕃茄🍅 抵擋唔住既邪惡🙈🌟煙肉芝士通心粉 $24芝士滲透每粒通心粉 加上香煎煙肉睇相已經好正！夠哂邪惡😈詳盡請睇Facebook專頁：herfood

之前感冒日日都無啖好食，食來食去都係粥、白烚肉同青菜，成個人謝晒無晒心機，今日終於好返晒喇，YEAH，所以即刻要食返個開心早餐滿足下自己既口腹先！晨咁早黎呢度就整左個脆香烤芝士三文治做早餐，係眾多款式入面揀左”水牛城隊長”，regular size，$45，入面有烤牛肉、蕃茄同洋蔥，烤牛肉勁香口、勁juicy、勁好味，我真係口啖左好多日喇，終於食返d有味道既野，真係好感動，牛肉份量都好多，咬落鬆化入味，蕃茄同洋蔥都食得出用料好新鮮，加埋半溶又熱辣辣既芝士，食完成個人充滿正能量同開心返晒，hahaha……

Blue Monday返工當然無心機啦，所以平日求其咬個包就算既我，今日特登兜少少路黎呢度歎埋個早餐先返工，之前經過已經聞到好大陣芝士味傳出，估計招牌菜應該就係芝士類~望望menu，唔…就要份芝士三重奏啦！regular size $38，入面有煙肉、磨菇、車打芝士、瑞士芝士同水牛芝士，一次過食3款芝士，你都咪話唔邪惡？！黎到見到三文治表面金黃香脆，邊位超多芝士想湧出黎，食一啖真係不得了，d半溶芝士同煙肉、磨菇mix埋一齊，每啖都好滋味好有口感，食完唔覺得好膩，反而有少少覺得唔夠喉添，哈哈！

浮羅交怡toast ，烘得好多脆面平均，入面有芝士，菠蘿，腩肉。腩肉略肥食得出生前係一隻少做運動既肥豬，菠蘿罐頭的酸酸甜甜，芝士拉得出。本身都好地地既但加12蚊個杯奶昔有3/4係泡，拎上手咁輕都知出事，啲泡唔好飲。

之前放工黎呢度食過招牌芝士三文治覺得好好味，今晚阿媽無煮飯，所以再一個人黎開餐。見到呢度既意粉選擇都唔錯，今次就改為食意粉啦!!!(雖然真係好掛住芝士三文治~) 叫左個白汁洋蔥蜆肉意粉，$46，價錢都相當之親民， 蜆肉同意粉既份量都唔少喎，個白汁味道夠濃夠味，仲食到洋蔥既香。之前喺其他地方食過一d好淡既白汁，完全無味，今次就滿足返晒喇！返工返得咁辛苦，梗係要對自己好d，所以食完意粉再整左個楊枝甘露($33)，呢度既甜品選擇都相當多，不過本人實在太鐘意食楊枝甘露，所以諗都唔諗就叫左我既至愛！味道好香濃，芒果食得出夠新鮮同香甜，柚子亦唔會過酸，清清甜甜勁好味，夏天整返碗真係成個人爽晒！下次屋企無煮飯又可以黎ENCORE!

My Favourite kind of Grilled Cheese Sandwiches 😈 Captain of the city (upper) Grilled Beef • Fresh tomatoes and onions.The BEST Chosen why devil evil (bottom) • Mozzarella cheese macaroni • Tomato Meat Sauce • caramel onion!! It took a while for waiting but it worth the wait! I especially like the bottom one, very cheesy. I was stuffed!!!! The portion is big enough to share for two!

去左尼間小店食通粉三文治😊通粉熱狗、炒麵熱狗聽得多啦食就未食過試下通粉三文治會係咩一回事先😜惡 魔 之 子（大）$38多士有分大同細我就簡左個大既同朋友share一人一半😛多士入面有水牛芝士通粉、蕃茄肉醬同焦糖洋蔥個包烘得超鬆脆 一d都唔硬 好鐘意個口感😀通粉同包都襯 蕃茄肉醬酸酸地中和番芝士膩感 好食😊

今日開工喺牛頭角,到咗午飯時間🍴天氣熱辣辣冇胃口食飯見到有間即做三文治,食份三文治做午餐,見到餐牌有水牛芝士三文治就叫左一份,D芝士融得岩岩好,芝士味好濃,香脆麪包加上彈牙的通心粉,口感一流,個餐還有沙律同肉丸,份三文治只可以食到一大半,好飽呀😣😣