Little Prince

營業中

休息中

約咗去朋友，喺佢公司附近食lunch，去左Life@KCC搵食，見到一間木糸cafe都唔錯，午餐主打fusion意粉，午飯時間都坐滿人，先點餐俾錢，坐低等佢送餐🍝。🍝雞肉菠菜忌廉意粉$62意粉煮得剛好有咬口，雞肉鮮嫩多汁，加埋菠菜，香滑忌廉汁，口感層次豐富。🍝檳城喇沙蝦意粉$65濃郁喇沙醬汁微辣，為意粉帶來獨特味道，第一次食喇沙意粉，原來味道好夾👍🏻😆🥤凍朱古力咖啡+$14濃郁巧克力和咖啡苦味，甜蜜得來又提神。🍵抹茶鮮奶+$9濃厚抹茶味道，但略甜。經濟抵食，意粉係我鍾意嘅硬度，味道好，又唔洗加一👍🏻確係打工仔嘅飯堂是日午餐$150人均消費$75

小妹今日同豬一齊去葵興KCC工業區附近既商場行下，見到地下有間以木系文青為主打既咖啡店😍 門口採用落地大玻璃，仲有1張高bar位😚餐廳🍴讓人感覺舒適乾淨🥰 重點係價錢好經濟👍🏻 set lunch 平均六十多元，仲包飲品😝仲有多款意粉🍝飲品🥤及小食選擇😎 西式、東南亞、泰式等都有，總有一款岩自己😙午餐Set lunch冬陰功鳳尾蝦意粉 🦐 🍝呢款冬陰功味足夠，每條意粉都掛滿冬蔭公汁，辣度適中🔥 麵條煙靭，配料更有蒜片，洋蔥🧅草菇、車厘茄及鳳尾蝦🦐 酸酸辣辣令人胃口大開🫦帆立貝海膽忌廉汁意大利粉（十月份限定）🍝呢款意粉🍝有兩嚿大帆立貝，帆立貝煮得淋身，唔會太乾身，海膽忌廉汁，食上黎淡淡cream味及海膽鮮甜味🤭玫瑰latte 🌹 ☕️拉花很美，玫瑰🌹與咖啡☕️味道配合，同樣好飲🤭紫薯Latte 🍠 ☕️Latte香滑充滿淡淡的紫薯味，味道好喝，配在一起剛剛好🍠餐廳除一般座位外，仲貼心地設有對窗高凳座，感覺讓人悠閒寫意😌而且每月均設有限定款式，令人可以一試再試🤤

#chuchu食在葵涌📍 Little Prince喺葵興翻工嘅人一定食過！呢間小王子👑意粉真係好抵食，仲有好多新式嘅味道！💡喺KCC地下，好易搵的！—————————————————————❣️ 檳城叻沙蝦意粉 $65有誠意！有大蟹柳、大蝦、車厘茄、豆卜，唔同口感都有！好多隻蝦係面，新鮮彈牙！嗰sauce幾特別，偏向似咖哩味嘅叻沙！.❣️ 帆立貝海膽忌廉汁意粉 $7510月限定🤩 有兩大隻煎香左嘅帆立貝！個海膽忌廉汁好出色，意粉超掛汁！.❣️ Rose Latte +$9拉花好靚，仲有啲玫瑰花瓣喺面🥀，好香花味，甜甜哋！.❣️ Iced Green Tea Latte +$14凍綠茶鮮奶好解渴，綠茶味夠濃，鮮奶夠滑！.💬 真係好抵食！————————————————————— 不專業評分👅好味指數: 8/10 💰性價比: 8/10👍🏻推薦: 8/10 —————————————————————🏡地址: Little Prince (葵涌)葵涌葵昌路72-76號Life@KCC地下G05號舖🕑營業時間: 07:30 - 18:00 （星期日休息）—————————————————————#

食物質素係正常的，之前都食過一兩次自己都覺得OK，不是特別好食，也不是特別難食。今日同個朋友去食，我哋12:15左右叫餐，12:30左右嚟到，我估12:45左右食完詳細時間冇留意到，食完坐咗一陣傾偈，有個四眼嘅阿姨姨，唔知係咪老闆娘，不斷喺我哋側邊整餐具擾擾攘攘，我問我哋仲要唔要餐具，95搭8，整咗好幾次，趕我哋走。。嗰時12:50左右。。真係O晒嘴。重點係，後邊係仲有空位的，並冇人等緊位。。有人等緊位的話趕我哋走都合情合理丫😅成個用餐時間都冇1個鐘，仲要冇人等位，下次唔俾坐貼張紙出嚟嘛。。我唔入黎食啦😅

依間餐廳早餐最平$28起，仲會包飲品，而其他普通西式早餐淨係需要30幾蚊。真係太抵啦，因為依家平時出去食個早餐可能都要四十幾蚊，呢個價錢就食咗一個飽肚嘅歐陸早餐真係好正。而我叫咗個熱香餅套餐，先至$36，而且好夠飽，仲有得配火腿添~而我朋友就叫咗 雜菌芝士奄列配茄汁焗豆及迷你牛角包，奄列裏面有好多蘑菇同埋芝士，食落都好飽肚，差啲食唔落個牛角包飲品方面，分別叫咗一個抹茶鮮奶同埋草莓鮮奶，個人推薦大家叫少甜。

Little Prince 📍香港🇭🇰 葵涌👉🏻follow @kumikofindfun 分享我的足跡#米吃 #今日教練食呢D #今日食呢D.呢間餐廳真係好抵食！ 份量正常 仲送嘢飲～出面就算冇嘢飲嘅，70 80都走唔甩！座位舒適 地下舖頭 呢頭返工嘅人好啱～.午餐✨冬陰功鳳尾蝦意粉 🍝$65冬陰功味好夠 蝦嘅份量都唔少 辣度剛剛好有好多粒菇 麵條煙靭 好抵食 稍為有點油.✨青咖喱雞肉意粉 🍝$62本來以為會綠色的醬 外觀清清地 九層塔味道好出 但係冇搶走咖喱嘅味道意外呢個又幾好食 辣度比冬陰功多啲對於好食得辣嘅人嚟講可能得DD 對我剛好雞肉好滑 配有黑椒辣 成碟都好食.+ $7 餐湯 🍅🥣今日係蕃茄湯 仲有啲蕃茄蓉 超鮮.✨飲品 凍飲+$3 咖啡+$9凍檸檬水🍋玫瑰latte 玫瑰花🌹好多 好有味😋

原來意粉都可以咁樣配塔，會有意外嘅驚喜😋😋今日就約左朋友去到葵興KCC地下嘅一間cafe shop - Little Prince 👑 佢地早餐會有All day breakfast，而午餐都係主打意粉套餐為主🍝佢哋嘅意粉都好特別，有傳統嘅醬汁，亦都有創新fusion醬汁🍝😀雖然聽起來有啲新奇，但食落去都唔差架！🌟泰式蝦醬魷魚忌廉汁意粉 $68一上枱已經有好香嘅蝦醬香味！意大利粉結合左泰式風味與意大利經典，搭配新鮮的魷魚海鮮和忌廉醬汁，超級惹味😋好岩口味重的人🫶🏻🍝🌟麻辣牛肉忌廉汁意粉 $68以麻辣牛肉為主角，麻辣香料搭配忌廉，展現出獨特的辣味與奶香的完美結合。牛肉切片鮮嫩多汁，冇諗。🌟荔枝玫瑰梳打 $40飲落去有淡淡的荔枝與玫瑰香味，加上係梳打水，有氣泡感與水果的清甜交融，好岩夏天飲！🌟草莓鮮奶 $32如果鍾意飲韓國嘅草莓牛奶，咁呢一杯飲品就好岩你了😋滾滾的草莓香味，呈粉紅色的！

去開葵興整嘢，上openrice睇下附近商場有咩食，小朋友話想食西餐，佢自己揀左Little Prince。入到去有張六人大枱，一邊剛好仲有兩個位，就快趣坐低。無侍應落單，自行到收銀處order完，就可以拎有號數嘅牌放自己座位，好快就有侍應端上食物。無華麗裝修，但有文青風嘅簡約。呢個銀杏葉裝飾，為餐廳帶來幾分日式風情。叻沙意粉個汁比出面好多自稱叻沙嘅湯底好好多，啲蝦係新鮮兼彈牙，配搭埋吸左叻沙汁嘅車厘茄和豆腐卜，加上口感al dente嘅意粉，令人驚艷。此意粉絕對值得encore。呢個黑松露雜菌忌廉汁意粉有好足料嘅雜菌，都係水準之作，但因為常見，相比之下上面嘅叻沙意粉更得我歡心。

依間係一間超級chill的咖啡館，環境非常舒服，可以自己獨自享受悠閒的時光。我點了一份 **冬陰功鳳尾蝦意粉**，這道菜真的是令人驚喜！意粉的口感非常滑，與濃郁的冬陰功醬汁完美結合，讓人每一口都充滿了香氣。鳳尾蝦煮得剛剛好，鮮嫩多汁，讓這道菜的層次感更加豐富。酸酸辣辣的味道非常提神，特別適合喜歡泰國料理的朋友。這裡的氛圍非常放鬆，適合朋友聚會或是約會。店內的裝潢獨具匠心，讓人一進黎好舒服，真的很適合拍照打卡！

早排去葵涌區做嘢，太趕無預先食嘢做完嘢嗱嗱聲喺附近醫返個肚，無意間入左間抵食又好味嘅cafe～嗌左lunch set 連嘢飲每人都唔過百～超抵食Cafe喺工業區KCC 嘅地下 ， 簡約木系嘅裝潢～店內點餐需要先下單後取餐嘅模式～🍴冬蔭公鳳尾蝦意粉煙三文魚、煙肉、忌廉白汁意粉🍹芋頭鮮奶柚子蜜梳打冬蔭公鳳尾蝦意粉冬蔭公個味幾出色，亦唔會太辣～有菇、蝦、蟹柳、蕃茄仔等材料。份量亦唔會話好細😌煙三文魚煙肉忌廉白汁意粉，汁身幾滑同幾香食落亦唔會太膩😋意粉除咗面頭嘅煙三魚卷花、煙肉都有啲汁煮嘅三文魚夾埋灑喺面嘅香草🌿配搭口感好唔錯👍芋頭鮮奶，有芋香味又唔太甜幾好飲👍柚子蜜梳打，正常水準都有唔少柚子肉～我見佢Menu 早餐同下午茶都唔係好貴😆係抵食之選～ 依餐每人都唔洗$80🤭味道又有質素，真係性價比高❣️

趁住星期六放假，約朋友去葵廣行下，朋友推介佢公司附近呢間cafe, 我第一次嚟都覺得真係值得推介。首先set lunch 意粉平均$65左右，包飲品，而且意粉有好多選擇，西式、東南亞、韓式、泰式都有，真係好啱我呢個意粉控。我哋點咗：泰式蝦醬魷魚忌廉汁意粉（九月份新口味）、香辣蒜片蜆肉意粉、iced mocha、柚子蜜梳打泰式蝦醬魷魚忌廉汁意粉：蝦醬超香，加埋濃濃嘅忌廉汁，完全係我想要嘅味道，意粉比較幼身，但超掛汁，仲加入咗少量蒜片及紅蘿蔔薄片，多款嘅菇菌，令整體味道更多層次，超喜歡香辣蒜片蜆肉意粉：朋友讚呢碟意粉蒜香辣味平衡好好，意粉彈牙，車厘茄新鮮iced mocha：朱古力味同咖啡平衡得好，咖啡無搶到朱古力嘅味道，推介

喺附近上完workshop~已經成2點幾，勁肚餓~所以求其見到呢間啱食，又有啲人 (唔會太伏)，就衝左入去~點知又有驚喜喎~🔹韓式泡菜海鮮意粉🔹 韓國同意大利嘅fusion~意粉口感滑順，加上少少辣嘅泡菜，好有層次感~整體味道獨特，既有海鮮味又有泡菜嘅酸辣，原來可以咁配搭~🔹黑松露雜菌忌廉汁意粉🔹有好濃郁嘅忌廉汁~滑順嘅口感好正~黑松露提升左了各種雜菌嘅風味~用料好足，刀工好好~全部都切到差唔多厚~細心出品~🔹凍芋頭鮮奶🔹靚~配泡菜意粉一流~成件事好smooth~好香芋頭味~🔹熱情果梳打🔹配忌廉意粉好啱~好fresh ~好balance 個味蕾~

呢間木系文青咖啡店位於葵興嘅KCC工業區入面地下, 餐廳裝修以木系同白色為裝修主調, 近門口落地大玻璃有張高bar位, 門面望落清新舒適, 環境舒適, 餐牌價錢仲好實惠, 有多款意粉和飲品, 賣點係Fusion嘅意粉, 夠哂特式, 例如：麻辣牛肉忌廉意粉、青咖喱雞肉意粉、韓式泡菜海鮮意粉、吞拿魚秋葵麻醬意粉, 食物都是即叫即做, 一定夠熱辣辣, 可以和朋友一起享受寧靜休閑午餐或者下午茶。冬蔭公鳳尾蝦意粉 - $65好鐘意冬蔭公嘅味道, 有蒜片洋蔥, 香茅, 檸檬葉嘅香味, 冬蔭公味道夠濃夠酸, 濃郁嘅冬蔭醬汁配上鮮嫩嘅鳳尾蝦, 酸酸辣辣嘅口感真係胃口大開, 所以覺得哩個意粉整得好食, 而且鳳尾蝦食落彈牙, 入面仲有落到車厘茄同菇, 增加口感同令到到個意粉唔會太膩。青咖喱雞肉意粉 - $62雞肉同青咖喱醬嘅配搭, 食泰國野都成日見到, 但佢嘅意粉搭配搭, 自家嘅味道, 又唔會好似出面連鎖店咁, 忌廉汁和青咖喱醬汁味道更夾, 味道更有層次, 口感唔錯, 雞肉肉質鮮嫩, 一啲都唔鞋。我仲見到佢地係炒香意粉, 先再去因應客人要求的味道去烹調醬汁, 所以意粉軟硬適中。熱情果梳打 – 加$14升

葵興區滿佈既工廈地方，係葵興站E出口係KCC商場。地下有間cafe供應食物有麵類，西餐意粉，牛角包等等今日休息，係平日出街人少d仲可以靜靜食個下午茶午餐供應由11點到下午6點最平$59有交易下午茶由下午3點開始最平$29有交易今日既午餐以意粉為主食仲有供應特色意粉醬汁好似馬來西亞風味既檳城叻沙意粉同埋日式風味既吞拿魚秋葵芝麻汁意粉檳城叻沙意粉微辣味道好正宗有椰香味仲有4隻大大的蝦豆腐卜都充滿叻沙味令我食唔停口吞拿魚秋葵芝麻汁意粉吞拿魚分量好多芝麻醬非常香岩晒夏天食增加食慾熱情果梳打最後一杯梳打岩晒炎炎夏日泡沫咖啡奶泡綿密咖啡香得黎帶點層次平均每人$100都唔洗而且大廚即叫即煮夠晒誠意

係葵涌Life@KCC地下嘅西式咖啡店，環境好舒服，裝修以木系為主，落地玻璃採光度高👍👍🌟冬蔭公鳳尾蝦意粉🌟濃郁的冬蔭醬汁配上鮮嫩的鳳尾蝦，酸酸辣辣的口感真是讓人食指大動！🍤🍝🌟吞拿魚秋葵芝麻汁意粉🌟新鮮的吞拿魚🐟與香脆的秋葵🥒，搭配芝麻汁，口感滑順又充滿層次感!🌟凍綠茶鮮奶🌟凍綠茶鮮奶好清涼解渴，綠茶味好濃，鮮奶好滑，好啱夏天飲！🥤🌿🌟柚子蜜梳打🌟柚子蜜梳打好清新，柚子味好香，梳打好解膩！🍊🥳食物質素高，環境又舒服，下次一定會再嚟試其他菜式！