M9日式居酒屋 (已結業)

作為街坊，呢區好多鋪頭都食勻晒；最近老公發現呢間舖、好想試，所以就黎咗幫襯。一食之下驚為天人！食材新鮮！烹調手法不俗、味道精準！服務態度一流！真心推薦：A5 和牛燒定食🐂！海膽！燒物🍢-- 連骨腸（唔記得個名、係咁上下）、海蝦🦂⋯等等、好新鮮嘅刺身🐚🍣！唔好話深水埗區，就算同尖沙嘴/銅鑼灣我地幫襯開嘅日本居酒屋比都一啲唔輸蝕！亦係因為佢位於旺中帶靜嘅順寧道，所以咁好級數嘅食材算係抵食，人均消費300-400（包括A5和牛定食）。短短幾個星期，我哋已經約朋友、家人黎幫襯咗好幾次。支持小店！呢度已經變成我哋嘅飯堂喇。

M9日式牛排燒肉專門店，位處長沙灣順寧道內街，地點較為隠閉，不是居住在附近的街坊，亦未必留意到它的存在，但對於喜歡四處尋找美食的我，早已留意。由於該店舖面積不大，每次路經，也見有人龍在等位，故一直未有光顧幾個星期前，終於有機會早收工去試試，正當在店門外猶豫食什麼的時候，被熱情的侍應推介當天的優惠精選--海膽魚子壽司，隨即入內，眼前被一大排清酒所吸引，環顧四周見小店只擺放著數張枱，亦較擠迫，於是便急不及待地落單餐牌內壽司的種類不多，以刺身丶爐端燒丶串燒、清酒為主，跟友人，點了一個迷你雜錦刺身飯丶數客壽司，當然不少得便是--海膽魚子壽司，從未試過如此鮮味的海膽，細味後陣陣馥郁的海水鮮甜，令人再三回味，可惜每人限叫一客，若要再order，便收回正價，唯有試試其他，最後，我也忍不住叫了兩隻芝士焗蠔，蠔肥大肉厚，火喉恰到好處，單看食物的賣相，也足見廚師對客人的誠意整體而言，餐廳環境一般，但侍應服務態度熱情有禮，值得推介，價錢方面略貴，因此建議食Lunch，因為有午市套餐，相對會較抵食

團購真係一個偉大的發明！可以經常發掘一啲新嘅餐廳！今次試咗係屋企附近嘅日式燒肉專門店。對於唔係住喺附近嘅人可能會有啲難搵！但其實呢條街都有好多食肆！今次買咗呢個係二人餐食嘅係A3 和牛！有蟹子沙律、麵鼓湯、主角A三和牛同飯。個蟹子沙律超大份可以睇吓幅相！ 唔知係唔係天氣凍嘅關係個麵鼓湯熱辣辣我覺得好好味同入又唔䶢， 我好少會飲晒碗麵鼓湯！本身諗住佢真係只係比幾片和牛就算！但佢有啲伴菜：有秋葵冬菇同埋蕃茄！ 賣相一流！睇得出好有誠意一啲都唔馬虎！ 個和牛係好似入口有種軟綿綿嘅感覺，味道好香！個白飯亦係伴左一啲醬汁再加 D 蔥、唔係就咁普通一碗白飯好有誠意！ 宜家呢個價錢可以試到和牛係好唔錯！ 但留意分量唔算多，男生可能要再叫一啲串燒先夠！

嘩又有新食店门面好靓諗住好贵啦，点知第一次食日式海鲜盆仲加埋和牛正丫，仲要超低喎海鮮非常鮮甜，和牛入口冇揸，不是冰鮮的，炸物粉薄，食物賣相出呼意外地靓加好味仲5貴，完全係物有所值環境超舒服，一D都5迫，反聚一流会再來丫

又發掘好野~朋友帶我到哩間新店光顧，只知道係藝人開嘅店，但無諗到入到店內真係見到高先生事事親力親為，而且好Nice!店面裝修為傳統日式設計餐牌簡約 蘋果汁 唔好比隻杯呃左，其實係蘋果汁~味道好濃郁，一睇就知唔係果汁先生啦！帶清甜蘋果味，唔係太酸~入口smooth~ 燒秋葵+燒粟米 燒秋葵好香好，入口嘅鹽味豐富左秋葵嘅味道，而且秋葵滑滑嘅口感層次豐富。 燒粟米 味道唔夠~ 燒香蕉 巧打意嘅一道，從未試過，但味道又幾好喎，不過我諗都唔易燒，因為香蕉太熟會爛晒~ 燒虎蝦 我無食所以不評價~ 燒雪場蟹腳 好惹味，而且師傅好細心地已經將殼開好了~方便享用! 燒蟶子 超級正，好新鮮好多肉，而且肉質嫩，爽口鮮甜，加埋少少帶酸味嘅汁醬，比傳統港式豉油味要特別! 燒帶子 無食所以不評價 磯燒鮑魚 最欣賞個汁醬，甜甜地好好味，而且薄切左食起上黎更爽口彈牙!其實我地仲有食到 M9和牛 嫁，只係一黎到未影得切相就比人分晒~脂肪平均，入口油份甘香，冧得黎又有咬口!